تسجيل الدخول

مشاهدة النسخة كاملة : من يزيد معلوماتي ياعجمان ؟؟؟

ريح الشمال
22-12-2005, 08:19 AM
الأخوه العجمان السلام عليكم ورحمة الله

لدي سؤال للأخوه العجمان وأتمنى منكم زيادة معلوماتي

ماهي ضلعان أبو ظهير وأين تقع ؟؟؟

ماهي الصلب ، وماذا تعني كلمة الصلب ، هل هي أرض صلبه بالمعنى أم رمليه ؟؟؟

أرجو الأفاده وشكرا .
عيد بن شدقان
22-12-2005, 07:59 PM
ابن شعلان
مرحبابك ومسهلاا
وابشر انشالله اني بفيدك
ابو ظهير ظهره ممتده طويله وضلعاان
واللي يحظرني منهاا ام زور وحذار وامسيبعه وفيه كذاا ظلع ولكن ماتحضرني اساميهاا
وبالنسبه لموقعهاا
وهي تقع في الوادي
قبلي الصراار وتقريباا تبعد عن الصرار 10 كيلو


والصلب
على حسب علمي انهاا قااع صلبه
ومن اسمهاا بين


واتمنى اني قد افدتك

ولك تقديري
مـحمـد
23-12-2005, 06:49 AM
السلام عليكم ورحمة الله وبركاته
حياك اله يابن شعلان وانشاءلله ان الاخ ذياب افادك عما تريد فليست لي اضافه اكثر من اضافته:)
نـاصـر
23-12-2005, 11:48 AM
الله لايهينك ياذياب على افادتك للأخ بن شعلان واحب اضيف ان الصلب هو الصمان لأنهُ كما هو معرفون ان ارض الصمان ارض صخريه صلبه

وبالنسبه لمسيبعه فا اعتقد يا اخ ذياب انك اخطئة

واذا حصلك المراح لغنوه انشالله وانت طالع من مفرق عنوه اشبح على ايدك اليسار وشف الضلع الكبير ترا مافيه غيره وتراه مهوب بعيد من الصحاف لاشفته لاتنسا اتقول الله يجزاك خير يابن هادي:d:d:d:d


عاد انت اسمحلي يمكن التوصيف شوي دجه وأنت سيد العارفين يابو محمد:d:d
الفايز
23-12-2005, 02:26 PM
شكرا للأخوان اللي قاموا بالتوضيح

أما بالنسبه للصلب يابن شعلان فهي ارض نوعا ما صلبه تكون في طرف الصمان ، من جنوب ، والصمان هذا أرض خصبه مرتع للحلال وارض كمأه (فقع) ومرعى ومياه حلوه في السابق ، وهي فيها مخيم النايف ، وانشاء اذا جيته الأسبوع القادم كما وعدته سوف نريك الصلب والصمان ونروح لأبوظهير ، واذا تبي ربعك ال فاران فهم قريبين انشاء الله .

والنايف يقول لا تتأخرون علي

وهذا ما عندي ياشيخ
عيد بن شدقان
23-12-2005, 05:35 PM
بن هادي
في ضلع اسمه ام سبعه وفيه ضلع اسمه مسيبعه
امسيبعه قبلي الصرار
وام سبعه هي اللي قبلي الصحاف
يابو عامر افهمني :)
وفيه فرق بين ام سبعه ومسيبعه
واتمنى اني افدتك
أبـــوسعـــــود
23-12-2005, 08:29 PM
السلام عليكم ورحمة الله وبركاته




أخوي ذياب


بنسبه لمسيبعه ......وهي على طريق الوادي العام وانت متوجه صوب الجنوب

تاتيك بعد الونان على يدك اليسار ....مقابله محطة أبن بين تقريباً.




وهذي المعلومه الأكيده طال عمرك.
نـاصـر
24-12-2005, 01:20 PM
لا عاد مسيبعه

اسمحلي يابو محمد اللي قبلي الصحاف هي مسيبعه مهيب ام سبعه

ومسيبعه حبيبي اعرفه مثل ماعرف ضلع رخام اللي عندنا في الكويت

هذا لاتناقشني فيه يابومحمد
العنــــــــــود العجمـــــي*
19-01-2006, 09:23 PM
لاهنت على سؤالك..لان فيه افاده للجميع
والله ماكان الفراق اختياري
19-01-2006, 09:40 PM
لاهنتواا على ما وضحتوا لنا




حمد..
Abdulmohsin
09-02-2006, 02:24 PM
ابن شعلان

ابو ظهير مثل ما قال عيد ابن شدقان

اما الصلب نعم ارض صلبه وتقع جنوب الصمان وتقع بين المنسونيه وربيدا

والمنسونيه:- شرق الدهناء
وريبدا:بين اصلب واشعب

ويقول الشاعر ابودياس في قصيدتة المشهوره

اوصلك لو دونك نبا حمر الاطعاس** والصلب والصمان دروب عسيره

على العموم الصلب تقع على خط خريص الاحساء القديم

وسلامتكم
alaajm
20-02-2006, 07:45 PM
السلام عليكم ورحمة الله وبركاته




أخوي ذياب


بنسبه لمسيبعه ......وهي على طريق الوادي العام وانت متوجه صوب الجنوب

تاتيك بعد الونان على يدك اليسار ....مقابله محطة أبن بين تقريباً.




وهذي المعلومه الأكيده طال عمرك.



مسيبعه قالها لكم أخوي الكريم / مليحان وصفها لكم بالضبط

وانا مع مليحان برأي لأني متأكد منها أكثر من إسمي هي شرقي الونان
وجنوب غنوة وبالضبط جنوب من مزرعتنا ولا لا يا بن هـادي :)
القايد
22-02-2006, 12:08 PM
الله يعطيك العافيه يابن شعلان على الموضوع الطيب اللي اثار جدل الاخوان>>المهم<< بالنسبه للموضوع المطروح عن ابو ظهير فهو يقع قبله من الصرار وجنوب ظلعين <الهياتين> اما بالنسبه للصلب فسمي بهذا الاسم لان ارضه صلبه وهو منابت للفقع ولان الفقع لايظهر في القاع الدماث والصلب هي اخر ارض تربع ويبدا الصلب من اخر الوادي من غرب هذا على حسب معلوماتي البسيطه هذ واسمحولي اذا اخطيت او غلطت (ومشكورين)
فزاع
05-03-2006, 04:44 PM
ابو ظهير قبله من القليب والعيينه
ريح الشمال
05-03-2006, 05:09 PM
الأخوه الأعزاء الله يعطيكم العافيه

وقد زرت هذي الأماكن بعد سؤالي بفتره واطلعت عليها

واشكركم لطيبكم وحفاوتكم

كما أشكر النايف والفايز أصحاب الدعوه الكريمه

وأشكر كل من تفضل علينا بكرمه وفضله وطيبته

فهي ليست غريبه على ابناء العجمان

لكم كل شكري وتقديري