المساعد الشخصي الرقمي

مشاهدة النسخة كاملة : مـنـقـبـات << ( ســـوق الـفـحـيحـيـــل )

ريان العجمي
29-12-2005, 10:32 PM
يوم الربوع عصير .. من ضيقي سريت *** ماكان لي حاجـه .. ولاعنـدي جهـات

طرى علـي سـوق الفحيحيـل وبغيـت *** آخذ غرض واشـوف لـي مستلزمـات

زحمه ولاعينـت مصفـط يـوم جيـت *** وقفت فـي مصفـط غلـط بـه لافتـات

نزلت احاتـي واطلـب الحـظ البخيـت *** وانـا معـاشـي راح .. بالمخالـفـات

امشي واشوف الناس كنهـا فـي مبيـت *** ونظرات عيني للمـلا صـارت شتـات

واشوف كن السوق لاهـل الزيـن بيـت *** ماكـن ربـي حـط فيـه الا البـنـات

كحٌلـت عينـي بالمزايييـن ورويــت *** قلب ٍ رهيٌـف مـن ظمـا الايـام مـات

كبـدي تقطُـع مـن هوايـل مـارأيـت *** من شوف .. ترفات الغصون الناعمـات

ان شفتكم يا ( منقبات ) اقـول : ليـت !! *** واقول : آآآه ان شفتكم يا ( مبرقعـات )


اللـي يلومـك يالـهـواوي لا هـويـت *** قلـه سـلام .. ويالله اسألـك الثـبـات
محمد عبيد
29-12-2005, 11:49 PM
:):):):)

اشهد ان القلوووب خضر

صح الله لسانك جزل ووافي

اطيب التحايا

ابو عبيد
امبراطور العجمان
30-12-2005, 02:16 AM
ان شفتكم يا منقبات اقول ليت
واقول اااه ان شفتكم يامبرقعات
صـــــــــــح لسانك على ذا القصيده هيضتنا وحنا قلوبنا خضر ههههههههههههههههههههههههههههههههه :d:d
الـــصـــعــــب
30-12-2005, 09:39 AM
السلام عليكم


ريان العجمي صح لسانك



اخواني المشرفين كلنا نعرف ان القصيده هذى




للشـاعـر // سعود بن مهدي



وهو عضو وشاعر معنا بالمنتدى الشامخ


وحتى تكون الحقوق محفوظه نترك لكم هذا الشأن



تحياتي للجميع
الجويّر
30-12-2005, 01:48 PM
السلام عليكم ورحمة الله وبركاته





اخوي ريان 0 هل الكلام اللي قاله المميز عن القصيده صحيح ؟




وياليت يشاركنا الشاعر سعود بن مهدي عشان يتطلع على القصيده






وفي انتظار الشاعر سعود
ريان العجمي
30-12-2005, 09:17 PM
يعيطكم العافية شبااب بصراحة هذي قصيدة ما ادري لمنو بس شفتها بأحدى المنتديات وحبيت انقلهاا لكم و كان شاعرها سامح لنا جزاة خير وسامحونا على هذا الخطأ
الجويّر
30-12-2005, 09:39 PM
السلام عليكم ورحمة الله وبركاته



اخوي ريان القصيد المنقول يكتب في الشعر العام




وانت مدرك ان صدى المشاعر للشعـّار نفسهم لاني قبل هالمره نقلت لك قصيده في الشعر العام




والقصيده هذي رجعت الله يهداك وحطيتها في صدى المشاعر مره ثاني ولا حتى ذكرت صاحبها


واذا الشاعر سعود سامحلك ترى الشاعر سعود موجود في المنتدى ويشارك ويانا بقصائده



فياليت انك تضع الموضوع في مكانه الصحيح



والله يعطيك العافيه اخي ريان
فزاع
31-12-2005, 03:17 PM
قصيده رائعه تشكر عليها ..لك تحيتي واحترامي
سعود بن مهدي
01-01-2006, 03:21 AM
صبحكم الله بالخير


:) صراااحه الموضوع متلخبط


لكن انما الاعمال بالنيات


انا اتوقع ان ريان العجمي مو قصده انه ينسب القصيده له

ويمكن يوم خذاها من المنتدى مادرى ان القصيده لي :)


الغالي الجويٌر والمتميز

القصيده هذي لي وانا مانشرتها الا بمنتدى النداوي والبراك

وشكركم على موقفكم الطيب وجعل شسيبانكم الجنه



ووجعلها فدوه لريان وانشالله انه كان على عفويته


ولكم اجمل تحيه


اخيكم سعود
gravity
01-01-2006, 03:29 AM
صح لسان شاعرها سعود بن مهدي وسلمت يد ناقلها ريان :)

ويعطيكم الف عافيه ...

أختك


الجاذبيه
سعود بن مهدي
02-01-2006, 07:51 AM
صح بدنش جاذبيه

وشكرا على المرور والتعقيب :)


مع التحيه