لغز قديم و يدور الحل

[سياتل]

هذا لغز سامعه من زمان و تو ما طرى علي
و حله من الربع اجزاء
والي بيجيب الاربعه كامله هو راعي الحل
يعني لو حليت ثلاث و اخطيت بالرابعه تعتبر اجابتك خطأ

اللغز هو

















((((أنشدك عن شمس ماتغيب ؛ ورجل مايشيب ؛ وبنت ماتجيب ؛ وجرح مايطيب ))))

يالله همتكم ترى سهل و قديم .

[كويتي]

والله ياخوك لي نص ساعه افكر ماكو فايده :(

ابي انشد الشايب وردلك خبر :)


تحياتي

[alajmiali78]

مرحبا يا سياتل حيه وحي ما جابه اسمحلي اشارك بحل اللغز :

الشمس اللي ما تغيب هي الحق .

والشايب اللي ما يشيب هو الغراب .

والبنت اللي ما تجيب هي البغله .( تكرمون ) الظاهر ماني متاكد منها .

والجرح اللي ما يطيب هو العار .

واتمنى انك ما تبخل علينا بما عندك من الغاز .

وتحياتي للجميع .

[سياتل]

حياك الله يا علي العجمي
و مالك لوا الحل غير صحيح

[alajmiali78]

شلون غلط يعني كلها غلط ولا فيه شي صحيح وشي غلط ؟؟؟؟؟؟ وحدد الغلط يا سياتل .

[ابوتركى]

شمس ماتغيب--------------الاسلام


بنت ماتجيب----------الكعبه

جرح مايطيب------- اعتقد فرراق الاحبه


شايب مايشيب-----اعتقد الحجر الاسود


عساه صح

[فراس]

هلا يا ستايل

الي ما يشيب الغراب

والجرح الوادي

والباقي برجعلك اذا عرفتها

تحياتي

[سياتل]

لاهنتوا يا اخوان غلى المرور و المحاوله
لكن للاسف محد حل اللغز لا الحين

و مثل ما قلت في البدايه الي بيجيب بعض الحلول فقط تعتبر اجابته غلط
و اسمحولي ما اقدر اقول شنو الصح و شنو الغلط في اجاباتكم

[حبيب]

الاخ ستايل

السلام عليكم ورحمة الله وبركاته

هذي اول مشاركة لي معكم في هذا المنتدا الشامخ

وعندي رمعه

شمس ماتغيب ///سمس الاسلام


جرح مايطيب///فراق الاحبه

بنت ماتجيب///الدنيا

شايب مايشيب///الغراب


ولك كل الشكر والتقدير

اخيك //حبيب

[reeem]

مرحبااااااااااااااا


اذا ممكن اجاوب عن اللغز وانشاء الله اكون قد حليته صح

الشمس اللي ما تغيب : شمس الاسلام
رجل ما يشيب : الغراب
بنت ما تجيب :الارض الجدباء
الجرح اللي ما يطيب : جرح الكرامة

[admin]

انا بشارك في هذا اللغز وان شاءالله تكون اجابتي عليه صحيحه
أنشدك عن شمس ماتغيب ؛ ورجل مايشيب ؛ وبنت ماتجيب ؛ وجرح مايطيب

1- الشمس اللي ماتغيب اعتقد انها راية الاسلام
2- ورجل مايشيب اهو الغراب
3-وبنت ماتجيب اهي الكعبه
4-وجرح مايطيب اهو العار

اتمنى ان تكون اجابتي صحيحه
وعلما ان اخونا سياتل حاليا معتذر عن دخول المنتدى للنشغاله في الدراسه
وان شاءالله اذا رجع لنا يبلغكم ان اجابتي صحيحه :)