بـــم التعلل..لا أهل ولا وطن!!

[انتحار]

حاليا انا غير متواجد .."بغرفتي" ... السبب!؟

لاني مسافر!
:)

ياكثر ماسافر بس الغريب بالسفره هذي شي واحد!!

تلفوني (الجوال) ماسكت طول فترة سفرتي!! والى الان شغال ..

طيب ياانتحار ليش ماسكت تلفونك؟؟

ماسكت من الشباب اللي بالكويت "مقر اقامتي" !

يعني شكثر اسافر بس اول مره الناس ادق علي في هالكميه ..

وهذا مجمل حوارتاهم
-الووو
-هلا هلا
--شلونك شخبارك بو(فلان)
-بخير جعلك بخير شلونك انت وشلون الربع؟... شالساعه المباركه اللي دقيت علي فيها ؟
-الله يسلمك...قولي وينك فيه؟؟
-انا والله ماني حولك برا الكويت!
-افااا
-العلم؟
-ابد سلامت عمرك مامن شي بس مبطين ماشفناك..اسلم وسلم
-مرحبا ومسهلا!!
...

وتتوالى المكالمات على هذا النحوو.. وخصوصا الصدمه التي تعتريهم عندما يعلمون بعدم تواجدي ..بوطني!!

كنت اكلم نفسي .. والله اني صرت غالي فجأه..بس تعال لايكون انتخابات؟؟ لا مو معقوله ..لايكون يبون سلف؟؟ سلف مني انا؟؟ انسى:)

بس ناس صارلها قرون ماكلمتهم.. شعندهم؟؟

المهم

جائت الصراحه الوقحه فجأه ...

وانصدمت بالواقع

_الوووو
_هلا هلا
-ياخي وينك؟
-ياخي موجود..سلم طيب
-مافيه وقت بمشي اللحين لقطر..وينك فيه اللحين؟؟
-قطر؟؟ شالطاري؟؟شراي "جيب" ولا شنو؟؟
-ياولد انت ويييييييييييييييييييييينك؟؟؟
-ليه تصايح؟؟
-(....)ام البرود اللي فيك..ياحبيبي انا بسافر اللحين الربع ينطروني ابي "جوازك"
-جوازي!!!!!!!!!!!!!!!
-اي ابي اساااهم فيه
-انا ماني عندك .. انا برى الكويت مسافر!
-داري مامنك فووووووووووووود ابد ..طوط طوط طوط
-الو الو الو
انقطع الخط ..الشبكه تعبانه:D

..
واخيرا عرفت الموضوع شنو ..

(المصلحه )

يبون حاجه .. ولا محد درا عني سافرت قعد ..جوعان شبعان..بردان دفيان..مت حييت

المهم يبون "شي"

تذكرت فجأه ..ليش دوانية فلان عمرانه!
ليش تلفون علان مايسكت لما اقعد معه!
ليش لما اكون في مكان عام يطيرون بعلنتان! وهات ياحب خشوم..ومتون

فلان: مسؤل بوزاره فلانيه لكذا
علان: مدير قسم بمكان فلاني
علنتان:عضو (بنادي الفتاه) :)

زادت الذكرى معاي حبتين

لما تذكرت
ان فلان فضت دوانيته ومابقى فيها الا المقهوجيه
وعلان تلفونه صار اشبه "بالسايلنت"
وعلنتان صار السلام معاه بس "مصافح"

ليش فلان فضت ديوانه؟؟...(لانه تقاعد من الوزاره)
ليش علان تلفونه صار سايلنت؟؟ لانه انتقل لقسم ثاني ماله اي اهميه
ليش علنتا افتقد السلام الحار واكتفو بس بالمصافحه معه؟؟ لانها دارت عليه وصارت العضويه لشخص اخر اوفر حظ منه..

...

انا عندي نظره تشاؤميه خاصه فيني

كل ما احاول احترم البشر ..كل مااحتقرهم زياده
واولهم نفسي

لاني اركض مع اللي يركضون

احضر دوانيه عامره ..وادق تلفون باي وقت..واحب خشم ومتن...


شنسوي

الحاجه

الله يبعدنا عنها

وتخلص امورنا..بدقة تلفون وحده
:)

[ال محفوظ العجمي]

والله انك صادق يا انتحار .. صحيح ماعندنا بالسعوديه ديوانيات


لكن يبان يوم تشوفهم بعزايم بالمسجد بمكان يشوفه فيه اتصالات .. الخ


لتوطيد المعرفة او على قولك ( للمصلحـــــــــه ) واذا راحت سلطته راحت هيبته ..


لك كل الشكر .. سلمت يدااك ولاعدمناااك

[الباشا]

الاخ الكريم

انتحار

لك الشكر على الموضوع الرائع :)

[saprj]

أخي العزيز انتحار .....بداية أقول حفظك الله في الحل و الترحال

و أعادك إلى بلدك و أهلك سالما معافا ( ووينك يا أخوي أبي منك

خدمه :) ) ....

أخي العزيز ...لقد وقفت أمام موضوعك كثيرا و تفكرت في أحوالنا

و أحوال غيرنا ،ممن هم في زمننا و في أزمان سبقتنا ....فوجدت أن

داء النفاق الإجتماعي مستشري بين الكل إلا من رحم الله ، حتى أنه

أصبح أمرا طبيعيا و لا يوجد من ينكره . و بلا شك أن شكر الناس على

ما يقدمونه لنا من خدمات وواسطات في الحق هو أمر محمود ، و لكن

لا يجب علينا أن نذل أنفسنا و نتخلى عن كرامتنا لأجل أن نحصل على إلتفاتة

من رجل ذو نفوذ . فالملجأ أولا و آخيرا لرب العباد الذي خلقهم و رزقهم و

سخرهم لخدمة العباد ....و الكلام في هذا الموضوع يطول ، و آمل أن تكون

قد وصلت الفكرة ........

و كل الشكر لك أخي على هذا الطرح الراقي و نتمنى ان نراك بيننا قريبا.

[بن عجمـــــــــــــى]

الاخ انتحـــــــــــــار
لا هنت على ما قدمت لنـــــــــــا قى هذا الطرح الرائع
كل الشـــــــــكر لك

[العنــــــــــود العجمـــــي*]

الاخ انتحــار

لاهنت على الموضوع الشيق..

بس مومعقوله في ناس جذي..

ولايمكن حنا البنات عشان ما نطلع ما نشوف هالاشياء..

عمومـــا ياخوي تحمل بروحك..

وترجع سالم غانم....

[مشغول]

الاخ الكريم
ذكرتني بشي وانا قول ناسيه ..


ياحلات اللى يتمصلحون وضبطون ويتضبطون

وبالبحر يتمشون ولاضاقت خلوقهم يسافرون


كلها خمسين سنه لاضيق خلقك بايوو

[انتحار]

والله انك صادق يا انتحار .. صحيح ماعندنا بالسعوديه ديوانيات


لكن يبان يوم تشوفهم بعزايم بالمسجد بمكان يشوفه فيه اتصالات .. الخ


لتوطيد المعرفة او على قولك ( للمصلحـــــــــه ) واذا راحت سلطته راحت هيبته ..


لك كل الشكر .. سلمت يدااك ولاعدمناااك
فيه ديوانيات..شلون مافيه ؟؟:)
وعلى قولتك
اذا راحت سلطته راحت هيبته..وزيد عليها خفت فواتير تلفونه بعد
:)

شكرا للتعليق

[انتحار]

الاخ الكريم

انتحار

لك الشكر على الموضوع الرائع :)

العفو

والشكر لمرورك

يامرحبا
:)

[انتحار]

أخي العزيز انتحار .....بداية أقول حفظك الله في الحل و الترحال

و أعادك إلى بلدك و أهلك سالما معافا ( ووينك يا أخوي أبي منك

خدمه :) ) ....

أخي العزيز ...لقد وقفت أمام موضوعك كثيرا و تفكرت في أحوالنا

و أحوال غيرنا ،ممن هم في زمننا و في أزمان سبقتنا ....فوجدت أن

داء النفاق الإجتماعي مستشري بين الكل إلا من رحم الله ، حتى أنه

أصبح أمرا طبيعيا و لا يوجد من ينكره . و بلا شك أن شكر الناس على

ما يقدمونه لنا من خدمات وواسطات في الحق هو أمر محمود ، و لكن

لا يجب علينا أن نذل أنفسنا و نتخلى عن كرامتنا لأجل أن نحصل على إلتفاتة

من رجل ذو نفوذ . فالملجأ أولا و آخيرا لرب العباد الذي خلقهم و رزقهم و

سخرهم لخدمة العباد ....و الكلام في هذا الموضوع يطول ، و آمل أن تكون

قد وصلت الفكرة ........

و كل الشكر لك أخي على هذا الطرح الراقي و نتمنى ان نراك بيننا قريبا.


جزاك الله خير على الدعاء

(امر تدلل انت حروف نكي لك ) :)

كلامك جميل ...و"النفاق الاجتماعي" ضروري احيانا ومطلوب ..في ظل زمن مثل زمنا هذا...للأسف

لكن الجفوه..لما تخلص الحاجه..يعني ليه ؟!

شي مقرف صراحه

سابرج
شاكر تعليقك ..المثمر دائماً

[انتحار]

الاخ انتحـــــــــــــار
لا هنت على ما قدمت لنـــــــــــا قى هذا الطرح الرائع
كل الشـــــــــكر لك

ولا انت يا بـــن عجمـــي

الشكر لمرورك الكريم

[انتحار]

الاخ انتحــار

لاهنت على الموضوع الشيق..

بس مومعقوله في ناس جذي..

ولايمكن حنا البنات عشان ما نطلع ما نشوف هالاشياء..

عمومـــا ياخوي تحمل بروحك..

وترجع سالم غانم....

شفتي شلون؟؟..فيه ناس زي كده:)

وياما وياما بعد

والخافي أعظم
:)


اشكر دعاء العنـــــود لي
وللمرور والتعليق

[انتحار]

الاخ الكريم
ذكرتني بشي وانا قول ناسيه ..


ياحلات اللى يتمصلحون وضبطون ويتضبطون

وبالبحر يتمشون ولاضاقت خلوقهم يسافرون


كلها خمسين سنه لاضيق خلقك بايوو
أووون
:)


زيد عليها عشر سنين بعد
:)


شاكر مرور مشغول وتعليقه

[محمد بـن راشد]

انتحار ,,

جميـــــــــــــــــل موضووعك ولفتتك

هذا الخلق الميم لم بيكن وليد اللليله
أو اليل بل إنه على مر العصوور
لكنك تقصد ازدياده في هذا الزمن كيف لا وقد لهث الناس ورااء الدنياا الفانية

وخلف الماده الباليه

وأنا صراحه كتعجب من هؤلاء الناس الذين يجمعون بطاقات أو جوزات كل الجماعه
والربع ليكتتبوا فيها يذلون نفسهم لأتفه شيء

أسأل الله أن لا يجعل الدنيا أكبر همنا ولا مبلغ علمنا

والله إنشا الله يجووزك و يزووجك

[ليالي]

موضوع حلو اخوي انتحار وهذا اهو المتوقع منك :)

والنفاق موجود وتشوفه في كل مكان

في المدرسه والجامعه والدوام

الكل يركض ورا مصلحته

والعيب فينا لو كان كل واحد يمشي بالقانون كان ما عطينا مجال للواسطه وللنفاق

ها متى بترد ان شاءالله بغيت جوازك بسالفه :p

[ناصر بن فالح]

عقب موضووعك وين نحصل جوازات :)

انتحار هذي هي سنه الحياه شئنا او ابينا

تدور عجله الزمن على النحو التالي من قديم الزمان

ما الجديد وما الغريب او ان الغربه تولد المبادئ :)

[بسكوته]

انتحـــــــــااار .... :)

شكووو يسده في ويهك .؟؟؟؟ ماعنده مذهب :)


يسلموووووووووووووو عالموضوع صدقك الدنيااا مصالح

[انتحار]

انتحار ,,

جميـــــــــــــــــل موضووعك ولفتتك

هذا الخلق الميم لم بيكن وليد اللليله
أو اليل بل إنه على مر العصوور
لكنك تقصد ازدياده في هذا الزمن كيف لا وقد لهث الناس ورااء الدنياا الفانية

وخلف الماده الباليه

وأنا صراحه كتعجب من هؤلاء الناس الذين يجمعون بطاقات أو جوزات كل الجماعه
والربع ليكتتبوا فيها يذلون نفسهم لأتفه شيء

أسأل الله أن لا يجعل الدنيا أكبر همنا ولا مبلغ علمنا

والله إنشا الله يجووزك و يزووجك

بخصوص جمع الجوازات من الربع والجماعه ..مو هذي النقطه الرئيسيه لل(بربلم) :) مافيها شي الناس للناس .. وتبادل منافع لا اكثر

القصد من كلامي هي ..الوصال المؤقت !!

تنتهي العلاقه بمجرد انتهاء الحاجه ..

وهذا هو (القرف) ..المقصود

شكر مرورك وتعليقك الكريم

بس اخر شي كانك دعيتلي اني اتزوج؟!
او قريت غلط انا
:)

[انتحار]

موضوع حلو اخوي انتحار وهذا اهو المتوقع منك :)

والنفاق موجود وتشوفه في كل مكان

في المدرسه والجامعه والدوام

الكل يركض ورا مصلحته

والعيب فينا لو كان كل واحد يمشي بالقانون كان ما عطينا مجال للواسطه وللنفاق

ها متى بترد ان شاءالله بغيت جوازك بسالفه :p

نمشي بالقانون ليش مانمشي...بس اهم شي تكون سكة القانون عريضه وتفي بالغرض.. لكن بسلك القانون الرفيع المتهالك هذا...صعب المشي فيه

شاكر المرور والتعليق
ست ليالي
:)

[انتحار]

عقب موضووعك وين نحصل جوازات :)

انتحار هذي هي سنه الحياه شئنا او ابينا

تدور عجله الزمن على النحو التالي من قديم الزمان

ما الجديد وما الغريب او ان الغربه تولد المبادئ :)

بروج عاجيه ..نتخيلها ونتأمل ليست بالغربه.. بل عند استرخائنا "بشط الأمان"" ..وعند وقوع الواقعه تتلاشى تلك التأملات..

لتكن مبادئ حتى لو من ورق

المهم موجوده


نتمنى

ونشمأز
:)

قبلاتي ارسطو على خدك الايسر
:)

[انتحار]

انتحـــــــــااار .... :)

شكووو يسده في ويهك .؟؟؟؟ ماعنده مذهب :)


يسلموووووووووووووو عالموضوع صدقك الدنيااا مصالح

من قال سده!!
انا قلت الشبكه تعبانه
:)

راجع ماسبق وذكر


شاكر مرور بسكوته وتعليقها
:)