المساعد الشخصي الرقمي

مشاهدة النسخة كاملة : قصيدة الشاعر سالم الحويله بمناسبة تخرج اخيه مشاري


حـمـد الـحــويــلــه
23-12-2005, 06:42 PM
مشاري

تحمل الغربة ونال الشهادات
لامن وصفتة بالمثايل مشاري

اربع سنين مكافحن بالامارات
ولاطراله غير الأمجاد طاري

شال المتاعب والتعب والصعيبات
ولا تعب من شيل الاتعاب ضاري

اخوي له في ماقف المجد وقفات
انا بفعله بين ربعي اماري

لي فيه لامني تهقويت هقوات
عضدي يميني ما يجي عن يساري

مرفوع راسه وارتفع فيه هامات
ربعه وانا بينت فيه افتخاري

عشنا السعاده والفرح والمسرات
في رجعته للعز شفنا مواري

لامن وصفته في جزيل العبارات
حرن تنهض حين شاف الحباري

له في فياض الفعل لاهد هدات
جسرن ولا هو بالهداد انكساري

حقق طموحاته وحقق طموحات
ناسة بعد ما خاض ذيك المساري

بين النجوم نجوم ماهن سهالات
ماحازهن كود الشجاع المجاري

رجال من رجال مافيه هفوات
دايم لزين الفعل بالفعل شاري

ما غرته دنيا الرخا والملذات
كافح بجهد وجد ماله مباري

واليوم يومنه رجع بالشهادات
لى الفخر افخر برجعة مشاري

عيد بن شدقان
24-12-2005, 01:45 AM
اولااا نبارك للاخ مشاري على التخرج ونتمنى له التوفيق

ويستاهل


وصح السان الشاعر/سالم الحويله

ولاهنت يالعنكبوت
والله يعطيك العافيه

@منسـ على ددسن ـــم@
24-12-2005, 01:52 AM
مبروووووووووووووووووووووووك



وعقبااااااااااااااااالي

والله ان امه داعيه له
شهاده وقصيده
والله ان هذا القصيده تسوى له مية شهاده

خصوصا انها من اخيه

الله يهنيهم ويخلي كلهم للثاني



العنكبوت


صح السانك الوووووووووووف
وصح السان سالم الحويله ملالالالالالالالالايين
ومبروووووووووووك لمشاري مليون مبرووووووك


تحيااااااااااااااااتي
رااااااااعي اااااااااااااالددسن

فلاح بن ملبز
24-12-2005, 05:02 PM
الف الف مبروك لـ مشاري الحويله ويستاهل كل خير

وصح لسان شاعرها / سالم الحويله

وصح لسان ناقلها / العنكبوت

وله جزيل الشكر

حـمـد الـحــويــلــه
24-12-2005, 11:30 PM
السلام عليكم ورحمة الله وبركاته

اولا اشكركم على مروركم الجميل ويستاهل بوهادي كل خير ولكم ولمنتدى العجمان
كل الشكر ولكم خالص تحياتى

اخوكم العنكبوت

متعب الوقت
25-12-2005, 09:58 AM
مبروووك لمشاري وصح لسان اخو مشاري قصيده حلوه في موقف معبر

حـمـد الـحــويــلــه
01-01-2006, 09:49 PM
السلام عليكم ورحمة الله وبركاته


اشكركم على مروركم الجميل وصح ابدانكم جميعا والله يبارك باعماركم انشالله
وقبالكم انشالله ولكم خالص تحياتى

اخوكم : العنكبوت

والله ماكان الفراق اختياري
14-01-2006, 11:01 PM
تحمل الغربة ونال الشهادات
لامن وصفتة بالمثايل مشاري

اربع سنين مكافحن بالامارات
ولاطراله غير الأمجاد طاري

شال المتاعب والتعب والصعيبات
ولا تعب من شيل الاتعاب ضاري