المساعد الشخصي الرقمي

مشاهدة النسخة كاملة : منو محترف للمضاربة اليومية للأسهم الكويتية؟

مطيرية عجمية
23-01-2006, 01:19 AM
خاطري اشتغل بالاسهم
بس معلوماتي ميييييح

سمعت ان المضاربة اليومية او الاسبوعية تحقق ارباح زينة
يقولون تقدر تطلع بالاسبوع ما لا يقل عن 50 دينار وما فوق

وبما اني عندي كم دينار
قلت بدال لا احطهم وديعة بالبنك خلني اجرب حظي بسوق الاسهم

لكن ابي مسااااااااااعدة
هل فعلا المضاربة اليومية او الاسبوعية تحقق ارباح معقولة؟
وكيف تكون؟ وهل فيها مخاطرة وخسارة؟
وودي اعرف شلون اتابع الاسهم واجري عمليات البيع والشراء من خلال الانترت فقط


هل من مساعد؟ هل من مجيب؟
وله نسبة من الارباح( لا تصدقون ترى امزح)



لاتعطوني مواقع لاني دخلت كذا موقع بالمضاربة وطلعت ما فهمت شي
ابي احد يبسط الشرح
حـزامـ الـعـجـمـي
23-01-2006, 01:26 AM
هل من مساعد؟ هل من مجيب؟
وله نسبة من الارباح( لا تصدقون ترى امزح)

هههههههه

مــانــي كويـــتي


بــيــجــون وبيــعلمــونـــش



بــس اذا لـــي النـــص بعلمـــــــــش
ههههههه


يالله انتظــــــــــري منـــــــــهم الــفائـــــــدة
تريكي
23-01-2006, 01:38 AM
شوفي انا ما عندي خبر بس اللي اسمعه ان سوق الكويت
يعتمد علي معلومات من (هوامير)
وبما انج بنت احسن لج حطي فلوسج وديعه ابركلج
الا اذا احد من الشباب يقدر يساعدج ما ادري
وعلي العموم تراء يمكن نبي سلف !!!!!!!!!
مطيرية عجمية
23-01-2006, 01:56 AM
وعلي العموم تراء يمكن نبي سلف !!!!!!!!!

بدا الطمع
قلت كم دينار
ما قلت كم مليون

والله ترى اتكلم جد
ابي اصير سيدة اعمال
العنــــــــــود العجمـــــي*
23-01-2006, 01:59 AM
هلا فيج اختي مطيريه عجميه..
انا عندي بعض الخبره بما اني ادرس هالمجال...
ولاني دخلت البورصه وعرفت ايجابياتها.....

للعلم ايجابيات البورصه كثيره بالنسبه لسلبياتها ........
شوفي اختي اذا عندج مال ولو كان قليل.... شوفي الشركه اللي لها سمعه ونازل عندها المؤشر بسبب ظرف ما وادخلي فيها وراقبي الارتفاع حتى لوكان دينارين انتي ربحانه في الاسبوع اقل شي من 50 دينار الى ما فوق...
لان ابوي مساهم في البورصه الكويتيه....بما انه كويتي الاصل..وسألته بالنسبه للمستثمر الصغير..قال :دائما المستثمرين الصغار يربحون لان راس المال يكون بسيط ويبيعون لمجرد ارتفاع المؤشر دينارين او اربعه..
بعكس المستثمرين الكبار اللي يحطون راس مالهم الكبير بالملايين وفي الاخير اما يربحون ربح قوي او خساره فاااااادحه....

هل فعلا المضاربة اليومية او الاسبوعية تحقق ارباح معقولة؟
نعم....بس عينج على المؤشر ....لان يطلع وينزل بغمضة عين..وعلى حسب الظروف السياسيه...لانها تأثر..
وانا انصحج انج ما تشترين وتضاربين عن طريق الانترنت..افضل شي يكون عندج مندوب ويكون متابع اول باول ويتابع ويبلغج...ويبيع ويشتري ويكون على اتصال وياج دوم او مع احد من اهلج..ولو بمسج...(هاي الاسلوب اللي انا اتبعه فالبورصه من 3 سنين)والحمدلله ماشي الحال..

واتمنى اكون افدتج بشي...والله يوفقج ياحبيبتي...

العنود العجمي...
مطيرية عجمية
23-01-2006, 11:59 PM
العنود العجمي

يعطيج الف عافية

والله شجعتيني

مع ان في بالي ان البورصة ما تصلح الا للرجاجيل
لكن ردج يدل ان الحريم يقدرون ينجحون فيها

انا بأحاول اقرأ عنها اكثر ويمكن ادخل دورة
بس كنت حابة اعرف اذا تطلع ربح زين ومعقول والحمدلله كلامج يشجع

وبالنسبة للتداول باللانترنت انا مضطرة على الانترنت لان ماعندي احد فاضي لي

ومشكووووووووورة مره ثانية
انشاء الله انا وياج نصير من هوامير السوق مستقبلا:D
العنــــــــــود العجمـــــي*
24-01-2006, 03:19 AM
هواااااااااااااااامير مره وحده ............هههههههههههههههه

قولي من زبيديااااااات السوووووووووووق

ههههههههههههههههههه


الله يوفقج حبيبتي..............
العبدالله
24-01-2006, 03:41 AM
السلام عليكم ورحمة الله وبركاته
نعم اختى مطيريه عجمية كلام الاخت عنود صحيح لكن ابي اضيف شيء بسيطه واعتبريها نصيحه من اخ ابتعدي عن الشركات الربويه امثال البنوك وماشابه لانه مشاريعها تبنى على فلوس ربويه والعياذ بالله والربا من الكبائر
فبتعدي عن هذه الشركات حتى لو كان الربح مضمون وكبير
اسأل الله تعالى ان يوفقك
ودمتم سالمين
العبدالله
العنــــــــــود العجمـــــي*
24-01-2006, 05:02 AM
شكرا اخي العبدالله على الاضافه القيمه...http://www.asmilies.com/smiliespic/ar_welcome/6_asmilies-com.gif
غرنوق
24-01-2006, 09:01 AM
انصحش بالشركات الاستثماريه والخدمات والابتعاد عن الشركات الربويه

واذا موفاضيه موفاضيه وخايفه تخسرين عندش الصناديق الاستشماريه

ونصيحه منى لش تابعى بيت التمويل الخليجى بقسم الشركات الخليجيه فى السوق

والله يوفقش

اختش غرنوق
مطيرية عجمية
24-01-2006, 09:29 PM
ابتعدي عن الشركات الربويه امثال البنوك وماشابه لانه مشاريعها تبنى على فلوس ربويه والعياذ بالله والربا من الكبائر



جزاك الله خير

انا الحمدلله ما اتعامل مع اي بنوك ربوية
وقبل لا ادخل الاسهم سألت عن شرعيتها
فقالوا ان هناك بنوك وشركات ربوية
لذلك راح ابتعد عنهم واتعامل فقط مع الاسهم الشرعية


اللهم اغننا بحلالك عن حرام
مطيرية عجمية
24-01-2006, 09:33 PM
انصحش بالشركات الاستثماريه والخدمات والابتعاد عن الشركات الربويه


والله يوفقش

اختش غرنوق


تسلمين على النصيحة
عبدالرحمن الرتيبان
24-01-2006, 09:43 PM
والله يا اختي مطيريه عجميه هاجريه عتيبيه .......الخ

اقول اذا تبين ترتاحين دشي بالاسهم الي طايحين فيها هالايام الي هي الاكتتاب وكل ما تسمعين انا في شركه جديده روحي سجلي فيها وبعد ما تفتح شوفي الارباح

وهذا حسب خبرتي

ولحد يزعل مني بس انا طبعي اتغشمر هههههههه اضحكي عاد خلاص
admin
25-01-2006, 03:41 PM
السلام عليكم ورحمة الله وبركاته

أعتقد مافي شي مستحيل في سوق البورصه وتوقعي الغير متوقع دائما ولكن بكل تأكيد الاكتتاب هو الافضل

اما بخصوص المضاربه اليومية فأنا انصحك بالتعاون مع الأوسط للتداول الأكتروني الذي يسهل عليك عمليات البيع والشراء في السوق الكويتي والامريكي وسوق دبي وانتي في المنزل

https://www.alawsat.com/servlet/ControllerServlet

اما اذا كنتي تريدين دوره تأهلك للمضاربه والدخول في الاسواق المحلية والعالمية فأنا انصحك بالتسجيل في دورة المؤشر والتي سوف تقام في فندق الهيلتون شاطيئ المنقف تحت إشراف المهندس سيف العجمي




مع تمنياتي لك بالتوفيق
العنــــــــــود العجمـــــي*
25-01-2006, 04:54 PM
اخي الفاضل...فهدالعبااااار

لاهنت عللى هذه الخبريه المهمه...

ولاهنت...

يالله مطيريه روحي الدوره ..........جااات لي عندج..