~¤§ موسوعـة العجمــــان للمـطبـخ §¤~

[روووووعه]

http://www.al-wed.com/pic-vb/125.gif


بسم الله الرحمن الرحيم

السلام عليكم ورحمة الله وبركاته

حبيـــــت يكون لنا بقسمنا موسوعـــــــه شامله للمطبخ والي عندها اضافــــه

لاتبخل علينا فيها .... يعني كل وحده تدخل تكتب اي وصفــــه مجربه

عشان نستفيد من بعض

وانشالله انكم تتفاعلوووووون مع الموضوووع

انا راح ابدأ اول شي وانزل حلىىىى اتمنى انه يعجبكم ..

ـــــــــــــــــــــــــــــــــــ

http://www.lakii.com/cookportal/images/**********mages/bsbosah.jpg

البسبـــــــــــــــــوســـــــــه,,

المقادير::

بيضتان
م ك بكنج بودر
علبه قشطه
علبتين من السميد
علبه زيت
ربع او نص علبه جوز الهند
علبه مملؤه سكر مطحون

ملاحظه:: علبه القشطه هي المكيــــــال..

الطريقـــــــــــــــه::

نضع جميع المقادير في الخلاطالكهربائي ماعدا السميد وجوز الهند..

نسكب مقادير الخلاط على السميد والجوز ونقلب بالملعقه الى ان يتجانس الخليط

ثم نسكبه في صينيه مدهوونه ثم نضعها في الفرن من اسفل الى ان تتحمر

ثم من اعلى ويمكن اضافه الشيره اليها حسب الرغبه

بحيث تكون الشيره بارده ثم ندخلها مره اخرى في حراره الفرن (( بدون اشعال ))

لتشرب الشيره ويمكنك تزيين الوجه بانصاف اللوز

بالعافيــــــــــــــــه

ــــــــــــــــــــــــــــــــــــــــــــــــــ



http://www.3roos.com/upload/s57.gif


2-.كــــــــرات الكــــاكاو ,,,


http://www.toraya-**********.co.jp/paris/magasin/img/03bouchon.jpg

المقادير::
ثلاث ملاعق كبيره عسل

خمس حبات شوكلاته ملكيتا

نصف اصبع زبده

كاسين كورن فلكس

الطريقـــــــــــــه:::
نضع الزبده والشكولاته في حمام مائي على النار حتى تتجانس مع بعضها

يرفع عن النار ويضاف له الكورن فلكس ويقلب بملعقه حتى يتشرب الشوكولاته

ثم يضاف العسل اليه ويخلط ثم يكور باليد الى دوائر ويقدم بالقوالب الورقيه

مع القهــــــــوه...



بالعافيـــــــــــــــه..


يتبـــــــــــــــــــــــــــــــــــــــــع

[بخـــــــــــوت]

تشيز كيك حلىى للسفره


المقادير
ـــــــــــــــــــ
علبه ونص بسكوت شاي

علبتين جلي احمر

2 قشطه

2زبده


الطريقه
ــــــــــــــــــ
اطبخي الجلي مع اربع كاسات ماء خليها الين تبرد صفي با الصينيه البسكوت مع الزبده

ضعي في الخلاط 2 كاس من الجلي الي طبختيه مع 2 قشطه واربع حبات بسكوت شااي صبي المقادير هذي على الصينيه الي فيها البسكويت
وحطيها با الثلاجه الين تبرد
طبعا بااقي جلي بمقدار كاسين حطيه فوق الطبقه الثانيه وبرديه

وبا الهناء والشفاء


موضوع روعه شكريا روعه


بخوووووووووت

[روووووعه]

يسلموووووووووووو بخـــــــــــوت على الحلى .....

اممممم ابي اطلب طلب منك ;)

اكتبي مقادير الكيكه الي دايم تسوينهااااااااااااااا بليز علشاني ;)

<<<<<<<تموووووووووون

روووووووووعه,,,

[عزوف]

مـــــــوضوع روعه يا روعه :)


بشارك بحلو عجيب وسهل ويخلص بسرعه ومضمون يعني يضبط من اول مره :)


الحلو هو (( بر الوالدين ))

المقادير
نص لتر حليب كامل الدسم
ا قيمر كي دي دي الكرتون
علبة حليب نستله المحلى الكبير
زعفران وهيل

3 بيضات

بس :)

الطريقه

اخلطيهم مع بعض بالخلاص الكهربائي وحطيهم في بايركس ودخليه الفرن وشغلي الفرن من من تحت لحد ما تستوي وبعدين شغليه من فوق لحد ما يخلص

تقدرين ترشين عليه قبل لا ادخلينه الفرن زعفران للتزين طبعا


هذا اللي ذاكرته لاني للاسف ما احفظ ودفتري بالبيت وانا بالدوام بـــــــس انتظروا من العجيب والغريب ;)

[عادل الشمري]

خوش موضوع يابنات....فتحتوا شهيتي...:p

بس فيه سؤال : ليش البنات دايما يرفقون بتواقيعهم صور بنات حلوات؟؟!!;)

[اطياف الماضي]

مشكووووووووووورة روعة موضوع حلو


لي رجعه

عندي حلاااااااااا بس شئ لايفوتكم
واسالي عنه بخوووووووت :D



تشااااااااااااااو

[بخـــــــــــوت]

كيكة الشوكلاه

ابشري روووعه



المقادير

ــــــــــــــــــ
4ملاعق حليب بوده

4 م كاكاو بودره

1ك ماء

1 ك سكر

ذرة فانيليا

1 ك دقيق

2بيض

1 م بكنج بودر

الطريقه
ـــــــــــــــــ

4 م حليب 4م كاكاو 1 ك زيت 1ك سكر وذره فانيليا

هذي تحطيناه با الخلاط وتخلطينها وطلعي منها مقدار كاس من الخليط والبااقي خليه على جنب

ضعي 1 ك دقيق و 2بيض وملعقه بكنج بودر في(سحله ) اخلطي ماابقى من الخليط معه طبعا دوره ونص عشان يدخل الهواا اذا خلطتي با اتجاه واحد

ضعيها في صينيه تكون مدهونه بزيت وعليها دقبق شغلي عليها الفرن من تحت اذا نضجت شغليها من فوق بعد ما تبرد حطي الخليط الي طلعتيه بمقدار كاس فوقها وبرديهاا اممممم لاطوفكم لذيذه وبا العافــــــيه

اي لايطوفكم حلى اطياف مجربته لذيذ

الي عنده حلىىى عشاء لايبخل فيه

بخــــــــوت

[كويتيه]

يعطيكم العافيه بنااااات..

اوكي انا بشارك بعد... بحلو توني تعلمنته من رفيجتي وحده سوريه.. بس جربتهااا وعجبتني انشالله تعجبكم...

مامونيه..


المقادير..اول شي استعملي نفس حجم الكوب حق كل المقادير...

كوب واحد.. سمييد...
كوب و نص.. سكر
4 ونص اكواب ماء..
ماء زهر
ملقه دهن عداني


للتزيين...

فستق مبشور..
قيمر
دارسين مطحوون


الطريقه:


اول شي.. اتحطيم ال 4 ونص اكواب ماء و كوب و نص.. سكر على النار.. و خليهم ليماا يغلون.. على مايغلي الماي.. حطي معلقه الدهن مع كوب السميد بالمقلايه ليماا يتحمر السميد.. مو يحترق لا يتغير لونه يشكل حلو.. .. بعدين حطيه فوث الماي المغلي.. و حليه على نار هاديه ليمااا يصير ثقيل مثل المحلبيه.. شيلي من النار.. و حطيه في اطباق.. و رشي عليه رشه بسيطه من الدارسين الناعم.. و بعدين.. حطي فوقه القيمر بشكل دوائر صغيره.. و حطي فوقهم القستق المبشور.. و قديمه.. يس نطري عليه شوي يدفى قبل التقديم..

وهني وعافيه..:)

[بسمـــــــة]

حلى لذيذ ومميزومجرب:
المكونات:
عجينة باف باستري , جبن كيري , كنافة , حليب محلى
الطريقة:
يقطع الباف باستري إلى أربع قطع ثم توضع في صينية قوالب الكيك كل قطعة في قالب مدهون
ويوضع بداخلها ربع حبة جبنة كيري ثم يوضع فوقها كمية من الكنافه بعد ذلك تحمر من الاسفل والأعلى
ثم تسقى بالحليب المحلى
وبالهناءءءءءء

[نجر]

مشكورين

بس دورة طريقة صنع الشعثه في الموضوع والردود و ما لقيت شي ;)

[بخـــــــــــوت]

الشعثه ؟؟ هذي روعه تعرف طريقتهاا واكيد يا بسمه بترد عليش خيتووو

خبره في الشعثه روعه

[روووووعه]

http://www.al-wed.com/pic-vb/125.gif


شاكره مرور جميع الأعضاء الي تفاعلوا مع الموضوع كل بأسمه :

اما طريقة عمل الشعثه فهي كالتالي :

ـــ المقادرير :

1- تمر ويفضل الخلاص .

2- سمن بري مهوب زبدة بقر .:D

3- اقط أو مضير أوبسكوت أبو بصمه على قولة الحضر .:D

ـــ الطريقه :

نحضر التمر ونقوم بنزع الأقماع والنوي ( الفصم ) منه ثم نكب عليه السمن البري

ونقوم بعبطه عبطاً جيداً حتى يصبح الخليط قطعه واحده ثم نحضر الأقط المطحون

ونقوم بأضافته على المعبوط ( التمر بعد خلطه ) ثم نقوم بعد ذلك بتكويره باليد

كوراً صغيره ويفضل تقديمه مع القهوه أو بدونها .

وبالهناء والعافيه يانجر

الطريقه منقوله من جدتي :p


http://www.al-wed.com/pic-vb/125.gif

[المبرقعه]

من جد ياروعه مواضيعك دايم روعه مثلك
انتي عاد خابرتني في الحلويات
عندي ولع للحلويات وهاكم الي عندي
بس الي في جعبتي كثير يعني يبي لي اكثر من مشاركه
بسم الله











البسبووووووووووووووووسه


2بيضه
ثلاث ارباع كاس زيت
علبة زبادي
كوب سكر
2كوب سميد
2م بكنج بوادر
علبة قشطه



الطريقه000000

نخلط جميع المقادير مع بعض بستثناء القشطه
ثم نصبهم في الصينيه وبعدين نوزع القشطه على الوجه
بشكل عشوائي يعني نرمي بالملعقه بدون ترتيب وندخلها الفرنوبعد ماتستوي نسقيها بالشيره 00000
با لهناء والعافيه00000000000

[alajmiali78]

يا سلام عليش يا روووووعه اعجبتني ( نقوم بعبطه عبطا جيدا ) عجييييبه
هههههههههههههههههههههههههههههههههههههههههههههههههه ههه

بعدين انتوا يا بنات شهيتونا على الحلو وما ذوقتونا منه شغل تعليق يعني !!

( يحلييييييل البنات ومواضيعهم كلش مو يقرووون وعلى ابو نعرف نسوي )

وعلى فكره عزووووف كانت تبي تعرف شلون تسوى الشعثه واكيد الحين اعرفت بس باقي (بالق عينه ) اذا تعرفينه ؟ يا رووووعه علميها .!

[بسمـــــــة]

<<بسم الله الرحمن الرحيم>>

كيك الميرندا
المقادير
كوب زيت
كوب سكر
كوبميرندا
بيضاتان
بيكنج بودر ملعقة صغيرة
كوبان من الدقيق
الطريقة: يخلط الزيت مع اليض والسكر ويرك مدة خمس دقائق فى الخلاط الكهربائى
ثم نضيف الميرندا ونضيف اليها الدقيق والبيكنج بودر ويستمر تقليب الخليط حتى يتجانس ويصبح متماسك ويوضع فى الصاج الخاص بالكيك ثم نضعه فى الفرن1 لمدة 20 دقائق على الاقل

مشكووووووووووووره ياروووووعه على الموضوع الحلو

مع تحيات
بسمــــــــــــــه
بسمـــــــــــــــــــه
بسم الله عليهـــــــــــا

[المبرقعه]

عليكم اسماء وش بالق عينه انت بعد000000
اول مره اسمع فيه علاج هو ولا حلا
خخخخخخخخخخخخخخخخخخخخخخخ
المهم خذو الي عندي لعيون روووووعه اخس يا المشرفه
خخخخخخخخخخخخخخخخخخ عقبالنا00000000ماظنيته


حلى السراميك00000 شي


المقادير0000

1ك حليب بودره
1ك سميد
2ع قشطه
1ع حليب نستله كبير
12حبه كيري
2ك كريم كرامل
1ك حليب سائل+1م نسكافيه+1م كاكاو



الطريقه000000


نحمص الحليب مع السميد حتى يصبح اشقر الون مو تحرقونه اشقر
ثم نضع عليه القشطهونفردهم في الصينيه ونضع فوقهم النستله بعد ما نخلطه مع الكيري وندخلهم الفرن عشر دقايق حتى يجمد ونخرجهم من الفرن
ونحضر الكريم كرامل نخلط الكرامل مع الحليب السائل ونضع عليه الكاكاو والنسكافيه ونخلطهم حتى يتجانسو مع بعض على النار وبعدين نصبهم على الوجه وندخلهم الثلاجه ونجهز القهوه البريه 0000000
ياسلام وربي شي تاكلين اصابعك وراه انتبهو على اصابعكم00000
هههههههههههههههههههههههههه00000

[عزوف]

يعطيكم العافيه جميعا وبانتظار المزيد من الجميع

والله منتى هينه يا رووووووووعه تعرفين الشعثه مدري شسمها :)

يالله شعليك يا علي اخيرا حصلت الشعثه بصراحه ماكنت ادري شنو ؟؟ وعبالي غشمره :)


بسمه يعطيج العافيه على هالحلو العجيب بجربه انشالله لاني شاريه عجينة باف باستري وما سويتها للحين

[سياتل]

مشكوريين يا بناات مشالله عليكم عيني عليكم بارده , فعلا غيرتوا فكرتي عن البناات ( كنت غاسل ايدي منهم ) وانهم ما يعرفون شي بشؤن المطبخ.

عندي طلب بس مو حلو يصير :)
ابي اعرف شلون اسوي سليق؟؟

والحظري الي وزاني يبي يعرف اذا تعرفون ( صب القفشه ) ؟
انا اول مره اسمع عنه, فا اذا تعرفونه علمونا طريقته و مكوناته ولا عليكم امر.
ايه يقول انه حلو!!

تحياتي

[روووووعه]

من جد ياروعه مواضيعك دايم روعه مثلك
انتي عاد خابرتني في الحلويات
عندي ولع للحلويات وهاكم الي عندي
بس الي في جعبتي كثير يعني يبي لي اكثر من مشاركه

حلوووووووه جعبتي ذي اعجبتني :D

ايه يالمبرقعه عطينا مافي جعبتك ولاتبخلين عليناااااا بالحلووويات الي عندك

اخبرك داهيه بالحلىىىىىى

تسلمين على المرور ...والتواصل

ـــــــــــــــــــ

alajmiali78 .... مشكور على المرور ....

اعجبتك نعبطه عبطا جيدااا :D <<<<<يمديك عليهااا

تحيااتي لكم

روووووووعه,,,

[روووووعه]

بسمــــــــه :: شاكره لك تفاعلك مع الموضوووووع واذا عندك حلويات لاتبخلين عليناا يالغاليــــــــه ....لاهنتي على التواصل

ــــــــــــــــــــ

بصراحه ماعرف بالق عينه ...... وشو ذا اول مره اسمعه ...انا حدي شعثه ويالله

ـــــــــــــــــ

عزوووووف لاهنتي على المرور يالغاليه ... اما حلى البف باستري جربيه

تراه حلوووووو مره ...على ضمانتي ;)

ـــــــــــــــــ

سياتل ...نورت الموضوووووع بوجودك ..... اما صب قفشه على قولتك ماعرفه

اما طريقه السليق بجيبها لك ....ولو ان هالموضوع مخصص للحلويااااااات

بس انت تموووووووون ..انشالله اقرب فرصه اجيب لك الوصفه

ــــــــــــــــــــ

رووووووووووعه,,,

[روووووعه]

http://www.al-wed.com/pic-vb/125.gif



http://hawaaworld.net/files/20470/hershyheart.jpg


حلى الفول السوداني امممممم طعمه يجنن ;)


المقادير :

بسكوت أولكر

3 ملاعق كبيره فول سوداني سائل (( ساده ))

3 حبات جبن كيري

كأس سكر صغير

نص كأس حليب سائل

قشطة

الطريقة:
تغمسين البسكوت بحليب وتصفينه بالصينيه بعدين تحطين الفول السوداني

والجبن والحليب والسكر والقشطه بالخلاط وتخلطيهم بس نصيحه لا تحطونها كلها

مع بعض حطو شوي شوي عشان ما تتعبكم بعدين صبيها فوق البسكوت

وحطيها بالثلاجه ..

بالعافيـــــــــــــــــــــــه,,,,;)

http://www.al-wed.com/pic-vb/125.gif


رووووووووعه,,,

[بخـــــــــــوت]

المبرقعه ...... امممممممم سليق الطيق المفضل عتدتسسس

بس هذا فقط للحلوويات<<<<<مديره اعمال روعه

[عزوف]

صب القفشه يا سياتل اهو حلـــــــو (( اكيد بيكون حلو :) )) اقصد انه تقريبا مثل اللقيمات بس اكبر واعرض شوي

انتظر الطريقه لاني وللاسف بالدوام ودفتري بالبيت


اطباقي القادمه

لقيمات عزوف بس روووعه واتحدى اللي تقول ما تضبط معها

الجبنيه وهي عبار عن لقيمات محشوه بالجبن بس روعه مثل الحلو الجاهز


وصب القفشه علشان مراقبنا العزيز سياتل

طبعا كل الاصناف اللي ذكرتها انا مجربتها شخصيا فوق الامية مره يعني مضمونه
انطروا على الظاهر بشيل هالدفتر معاي وين ماروح

[الـــصـــعــــب]

والله اني مااحب البنت اللى ماتعرف شىء عن امور الطبخ والحلويات وهالاشياء الحلوه

مشكورين يابنات كلكم وعساكم على القوه (متى تسووون الطبخه هذى كلها )

هاااااا ؟؟ هاهاهاها
انشالله الله يرزقني بوحده تعرف للطباخ كله (كبسات . حلويات . معجبنات . ألخ)

تحياتي لكم




مجنونها

[سياتل]

سليق سياتل


انا حاولت اسوي السليق بس كان المقصود عيش ابيض :)

المهم سويت مرقة دجاج و كنت ناوي اسوي عيش ابيض بس الظاهر زودت الماي شوي :D
الحل كان بسييط جدا ( والسالفه كانت خربانه و الحظر الي معي ما يعرفوون السليق ) :)
ف زودت الماي و صبيت عليه كوب حليب. وطلع شي كنه سليق بس موب اكيد .
ابشركم عجب ربعي ( طبعا يا هذا الشي الي سميته سليق او تووست )
و تعشينا و عينا من الله خير لا تسمم و لا هم يحزنوون

اذا كان اللي سوته هو السليق فعزالله اني اللي اخترعه ارفل و اذا كان لا ف ياليت تقولونلي شنو.

تحياتي

[عزوف]

نبـــــــدأ وعلى بركة الله


الفتـــــــــــــــــــــه (1)

باذنجان يقطع مكعبات ويقلى بالزيت

بطاط يقطع مكعبات ويقلى بالزيت

خبز يقطع مربعات ويحمص ممكن بالزيت او بالفرن (( يوضع لفتره بسيطه بالفرن لحد ما يتغير لونه ويصير بنى فاتح ))

3 علب روب (( وممكن نقلل الكميه او نزيدها حسب كمية البطاط والباذنجان ))

ا لبنة كويتيه حامضه صغيره وممكن نستخدم أي لبنه ثانيه انا ساعات استخدم بينار

3 ملعقة مايونيز (يعني لكل علبة روب ملعقه مايونيز )

بقدونس حسب الرغبه

نخي ((حمص حب )) علبة وحده كافيه

الصلصله : قليل من الليمون لان اللبنه حامضه +رشة(يعني شويه ) بهارات عادي أي بهار لو المخلوط + ملح زيت زيتون وطبعا مقادير هالصلصه بالعين يعني حسب كمية اللبنه اللي عندج تقيسين الملح وغيره

الطريقه
طبعا بعد ما نقلي البطاط والباذنجان ونحمص الخبز كل واحد بروحه نجيب ماعون يكون غويط شوي !! هذي شلون اترجمها بس اعتقد مفهومه او بايركس بيضاوي المهم نخلط الباذنجان والبطاط والنخي والبقدونس مع بعض . ونخلط باقي المقادير بروح يعني الروب واللبنه المايونيز والصلصه بعدها نخط المقدار الاول مع المقدار الثاني ونحطهم بالبايركس او ماعون التقديم ونزينها بالخبز المحمص وشوي سماق وبقدونس وشوية زيت زيتون

طبعا حسب شطارتكم بالتزين الطبق راح يكون كأنه جاهز ومن مطعم وطعمه لذيذ بس تراها دسمه شوي ..... لكن روعه انا مجربتها فوق عشرتعش مره


========================



الفتـــــــــــــه (2)
هذي اخف من اللي قبلها

نجيب ماعون بايركس ونحط فيه الطبقات التاليه

1 نخي

2 باذنجان بالقشر مقطع مكعبات ومقلي

3 خبز مكعبات محمص

4 طبقة كثيفه من الخس

5 طبقه خفيفه من الكزبره الخضرا او البقدونس

6 الصلصه

مقادير الصلصه


2 قفشة مايونيز +4 قفاش ماي النخي +شوية من عصير الليمون + قليل من الملح +كمون +روب او 2 + وهذي سر من اختراعاتي (( خاص بعزوف )) اضافة 3 او 4 قفاش جبنة كرفت للصلصه

=======================

سلطة الشمندر

4 علب شمندر انا افضل العلالي او قودي طبعا مو دعايه لكن مجربتهم ناخذ ماي الشمندر راح نحتاجه بالصلصه المهم نقطع الشمندر بالطول اما العرض اقل من عرض الشيبس الجاهز بشوي (( خوش وصف مو ))

فلفل اخضر بارد يقطع بالطول وبشكل رفيع جدا الكميه حسب الرغبه بس نص حبة الفلفل كافيه بالنسبه لي

بصل شرايح ضعيفه جدا وهم بعد نص بصله كافي وياريت اقل طبعا ممكن تستغنون عنه لكن له نكه حلوه مع السلطه
جزر مبشور وحده كافي
طبعا شكل السلطه راح يكون اكثره شمندر وباقي المقادير راح تكون قليله جدا بس علشان الطعم

ذره حسب الرغبه
حب الرمان حسب الرغبه بس بصراحه روعه مع السلطة تصير كأنها من المطعم مو شغل بيت

الصلصه

كوب ونص او كوبين من ماي الشمندر + قفشه كبيره سكر + شوي ليمون نص ليمونه ممكن + قليل من زيت الزيتون ممكن قفشه وحده + ذرة ملح + واذا توفر قليل من دبس الرمان ((طبعا هذا من اختراعاتي ))

نخلط جميع المقادير ونحطها بماعون ونخلط الصلصة بره ونصبها عليها طبعا لازم نسويها قبل التقديم بفتره ممكن اذا تبونها عشا تسونها العصر وممكن قبل التقديم بدقايق لكن انا افضل ان السلطه تتم فتره علشان يبين فيها طعم الصلصه


======================


سلطة الخيار المخلل روعه

لهانه (( ملفوف ابيض )) مقطع شرايح طويله ورفيعه

لهانه (( ملفوف احمر)) مقطع شرايح طويله ورفيعه

خيار مخلل مقطع شرايح طويله

باذنجان بالقشر مقطع شرايح طويله ومقلي بروحه

شوية نعناع طري مفروم

تخلط جميع هالمقادير وتوضع مع بعض

الصلصه

لازم نسوي الصلصه قبل لا نحطها على المقادير السابقه بساعه يعني ممكن نسوي الخلطه ونحطها باي غرشه (( علبه )) فاضيه ونحطها بالثلاجه لمدة ساعه او اكثر بعدها نقدر نستخدمها

عصير ليمونتين + زيت زيتون نفس كمية عصير الليمون تقريبا + شوية ملح +شوية سكر ممكن نص قفشه وسط +شوية خل + 2 قفشه كبيره نعناع ناشف (يابس) + قفشه كمون صغيره +مسترده (الخردل ) واهو اساس طعم السلطه طبعا الكمية حسب الرغبه لكن انا اكثر منه 5 قفاش تقريبا او اكثر

بعد ما نخلى الصلصه لمدة ساعه في الثلاجه ممكن بعدها نخلطها مع المقادير السابقه


====================


سلطة الباذنجان

باذنجان بالقشر مقطع شرايح رفيعه بالطول مقلي
فلفل بارد مقطع شرايح رفيعه بالطول ممكن يكون الفلفل الوان ( اخضر اصفر برتقالي احمر يطلع شكلها روعه )

لهانه ( ملفوف ابيض ) نفس الشي مقطع بالطول شرايح رفيعه

خبز محمص مقطع بالطول شرايح رفيعه

يخلط جميع ما سبق وتوضع عليه الصلصه

الصلصه

ملح + فلفل اسود +زيت زيتون + خل +عصير ليمونه كبيره + فص ثوم او اقل

تخلط مقادير الصلصة مع بعض جيدا وتوضع على ماسبق

=======================


مقبلات


طبعا هالطبق ماله اسم !!!! لكنه غريب وحلو وسهل بنفس الوقت
نخي بدون الماي طبعا

باذنجان شرايح طوال مقلي بدون قشر

فلفل بارد اخضر شرايح طوال (( يقلى بقليل من الزيت لحد ما ينشف الزيت ونرش عليه شوية ماي لحد ما يذبل ))

بصل شرايح (( يقلى بقليل من الزيت لحد ما ينشف الزيت ونرش عليه شوية ماي لحد ما يذبل لحد مايصير لونه بني ))

طبعا المقادير السابقه نقلي كل شي بروحه مو مع بعض


نجيب ماعون بايركس ونحط فيه هالطبقات

1 نخي

2 باذنجان

3 البصل كله

4 باذنجان

5 الفلفل كله

6 الصلصه

طبعا الصلصه راح نجهزها على النار قبل ما نحطها بالبايركس

2 قفشة تشيلي كاتشب (( كاتشب حار ))+2 قفشة كتشب بارد +صبار ((يكون جاهز من قبل وطريقة تجهيزه سهله يتم نقع الصبار في ماء دافي ثم يشخل ويؤخذ مائه ويوضع على النار لحد ما يثخن ))

7 نرش بقدونس

يوضع بالفرن ونشغله من فوق بس لحد ما يتسخن ويقدم ساخن

====================


بالنسبه لي يكون الصبار جاهز في برطمان ومتى ما بغيته استخدمته في أي شي وهذي طريقتي الخاصه

الصبار"""""""""

الصبار = تمر هندي
يتم نقع الصبار ممكن كيسين او اثلاثه في ماء ساخن وبعدها يشخل ونكون حطينا جدر او مقلا فيه فص او 2 ثوم وشوية زيت نحمسه ونحط عليه شوية معجون طماط يحفظ في الثلاجه ويستخدم مع أي طبق ممكن يوضع فوق الجريش او يوضع كصلصه مع العيش يعني الارز


======================
شوربة دجاج بالذره

هذي الطريقة حصلت عليها بطلوع الروح وطعم هالشوربة يطلع بالضبط نفس طعم شوربة مطعم قيصر

مسحب دجاج ناخذ منه الكميه المرغوبه ممكن ناخذ بحجم كف الايد عاد كلن وايده

علبة ذرة

ملعقة زيت

3 او اربع اكواب من مرقة الدجاج وهذي بعدين نتفاهم عليها

نص قفشة صغيره ملح
نص قفشة صغيره سكر
نص قفشه صغيره جينو موتو (( وهذا ملح صيني )) موجود ببهارات مجدي متوفر بالجمعيات مو شرط مجدي أي بهارات وممكن نستغني عنه بس انا انصح فيه
للامانه انا احط قفشه كبيره علشان يطعم فيها اكثر لكن جذي تكون لاباس وكلن وذوقه
بيضه مخفوقه

2 قفشة نشا مذابه بقلاص ماي

الطريقه
وهي سهله جدا جدا
نفوح الدجاج بعد غسله بماي ساخن مع شوية بهارات حب من غير ملح طبعااااا

بعد ما ينضج ناخذ الدجاج ونسحبه بيصير كأنه خيوط

نضع القدر على النار ونحط فيه الزيت وبعده الماي والدجاج والذره وباقي المقادير كلها مره وحده ماعدا النشا والبيضه

بعد ما تسخن نضيف لها قلاص الماي اللي مذوبين فيه النشا ونقلبه جيدا لحد ما يثخن (( طبعا الشوربه بتكون شوي ثقيله مو سايله ولا صاكه مره وحده بعد ما تثخن نقط البيضه المخفوقه بالوسط ونقلبها بسرعه علشان ما تستوي البيضه وتصير قطع كبيره من تكسرينها قلبيها على طول ))

وتقدم على طول
نصيحه اذا كنتي تبين تقديمنها في وقت اخر لا تخلينها على النار مده طويله علشان ما تصك ولما تبين تسخنينها مره ثانيه راح تصير ثقيله حيل اتمنــــــــــى من الجميع المشاركه

[الأدوح]

يبي لنا ورقه وقلم عشان نكتبها ونخلي الولدها تصلحلها لنا ولافراد امنتدى000000000000000000مشاركه حلوه مثل راعيتها لاهنتي
اخيش الأدوح000000000

[monamora]

السلام عليكم .. قوه يابنياتي الحلوات شلونكم .. وشخباركم عساكم بعافيه .. ايي يابنات اليوم بنسوي مرقة الشبزي .. شحلاتها وشحلات ريحتها الخنينة .. طريقتها سهله وبسيطه مايبلها اي تعقيد بس فتحوا مخوخكم ال... و راح تفهمون كل شي وتستوعبون .. ادري المخ مييييييح لكن شسوي امري لله .. طريقة مرقة الشبزي نفس مرقة اللحم بالضبط مع بعض التغيريات وبعض الاضافات .. ويالله خلونا نبدي

بسم الله بدينا وعلى النبي صلينا .. نحتاج حق طبختنا .. 7 شدات كزبر .. 5 شبنت .. 5 كرفس .. 5 سلق .. شدتين بقل .. 3 بقدونس .. نص كيلو لحم مقطع .. 5 فصوص ثوم .. 3 بصلات ولميات .. حبتين طماط .. وطبعا بهار وملح

اول شي نفرم الخضره كلها ونخلطها مع بعض ونخليها على كتر .. وبعدين نقص البصل والطماط وندق الثوم .. وقبل كل هذا نكون غاسلين اللحم زين مفهوووووووووم مغسوووووول عدل .. الحين نبدي طبختنا

ناخذ جدر ونحط فيه شوية دهن وفوقه البصل والطماط والبهار .. ونحمسهم وبعدين نحط الثوم وفوقه اللحم .. ونخلي اللحم يتعرق بالجدر يعني ينز الماي اللي فيه وبعدها بشوي نحط نص كمية الخضار ونحمسهم مع بعض .. وبعدين نحط ماي فوق اللحم ونخليه يطبخ .. وهني عاد على حسب نوع اللحم اذا كان طلي صغير ماياخذ وقت واذا كان خروف هرم راح يطول شوي .. يعني انتوا شوفوا اللحم شلون يصير وقبل لا يستوي اللحم عدل .. نحط باجي الخضره ونخلي الجدر يقلب على نار هاديه .. وسلامتكم وعليكم بالعافيه

طبعا لاتنسون تحطون لومي سحاري تخرمونه وتقطونه بالجدر .. وتقدرون تحطون شوية معجون طماط ..وفي ناس تحب تحط لوبه مع الشبزي هم حلوه بس اللوبه لازم تنقع ساعتين عشان تنضي بسرعه .. وهم تقدرون تحطون بطاط . يعني على هواكم .. وبالنسبه للملح لاتكثرون منه مع البهار لان الخضره فيها املاح يعني حطوا شوية وشوفوا اذا تحتاج المرقه اكثر زيدوا

طبعا اكلتنا هذي تسونها مع مشخول ولا تنسون الفرقاعه .. والمعبووج تكثرون منه والخضره بعد المخيسات وربعها

هذي طريقة مبسطه عن الشبزي واللي امها تقول شي او تتحلطم ياويلها من امكم العوده وخلوها ادزلي على شسمونه هذا المنتدى

واليوم ماعندنا شعارات ..

يالله مع السلامه

امكم العوده :D

[عادل الشمري]

واوووووووو...

سعبلت منوووووه...

اليوم باجر آنا عزوبي...بأسويها....بس إن ماضبطت....

راح أصبها فوق راسج:mad:

وإن ضبطت يديدة...تراج معزومة عندي...:p

بس شدخل الهاجرية إهي وبرقعها بالموضووووووووووع؟؟؟؟:confused:

[alajmiali78]

والله انكم طلعتوا ماش فييييييييييييييه احد ما يعرف بالق عينه ؟؟؟؟؟؟؟؟؟؟؟؟؟
الصراحه انا احيانا تسويه العجوز واكله لكن من مده بسيطه عرفت ان اسمه من اول عند البدو بالق عينه !!!!!!

وهو عيش مطبوخ بلبن ويغرف بصحن مرزوقه ( ولا ما يصير له طعم )! ويحفر من نصه ويحطون في الفتحه سمن .
وهات يا تغميييييس ههههههه وبس .وعليكم بالعافيه .

انا كتبته علشان ااكد انه صحيح فيه اكله اسمها بالق عينه وبس .

[كويتيه]

يعطيج العافيه يا الغاليه .. وعساج على القوه:)...


لج تحياتي

وانشالله من يصير عندي شي بحطه هني:)

[عزوف]

بانتظار مشاركتج يالغاليه

[عزوف]

يعطيج العافيه يا مونامورا على هالشرح المفصل

[روووووعه]

http://www.al-wed.com/pic-vb/125.gif

السليـــــــــــــــــــق,,,


رز السليق بطريقة لذيذة و سهلة

المقادير طال عمركم :::

رز مصري أو ابو بنت

دجاجة او ثنتين او حسب الرغبة

شوية سمن

مستكة

حليب سائل

طبعا ما تستوي الطبخة بدون الماء..

الطريقــــــــــــه :::

اسلقي الدجاجة في قدر الضغط 10 دقايق

طفي النار

شيلي الدجاجة و اشويها بالفرن

حطي الرز واضغطيه سبع دقايق و طفي النار وافتحي الغطاء بعد مايروح
البخار
بعدين صبي الحليب السائل عليه

وحركيه بملعقة شوي و اشعلي النار وانتبهي ما يحترق

ذوبي المستكه في السمن و صبيها على الرز وحركيه مع بعض جيبي الصحن

وصبي الرز ولا تنسي الدجاجة اكيد احترقت :D

وبااااااااااااالعافيـــــــــه :)


رووووووووووعه ,,,,


http://www.al-wed.com/pic-vb/125.gif

[روووووعه]

http://www.al-wed.com/pic-vb/125.gif


تسلم هاليدين يالغاليـــــــــــــه على المقبلات الحلووووووه.....

انا بضيف بعد كذا وصفه اتمنى انها تعجبكم انشالله ....



00000000 سلطه التبوله 00000000



المقادير :

- 2 شده بقدونس مفرومه .
- 1 شده كزبره مفرومه .
- 1 شده نعناع مفرومه .
- 1 شده بصل أخضر مفرومه .
- ½ كوب برغل منقوع .
- 1 طماطه كبيره مفرومه ومقشره .



الصلصه :
- ½ كوب زيت زيتون .
- عصير ليمونه .
- 1 ملعقه دبس الرمان .
- سماق .
- ملح وفلفل أسود حسب الرغبه .



نخلط مكونات السلطه جميعا خلطا جيدا نضع مكونات الصلصه في برطمان ومن

ص\ثم نرجع جيدا ونصبه على السلطه ونكمل تحريكهاااااا

بالصلصله ومن ثم نحطها في طبق التقديم وتقدم وتزين بالخس وتؤكل بوضعا

بأوراق الخس الصغيره .

ــــــــــــــــــــــــــــــ

لي عوده .....:)

[monamora]

هلا والله في بنياتي الحلوات شلونكم ؟؟ عساكم بخير .. اليوم بعلمكم طبخه يسمونها قبل طبخة الزراط لانها تنزرط .. وتعتبر هل طبخه غرام العيايز والشياب .. وهي يريش لقيمي و نحتاج حق طبختها جيلتين يريش .. كيلو او نص كيلو لحم ويفضل تكون اللحمه من صوب الظلوع .. ونبي بعد حروة الكيلو طماط مقصوص كبار او شرايح كبيره.. ونبي 3 قواطي معجون و5 فصوص ثوم و6 بصلات وبهارات .. وهي .. لومي اسود وفلفل اسود و كركم وهيل ناعم ومسمار وكمون ودارسين وهذا كله ناعم .. واحسن شي تسونه تدقون البهارات بوقتها عشان تصير طازجه وريحتها خنينه .. الحين نبدي

بسم الله بدينا وعلى النبي صلينا .. نقص البصل صغار ناخذ نص الكميه حق الحشو والباجي للطبخ والحشو ترى سهل البصل المفروم نحط عليه لومي اسود وفلفل اسود وبس من غير طباخ يعني بصل طري ..
ماعلينا نكمل .. نيييب الجدر ونحط عليه دهن شوي ونحمس البصل مع شويه من الطماط والبهارات وبعدين نحط الثوم ونحمسه ونحط المعجون ونحمس لمدة 5 دقايق وبعدين نحط باجي الطماط واللحم ونحمس شوي شوي ونصب فوق الحميس ماي ونخليه يقلب لمدة ساعه تقريبا وبعدها نكون مغسلين اليريش ومنقعينه شوي .. الحين نحط اول شي الملح و نييب لومي سحاري حبتين ونقضهم ونحطهم بالجدر وبعدين اخر شي نحط اليريش بالجدر ونحركه شوي شوي ونخليه يخلط مع اللحم وبعدين نسكر الجدر عدل ونحط فوقه الهاون او اي شي عشان يصير محكوم وبعدين نقصر على النار ونخليه يستوى على نار هاديه لمدة ساعتين ونص الى ثلاث ساعات وبعدها عاد ياكم وقت الضراب .. تيبييين المضرا ب وحيل تكفخين بالجدر ولما يصير يعني مقبول يعني لايصير ناعم وايد لان اليرييش حلاته شوي محبب وبعدين تنجبين ولا تنسين تحطين الحشو ودهن العداني
وعليكم بالعافيه

لاتنسون تكثرون من المعبوج ودقوس القراش وخصوصا المعبوج الاحمر بوتيله والخضره والتوصيات مالت كل مره

نصايح امكم العوده ..

وانتي تضربني اليريش اذا دش عليج الحنان وقعد يتحلطم حاولي تضربين حيل عشان يطشر اليريش بويهه جوود تحوشه عاهه او يصير فيه بهق.. وساعات تصير حكوكه بالجدر شيليها وفركيها على رقبتج عشان لونها يصير نفس لون ويهج

ولا تنسون شعارنا

كونوا معنا في حملتنا ضج الرجال ومحاربتهم من خلال كروشهم .. والهوايه حمايه

امكم العوده:D

[عزوف]

الله يسلمج يالغاليه :)

صــــــــــــب القفشه حق مراقبنا سياتل :)


المقاديــــــر

2 كوب طحين
اكوب طحين نخي (حمص)
2 ملعقة خميره
ربع كوب زيت
2ونص كوب حليب
بيضتين
نص كوب ماي ورد
هيل
زعفران

الطريقه:

يخلط الطحين الابيض وطحين النخي والخميره مع بعض ثم يخلط الحليب والزيت معا ثم يضاف اليه الطحين ويعجن جيدا
نضيف ماي الورد والهيل والزعفران ونتركه في مكان دافي علشان يتضاعف حجم العجينه بعد ما تخمر العجينه نضع البيض عليها وبعد ذلك يتم صب العجينه بقفشه الاكل الحجم العادي ولازم يكون الزيت حار وعلى نار هاديه طبعا لما نصب العجينه ناخذ من الزيت ونصبه عليها من فوق علشات تستوي من فوق وتحت بعدها نضغط عليها بظهر القفشه غلشان تصير مثل القرص وتحجم 100 الفلس :) <<< خوش وصف :D :rolleyes:

طبعا بعد ما تتشقر ونطلعها من الزيت نحط عليها الشيره وبالعافيه يا مراقبنا العزيز :)

[عزوف]

لقيمــــــــات عزوف شرط تضبط من اول مره :)


المقادير

3 اكواب طحين ابيض
3 قفاش حليب بودره
روب علبه وحده (( احتفظوا باللبه لانها راح تكون قياس الماي ))
1 ملعقة طعام نشا
1ملعقة طعام خميره
نص كوب زيت
1 ملعقة طعام بيكنج بودر
2 كوب ماي (( طبعا القياس بعلبة الروب ))

الطريقه
تخلط المقادير الجافه جيدا ثم يوضع الروب والماي ويمزج جيدا نضيف اخر شي الزيت نتركها تتخمر لمدة ساعه او اكثر انا افضل 3 ساعات قبل لا نصبها بالزيت نضيف على الخلظه شوية هيل وزعفران ونصبها على طول بالزيت ولازم اول ما نخلص الكميه على طول نحطها بالشيره

وانا طريقتي بوضع الشيره اخذ ماعون واصب كميه من الشيره فيه واحط كميه من اللقيمات واغطسها فيه بعدين اطلعها وهكذا لحد ما تخلص الكميه

وبالعافيه :)

لا تنسون تدعون لي :cool:

[عزوف]

الجبنيـــــــــــه

طعمها لذيذ وسهله وكأنها جاهزه ومن محل حلويات :)

المقادير
القياس طبعا قلاص جبن التعاون راح يكون قياس جميع المقادير

2 قلاص طحين ابيض
1 قيمر نستله
1 زبدة صغيره
جبن كيري

الطريقه

تعجن المقادير السابقه كلها ثم تكور بحجم صغير ونحشيها ربع جبنه الكيري

وتقلى بزيت حار ولما يتوحد لونها نطلعها من الزيت ونحطها بالشيره ويفضل تكون نفس طريقه تشيير اللقيمات :)

وعليــــــــــكم بالعافيه

واي استفسار انا حاضره وبالشوفه :cool:

[عزوف]

:D يعطيج العافيه يا مونامورا على هالاضافات

اما هالحمله شي

كونوا معنا في حملتنا ضج الرجال ومحاربتهم من خلال كروشهم .. والهوايه حمايه :D ;)

تحياتي

[monamora]

اليوم يومك يازفر ..اي الله يرحمك يادندرمه يانظر عيني كنت دايم تطلب المحمر وخصوصا اذا كان مع مرقة خباط مالح ادري ماتحبون الخباط مالت عليكم شعرفكم بالاكل الزين.. ياحلاته ابوكم دندرمه اول كان يصيد الخباط بنفسه ومن يرجع البيت يصرخ علي ويقول يادندونه ترى صدت خباط يالله زهبي الملح الخشن والمسكين يقعد يبذح بهل خباطه ويملحها ومن يخلص يشرها فوق السطح وعقبها بجم يوم ناكلها.. اييي ايام رحت وخليتني بهل دنيا وحيده مالي ونيس ولا جليس .. ماقول الا الحمدلله على كل حال .. ماعلينا يابناتي اليوم طبختنا محمر مع مرقة شعوم .. طبعا السمجه اختيارها يكون على كيفكم تبون بالول ولا زبيدي ولا اي شي ثاني على هواكم .. سلمكم الله وحفظكم المحمر نوعين نوع على دبس وهذا اول نسويه والنوع الثاني يصير على شكر عادي .. الدبس نخليه على كتر لان مافي احد يستخدمه هل ايام .. وبنسوي محمرنا على شكر وهم الشكر له طريقتين الاولى تحرقين الشكر بالجدر وهذي شوي صعبه عليكم فبعطيكم الطريقه السهله .. ويالله نبدي

بسم الله بدينا وعلى النبدي صلينا .. طبعا ماراح اقول طريقة المرق لان قلناها من قبل واهم شي تكون خاثره ... وطريقة المحمر سلمكم الله نحتاج جيلتين عيش مغسول وطريقته مثل طريقة المشخول بالضبط بس بدال لانحط ملح نحط شكر .. يعني نحط ماي في الجدر وننطر لما يبدي يفوح نحط قلاص شكر بالماي ونخليه يذوب وبعدها نحط العيش ونخليه يقلب على نار هاديه طبعا وبعدها لما يبدي ينضي نشخله بالمشخال .. لكن هني نبدي نحط شكر اكثر شلون؟؟ انا اقولكم شلون
تحاولين تزلين الماي من العيش شوي شوي ومن تصير طبقه من العيش بالمشخال حطي قفشة شكر نثريها فوقه وبعدها حطي طبقه ثانيه ونفس الشي لما تخلصين .. بعدين بنفس الجدر حطي نتيفة دهن وكتي العيش بالجدر وفوقه حطي زعفران منقع بماي الورد ونطري عليه لما يتسكر وعليكم بالعافيه

هذي طرقه مختصره عن المحمر وترى سهله ومافيها صعوبه .. والشكر تقدرون تزيدونه على كيفكم واذا حطيتوا العيش ذوقي شوي منه وشوفي قياس الشكر فيه اذا قاصر هني تعالجينه مع الزعفران يعني تحطين بماي الزعفران شكر وتذوبينه وترشينه على العيش وانا افضل دايم تحطين شكر مع ماي الزعفران

نصيحة امكم العوده ... لما تشخلين العيش طبعا المشخال راح يكون دبق عاد انتي مسحي ايدج بالدبق وحطيها على ويهج ترى الدبق زين حق البشره ..ويساعد على ازالة الزيوان من الخشم

لاتنسين تحطين ادوات الخيسه واللبن خصوصا اللبن لان يقولون يسوي بهق وخلي ريلج يرثع منه لما ويهه يصير جنه قطو عواير مبرقع

ولا تنسون شعارنا

كونوا معنا في حملتنا ضد الرجال ومحاربتهم من خلال كروشهم .. والهوايه حمايه

امكم العوده:D

[روووووعه]

http://www.al-wed.com/pic-vb/125.gif


يعطيكم العافيـــــــه على الطبخاااات الحلووووووه ....والي عندها وصفه جديده

لاتبخل علينااا ترزهااا هنااااا ;) علشان الكل يستفيد منهااا .....

ـــــــــــــــــــــــ

http://hawaaworld.net/2/data/1480.jpg


http://hawaaworld.net/2/data/1467.jpg <<<< هذا هو التوست

سندوتشــــــــات خفيفه ,, يم يم :)


1- ملفوف التوست

توست طررري ومنزوع الأطراف

- مايونيز

- جزر مبشور

-بقدونس مفروم 0

الحشوه : اما دجاج مفروم مع بصل وبقدونس وبازيلا وجزر او جبن كرافت + بيض

مسلوق ومبشور 0

الطريقة :

قومي بفرد التوست ثم دهنه بالميونيز ثم نضع بطرفه الحشو ونقوم بلفها بشكل

اسطواني ثم ندهن طرفيها بالمايونيز ثم نغمس احدى اطرافها بالجزر المبشور

والاخر بالبقدونس 0

*************
2-الفطائر الضاحكــــــــــه ,, يم يم

3 اكواب دقيق ابيض

ملعقه كبيره ونص خميره فوريه

ملعقه بكنج بودر

كاس ونصف حليب سايل

3 ملاعق سكر خشن

بيضه وحده

نصف كاس زيت

الطريقــــــــه :::

توضع المقادير الجافه مع بعض وتخلط جيدا ثم نعمل حفره في الوسط

نضع فيها المقادير السائله.. وتعجن باليد

** يمكنك زياده كميه السائل اذا احتاج الامر حتى تتكون لديك عجينه لينه

** اتركيها وغطيهاا لمده ساعه

**ثم اخذي العجينه وقطعيها الى دوائر صغيره في صينيه مدهوونه

ثم ابدي قطعه قطعه وشكليهاا على شكل سندوتشاات صغيره

(صامولي ) ثم ادهني الوجه بصفار البيضه .. ودخليهاا الفرن من اسفل واعلى

بعد ان تتحمر افتحيها بالسكين مع احد الجهاات وتحشى حسب الرغبه

(( جبن وبقدوونس __ سلطه __

ــــــــــــــــــــــ

3-توست بالبيـــــــــض ,, يم يم

المقادير

- حبه توست

- حبه بندوره مقطعه دوائر

- حبه خسه مقطعه

- بيضتين

- 2 ملعقه حليب سائل

- ملح - فلفل اسود

- شويه زيت للقي

الطريقه

شوفوا يا حلوين تجيبي حبه توست وتقطعيها 4 قطع معاكسه يصير عندك 4

مثلثات توست
بعدين حطي البيض بوعاء واخلطيه مع الملح والفلفل الاسود والحليب ثم جيبي

كل حبه توستوغمريها بالبيض وبعدين اقليها من الجهتين حتى تنتهي من كل

الحبات الاربعه

ولآن نضع حبه توست مقليه بالبيض وبعدين حبه بندوره ثم خسه ثم حبه توست

اخرى ثم حبه بندوره وهكذا حتى تنتهي الحبات طبعا اخر حبه تكون توست

بعدين ادخلي في الوسط عود الاسنان الخشب .....

بالعافيــــــــــــه ,,,


http://www.al-wed.com/pic-vb/125.gif

[اطياف الماضي]

شكلكم دمجتووووووو كل الموسووعات :D


على كلا عندي حلاااا بس شئ

...............................................

حلا التووووووووفي (( بس مو اي تووووفي )):D


4 قشطة
2 كريم كرملااااااا
1كاس سكر
بسكوت شااهي (( على حسب الطبقات ))
حليب سائل

الطريقة :
1/ تذوبين السكر على نار هادئة الى ان يصير لونه ذهبي فاتح (( والافضل انك تسخنين القدر اللي راح تذوبين فيه السكر عشان يسهل عليك تذويبه ))

2/ تكونين خالطة القشطة مع الكريم كرملا وتصبينها بالتدريج على السكر وهو على النار وتحركينه الين يتجانس ويصير لونه بني فاتح بعدين تسكرين عنه النار

3/ تغمسي البسكوت في الحليب وتصفين طبقة منه وتصبين عليه خليط التوفي .
وتحطين عليه طبقة بسكوت مغمس في الحليب وهكذا على حسب عدد الطبقات اللي تبين .
اخر طبقة تكون التوفي وبعدها تغطينه بالبسكوت المطحوووووون ..
وبالعافية

حلااا سهل ولا احلى منه .:D


تشااااااااااااو

[monamora]

شلونكم يابنات الهياته شخباركم .. الحين خلصتوا هياتتكم وتفرفركم بالشوارع يالله عاد جابلوا وركزوا معاي ادري ماتفهمون ولا تعرفون شي لكن بقول وامري لله .. شوفوا اليوم بنسوي مرقة باميه او بانيه على قولة شسمهم .. (عشيتوا البلابل) تدرون اهم اشهر ناس يسون مرقة الباميه .. اول شي نحتاج نص كيلو لحم مقطع صغار يعني مدلقم .. ونحتاج كيلو ونص باميه لانها لازم تكون اكثر من اللحم ونحتاج 3 بصلات و4 طماطات وقوطي معجون ونحتاج اربع فصوص ثوم و راسين ثوم على عدالهم مغسولين ومنقعين بماي .. والبهارات نفس بهارات مرقة اللحم بالضبط ..

بسم الله بدينا وعلى النبي صلينا .. اول شي نغسل اللحم غسال زين ونخليه على كتر .. نييب الباميه ونقصها من فوق يعني من القمع مالها وديروا بالكم تقصون اكثر عشان لاتفتت بالمرقه ..ونقص شوي من البوز اللي تحت .. الحين نحط شوية دهن بالجدر ونحمس البصل مع الطماط والبهارات فوقهم والمعجون وترى في ناس مايحطون معجون يعني يعتمدون على الطماط بس .. وبعدين نحط الثوم المدقوق وبعدين نحط اللحم ونحمسه عدل نخليه ينز مايه ونحمس لما يبدي ينشف نحط ماي حار فوقه ونخليه يفوح لمدة ساعه الا ربع وبعدها نحط الملح والباميه والثوم العدل .. ونخليه يقلب عاد هني لازم نخلي الماي مايزيد وايد ونخلي الباميه تطبخ على نار هاديه لمدة نص ساعه عشان تذوب وتبدي اتمقط وتصير جنها شسمونه .. لوع الله جبودكم صج ماتستحون ..وبنفس الوقت اللحم يذوب زياده ويصير شحلاته .. ولاتنسون تسون مشخول وتعرفون طريقته وطريقة الفرقاعه عسى الله يفرقع بطن كل زوج يخون زوجته وعليكم بالعافيه

في ناس تحب تحط بطاط مع الباميه طبعا على هواكم بس انا قلتلكم الطريقه التقليديه اللي وصلتلنا من صوب سوق الشيوخ . وهذي راح يعرفونها بعض الناس بس

طبعا ماله حاجه اوصيكم على ادوات الخيسه والمعبوج

نصيحه من امكم العوده

اذا ريلج دش المطبخ وطل بالجدر وشاف الباميه شلون تتمقط روحي تنشقي فلفل اسود وعطسي بويهه واذا قال ويع دمرتيني قوليله كنت اقصد شلون اوريك شكل الباميه لما تتمقط .. عقبها راح يحرم يطلب منج اكل والنصيحه الثانيه حق الحواجب .. مسكي الباميه وقصيها من النص وحطي عليها صفار البيض ومسحيها على حواجبج وشوفي شلون يصيرون شحلاتهم وعقبها ماتحتاجين تحفينهم
كونوا معنا في حملتنا ضد الرجال ومحاربتهم من خلال كروشهم .. والهوايه حمايه

امكم العوده::)

[راكان اليامي]

ماشاءالله عليكم يابنات وش ذا الزين والطبخ :)

ريحة الطبخ واصله لين بيتنا

يابنات ياليت تسوون لنا بر وسمن:D

والله ماسكه معي من اسبوع

[كويتيه]

يعطك العافيه بنات والله ماشالله شكلي بخلص حبر البرنتر منكم:)...


اوكي اول شي سوال.. عزووف.. طريقه الجبنيـــــــــــه عجبتني وسهله و سريعه االتحضير .. بس عندي سوال لو ابي احط جبن غير الكيري شنو اقدر احط.. خو انا تلوع جبدي صراحه من جبن االكيري وما احبه كلش.. :o ابي شي غيره..

[عزوف]

تقدرين تستخدمين جبنه مالك المثلثات او جبنة بوك المربعات بس جربيها بالكيري مو طبيعيه وماراح اتحسين بطعمه مع الشيره والقلاي :)

تراها سهله وما تحتاج تخلينها تخمر على طول اعجني الكميه وخليها ترتاح شوي وردي مره ثانيه اعجنيها بعدها شكليها بسرعه كل الكميه مره وحده وحطيهم بالزيت ونسيت اقول شغله مهمه وحلوه بعد ما تحطون الشيره رشوها بفستق


بصراحه يا كويتيه سهله وتخلص بسرعه وكل ما سويتها يحلفون انه حلو جاهز مو شغل بيت :) << موهبه ;)

تحياتي

[كويتيه]

والله انا يا عزووف بجرب و بشوف.. ولي عجبتهم بقولهم يقولون تسلم ايد عزووف مو انا:)... عاد والله احب اتعلم مثل هالشغلات السريعه يعني حزات لي يوج ضيوف فجاه اوي شي حلوه انج تعرفين من هالشغلات السريعه..

مشكوره يا الغاليه بسويهاا انشالله و اقولج النتيجه:)..

[أبــيـــار]

مرحباااااااااااااااااااااااااا :D

اول شي بقول حق كويتيه تقدرين تبدلين الكيري بجنة فيلاديلفيا لأنها الأقرب حق جبنة كيري :D


ثاني شي انا عندي طريقة تحضير السنيكرز بس بصراحه مو مجربتها >>>>>> جربوها وقولولي:rolleyes:

سنكرس من صنع يديك

المقادير:

ملعقتين زبدة
ملعقتين زبدة الفول السوداني
ثلاث ملاعق فول سوداني
علبة حليب نستله المحلى
علبتين بسكويت مطحون
علبيتن دريم ويب بالشوكلاته
علبة قشطة

الطريقة:

نخلط الحليب مع الزبدة وزبدة الفول السوداني والبسكويت والفول السوداني ملاحظةتكسير الفول حتى يصبح مجروشاً) وتوضع عليه المقادير المخلوطة بالصينية ثم نخلط بالمظرب الكهربائي القشطة والدريم ويب ونصبه في الصينية ويوضع في الثلاجة.
بيصير لذيذ عقب ماتطلعينه من الثلاجة


وبالعافيه حبايبي :D


ولنا عوده بأطباق ان شاء الله تعجبكم :rolleyes:

[كويتيه]

ابيار تدرين شنو مشكلتي.. انا ما احب الجبن كله اصلا لا الكيري ولا الفيلادلفيا ولا المثلث ولا شي زين من اكل الحلووم.. شسوي ما احبهم.. :(

[بخـــــــــــوت]

عزووووف 1 قيمر نستله ؟؟؟؟ ما فهمت هل هو قشطه ولا نستله وضحي الله لايهينش

وتسلمين مشتهيه اسويهاا

[عزوف]

لا يالغاليه اللي اقصده >>> قشطه :)

انا قلت قيمر نستله لانه عندنا قيمر كي دي دي وهناك فرق هذا قوطي وهذاك كرتون واللي انا اقصده قوطي :)

[عزوف]

كويتيه انتظري مني وصفة حلو ما فيها جبن بس يا هي روووووووووووووووووعه :)

شرط راح تعجبج

انتظرروني يالغاليات بحلوووو البيبسي كلمة روعه شويه عليه

[بخـــــــــــوت]

تسلمين سويتهاا عزووووووووووف روعه طعمهاا شيء اممممممممم لذيذه

شاكره لك عزووف

[عزوف]

مطرح ما يسري يمري يا بخوت

ويا عله عوافي انشالله :)

[monamora]

قوه يابنات شلونكم وشخباركم ..عسى تارسين عيون وبطون ريايلكم ؟؟ والله مافتكر سويتوا شي .. الله يخلي بيوت اهلكم .. اليوم يابنات بنسوي العصيده .. والعصيده هذي اكله كويتيه عتيجه انقرضت الحين ومايسونها الا القليل وخصوصا وقت النفاس .. والعصيده اكله دسمه شوي وتحلى ايام الشتى اذكر ابوكم العود >>كان يموت فيها ومن ياكلها مسيكين يقولي محد يخليني اصير اثول الا طباخج .. ويالله خلوهم يصيرون ثولان وحولان بعد .. والحين نبدي

بسم الله بدينا وعلى النبي صلينا .. يابنات اكلتنا اليوم بسيطه وسهله مايبيلها شي بس ركزوا معاي شوي وفتحوا مخوخكم المصديه .. نحتاج حق طبختنا اليوم .. قلاص دبس ونص قلاص طحين وربع قلاص تقريبا دهن وقلاصين ماي .. الدبس راح نستخدم مكانه الشكر لانه مايتواجد وايد الحين .. اول شي نخلط الطحين مع الماي عشان نسوي عييينه ولازم تصير رخوه شوي .. بعدين نحط الجدر على النار ونكت فوقه الشكر ونحمسه على نار هاديه ونرش عليه ماي لما يقلب لونه ويصير مدوعم بعدين نحط العييينه ونحرك بالملاس على طول لما تخلط العيييينه بالشكر وبعدين نحط الدهن عليهم ونحرك عدل لما تصير العصيده بالنص يعني ماتلزق بالجدر وبعدها نشيلها من النار ونخليها على كترولا تنسون ترى العصيده نصير رخوه شوي لاتصك معاكم وتصير سميت؟؟ اوكي ولما تقلبونها من تحسون انها صكت رشوا عليها ماي ... الحين نسوي الحشو .. والحشو عباره عن بيض مخلوط ومايبيله قول بعد كلكم تعرفونه تحطون نتيفة دهن وتحمسون البصله لما تبدي تصير مشووقره وبعدين تكتون فوقها البيض والفلفل الاسود والملح وعقبها نحط العصيده في ماعون ونكت البيض فوقها وعليكم بالعافيه

هذي العصيده وسويناها وترى سهله وسريعه مايبيلها شي

لاتنسون تاخذون شوي من العصيده وتدهنون فيها شعوركم تراها زينه حق اللي شعرها يعد

واللي تبي تتعلم اي طبخه ادزلي على الايميل
ويابنات لاتنسون شعارنا

كونوا معانا في حملتنا ضد الرجال ومحاربتهم من خلال كروشهم ... والهواية حمايه

امكم العوده

[عزوف]

:( للاسف ياكويتيه حلو البيبسي فيه جبن :)
انتظرني بشخل دفتري شخال وادور لج حلو سهل ومن غير جبن :)


المهم اخذوا عندكم حلو البيبسي روووووووووووعه مو طبيعي

اول شي الماعون المستخدم هو بايركس ويفضل مربع :)

الطبقه الاولي:
نفرش البايركس بطبقه مو عريضه حيل وسط من كيك سارالي فانيليا يفضل سارا كيك (( الكيك اللي بقصدير المستطيل ))


الطبقه الثانيه :
فستق مو محدده الكميه بس لازم نغطي طبقة الكيك

الطبقه الثالثه :

(( تضرب بالخلاط ))
1 قيمر كي دي دي الكرتون
كرتون دريم ويب
6 حبات جبن كيري :(
فنجال حليب سائل علشان يساعد في ضرب الخليط بالخلاط

بعد ما نضرب الطبقه الثالثه الخلاط نحطها فوق الكيك والفستق ونحطه بالفريزر لحد ما تصك بالمره

الطبقه الرابعه : وهذي راح نسويها على النار

1 بيبسي + جيس كريم كراميل
نخلطهم برا وبعدين نحطهم على النار لحد ما يغلون ويثخن شوي شوي مو طولون وانتوا حاطين على النار

خلوه بس ثواني برا النار لحد ما يبرد طبعا قلبوه بقفشه علشان ما يصك وبعدين نصبه على الخليط برفق وانا افضل بقفشه وعلى الراحه علشان ما يخرب شكل الكريمه

وبعدها رشوا فستق شويه بس للتزين وحطوه بالثلاجه لحد ما يبرد
وعليكم بالعافيه وادعوا لي عفيه :)

[عزوف]

انتظروا طريقه حلــــــــــــــــو سر من اسراري وما اعلم احد فيه مو نحاسه بس تميز ;)

لكـــــــــــــــن منتدى العجمان غالي علي وخواتي بعد اغلى علشان جذي راح اكتب هالسر اهنيه لكن بعد ما القى مشاركات وردود تشجع :)

[كويتيه]

يناااااااااااااااااات والله انكم روعه.. انا كل يوم اروح بيتناا واسوي لهم شغله.. يقولون والله جمج طايحه على دفتر طبخ.. قلتلهم الا موسوعه ماشالله ..
صراحه انا ما اعرق انواع وايد.. بس منكم والله تعلمت وحتى علمت اختي :)..


روعه.. يالله انطر الحلو مالج اللي من غير جبن:)...


عزووووف... انا عندي بعد حلو.. فيه كيري بس اخللطه مع المثادير مايبين طعمه كلش.. جذي اوكي اقدر اكل الحلو بس لي كان طعمه طاغي على الاكله لا ما احبه:)... بس هم بجرب طبخاتكم كلهااا.. والله كلهاا سهله و حلوه:)..

[عزوف]

اول شي انا عزوف مو رووووووعه ;) وماراح اعدل مشاركتج لاني انا ورعه واحد :)


والله فرحتيني يالغاليه وانتظري الحلو اللي ما قعد احد ما سألني عنه وهو حلوى عمانيه بس تضبط بسرعه ومن اول مره وطعمها عجيب


انا انتظر ردود اكثر ومشاركات اكثر وانشالله راح اكتب الطريقه اهني انتظروني :)

[بخـــــــــــوت]

صباحكم اشطه

حلى قهوه ممتاز

المقادير
4 بيضات

ثلاث ارباع اصبع زبده

ثلاث ارباعكاس سكر

7 حبات جبن كيري

ذره فانيليا

علبه بسكوت شاي

الطريقه

يكسر البسكوت في صينيه ويكمون متباعد عن بعضه البعض تسيح الزبده وتسكب عليها ثم تخلط المقاديرالمتبقيه با الخلاط وتوضع فوقه ثم يدخل الفرن الى ان يحمر من الاسفل على نار هادئه ثم يقطع على شكل معين


وبا العافيه امممممممم سهل ولذيذ


بخـــــــــــوت

[monamora]

ياحلات قرص العقيلي مع حلييبه مهييله .. من حلات الريحه نسيت اسلم عليكم .. شولنكم يابنات لبييه شخباركم .. اليوم بنسوي قرص عقيلي .. من اسمه شكله يصير مثل القرص بس واارم شوي منتفخ .. طريقته سهله وبسيييطه ومايبيلها شي كلش.. يالله نبدي

بسم الله بدينا وعلى المصطفى صلينا ... نحتاج حق هل قرص .. 3 بيضات و ربع قلاص شكر و نص قلاص طحين و ونتيييفة بيكن باودر واذا ماتبونها هم يصير .. وزبده وهيل وزعفران واذا تبون سمسم بعد على هواكم

اول شي نخفق البيض ونضربه عدل لما ييصير لونه ابيض وشوي شوي نكت فوقه الشكر ونضرب وبعدين نخلط الطحين مع البيكنق باودر بروح ونحطهم على البيض شوي شوي ونحط فوقهم الهيل الناعم والزعفران .. والهيل عباره عن 3 قفشات حوس شكر ولازم يكون الهييل طري يعني مطحون بنفس الوقت عشان الريحه تصير خنيينه .. ونخلط لما تصير عيييينه ونخليها على كتر .. الحين انيييب الماعون اللي بنسوي فيه ولازم يكون شكله محفون يعني جنه فيه حفره ومدور ماعلنيا .. وندهنه بالزبده عدل ونحط تحت شوية سمسم للي يحبون السمسم وبعدين نحط الخلطه فوقه .. ترى العيينه تصير شوية خااثره .. واخر شي نحطها بالفرن لمدة ثلث ساعه وعليكم بالعافيه

مافي نصايح عقب هل اكله الوحده تصير طيبه وحنووونه

واليوم بنوقف حملتنا لان هل اكله تخلي الوحده تصير ملاك شزيينها تحب الخير للكل

مع تحيات امكم الطيبه الحنون

[اطياف الماضي]

هلااااااا بنوتاااااات وش هالزين


عندي لكم حلاااااا ان شاء الله يعجبكم وترى طريقته مرة بسيطة

حلى بسكويلوز

المقادير

علبة كبيرة حليب نستلة
علبة بسكويت شاي
كأس لوز مبشور
2جالكسي مكسر او 3 فليك
اصبع زبدة مذابة


الطريقة :

يكسر البسكويت في الصينية ثم يصب عليه الزبدة وصبع عليه ربع الحليب ثم يرش نصف اللوز ثم يصب عليه ربع الحليب ويرش عليه الجالكسي او الفليك ثم يصب ربع الحليب ويرش بقية اللوز ثم يصب باقي الحليب ويدخل الفرن لمدة عشر دقايق فقط ثم ندخله الثلاجة الين يبرد وبالهنا والعافية


ملاحظة :: اللي مايحب اللوز لايجربه :)


تشااااااااااو

[أبــيـــار]

انا بعطيكم طريقه حلوه وسريعه ولذيده وبسيطه و و و و و الخ :)


لاباستا >>>>>>>>>>> عنيفه يم يم


المقادير :

1 كيس معكرونه >>>> الباستا " مثل السباغيتي بس عريضه شوي شكلها مثل الشرايط "
3 بصلات مفرومه
1فص ثوم مدقوق
2 طماطم مفرومه
1 علبة مشروم " فطر " مقطع
1 علبة قيمر
1 علبة كريمه حمرا KDD ويمكن استبداله بعلبة قيمر اخرى أو حليب كرنيشن.
ملح وفلفل حسب الرغبه

الطريقه :

- سلق المعكرونه بالماء وقليل من الزيت والملح .
- يحمس البصل جيدا ويضاف اليه فص ثوم مدقوق .
-يضاف الفطر على البصل ويقلب الى ان يتغير لونه
-تضاف الطماطم وترش بالملح والبهارات وتترك حتى تذووب
-يوضع القيمر والكريمه ويترك على النار لمدة 5 دقائق تقريبا
-نضع المعكرونه بعد سلقها على الخليط وتقدم ساخنه

ملاحظه : اذا تم خلط المعكرونه بالصلصه لا تترك لتبرد تقدم على طول من القدر الى المائده على طول .

لا يمكن استبدال نوع المعكرونه لانها راح تصير ناشفه .



وعليكم بالف عافيه


تحياتي

أبــــيــــــار

[عزوف]

يعطيج العافيه يا ابيار وانشالله راح اجربها :)

اطياف مشكوره حبوبه على هالحلو

وبانتظار المزيد

انتظروا طريقة الحلوى العمانيه :) بـــــــس اروح ادور دفتري وافتر على باجي الاقسام وارجع :)

تحياتي

[روووووعه]

يعطيكم الف الف الــــــــــف عافيه حبايب قلبي ...على الوصفاات الحلووه

الله لايحرمني من طلتكم ........تحيااتي

رووووووووعه ,,

[عزوف]

اللــــــــــــــه يعافيج يا رووووووووعه وانتي بعد مو مقصره يالغاليه

انا وعـــــــدت ولازم اوفي

وهذي طريقه الحلوى العمانيه وانا شخصيا مجربتها اكثر من مره وتضبط على طول :)


المقياس : قلاص جبن الكرفت الصغير

نبدأ

المقادير :

5 ونص قلاص ماي من الفلتر

1 ونص قلاص نشا

2 قلاص سكر

ماي ورد + زعفران +هيل ( نخلطهم مع بعض ونخليهم على جنب )

نص قالب زبده ويفضل لورباك

مكسرات ممكن فستق مدقوق شوي بالهاون + جوز مكسر باليد


الطريقه :

اولا :
نذوب السكر على النار لحد ما يصير لونه بني فاتح

ثانيا :
نضع قالب الزبده على السكر

ثالثا :

وضع الماء في ماعون ونأخذ منه قليلا علشان نذوب النشا فيه


رابعا :

وضع باقي الماي على السكر وتقليبه بملعقة خشب

خامسا :

نضع المكسرات على السكر والماي مع ماي الورد المخلوط بهيل وزعفران

سادسا :
وضع النشا على الخليط السابق ونقلبه مرتين او ثلاث ((فقط ))


وبعدها نحطه بقوالب او في ماعون بايركس ونحطه بالثلاجه

وبالعافيه

ملاحظه يجب اتباع الطريقه حرفيا علشان تضبط معاكم من اول مره واي سؤال انا حاضره لا يردكم الا ايـــــــــــــدكم :D

[أبــيـــار]

عندي اكله للشباب

اكله سريعه وخفيفه واغراضها متوفره :)

المقادير :

- خبز لبناني من شركة المطاحن :)

- قوطي معجون طماطم

- فص ثوم

- زيت زيتون او اي زيت

- ملح


الطريقه :

- وضع معجون الطماطم بوعاء وخلطه مع الثوم والملح وقليل من الزيت

- دهن الخبزه بالخليط

- وضعها في المقلاه ووضع القليل من الزيت وتقلى من الجهتيين

- وبالعافيه


ملاحظه : يمكن وضع جبن موزيريلا داخل الخبزه .

تقبلوا تحياتي

أبيــــــــــــار

[عزوف]

يعطيج العافيه يا ابيار على هالمشاركه الخفيفه والسهله :)

تحياتي ياغلاي
وبانتظار المزيد :)

[بخـــــــــــوت]

السلام عليكم ورحمة الله وبركاته



مرحباً أخواتي هذة حصيلة لفة ودورة بسيطة بين المواقع النسائية عن أسرار توابل وخلطات سرية للمطاعم المشهورة .. نقلتها لكّن حتي نستفيد مع بعض منها وكل وحدة تجربها وتعطينا نتائجها
بسم الله نبدأ



.*. دجاج كنتاكي المقلي التقليدي *.


:: المقادير ::

دجاجة مقطعة قطع صغيرة
كوب و نصف دقيق
بهارات إيطالية مخلوطة ومجففة ﴿هذا النوع لا يوجد عندنا﴾ البديل له البهارات الايطالية المتوفرة عندنا
كيس شوربة طماطم مجففة السريعة ﴿ماجي او أي نوع﴾ تجديها في السوبر ماركت
2 بيضة مخفوقة جيدا
ثلثين كوب حليب
زيت للقلي يغطي حوالي نصف انش من المقلاة

:: الطريقة :: نخلط الحليب و البيض ونضعه جانبا
نخلط الدقيق و البهارات الإيطالية و مغلف الشوربة المجفف
نغمس الدجاج في الحليب ثم خليط الدقيق ونضعه في الثلاجة لمدة نصف ساعة او ساعة
ثم يقلي لمدة من 25 – 30 دقيقة مع التقليب عدة مرات ثم يجفف من الزيت و يقدم



.*. كنتاكي كول سلو *.
:: المقادير ::اكواب كرنب مقطع صغير
ربع كوب جزر مبشور
ثلث كوب سكر
نصف ملعقة صغيرة ملح
ثمن ملعقة صغيرة فلفل
ربع كوب حليب
نصف كوب مايونيز
ربع كوب buttermilk تجديها في السوبر ماركت عند الأجبان و الزبدة
ملعقة طعام و نصف خل ابيض
2 ملعقة طعام و نصف عصير ليمون


:: الطريقة :: نقطع الكرنب والجزر صغير جدا ثم في وعاء كبير نخلط بقية المقادير جيدا ونخفقها الى ان تصبح ناعمة ونخلطها مع الجزر والكرنب ثم نغطيها ونضعها في الثلاجة لمدة ساعتين على الاقل




.*. الكول سلو هارد روك كافيه *.
:: المقادير ::كوب مايونيز
3 ملاعق طعام خل ابيض
2 ملعقة طعام + 2 ملعقة صغيرة سكر ناعم
2 ملعقة طعام حليب
رشة ملح
8 اكواب كرنب مقطع
نصف كوب جزر مبشور


:: الطريقة :: نخلط جميع المقادير في الخلاط الى ان يصبح ناعما ماعدا الجزر و الكرنب
نضيف الكرنب والجزر ونخلط جيداونغطيها ثم نضعها في الثلاجة لمدة يوم
الوجبة تكفي من 8-6 اشخاص



.*. صوص ماكدونلدز بج ماك Big Mac *.

:: المقادير ::نصف كوب مايونيز
2 ملعقة طعام صلصة فرنسية
4 ملاعق صغيرة خيار مخلل مقطع صغير وليس شديد الملوحة
ملعقة طعام بصل ابيض مهروس
ملعقة صغيرة خل ابيض
ملعقة صغيرة سكر
ثمن ملعقة صغيرة ملح


:: الطريقة :: نخلط جميع المقادير جيدا في وعاء صغير
نغطي الوعاء ونضعه في الثلاجة عدة ساعات مع التقليب كل فترة حتى يمتزج الطعم جيدا
الصوص يملئ حوالي كوب






.*. تتبيلة البرجر لماكدونلدز *.
:: المقادير ::4 ملاعق طعام ملح
2 ملعقة طعام MSG
ملعقة صغيرة فلفل
ربع ملعقة صغيرة بصل بودرة


:: الطريقة ::
تخلط المقادير جيدا ويتبل بها اللحم المفروم ويشكل دوائر و يوضع في الثلاجة على الأقل لمدة ساعة



.*. الكوارتر باوندر .*.

:: المقادير ::لحم مفروم متبل
خبز برجر بالسمسم
ملعقة طعام بصل مقطع صغير
مستردة - كاتشاب
قطع خيار مخلل
قطعتين جبنة شرائح


:: الطريقة :: ناخذ مقدار من اللحم المفروم المتبل ونشعل الشواية الكهربائية ونضع عليها البرجر مع رش قليل من خلطة التتبيل اعلاه يقلب مرتين الى ان ينضج
ثم نحضر الخبز ونحمصه قليلا ونضع قطعة الجبنة بالاسفل ثم البرجر وعليه قطعة الجبنة الاخرى ونوزع البصل المفروم جيدا والخيار المخلل السر في وضع الكاتشاب والمستردة عندهم انهم يضعوه كنقاط يعني كخمس نقاط صغيرة موزعة في الساندويتش كله




.*. الماك تشيكن Mac Chicken *.

:: المقادير ::زيت للقلي
بيضة
كوب ماء
2/3 كوب دقيق
2 ملعقة صغيرة ملح
ملعقة صغيرة بودرة بصل
بهارات مخلوطة إيطالية
ربع ملعقة صغيرة فلفل
ثمن ملعقة صغيرة ثوم بودرة
4 صدور دجاج فيليه
خبز برجر بالسمسم
خس مدور





:: ماك تشيكين صوص ::ربع كوب مايونيز
نصف ملعقة صغيرة بودرة بصل
تخلط جيدا وتوضع بالثلاجة لحين الاستخدام


:: الطريقة :: نخفق البيضة و نخلطها مع كوب الماء في وعاء عميق
نخلط الدقيق والملح و الفلفل والبهارات وبودرة البصل و الثوم في كيس بلاستيكي جيدا
نقطع الصدور ونضغط عليها حتى تصبح بسمك حوالي ربع أنش ودائرية الشكل
نضع الدجاج في الكيس البلاستيكي ونهز جيدا حتى يختلط بالمكونات ثم نغمسه في خليط البيض ثم مرة أخرى نضعها داخل الكيس ونهز حتى تختلط بالدقيق المخلوط جيدا ونضع الكيس المغلق في الثلاجة لمدة ساعة على الأقل ونحتفظ بخليط البيض ونغطيه ونضعه في الثلاجة
ثم عند الطهي نغمسها في البيض مرة أخرى والدقيق نسخن الزيت الحار ونقليها الى ان تصبح ذهبية اللون و مقرمشة ثم نضعها على ورق خاص لامتصاص الزيت
نحمص الخبز قليلا حتى لا يتففت منا نضع ملعقة من خليط المايونيز على الخبز ثم الخس المقطع صغير ثم الدجاج ويقدم





.*. الملك شيكس Milkshakes .*.

،:،:، هم طبعا يستخدمون ماكينات خاصة لخفق الحليب ،:،:،

،:،:، ولكن الموجودة بالبيت تؤدي الغرض ،:،:،

.*. مليك شيك الفانيلا .*.
:: المقادير ::2 كوب فانيلاا ايس كريم
كوب حليب
ربع كوب كريمة خفق
3 ملاعق طعام سكر
ثمن ملعقة صغيرة فانيلا


:: الطريقة :: تخفق المقادير جيدا في الخلاط ثم نتوقف ثانية ونكرر العملية ثم يصب في اكواب التقديم
بس من تجربتي لو عندك الايس كريم لا تضعيه مثلج بل اتركيه 5 دقائق عنده اخذه من الفريزر حتى يذوب الثلج قليلاا ونخفق جيدا حتى تصبح كالكريمة





.*. مليك شيك بالشيكولاته .*.



:: المقادير ::
،:،:، مثل مقادير ميلك سيك الفانيلا ونضيف بدلها 2 ملعقة ،:،:،

،:،:، طعام شوكولاتة بودرة من نستلة ،:،:،

.*. مليك شيك الفراولة .*.

نضيف 3 ملاعق طعام فراولة بودرة ونخفق

ثم تقدم في الأكواب باردة


تحياتي للجميع



بخــــــــــــــــــــــــــــــوت

[بــيــبـــي]

.*. الماك تشيكن Mac Chicken *.


:: المقادير ::زيت للقلي
بيضة
كوب ماء
2/3 كوب دقيق
2 ملعقة صغيرة ملح
ملعقة صغيرة بودرة بصل
بهارات مخلوطة إيطالية
ربع ملعقة صغيرة فلفل
ثمن ملعقة صغيرة ثوم بودرة
4 صدور دجاج فيليه
خبز برجر بالسمسم
خس مدور



خس مدور يعني خس دائري :p


يعطيج العاافيه حجيه


تعبت ابي اسويها في البيت مو قادر

بس اتصدقين الهمبرغر مالهم غير عن همبرغر الجمعيه ;)

[بخـــــــــــوت]

طيب خل غيرك يسويها حجي ...لوووووووووووول


شاكره مرورك بيبي

[عزوف]

يعطيج العافيه يا بخوت على هالوصفات الرائعه


بس بعد اذنج بدمجه مع موسوعة الطبخ لتعم الفائده

[كويتيه]

بيبي..:)
سميد نوع همم.. مادري اكل.. يعني مثل الطحين.. اسمه سميد:).. مو سميت:)..

[عزوف]

سلطة الكول سلو

المقادير :::
ملفوفه / جزر عدد2/فلفل اخضر بارد (حسب الرغبه)2ملعقه ط سكر/ربع كوب حليب سائل بارد /3ملاعق ط مايونيز


الطريقه:::

نقطع الملفوف بعد غسله الى قطع ناعمه ثم نبش الجزر والفلفل ثم نضيف السكر والحليب ثم المايونيز ونخلطهم ثم نضعهم بالثلاجه لحين التقديم

[عزوف]

انا افضله سلطة الكول سلو من غير فلفل احس تكون احلى جربوها وردولي خبر :)

تحياتي

[اليامي]

ما شاء الله

صراحه تجوعون الشبعان

مشكورين على جهودكم الحلوه

تحياتي لكم

[عزوف]

العفــــــــــو

ونور الموضوع ياليامي

مرورك شرف اخي الكريم
تحياتي

[روووووعه]

http://www.al-wed.com/pic-vb/103.gif

* * * *

~ عصيـــر كوكتيـــل ~



المقادير :

حبتين موز مقطع حلقات .

حبتين تفاح مقشرة ومقطعة مطعبات .

كأس من لب المانجو المفرزن .......وتقدرين تستخدمين بدالة كأس عصير مانجو

(ندى ـ كريم) أو غيرة من الأنواع الثانية .

كأس فراولة مفرزنة .

الطريقه ...

* تخلطين هذي المقادير مع بعضها في الخلاط الكهربائي حتى يتكون لك خليط

ثقيل ...بعدين تحطين عصير البرتقال وطبعاً على حسب الثقل اللي تبين تزيدين

العصير .

وبالعافيـــــــــه


http://www.al-wed.com/pic-vb/103.gif


حليب الموز بالفراولــه ~


المقادير ...

موزتين

كوبين حليب

خمس حبات فراولة

او ملعقتين بودة فراولة

سكر حب الرغبة

او ممكن عسل

نضع كل المقادير في الخلاط وطبعا يكون الحليب بارد...وبالعافيــه

http://www.al-wed.com/pic-vb/103.gif

رووووووووعه ,,

[اليامي]

مشكوره اختي عزوف

والله يعطيكم العافيه

مشكوره يا روعه على العصير

[روووووعه]

العفوووووووووو ياليامي جربه انت .... على طول للمستشفى :D:D

امزززح عاااااد ....:)

[بخـــــــــــوت]

بنات يعطيكم العااااااااافيه

لي رجعه

[عزوف]

الله يعافيج يا بخــــــــــوت وفي انتظارج يا غلاي

[عزوف]

الله يعافيك ياليامي واسعدنا مرورك

[عزوف]

رووووووووووعه يعطيج الف الف عافيه على هالعصيـــــــــــر

:)

واخذوا مني هالطبق انشالله ينال اعجابكم


دجاج بالطريقة الايطاليه

المقادير

دجاج بدون عظم مقطع قطع صغيرة * بصلة كبيرة مقطعة * فلفل رومي مقطع * علبة فطر * 2 ملعقة صلصة طماطم * 2ملعقة بقدونس مفروم * ملح * بهارات * كوب ماء * 2 ملعقة دقيق .

الطريقة

*نضع قليل من الزيت بقدر على النار نضيف له قطع الدجاج ونقلبه قليلا .

* نضيف البصل ونحركه حتى يصفر لونه .

* نضيف الفليفلة والبهارات والملح ونقلبه .

* نضيف صلصة الطماطم والبقدونس ونحركه .

* نضيف كوب الماء ونتركه على نار هادئة نصف ساعه .

* نضيف الدقيق مذاب بقليل من الماء ونحركه بسرعة .

* نضيف الفطر ويحرك ثم يترك على نار هادئة 5 دقائق .

وبالعــــــــــافيه

[المبرقعه]

سلام عليكم


عندي لكم بسبوسه بــــــــــــــس شي000000




المقادير000

2ك سميد

1علبة زبادي

1ك سكر

ثلاثة ارباع الكوب زيت

2بيضه

2م بيكنج بودر

ذرة فانيليا




الطريقه0000




قومي بخلط المقادير السابقه في الخلاط

ثم ضعي نصف المقدار في الصينيه


وضعي في المنتصف هذه الخلطه وهي عباره عن علبة قشطه+خمس حبات جبن كيري+قليل من حليب نستله المحلى تخلط مع بعض ويوضع قليل منها في وسط البسبوسه ثم نقوم بوضع باقي البسبوسه ونضع باقي خليط القشطه على وجه البسبوسه بشكل عشوائي وندخلها الفرن ثم نخرجها ونسقيها با الشيره وبالهناء والعافيه0



والله انها شي اسألو عنه روعه وبخوت ياهم دبو فيها

وربي من كثر حلاتها كلو منها لين اتخمو وحصل لبخوت مالا تحمد عقباه
ماتهنت فيها مع انها كلت بشراهه
خخخخخخخخخخخخخخخخخخخخخخخخخخخخخخخ:D

فضحتكم:p

[روووووعه]

المبرقعه .. انا اشهد انهاا بسبوووووووسه تجنن ..

ولولا رحمة ربي كان راحت فيهاا بخووووووت ....( خوخه )

:D:D:D:D

[بخـــــــــــوت]

بسم الله علي نضلتوني اول مره ادب بحلىىىىىىى


والله بس يااهي بسبووووووووووسه تجنن
امممممممم لذيذه حوبي المبرررقعه بس سويها بكرا لاني بروح معكم الملاهي <<<< تتمصلح

[بخـــــــــــوت]

التمريه

المقادير
علبه بسكوت شااهي

1 زبده

3 ملاعق طحينه ( الي بدون سكر )

نستله حسب الرغبه
الطريقه

اطحن البسكويت با الطحانه اذوب الزبده واضعها عليها ثم اضع عليها ثلاث ملاعق طحينه<<<<<<< حشوه التمر


اطلع الفصمه من التمر واحشيها واغمص التمر با الحشوه نفسها واصف بصينيه

بعد ذالك ارش حسب الرغبه نستله واضعها با الفرن واشغل عليها من فوق

دقيقتين او اقل بس عشان تذوب النستله ويطلع لها شكل

وبا العافيه حبايبي



تحياتي

خوخه

[عزوف]

يعطيكم العافيه يا بنات

المبرقعه & بخـــوت تسلمون على هالاطباق الحلوه

[عزوف]

http://www.sham3ah.com/vb/images/smilies/candleline.gif

رولات الخبز بالدجاج


أولا:اسلقي دجاجة ثم قطعيهاإلى قطع صغيرة
ثم احمسي بصل في قليل من الزيت وضعي عليها الدجاج
ثم ضعي عليه قليل من الملح والفلفل الأسود
ونحضر الخبز اللبناني الدائري الحجم الصغير
ونفتح كل خبزه ونفصلها عن بعض ونضع في كل خبزة قليل من الخلطة
ونلفها على شكل رولات ونصفهم في صينية البايركس
ثم نخلط في الخلاط قشطة مع جبن سائل (جبن كرافت أو بوك) حسب الرغبة
ونصبه فوق الخليط وندخله الفرن حتى يحمر السطج.
وبالهنا والعافية


http://www.sham3ah.com/vb/images/smilies/candleline.gif

[اطياف الماضي]

مـــــــــــــــشكـــــــــــوريـــــــــــن

بنــــــــــــــــــــوتـــــــــــــــات

يعطــــــــــيكم العــــــــــــافيــــــــــة


سلطة الدجاج مع الأرز
.....................................
.......................................

المقادير

صدران من الدجاج المسحب

نصف كوب من الزيت

نصف علبة من البازليلا

كوبان من الأرز المسلوق

كوب من المايونيز

نصف كوب من الفطر المقطع

قليل من البقدونس الناعم

بضع حبات من الزيتون الأسود

ملح وبهار

التحضير

نقطع الدجاج ثم نقليه بالزيت حتى ينضج

ثم نسلق البازيلا ثم نمزجها بالأرز المسلوق

ثم نخلط الدجاج بالبازيلا والأرز والفطر

ثم نتبله بالملح والبهار ثم نضيف المايونيز

ثم نمزجهم جيدا

ثم نقدم الطبق وهوا مزين بالبقدونس والزيتون الأسود

وبالهنا والعافية ,,

تششششششششششششاو

[عزوف]

http://www.crearecountry.com/flowerdivider.gif


كيكه بالشعيريه الباكستانيه

المقادير والطريقه

ضعي في الخلاط الآتي : ( 3 بيضات ، 3 فناجين قهوة سكر ، ثلث كأس زيت ، 6 حبات جبن كيري أو مثلث ) ومن ثم ضعيه في ماعون وضعي علية نصف كأس دقيق وفي الآخير ضعي عليه نصف ملعقة بكنج بودر
ومن ثم أحضري صينية البايركس الكبيرة وأدهنيها بالزيت وصبي خليط الكيك وقبل ماتدخليه الفرن أحضري كيس الشعيرية الباكستانية وكسريها مرة ومن ثم انشريها على وجه الخليط طبعاً دون أن تحمسيها ( لاتنيسين كل هذا قبل ما تدخليها الفرن )
ومن ثم ضعيها في الفرن واخبزيها من تحت ومن ثم من فوق ( مثل الكيكة) ومن ثم أخرجيها وصبي عليها مباشرة علبة حليب مركز كبيرة ودعيها تبرد ومن ثم قطعيها وقدميها

تقدرون ترشون عليها فستق للتزين


http://www.crearecountry.com/flowerdivider.gif

[روووووعه]

تسلمووووووووووووووووون يالغوالي على الطبخات الحلوووووووه

الله لايحرمني من طلتكم في الموضووع ,, تحياتي لكم ;)

[روووووعه]

سلا11111111م ،،

جبت لكم طرق كثيره لتزين العصير علشان تفتح الشهيه

اتمنى انها تعجبكم ;)


نبدأ اوكى ::


http://www.dockofthebayonline.com/drinks.jpg

ممكن إنك تقدمي العصير بعد إضافة الثلج وتقطعي حلقه
من فاكهة العصير وتحطيها علي طرف الكاس وأي إضافات
تحبينها ممكن إنك تثبتينها بأعواد الخشب


ــــــــــــــ


http://www.iceculinary.com/wine/images/mixology.jpg


ممكن إنك ترمي حبات من العنب (أذا كان العصير عنب )
أو إنك ترمي (أوراق نعناع بعصير الليمون)

ـــــــــــــ

http://www.xenosrestaurant.com.au/images/drinks.jpg


إذا كان الشراب علي سطحه كريمه أو رغوه ( مثل
الكبتشينو او الملك شيك ) ممكن إنك ترشي السطح
ببودرة الككاو أو أعواد ككاو الفلك

ــــــــــــــ

http://www.cappuccino-connection.com/images/home/drinks.jpg

ممكن إنك تضيفي قطع من الفاكه المصنوع منها العصير
( إذا كان مانجو قطعي المانجو مكعبات صغيره وإرميها
داخل الكوب وحرصي علي وجود ملعقه أثناء تقديمه )
أو قطعي شرايح الليمون ثم أضيفي لها (السفن أب

ـــــــــــــ


وووووبــــــــــس :):)


تحياتي للجميع ,,

روووووووووعه ,,

[Sha3ree]

انزين ابي الكيك اللي يبيعونه في كفي سينا بن


اللي اسمه خليه نحل على مااعتقد


شنو خطواتها

[عزوف]

ما طلبت شي يا بيبي :)

انتظر الطريقه بس للاسف الحين مو معاي (( انا بالدوام )) اليوم بالليل او باجر الصبح تكون الطريقة عندك بالتفصيل الممل :)








_______

يعطيكم العافيه يا بنات :) خوش مشاركات

[عزوف]

http://www.crearecountry.com/flowerdivider.gif



دجاج تكا بالصور خطوه خطوه


نبدا


المقادير:


دجاجه مقطعه الى 8 قطع او مقطعه الى مكعبات

http://www.redhotcurry.com/images/food/recipes/tikka_dicedmeat_xl.jpg


وتشكيله البهارات
ملح - فلفل - زنجبيل - زعتر - هيل - كمون - كركم- قرفه
كاري - قرنفل مطحون - فلفل احمر
وممكن اي انواع من البهارات المفضله


ثوم مدقوق
بصل مفروم ناعم
بقدونس ناعم
عصير ليمون
زيت
لبن 3 -5 ملاعق
معجون طماطم


http://www.redhotcurry.com/images/food/recipes/tikka_ingredients_xl.jpg

ونبدا
نقطع الجاج


ونجهز البهارات ونخلطها



حتى تصبح هكذا


http://www.redhotcurry.com/images/food/recipes/tikka_mix_xl.jpg


ونضيف الدجاج ممكن قطع بالعظم او مكعبات من دون عظم


http://www.redhotcurry.com/images/food/recipes/tikka_pasting_xl.jpg


وتصبح هكذا

http://www.redhotcurry.com/images/food/recipes/tikka_pasted_xl.jpg



ونقوم بتغليفها جيدا ونضعها في الثلاجه لمده ساعتين او 4 او لثاني عادي حسب الرغبه


http://www.redhotcurry.com/images/food/recipes/tikka_marinating_xl.jpg


ومن ثم تغلفي صينيه بالقصدير وتقومي بوضع الدجاج فيها

http://www.redhotcurry.com/images/food/recipes/tikka_tray2_xl.jpg


وتضعيها في الفرن لمده ربع ساعه او نص ساعه حسب ما بتحبي يكون نضجها
وتترك لتحمر



ممكــــن نقدمها مع سلطة كول سلو



http://www.crearecountry.com/flowerdivider.gif

[الاسوار]

:)تسلمين يارووووووووووووووووعة على الموضوع
واتمنى ان نستفيد اكثر من موضوعك وانشالله المزيد
تحيـــــــــاتي الاســــوار :)

[Sha3ree]

يالله وين الطلب

[عزوف]

الصمون بالشبنت

مقاديرالعجينة :
3 كوب طحين
1 م ك خميرة فورية
2 م ص ملح
½ م ص بيكنج باودر
2 م ك سكر
2 م ك شبنت مفروم
¼ كوب روب
1 كوب ماء دافىء
¼ كوب زيت

مقادير الحشوة:
1 كوب جبن أبيض مفتت
2 م ص نعناع مجفف
½ حبة فلفل أخضر بارد مفروم
½ كوب زيتون أخضر مقطع (وممكن اسود)
(تخلط هذه المقادير معا لإستخدامها كحشوة).

التليمع :
صفار بيضة + القليل من الحليب


الطريقة:

تخلط مقادير العجينة كأي عجينة عادية، (بس ترى منال العالم قالت غير وماأعتقد راح يؤثر ) مع العجينة، يعني سويها مثل أي عجينة بخلط جميع المقادير ثم قطيعا كور صغيرة بحجم صفار البيضة (نفس حجم خلية النحل لما تسوينها) وبعدين إحشيها وكوريها، ورصيها نفس طريقة خلية النحل مع ترك مسافة 1 سم أو شوي أقل بين كل كرة وأخرى، ثم إمسحيها بخليط التلميع وأدخليها الفرن على درجة 180 .

[عزوف]

يا غالي والطلب رخيــــــــــــــــــص

هذي خلية النحل اللي طلبها الاخ بيبي :)

خليــــــــة النحل


اكوب ماء ساخن

كوب ماء دافي

1كوب حليب بودر

قفشه وسط خميره

ا فنجان سكر

شوية ملح (( ذره بس ))

1ملعقة كبير بيكنج بودر

نص كوب زيت

4 كوب طحين

الطريقه

نضع كوب ماء الدافي والحار مع بعض نضيف الخميره لحد ما يذوب بعدها نضع جميع ماسبق على هالخليط ما عدااااااااااااااااا الطحين اخر شي يعني
نضع السكر مع الملح والحليب البودر والبيكنج بودر والزيت

اخر شي الطحين نضيفه شوي شوي يعني بعد ما نمزج ماسبق وصار عندنا خليط نضيف عليه الطيحين قفشه قفشه لحد ما تخلص كمية الطحين

نخليها تخمر في مكان دافي لمدة ساعتين او اكثر لحد ما يتضاعف حجمها


بعدها ندهن صينيه الفرن وناخذ قطع صغار بحجم الخمسين فلس ونحط فيها جبن كيري قطعه صغيره بحيث ان حبه الجبن الكيري الوحده تسوي 4 او خمس كور ونرصهم جنب بعض بالصينيه

بعدها نحطها بالفرن ونشغله من يحت لحد ما ما تستوي اطرافها ونسكره ونبطل الشعله اللي فوق لحد ما يشقر اول ما نطلعها من الفرن نصب عليها الشيره

وبالعافيه



ملاحظه

هذي العجينه روووووووووعه وانا استخدمها للفطاير رووووووعه بمعنى الكلمة وتضبط بسرعه

تحياتي

[عزوف]

هذ الطبخه وفطاير الشبنت اللي ذكرتها فيما سبق من برنامج (( مطبخ منال ))

وعلى فكرة اكثر طبخاتها تضبط وسهله ومجربه :)

فطائر الاناناس
المقادير:

1 كوب حليب
4 صفار بيض
3 ملعقه سكر كبيره
1 ملعقه كبيره دقيق
2 = = = نشا
بيف باستري
اناناس معلب

الطريقه :

اجهز الكاستر : احط الحليب على النار
احط السكر وصفار البيض والنشا والطحين مع بعض واخلطهم
ثم اضيف عليه الحليب وهو ساخن بالتدريج مع التحريك ثم ارجعه على النار واضيف فانيليا
واتركه لين يصير قوامه غليظ
اقطع عجينه البيف باستري دوائر بالقطاعه وادهنه بيضه ممزوجه مع الحليب
ثم احط عليه الاناناس دوائر في الوسط ملعقه من الحشو وهكذا
ارش عليه سكر غير مطحون ثم ادخله الفرن على درجه
200 لمده 20 دقيقه

[روووووعه]

يعطيكم العافيـــــــــه صباياااااااا ;)

جبت لكم افكار لتززين الايس كريم ..امممممممممم من جد حلوه

طبعااا بالصور ,,

http://hawaaworld.net/files/26763/icecrezm.jpg



http://hawaaworld.net/files/26763/3icecream.jpg


http://hawaaworld.net/files/26763/ceesa.jpg


http://hawaaworld.net/files/26763/iceeeee33.jpg


http://hawaaworld.net/files/26763/ict.jpg


http://hawaaworld.net/files/26763/PBJsandwiches.jpg


http://hawaaworld.net/files/26763/2icecream.jpg


اتمنى تعجبكم ,,,,,,,,,


روووعه ,,

[عزوف]

رووووعه يا رووووووعه


يعطيـــــــج العافيه يا غلاي

[عزوف]

انــــــــواع مختلفه من حشوات المعجنات


السبرنغ رول لة حشوة خاصة

جبن تشدر مبشور
بصل مفروم
ثوم مفروم
بقدونس مفروم
بيض

المقادير حسب الكمية
يحمس البصل مع الثوم نضع البيض والجبن ويحرك

يحشي حبات السبرنغ رول


×××××××

البطاطس مع اللحم

طبعاً المقادير هي بصلة صغيرة بطاطس متوسة الحجم القلي من اللحم المفروم بحي يناسب كمية البطاطس
يحمص البصل على النار ويوضع اللحم المفروم بعد ذلك على البصل المحمر قليلاً مع وضع البهارات والملح
ونأخذ البطاطس المسلوق ويخلط بعد ذلك مع اللحم طبعاً

وتوضع هذه الخلطة الى الفطائر

×××××××


حــشـوة الـــجــبــنــة الــبـيــضــاء وقـليـلــة الــمــلـح


وأخــلـطــهـا بنــعــنــاع يــابــس وقــطــرات مــن زيـت الــزيـتـون



وأحشـي بــهــا الــفـطــائــر,,,,,,,



×××××××

حشوة خضار

أفـرم الــبــطــاطــس...... وجــزر ,, وبــصــل مــفـروم وفـص ثــوم


ينحمس بالـزيــت ويضاف له البهار ,,

××××××××


لحم مفروم الافضل ان يكون مفروم دجاج ...

بصل عادي مخلوط ببصل اخضر مفرومين مع بعض ..وقطع جزر وبطاطس

صغيرة جدا ..وكذلك كوسا

يحمسون بالزيت حتى يشقر البصل ... ثم تضاف اللحمة ..

وتحرك قليلا ؟؟ لكل كيس لحمه حبة ماجي .. اضيفي البهارات وغير البهارات المشكلة ..

اضيفي الكزبرة الناشفة المطحونه ... والفلفل الاسود المطحون ... والقليل

من الهيل المطحون .. والكمون ..واذا كان عندك مسحوق الكاري .واعواد الدارسين

اكثري من البهارات وليست مسح .... واضيفي القليل من الصلصة...

الان تكوني مقطعه بقدونس وكزبرة المهم الكزبرة لو تستغني عن البقدونس عادي ..

×××××××××


حشوة لذيذة وجديدة للسبرنغ رول

مقاديرها

7 أصابع نقانق
علبة جبنة كرفت تشدر الوسط
فلفل بارد حبة وحده بس
بصل حبه وحده بس

تقطعين النقانق قطع صغيره مره وكذلك الفلفل والبصل وتبشرين عليهم الجبنه وتحركين الخليط مع شويه فلفل أسود وملح

وتحشين الشرايح


×××××××

[عزوف]

http://www.alsareha.net/vb/images/smilies/zxcv13.gif

تغليفات الكيك وممكن أن تكون حشوة للكيك

1- تغليفة الزبدة

هذه التغليفة من اكثر التغليفات شعبية وهي معروفه وتصنع من الزبدة والسكر الناعم وتضاف اليها النكهة المطلوبة والالوان المختارة لتلوين وتنويع الكيك
المقادير :-
كوب من الزبدة الطرية
كوبان من السكر البودرة
ملعقتان من الحليب
ملعقة من الفانيليا
والتلوين اختياري ممكن تكون بيضاء ويلون جزء منها
الطريقة :-
توضع الزبدة في وعاء بالخلاط الكهربائي نخفق الزبدة حتى تنتفخ وتصبح خفيفه يضاف مقدار السكر الناعم والحليب والفانيليا نواصل الخفق حتى يصبح خفيفا وناعما ثم تمد التغليفة فوق الكيك وبواسطة الاقماع المختلفه نضع لمسات وخطوط مختلفة كما نشاء

2- تغليفة بياض البيض

المقادير :-
بياض بيضة واحدة
ملعقتا طعام من الماء
ملعقة طعام واحدة من قطر السكر
كوب ونصف من السكر البودرة
ملعقة صغيرة من زبدة الطرطير
الطريقة :-
يوضع بياض البيض مع الماء وقطر السكر وزبدة الطرطير
في اناء البايركس يمزج بالة الخفق جيدا حتى يتجانس ثم يضاف السكر الناعم
ويوضع البايركس في قدرمن الماء الغالي يخفق المزيج على النار حتى يتكاثف ويصبح لونه ابيض
تطفا النار ويتابع الخفق مدة دقيقتين ثم يرفع الوعاء عن القدر ويخفق المزيج حتى يبرد ويتكاثف ويتكتل كتلا طرية ثم يستخدم في الحال

3- تغليفة السكر الناعم

كالتي على الدونت وبعض الكيك
المقادير :-
كوبان من السكر الناعم
ثلاث ملاعق طعام من الماء الساخن
ملون للطعام اختياري وممكن يكون ابيض
الطريقة :-
يوضع السكر والماء ويخفق بواسطة ملعقة خشبية حتى يصبح ناعما
والملون كما ذكرنا اختياري تستعمل هذه التغليفة حالا لتغليف سطح الكيك او الدونت
وممكن ان نكتفي بخطوط عشوائيه منها على الكيك او الدونت

4- تغليفة الفدج بالشوكولا


المقادير :-
كوب وربع من الشوكولا العادية
اربع ملاعق طعام من الزبدة
بيضة مخفوقة
كوب ونصف من السكر البودرة
الطريقة :-
توضع الشوكولا مع الزبدة في وعاء بايركس فوق قدر من الماء الساخن
ثم يحرك المزيج من وقت لاخر بملعقة خشبية حتى يذوب ثم يضاف البيض ويخفق المزيج
حتى يصبح ناعما يرفع الوعاء عن القدر ثم يضاف السكر الناعم ثم يخفق حتى يصبح ناعما لماعا
ثم يسكب حالا فوق الكيك


5- تغليفة الشوكولاته

المقادير :-
ملعقتي طعام زبد ة
ملعقتا طعام من الماء
3 ملاعق طعام كاكاو بودرة
كأس سكّر مطحون
ملعقة شاي فانيليا
الطريقة :-
ضعي الزبده والماء في قدر صغير على النار مع التحريك بشكل ثابت إلى أن يغلي الخليط فورا اضيفي الكاكاو وقلبي حتى يمتزج تماما أضيفي السكّر الناعم بشكل تدريجي والفانيليا واخفقيهم جيدا إذا دعت الضرورة اضيفي ملعقة من الماء الإضافي حتى يصل للسمك المطلوب ثم تسكب حالا فوق الكيك


6- تغليفة التوفي

المقادير :-
1 علبه قشطه
نصف باكيت زبده
1 كوب سكر
الطريقة :-
يوضع السكر + الزبده على النار الى ان يذوب السكر ويصبح لونه بنى
توضع القشطه فوقه ويحرك على النار الى ان يختلط ثم تسكب حالا فوق الكيك

7- تغليفة النسكافيه

المقادير :-
نصف باكيت زبده
2 ملعقه صغيره نسكافه
بيضه
كاس سكر
الطريقة :-
يوضع السكر الزبده و جميع المقادير على النارتمزج جيدا على النار حتى تغلظ ثم تسكب حالا فوق الكيك

8- تغليفة جبن الكيري

8 حبات جبن كيري
نصف كوب سكر بودره
ربع فنجان قهوه ماء زهر
تخلط في الخلاط الكهربائي (البلندر) ثم تصب على الكيكة الباردة ويرش الوجه بالفستق وتبرد في الثلاجه حتى تتماسك التغليفه

9- تغليفة القشطه

المقادير:-
2 ملعقة اكل زبدة
كوب سكر بنى غامق
1 كوب من القشطه الطازجه
الطريقة :-
سيحى الزبدة والسكر البنى على نار هادئة ثم ضعى عليها القشطه وقلبيها حتى يصبح لونها بنى ثم صبيها فوق الكيكة
.
10- تغليفة التمر

المقادير:-
كوب تمر
ربع كوب ماء ساخن
وكوب سكر
الطريقة:
نخلط التمر والماء في الخلاط ثم نضيف السكر نواصل الخلط حتى تصبح لدينا كالكريما قابه للدهن وتوضع في الثلاجة ثم تسكب فوق الكيك وممكن ان نحشي بها الكيك وننثر فوقها مجروش اللوز او الفستق
أو

بإذابة التمر في الماء ثم يضرب بالخلاط الكهربائي إلى أن يتكون خليط متجانس كثيف، ثم يصفى ويسكب فوق الكيكة وتزين باللوز المحمر وتقدم.هنيئا

11- الشوكولاته المغلفه ببودرة السكر


المقادير :-
90غ من الشوكولاته الغامقه المقطعه ملعقة شاي من الزيت النباتي
4/1 كوب (60مليلتر)من الماء كوبان (320غ) من مزيج بودرة السكر
الطريقه:
امزجي الشوكولاته والزيت والماء في مقلاه متوسطه وحركي المزيج فوق نار خفيفه حتى تذوب الشوكولاته
أضيفي تدريجيا مع الخفق ما يكفي من بودرة السكر لجعل المزيج متماسكا وصالحا للمد.



12- البديل للدريم ويب


كريمة منزلية الصنع تسخدم في تزيين الكيك ولا مانع في استخدامها كبديل للدريم ويب

المقادير:-
1/2 كوب سمن نباتي ابيض. 1/2 كوب زبدة 1/2 1 ملعقة شاي فانيليا (يمكن استخدام روح الفانيليا فلها رائحة ذكية) 5 أكواب سكر بودرة خاص بالحلويات. منخول 3 ملاعق طعام حليب
الطريقة :-
تخفق الزبدة والسمن بخلاط الكيك على السرعة العالية لمدة نصف دقيقة تضاف الفانيليا ثم يضاف السكر تدريجياً (كوب في كل مرة) ويوضع الخلاط على السرعة المتوسطة. يضاف الحليب بعد ان يختفي السكر ثم يوضع الخلاط على السرعة العالية ويستمر في الخفق حتى تصبح هشة تحفظ في علبة محكمة الاغلاق وتستخدم عند الحاجة. الكمية تساوي 1/2 3 كوب كريمة تقريباً.
ملحوظة :
الملاعق والاكواب المستخدمة عيارية (موجودة في السوبر ماركت) لاتستخدم الاواني الالمونيوم اذا كانت الكريمة ثقيلة تخفف باضافة الحليب ملعقة شاي في كل مرة واذا كانت خفيفة نضيف سكر ملعقة شاي في كل مرة.

تغليفة اللوز

وتوجد تغليفة اللوز تباع جاهزه رائعه جدا لو أي وحده من الاخوات تعرف مقاديرها ياريت تحطها النا
لان التجهيز بالبيت افضل من التغليفات الجاهزه لانه يكون بها مواد حافظه وضاره واللي عندها طرق اخرى تضيفها حتى يكون ملف كامل وشكرا

حتى تكون الكيكه هشة ومنفوشه

بعد إعداد الكيكة أضيفي ملعقة كبيرة ماء مغلي علي العجينة واضربيها
جيدا ثم ادخليها الفرن ستصبح هشة و منفوشة والزبدة افضل من الزيت النباتي للكيك

http://www.alsareha.net/vb/images/smilies/zxcv13.gif

[روووووعه]

http://www.al-wed.com/pic-vb/22.gif


يسلموووووووو عزوووف على الاكلات الحلوووه

لاهنتي ياغلاهــــــم ..

اعجبتني حيل تغليفاات الكيك انشالله اني اجرب بعضهم


ـــــــــــ

حلى الكيت كـــــــاات

المقادير/: 2قشدة,,, 2دريم ويب ,,, 1فنجان سكر ,,, 2بسكويت شاي مكسر صغير ,,, نصف كأس فستق مدقوق ,,,6أصابع كيت كات مبشور ,,,, 3ملاعق شوكولاته بودرة


http://haveabreak.kitkat.fi/design/graphic/kitkat.jpg


الطريقة /
تخلط جميع المقادير ماعدا الفستق ثم يكور ويغمس بالفستق أو جوز الهند حسب الرغبة ويوضع في قوالب ورق ويدخل الثلاجة إلى حين التقديم.



*****

http://www.al-wed.com/pic-vb/22.gif

[عزوف]

يعطيج العافيه يالغاليه على هالحلو السهل

:)

تحياتي

[عزوف]

http://www.crearecountry.com/flowerdivider.gif


أرز بالخـلـطـــة و الدجـــــاج


المقادير

4 صدور دجاج مخلي من العظم http://www.animationlibrary.com/Animation11/Animals/Chickens_and_Turkeys/Happy_chicken.gif

كوبان أرز ( أو حسب الكمية اللي تريها مناسبةلعدد الاشخاص )



3 أكواب ماء لطبخ الأرز ( أو شوربة لتعطي نكهة أحلى ) http://www.animationlibrary.com/Animation11/Animals/Dogs/Water_dish.gif


كمية مناسبة من البازلاء http://www.animationlibrary.com/Animation11/Food_and_Drinks/Vegetables/Beans.gif


جزرة مبشورة أو مقطعة مكعبات صغيرة http://www.animationlibrary.com/Animation11/Food_and_Drinks/Vegetables/Carrot.gif


بصـلتين كبار http://www.animationlibrary.com/Animation11/Food_and_Drinks/Vegetables/Onion.gif


فص ثوم http://www.animationlibrary.com/Animation11/Food_and_Drinks/Vegetables/Garlic.gif


ملعقتين صلصة طماطم http://www.animationlibrary.com/Animation11/Food_and_Drinks/Vegetables/Tomato_guy.gif


البهارات ( ملح-فلفل-كمون-زنجبيل-هيل-قرنفل-كزبرة ناشفة-بهارات البرياني) http://www.animationlibrary.com/Animation11/Food_and_Drinks/Condiments/Salt_and_pepper_2.gif

الطريقة

1. نتبّل صدور الدجاج بالملح و الفلفل و الثوم و الزنجبيل من الليل و نضعهم في الثلاجة.

2. عند وقت الطبخ, نقطع صدور الدجاج إلى مكعبات متوسطة.

3. نغسل الأرز و نضعه جانبا.

4. في القدر اللي سنطبخ فيه, نقطع البصل والثوم و نضيف عليه قليل من الزيت و نحمر حتى يذبل اللون و يصبح أصفر.

5. نضيف الدجاج المقطع و نستمر في التقليب لمدة دقيقة.

6. نضيف البازلاء و الجزر و نستمر في التقليب.

7. نضيف ملعقتين الصلصة .

8. نقوم بإضافة الماء ( الكمية المناسبة للرز ) ثم نضع البهارات على الخليط.

9. لما يبدأ بالغليان, نضيف الأرز, ثم نطبخ الرز بالطريقة المعتادة لمدة نصف ساعة.

http://rds.yahoo.com/S=96062883/K=Rice+with+Chicken/v=2/TID=DFIM_1/l=IVI/*-http://www.milkgives.com/images/calendar2003-sep2003.gif

قدميها مع سلطة خيار و لبن أو سلطة خضراء.


http://rds.yahoo.com/S=96062883/K=salad/v=2/TID=DFIM_1/l=IVI/*-http://www.yourheartchef.com/images/salad.jpg


او ممكن تقدمي معها دجاج أو لحم ستيك محمــــــــر .


http://www.islamonline.net/Arabic/ramadan/2001/breakfast/images/cov1.jpg



http://www.crearecountry.com/flowerdivider.gif

[Sha3ree]

هههههههههههههههههه


اقول بنات

اتسوون موكا فوربتشينو :D


لالالا اظحك


بس ودي آكل ماك رويال :D

[بخـــــــــــوت]

امممممم هذا حلى ما جربته بس من مقاديره شكله اممممم لذيذ



المقادير
بسكويت شاهي كبير
حليب مركز نستله كبير
ثلث كأس جوز الهند
ملعقتين كاكاو بودره
ملعقة نسكافيه
زبده


طريقة العمل :
يكسر البسكويت كسر صغيره ويضاف اليه الكاكاو والنسكافيه والجوز
يسكب عليه الحليب والزبده ويخلط باليد جيدا الى ان يتماسك
يرص في صينيه .
يوضع على النار فنجان سكر + ملعقه قشطه + نصف فنجان ماء
تقلب جيدا الى ان يصبح الخليط مطاطي <<< انشاءالله فهمتوا علي
يسكب الخليط على الطبقه الاولى ويكون لون الطبقه الاخيره مائي ومطاط
يوضع في الثلاجه الى ان يتماسك الخليط


تحياتي

بخـــــــــــــــــوت

[روووووعه]

يعطيكم العافيه وسلم ايديكم على الوصفااات الحلوووه لاهنتووووو يالغواااالي

ننتظر جديدكم من الاكلات الحلوووووه ,,

تحياتي,,

رووووووعه,,,

[عزوف]

يعطيـــــج العافيه يا بخوت
ومشكوره على هالحلى

تحياتي

[Sha3ree]

.