((كشف لي برقعه))

[برق الوسم]

ألا ياوجودي وجد من زعلوه وراح= بني عمه القشران ضدوه بلحاله
وحيد(ن)وابوه من الكبر والمرض قد طاح=ولاله رفيق(ن) حزة الضيق يلجاله
سبايب غزال(ن)مرني حزة المرواح=على موتر(ن) توه جديد(ن)ويزهاله
لحظني برمش العين في غفلتي ياصاح=وخج الضلوع بسهم عينه على فاله
بعدها كشف لي برقعه لين خده لاح=كما لمعة البراق في صادق خياله
فتون(ن) غنوج وعادته ذبحة الارواح=وكم واحد(ن) قدمي من الناس مغتاله
مقادير وقتي جابته لي وانا مرتاح=على الصدفه اللي ماحسبها تهياله
وانا ويش اسوي ياسعد مااقدر الذباح=تعذبت في روحي من أسباب قتاله
وانادمع عيني ياسعد مثل عد رماح=عليه القطين وترتوي من على جاله
تحيرت بامري ياسعد والهوى فضاح=وانا عيني القشراء على الزين مياله

تحياتي لكم
اخوكم محبكم
برق الوسم

[والله ماكان الفراق اختياري]

برق الوسم



قصيدهـ رائعه جدا


بل اكثر من رائعه وكلمة رائعه قليلة بحق قصيدك




تحتار اي بيت يكون اروع من الاخر
ولكن بالاخر تجدها كلها رائعه

من ذوووق شاعرها
فصح لسانك

حمد

[برق الوسم]

هلا بخوي الغالي حمد العجمي00وشكرا لك من الاعماق
على المرور والاشاده والاعجاب واناهدفي المقدس الوصول الى اعجابك واعجاب الجميع
واتمنى ان اصل الى اعجابكم بسرعة البرق0
وتسلم يالسنافي والله لايهينك ياالطيب
تحيه من القلب للقلب
اخوك برق الوسم

[مهرة الصمان]

برق الوسم صح لسانك قصيدة رائعة وجميلة لاهنت

ولك كل شكر وتقدير

[برق الوسم]

اختي مهرة الصمان مشكوره على المرور
والاشاده ولك كل التقدير والاحترام واسعدني
مرور جدا0دمتي بخير
اخوك برق الوسم

[محمد المحلكم]

يالبييييييييييييه



قصيده كفووووو



عطنى من ماعطاك الله

تقبل اعجابي

[دوحان ابن عمودان]

مقادير وقتي جابته لي وانا مرتاح=على الصدفه اللي ماحسبها تهياله
صح الساااانك اخوي بررق وصح بوحـك ... قصيده موفقه والله يوفقك..

وتقبل تحياااتي اخوك دوحان بن عمودان ..

[عـزام]

برق الوسم

جزل يالقرم

وقصيده قريتها اكثر من مره

صح السانك ودام ابداعك

وسجل اعجابى ومتابعتى

[برق الوسم]

اخوي الشاعر القدير محمد المحلكم لاهنت
على المرور والاشاده 00ولا عليكم زود يالسنافي
لك كل الود والاحترام
اخوك
برق الوسم

[برق الوسم]

اخوي الغالي دوحان بن عمودان مشكور يالسنافي
على المرور والله الاهينك ورننحرم من وجودك
انت والطيبين امثالك0000000000000
لك كل الود والاحترام
اخوك برق الوسم

[برق الوسم]

اخوي الغالي سعادة المراقب((عزام))
مشكور على هاالاطلاله والاعجاب وعسا هاالمحاولات ترقى
الى ذوقك الرفيع وتنال اعجابك00وهوهدفي
من الاعماق لك مكل الود
اخوك
برق الوســــــــــــــــــــــــم

[الهيفاء]

برق الوسم

تسلم على هذي الأبيات الرائعه

وصح لسانك ،،،،، وانشاء نشوفلك مشاركات أحلى وأقوى

أتمنالك مزيد التقدم

رائع

[برق الوسم]

اختي الهيفا مشكوره على المرور والاشاده
وان شاالله اكون عند حسن ظن الجميع وانتي الرائعه
لك كل الود والتقدير
والله لايهينك ياالسنافيه
اخوك
برق الوسم