من يخطب الحسناء لم يغله المهر..!!

[انتحار]

خبر مفرح وسخي وجامد..

منح الحكومه الكويتيه " للكويتيه" الفين دينار "عانيه" عند زواجها اول مره ...

احسبوا معاي..الفين دينار للزوجه +اربع الاف للزوج= 6الاف دينار كويتي!

انسوا معاي الحسبه اللي حسبناها قبل شوي ..

جرت العاده عندنا بالمبالغه بتكاليف الزواج.. يعني المبلغ المقدر للزواج يصل من (15) الف دينار وانت طالع ماله سقف طبعاً..

من مهر وشبكه وتاثيث وليلة العرس ..(وياليل الليل ياليلة العرس)والخ والخ ..

طبعاُ مو الكل لكن للاغلبيه و الاغلبيه ..

اهيا عاده وسلم مزعج ومشكله اجتماعيه الناس "وهقت" نفسها بنفسها .. اثارها كبيره وخطيره ..

اتجاه الزوج المغلوب على امره من جراء هذه العادات اللي مالها اصل ولا فصل الى البنوك الربويه كابسط حل

اجتناباً منه .. لذل السؤال للناس...وتبيض الوجه.."وجيزه من جيز ربعه" لاهو اقل منهم ولا هو اكبر منهم ...

من اتجاه لتلك البنوك يتم التقييد والتقطيع والكئابه الا ان يصل تفكيره عند رؤيته لست الحسن والجمال الزوجه طبعاً .. ويتذكر ان قيمتها ..تقرير راتب وكشف حساب لمدة سنه ...

وقرض يتصاعد من العشرين الف ومافوق...(وين الرومنسيه اللي راح تجيه لما تطري عليه)؟؟!!

طبعاً الحديث عن عاداتنا الغبيه للتكاليف الزواج حديث ذوووو شجوووون ...

لكن ابي اركز اكثر واكثر على الحسبه اللي حسبتها باول الموضع ...


لو تذكرونها
الفين دينار للزوجه +اربع الاف للزوج= 6الاف دينار كويتي!

تعتقدون ان هالحسبه الجديده راح يتغير شي ولوبسيط بعاداتنا السيئة الطباع

بالزواج؟؟؟

نعيش ونشوف

وجعله مبارك وسعيد

[saprj]

اسمح لي أن أخالفك الرأي أخي العزيز انتحار

فقد و صلنا لمرحلة كانت المهور و تكاليف الزواج

تصل لأرقام خيالية .... و لكن ، و لله الحمد في السنوات

الآخيرة أنتشرت الصحوة بين الناس و عادوا لتسهيل الأمور

و تيسيرها ، و غالبيتهم الآن على هذه الشاكلة ، و لم نعد نسمع

كثيرا عن مشكلة غلاء المهور و غيرها من الطلبات الإعجازية.

و هذه وجهة نظري الشخصية و بإنتظار الآراء الأخرى.

و كل الشكر لك على طرح مثل هذا الموضوع.

[انتحار]

سابرج
سمحت لك انك تخالفني الراي
:)

ابي التركيز مو بس على المهور ..(والطلبات) انا معاك ان مسئلة الطلبات خفت او نقول تلاشت ..لان شكلها صار مو حلو .. وصار الموضوع

(ريال وشيمة رجال)


انا اتكلم

عن تكاليف الزواج عامه ..

مصاريف العرس كلها كم تقدرها ؟؟

من الشخص نفسه
(العريس)

باعتقادك ان العريس راح يدفع الفين دينار مهر وتكاليف عرسه بالف والالف الثانيه يحطها بجيبه ؟؟؟

مالانطباع الذي سياخذ عليه؟؟

شحيح وجلده ومقصر!!


ذكرت سابرج بـ انتشار الصحوه بين الناس لمثل هذه الامور عادوا لتسهيل الأمورو تيسيرها ...

اعداد محدوده لعائلات محدوده وفخوذ محدوده ... وضعوا مثل هذه القرارات ....

مثلاً

المهر خمسة الاف
الغاء بهرجات حفل الزفاف بتفاصيله المعروفه من طقاقه (قاعده او واقفه) الى الحلويات الموضوعه داخلها جنيهات ذهب!!

.....


رغم هذا كله

الزواج لدينا

مكلف جدا
جدا
وبعد

جدا

سابرج
انا متفق معاك ان الزواج حاليا صار اسهل من سنوات فاتت وراحت شروط ولا شروط عم عنتر بن شداد وابل النعمان


لكن لازال الزواج مكلف
ومصدر
"وقلق"

بالنسبه

للشباب

[فهيد فهد فهاد]

حي ذالعين من طاري العرس / لهينا منه والله الهتنا ذالبزارين وذالدنيا ولا ياوينا عليه لاكان 30000 الف دينار ومانبي من الحكومه شي . بعدين وش تقول انت مصاريف وش مصاريفه العجميه للعجمي مهرها 5000 دينار والحكومه تعطي 4000 دينار يعني مافيه مشكله ابدا ابدا لكن قل حنا اللي البلاء فينا يا الرجال هدينا الحبل على الغارب وشيخنا النسوان صارن هن اللي يخطبن وصارن هن اللي يقومون بتجهيز العرس وانت يا -------- ادفع ورجلك فوق ارقبتك ونستاهل مدام شيختهن اصبر على ماجاك .اسالك متى كان النسوان هن اللي يخطبن والرجال قاعد مثل الخروف في البيت ينطر النتيجه. هاه وش صار وافقوا ؟ انا شخصيا ضد ان النسوان يخطبن وانا انتقد هذا الشخص اللي يخطبن له نسوا هذا رئيي الخاص.الرجال وانا اخوك وجهه طويل عند الرياجيل مهوب يتدسس كنه هو العروس يظهر وجهه ويمد حباله عند الرياجيل ويخطب مثل جده وعده .اما المهر غالي هذا كلام فاضي واحترم وجهت نظرك .حنا اعرسنا والحكومه ماعطتنا وكلفت اعراسنا فوق العشرين ترى ماكان فيه طقاقه واقفه وقاعد ماحصلنا الشرف وصار في وقتنا .ولكم كل تقديري على تحمل الصرقعه اللي صارت.

[انتحار]

والله يافهيد بن فهد بن فهاد

كلامك منطقي (وصح)

بس سؤال

تقول
"العجميه للعجمي مهرها 5000 دينار "

سؤال لك ولعموم اهل المنتدى

فيه احد يعطي

خمس الاف اللحين ؟؟

بعدها قلت انه مافيه مصاريف زايده وانك اعرست او(انتم اعرستم) والحكومه ماعطتكم وبلغت فوق العشرين ؟؟!!

عشرين شنو؟؟

اذا عشرين الف دينار ..وتسميها مي مصاريف زايده .. اجل المصارف الزايده شنهي؟؟

...
عموما
خلاصة حديثك

ان السبب الرئيسي
للتعقيد المسئله
هم

"النسوان"


*طلب صغير : ياليت تهدي اعاصبك شوي تراني انسان مروق واحب الروقان
:)

شاكر تعليقك المميز

[ال محفوظ العجمي]

في حكومة تعطي .. وفي .. حكومه ماتعطي ..:(

اما بالنسبة لنا يالسعوديين .. الحكومه تعطيك 20 الف ريال طبعا للذكر والانثى مالها نصيب .. وسلف طبعا .. ;)

وعشرين الف وش تسوي ولا حتى قصر افراح ماتجيب يادوب ربعها للطقاقه ..

اما بالنسبه للمهور فالحمدلله الوضع تحسن شوي وماعاد احد يطلب مثل اول ..

ومصاريف الزواج .. حد الان بتزايد :(.. وعلى قولتكم يجلس يقصد طول عمره .. وكله عشان عشاء وقصر وطقطقه ..:)

وبالاخير يطلعون المعازيم .. وبالذات الحريم ;).. هذي فيها وهذيك مدري وش فيها بعد .. وعشاهم مو زين .. وطقاقتهم ممله ...الخ :D

والله لو يسوي زواج بربع مليون ماراح يسلم من لسانهم .. :)

وبالاخير نسأل الله ان يفرج كربة الشباب .. ويزوجهم ويرزقهم الذريه الصالحه التي تدلهم ع الخير وتعينهم عليه ..:rolleyes:


سلمت يداااك .. ولاعدمناااك ..

[الباشا]

يعطيك العافيه انتحار
والله اللي يعطي

والله يرزق الجميع

[بنت حمران النواظر]

أول شي الله يوفق الجميع
لما يحب ويرضى


الموضوع حلو ومفيد
بس حبيت أعلق على شغلة وحدة
اللي أهي حفلة العرس
ليش كل هالخساير ما يحتاج , واذا القصد منها الاشهار فما أظن
أن احد ما يدري أن فلان تزوج فلانة
يعني حرام الفلوس تروح على شي ماله معنى
وكلها مو للمعاريس
كلها عن كلام الناس
أنا أقترح أن هالفلوس اللي بتنقط ليش ما يعطونها الولد والبنت يبدون حياتهم فيها
تروح الفلوس لعيالهم أحسن من الناس اللي ما يعجبها العجب

أسمحولي خروجي عن الموضوع
بس حبيت أبين وجهة نظري وانتوا لكم الحكم


تسلم انتحار عالموضوع المهم...

[ليالي]

موضوع مهم يا انتحار

واحنا تونا مخلصين من عرس اختي

والله لا يوريك الديون اللي علي>>> انا شكو :)

انا عندي الواحد ما يسوي عرس احسن له واوفر

واذا كان عن الاشهار يسوي عشاء رجاجيل والعروس اذا تبي تسوي حفلة صغيره في بيتها كيفها

لان نفس ما قلتوا الحريم ما يعجبهم العجب :D

على الاقل يوفرون هالمصاريف اللي مالها سنع

واحنا الطقاقه اللي حجزناها المفروض تطق واهي واقفه :p

لكن المشكله كانت طول العرس (قاعده) تدخن في صالة البوفيه :)

[إبن الأجاويد]

موضوع في الصميم ...
المشكلة هي إرتفاع تكاليف العرس ...

الأخ فهيد بن فهد بن فهاد حدد سبب هذه المشكلة ... تدخل النسوان في كل صغيرة وكبيرة في العرس ... حتى فيه يتدخلون في أمور المعرس .. لازم تجي للصالة ولازم تشرب معها عصير وتشربها وتشربك .. والكلام اللي يفقع المرارة .

وش دخل العصير في التكاليف .؟؟ الكلام في سلطة النسوان في إتخاذ قرارات النسوان في أمور العرس ... وهات منافسة بينهن وبين بعض ... إبتداء من تحديد المهر .. وش معنى آل فلان عطوا آل فلان 7000 ... وصولا إلى تحديد مكان العرس واللي لازم يكون في المكان الفلاني ... وإنتهاء بمستلزمات يوم العرس من بوفيه فاخر وحلويات ما تذكر حتى في ألف ليلة وليلة !

المشكلة في عدم قيام الرجل بمهامه .... ومنافسة النسوان لبعضهن .

أما بالنسبة لسؤال الأخ إنتحار عن المهر ... أنا متزوج 1998 ومهري خمسة آلاف ... وأشوف إنها .. واجد ... لأن لما جابوا ملابس ست العز والدلال ... طشروا أغراضي من الكبت ... الله يرحم الحال ... أربع مدري خمس ثياب وكم شماغ وغترة ... في مقابل دور أزياء وأغراض تكفي قبيلة ......
أقترح من أحد الإخوة ... يضبط لنا مقترح ... عن العرس المثالي من الناحية المالية في الوقت الحالي على أن يكتب مقترح للعرس المثالي من الناحية الإجتماعية والإلتزام بالعادات والتقاليد في وقت لاحق...
وسلامتكم .

[ناصر بن فالح]

في البدايه الله يعطيك العافيه اخوي انتحار

على زف هذا الخبر :)

اعتقد والاعتقاد ليس جزم :)

ان ذلك لن يحل المسأله بل سيزيدها تعقيداَ ستتوفر لدى الفتاه 2000 غير

المهر على سبيل المثال

ذلك سيدعها تأجر الكليل بدال 500 الا 1000


والساعه الي كانت 400 ستصل الا 800 :)

يعني لاطبنا ولاغدى الشر

المشكله ماهي اربع الاف +الفين = ست الاف

المشكله هي عادات + نسوان= تخلف

سنبقى رهناء تلك العادات حتى مشيئه الله

او ان تكون هناك وقفه من ولي الامر وقفه صارمه جداَ

كما فعلت بعض الفخوذ من القبائل الاخرى

خلاصه الموضوع لو عطونا الحكومه عشره راح يكلف العرس ثلاثين

كلما ازددنا نعمه ازددنا تخلفا :)

ونبي الطقاقه واقفه وعليها ذهبها :)

[عالي الهامه]

السلام عليكم ورحمة الله وبركاته ..

يا اخوااان تكاليف الزواج مالها داعي ... لأن النتيجة مايتحملها الا هالأسرة الصغيرة

وحرام من بداية حياتهم يعيشووون بدين وعمااة عين ..

يعني الرجال وين له نفس يتهنى ويرتااح .. يعني ارتااح من العزوبية ودخل بالدين

انا اقوووول .. العاادات والتقاليد على راسي من فوووق ولكن فيه امووور لازم اتغير
موب نمشي عليها وبس وان كان فيه شي غلط نغيّره

لأن ارتفاااع التكاليف يعرقل الشباب من الأستقرار وبالتالي لاسمح الله يعرضهم الى انحرافات وسلوكياات هو في غنى عنها ..
واذا قدر ودبر نفسه يبي يغرق بالديوووون يعني في الحالتين هم وغم

بعدين الحيااة الزوجية هي بداية لحياة ثانية والواحد اذا الله رزقه بعيااال بيحتاجوون رعااية واهتمااام ودعم مادي ومعنوي ..
الزوج المديوون بيأثر عليه الدين نفسياَ واداءه اكيد بيكوون اقل سواااء مع الأسره او في مجااال عمله يعني سلبيا ومن الناحية المادية سوف يقف عاجزنا عن تلبية العديد من الرغبااات بأستثناااء الأساسية منها
وياااالله على مايسدد الديووون الا عياااله وصلوا سن الزواج وتعووود الحكااااية من نقطة البداية

أأأ سف للاطالة ولكنها وجهة نظري

الف شكر للموضووع المهم
ودمتم بحفظ الله ورعايته

[اطياف الماضي]

ان شاء الله يكون فيه حلول مرضية

اخوي انتحار

طرح رائع يعطيك العافية

تحيتي

[انتحار]

في حكومة تعطي .. وفي .. حكومه ماتعطي ..:(

اما بالنسبة لنا يالسعوديين .. الحكومه تعطيك 20 الف ريال طبعا للذكر والانثى مالها نصيب .. وسلف طبعا .. ;)

وعشرين الف وش تسوي ولا حتى قصر افراح ماتجيب يادوب ربعها للطقاقه ..

اما بالنسبه للمهور فالحمدلله الوضع تحسن شوي وماعاد احد يطلب مثل اول ..

ومصاريف الزواج .. حد الان بتزايد :(.. وعلى قولتكم يجلس يقصد طول عمره .. وكله عشان عشاء وقصر وطقطقه ..:)

وبالاخير يطلعون المعازيم .. وبالذات الحريم ;).. هذي فيها وهذيك مدري وش فيها بعد .. وعشاهم مو زين .. وطقاقتهم ممله ...الخ :D

والله لو يسوي زواج بربع مليون ماراح يسلم من لسانهم .. :)

وبالاخير نسأل الله ان يفرج كربة الشباب .. ويزوجهم ويرزقهم الذريه الصالحه التي تدلهم ع الخير وتعينهم عليه ..:rolleyes:


سلمت يداااك .. ولاعدمناااك ..


يعني المشكله والتعقيد سببها
(بنات حوا)


:)


شاكرلك التعليق والتفصيل

ياهلا

[انتحار]

يعطيك العافيه انتحار
والله اللي يعطي

والله يرزق الجميع

مافيها شك
ان الله اللي يعطي ..

لكن الفوضى اللي احنا فيها ...ليمتى ؟؟


شاكر حضورك ايها
الباشا

[انتحار]

موضوع في الصميم ...
المشكلة هي إرتفاع تكاليف العرس ...

الأخ فهيد بن فهد بن فهاد حدد سبب هذه المشكلة ... تدخل النسوان في كل صغيرة وكبيرة في العرس ... حتى فيه يتدخلون في أمور المعرس .. لازم تجي للصالة ولازم تشرب معها عصير وتشربها وتشربك .. والكلام اللي يفقع المرارة .

وش دخل العصير في التكاليف .؟؟ الكلام في سلطة النسوان في إتخاذ قرارات النسوان في أمور العرس ... وهات منافسة بينهن وبين بعض ... إبتداء من تحديد المهر .. وش معنى آل فلان عطوا آل فلان 7000 ... وصولا إلى تحديد مكان العرس واللي لازم يكون في المكان الفلاني ... وإنتهاء بمستلزمات يوم العرس من بوفيه فاخر وحلويات ما تذكر حتى في ألف ليلة وليلة !

المشكلة في عدم قيام الرجل بمهامه .... ومنافسة النسوان لبعضهن .

أما بالنسبة لسؤال الأخ إنتحار عن المهر ... أنا متزوج 1998 ومهري خمسة آلاف ... وأشوف إنها .. واجد ... لأن لما جابوا ملابس ست العز والدلال ... طشروا أغراضي من الكبت ... الله يرحم الحال ... أربع مدري خمس ثياب وكم شماغ وغترة ... في مقابل دور أزياء وأغراض تكفي قبيلة ......
أقترح من أحد الإخوة ... يضبط لنا مقترح ... عن العرس المثالي من الناحية المالية في الوقت الحالي على أن يكتب مقترح للعرس المثالي من الناحية الإجتماعية والإلتزام بالعادات والتقاليد في وقت لاحق...
وسلامتكم .


ابن الاجاويد
واشكر جود ماكتبت

اولا تحديد السبب واتفاقك مع الاخ فهيد بن فهد...بان المشكله نابعه من (بنات حوا)

ذكرت ان مهرك كان ..خمسة الاف دينار ..لكن متى؟؟ سنة 98 اي في اعوام الاتفاق على تحديد المهور..(كان زمن جميل)

جريتني لسؤال مهم ,,, لماذا تم خرق هذا الاتفاق؟؟ هل الاتفاق كان ضعيف ليهتز بعمر قصير من تحديده ؟؟ وما هي اماكن ضعف هذا الاتفاق ؟؟
(سؤال والاجابه عليه محزنه ومحبطه جداً)


عزيزي ابن الاجاويد اقتراحك بوضع موضوع لتحديد "العرس المثالي" مهم جدا

وجدا .. وجدا ... اتمنى من الجميع المشاركه بمثل هذا الموضوع ... من يدري

يمكن تنفتح على ايده حل التعقيد الناتج من الزواج وتكاليفه ...

وله الاجر باذن الله


اشكر جود ماحضرت يابن الاجاويد

[انتحار]

أول شي الله يوفق الجميع
لما يحب ويرضى


الموضوع حلو ومفيد
بس حبيت أعلق على شغلة وحدة
اللي أهي حفلة العرس
ليش كل هالخساير ما يحتاج , واذا القصد منها الاشهار فما أظن
أن احد ما يدري أن فلان تزوج فلانة
يعني حرام الفلوس تروح على شي ماله معنى
وكلها مو للمعاريس
كلها عن كلام الناس
أنا أقترح أن هالفلوس اللي بتنقط ليش ما يعطونها الولد والبنت يبدون حياتهم فيها
تروح الفلوس لعيالهم أحسن من الناس اللي ما يعجبها العجب

أسمحولي خروجي عن الموضوع
بس حبيت أبين وجهة نظري وانتوا لكم الحكم


تسلم انتحار عالموضوع المهم...

ليت قومي يعلمون ..

اشكر خروجك الذي دخل بلب الموضوع
بنت حمران النواظر

شكرا على التعليق

[انتحار]

[QUOTE=ليالي]موضوع مهم يا انتحار

واحنا تونا مخلصين من عرس اختي

والله لا يوريك الديون اللي علي>>> انا شكو :)

انا عندي الواحد ما يسوي عرس احسن له واوفر

واذا كان عن الاشهار يسوي عشاء رجاجيل والعروس اذا تبي تسوي حفلة صغيره في بيتها كيفها

لان نفس ما قلتوا الحريم ما يعجبهم العجب :D

على الاقل يوفرون هالمصاريف اللي مالها سنع

واحنا الطقاقه اللي حجزناها المفروض تطق واهي واقفه :p

لكن المشكله كانت طول العرس (قاعده) تدخن في صالة البوفيه :)[/QUOTE


نفس السبب

(بنات حوا)

ومبروكين على العرس
:)

[انتحار]

في البدايه الله يعطيك العافيه اخوي انتحار

على زف هذا الخبر :)

اعتقد والاعتقاد ليس جزم :)

ان ذلك لن يحل المسأله بل سيزيدها تعقيداَ ستتوفر لدى الفتاه 2000 غير

المهر على سبيل المثال

ذلك سيدعها تأجر الكليل بدال 500 الا 1000


والساعه الي كانت 400 ستصل الا 800 :)

يعني لاطبنا ولاغدى الشر

المشكله ماهي اربع الاف +الفين = ست الاف

المشكله هي عادات + نسوان= تخلف

سنبقى رهناء تلك العادات حتى مشيئه الله

او ان تكون هناك وقفه من ولي الامر وقفه صارمه جداَ

كما فعلت بعض الفخوذ من القبائل الاخرى

خلاصه الموضوع لو عطونا الحكومه عشره راح يكلف العرس ثلاثين

كلما ازددنا نعمه ازددنا تخلفا :)

ونبي الطقاقه واقفه وعليها ذهبها :)

والجزم جزم وليس حسم
:)

والله طامه ثانيه اذا الالفين الجديده .. بدال ماتعالج اتوسع الجرح اكثر واكثر

راح يصير فيه تغيرات

بس ننطر


اشكر التعليق والتفصيل والتأويل
ارسطو
:)

[انتحار]

السلام عليكم ورحمة الله وبركاته ..

يا اخوااان تكاليف الزواج مالها داعي ... لأن النتيجة مايتحملها الا هالأسرة الصغيرة

وحرام من بداية حياتهم يعيشووون بدين وعمااة عين ..

يعني الرجال وين له نفس يتهنى ويرتااح .. يعني ارتااح من العزوبية ودخل بالدين

انا اقوووول .. العاادات والتقاليد على راسي من فوووق ولكن فيه امووور لازم اتغير
موب نمشي عليها وبس وان كان فيه شي غلط نغيّره

لأن ارتفاااع التكاليف يعرقل الشباب من الأستقرار وبالتالي لاسمح الله يعرضهم الى انحرافات وسلوكياات هو في غنى عنها ..
واذا قدر ودبر نفسه يبي يغرق بالديوووون يعني في الحالتين هم وغم

بعدين الحيااة الزوجية هي بداية لحياة ثانية والواحد اذا الله رزقه بعيااال بيحتاجوون رعااية واهتمااام ودعم مادي ومعنوي ..
الزوج المديوون بيأثر عليه الدين نفسياَ واداءه اكيد بيكوون اقل سواااء مع الأسره او في مجااال عمله يعني سلبيا ومن الناحية المادية سوف يقف عاجزنا عن تلبية العديد من الرغبااات بأستثناااء الأساسية منها
وياااالله على مايسدد الديووون الا عياااله وصلوا سن الزواج وتعووود الحكااااية من نقطة البداية

أأأ سف للاطالة ولكنها وجهة نظري

الف شكر للموضووع المهم
ودمتم بحفظ الله ورعايته


ليتهم يعلمووون ياعالي الهمه

ليتهم


اشكر تعلييقك

[انتحار]

ان شاء الله يكون فيه حلول مرضية

اخوي انتحار

طرح رائع يعطيك العافية

تحيتي

انشاءالله
ولو
اني محبط
:)


اشكر مرور اطياف