ياللي سكنـــت ابقــيق

[دوحان ابن عمودان]

بســم الله الرحمــن الرحيــم

السلام عليكم ورحمة الله وبركااتــه ..... وبعــد

هذي اول مشااركه لي بالمنتدى وان شاء الله تعجبكــم ...


ياللي سكنت ابقيق انا فيك مغبون = وابغى اساوي بين شوفي وسرابه
في شوفتك ماودي تفداك العيون = وودي انا افداك باللي هي تستوابه

كل الكلام ابغيبتك شبه مجنون = ولاجيت وبأحظورك تاكد صوابه

وانا على خبرك وفيٍ وملعون =وكلن تمنى خوتي في حرابه

لجل اني يامي ولد يامي وملسون = والناس تدري من زمان الصحابه

الورع فينا حرش واحكاه موزون =ويجمع مابين الطيب وبين الصلابه

يفزع على شيء وعلى لاش ومن دون= ولاجا يتفاهم تلقى فيه الذرابه

يامي به امن الجود وباقيه مدفون = لو هو بيقطع لحمه افمادرابــه

بس المهم يعطي لمن هم له يجون = ويرفع بها راسه وراس القرابه

وفينا الهدايه وشيء صادق ومكنون = لكن تعودتو على ان حن اتشابه

وانا ماغير ادعيك ايا رب هالكون = تنصر قليلينك على كثر مابه

وياليتني لاجيت اباأسأل عن اظنون = القى لها شطرن يكفي اجابه

هل انت مشتاق لرؤياي بجنون= أم أنت مشتاقٌ لعشق الكتابه

فإن يكن كن مثل ماكن تكون = بس لاتعذب من هو باقي ابشبابه

والعمر فاني والبشر ميتون= ومن راح من كيفه ترى الكيف جابه

وهذي نهاية كل محب (ن) ومفتون = لاصارت الفرقا تطق عند بابه

ماتلقى فيه أمن الثقه شيء مظمون = يخاف من كسر(ن) بعد هالاصابه
وسلامتكم جميع [/poem][/frame]

[ناقد]

اخي العزيز دوحان قصيده مقبوله بما انها المشاركه الاولى لك
وان تحدثت عم الوزن للاسف هناك بعض الكسور في القصيده ربما تتجاوزها في المستقبل
وايضا هناك المداخل والمخراج من بيت لبيت يفتقد للمرونه الشعريه
وكذالك المعنى اسمح لي بأن اقول ان اغلب المعاني في القصيده ركيكه وضعيفه جدا
وانت اخي العزيز في بداية المشوار وانصحك بأن تتكتب في موضوع واحد فقط
فلا تنجرف مع طريقة الشعراء الكبار وشعراء الحداثه فأسلوب القصيده (المعلقاتيه) صعب ان تتقنه في يوم وليله
وارجوا ان تقبل النقد بصدر رحب
كما ارجو من الادارة نقل القصيده لمكانها المخصص وهو (منتدى المحاولات الشعريه)

[دوحان ابن عمودان]

السلام عليكم ورحمة الله وبركاته

مشكوور اخوي ناقد على مرورك وانتقاادك ....

وعلى فكره وضع القصيده في قسم الشعر العام رداا على انتقادك ؟؟


تقبل مني تحياتي....

[ناقد]

دوحان
ارجوا ان لا تفهم انتقادي بصورة خاطئه
وعندما قلت اتمنى ان تنقل للمكان المخصص لها كنت اريد ان يتم انتقادها في قسم المحاولات الشعريه لانه المكان الصحيح للانتقاد وليس منتدى الشعر العام
ولا الومك في وضعها في المنتدى العام للشعر لانك كنت تنظر لها انها قصيدة تستحق النشر لا الانتقاد وهذا يدل على حرصك على القصيده فهي غاليه بنسبه لك
تقبل مني كل الاحترام والتقدير
وفي انتظار قصيده اخرى للانتقاد
تحياتي لك

[دوحان ابن عمودان]

اخوي ناقد ... انا لمل رديت عليك مو لاني ما ابغى احد ينتقدني بالعكس ..

لكن المشكله انك ماخليت شيء الا وقلته .. وبعدين انا ماكنت ادري ان منتدى الشعر العام

بس للنقل .. كنت احسبه للقصايد الشخصيه بعد توني ادري ان القصايد الشخصيه تنقل

في صدى المشاعر ..

وعلى فكره من ناحية القصيده فتراني قلتها قدام شعراء لهم شهرتهم بالساحه وعرضتها

عليهم قبل انشرها واكدو لي صحتها وكان الانتقاد في المكس اللي مسويه وبس ..

واقدر اقول لك مشكور اخ ناقد على صراحتك القويه وانتقادك المحكم اللي اقدر استفيد منه

في المستقبل .. واتمنى منك التواصل الدائم معي للظهور بمستوى مشرف ..

تقبل تحياتي ..

[سعود بن مهدي]

صح لسانك يادوحان



ولبى بقيق واهلها :)


صح لسانك ياغالي

لك اطيب تحيه

[دوحان ابن عمودان]

سعوود مهــــدي

صح ابدنك... ومشكوور ياغااالي على مروورك ..

والله لايهينك على الزيااره ...

تقبل تحيااات دوحان عمودان ... وشكراااا