هـــذا رد المطيريـــة على العجــمي

[معاليق الحشى]

رد المرأه المطيريه على الشاب العجمي

كبيره في السن على شاعر قبيلة العجمان ضيدان بن قضعان وهذا رد المراه المطيريه وهي



الشاعر ضيدان كتب قصيده مادحا فيها الامير ضيدان بن حثلين حيث ان


جاء فيها :


سلام الله من ضيدان بن منصور بن قضعان
....................على ضيدان بن راكان بن ضيدان بن حثلين



الى ان قال :



ذاالحين والتاريخ و ( الصمان )
....................وريث اهل الشداد اللي عليه العلم الا ابو خالد وريث المجد




قصيدة ضيدان جزله والامير ضيدان بن حثلين ماعليه كلام لا كن الذي لم يعجب المراه




قول الشاعر بأن ابن حثلين وريث الصمان مع العلم ان الصمان هي موطن الدويش أمير قبيلة مطير





فـــتردت قائـــله :





ردوا سلامي لابن قضعان واقرابه ..... تحية(ن) له من الصمان مندبها


يانعم بالاجودي شبل شمخ نابه ..... ضيدان من لابة(ن) تتعب محاربها


ياناس قولوا لابن قضعان وش صابه ..... مثله يعرف الحقيقه كيف يقلبها


حنا هل الصلب والصمان واطنابه ..... وشيوخنا من قديم العهد منصبها


دار(ن) لعلوى هل الطولات كسابه ..... للعز وان جا نهار الهوش نطربها


وان كان صاحت لها الدوشان طلابه ..... ياسعد منهم ربوعه ويتعزوبها


دار(ن) لفيصل زعيم القوم واصحابه ..... أخوان جوزا لها والفخر منسبها


من عهد وطبان الاول هوش وحرابه ..... كل القبايل عن الصمان نرعبها


من دونها لابتي يانعم من لابه ..... حمر النواظر تعدي عن مشاربها


مطير من دونها للروح جلابه ..... من المدينه لحد السيف مكسبها


من دونها يشبعون الذيب وأعقابه ..... كم شيخ قوم ذبح قبل يخطبها


حاضر وماضي هذا التاريخ واقرابه ..... وترى الحقايق شهود الحق تنسبها



منقــول

واتمنى ان الموضوع ينال على اعجابكم

تحياتي لكم
معاليـق الحشــى

[العنــــــــــود العجمـــــي*]

لاهنت معاليق الحشى على القصيده...

[booa7]

لا هنت يا معاليق الحشى
وصح لسان المطيريه
ونعم بمطير
والنعم الف بالعجماان
يسلموووووووووو
تحياتي

[مهرة الصمان]

معاليق صح نقلك والشاعرة المطيرية معروفة

لاهنتي على النقل ولك تحياااااتي
والشاعر ضيدان ابن قضعان معروف بشاعريتة لاهان
ولك كل الشكر والتحية

[معاليق الحشى]

الف الف شكر على ردودكم

تحياتي لكم جميعاً

معاليـق الحشى

[خوالي عمامي]

الشاعرة حفيدة .... الشيخ سلطان البعيّر .. شيخ الخواطره من علوى الذي قتله براك(جليد) بن هاشله العرجاني من جماعة الشاعر ضيدان بن قضعان العرجاني!

وذلك في مناخ الصليب الذي أزاح به العجمان مطير عن الصلب من الصمان ؟

[بسكوته]

لا هنتي عالنقل الرااااااااائع :)

[بنت حمران النواظر]

صح لسان المطيرية

وصح لسان ضيدان بن قضعان


والنعم فيهم أثنينهم

تسلم معاليق الحشى عالنقل...

[ال محفوظ العجمي]

نقل اكثر من رائع .. لك الشكر بعد الله ..

[العسعوسي]

السلام عليكم ورحمة الله وبركاته
صح لسان الجميع والله يبعدنا عن الحزازات والماضي وكل عود وفيه دخان
شكراً

[فهد]

لاهنت ومشكوور على النقل وصح لسانك ولسان ابن قضعان ولسان المطيريه

[نايف الشامري]

صح السان الشاعر بن قضعان ولا يهونون الجماعه

[الاحرش]

اللة لا يهينك يا معاليق الحشى على ذا المشاركه الحلوة



وصــــــــــــــــــــــــــــــــــــــح لسان ابـــــــــــــــــــــــــــومنصور



وصــــــــــــــــــــــــــــــــح لسان المطيريه





مع وتحياتي

[ضامي]

لا أدري ما المغزى الحقيقي



ل معاليق الحشى



من طرح مثل هذا الموضوع في هذا المنتدى بالذات







عموما سوف اقول بان



"ناقل الكفر ليس بكافر"




ونصيحة ل معاليق الحشى


"ما كل ما يعرف يقال



وما كل ما يقال حضر اهله



وما كل من حضر اهله حضر وقتة"





ولسنا بصدد مجادلة النساء بامور التاريخ

[وضاح0]

بصراحة يا الربع انا ماشوف ولا يملا عيني الا عيال عجيم قولوا مغرور اقول يحق لي انا يااااااااااااامي

[فزاع]

نقل رائع

مشكور ياعزيزي

[صاحب السموء]

قصيده جميله ورد جميل


ولكن يفترص انه على نفس الوزن ونفس القافيه


هذا ولكم كل تقديرى واحترامى

[عجمية ولي الفخر]

السلام عليكم ورحمة الله وبركاته


سلمت يمناك معاليق الحشى على النقل اللي ولا اروع ولا هنت ......

صحيح ان قصيدة المطيرية عجبتني حيل وتهبل .......بس ترى الصمان من يومها مرتبطه باسم قبيلة العجمان ويام ..... ولو تسال اي واحد ولو كان بزر بيجاوبها انها منطقة العجمان .....


عموما حنا صدرنا واسع ورحب ونتقبل أي شي ينقال لانه ماراح يقدم ولا يأخررررر في شي .....
والنعم بك اخوي وضاح وبيام كلها هل الصولات ....

[line]


مع تحياتي :: شيخة الزين