المساعد الشخصي الرقمي

مشاهدة النسخة كاملة : ايهما افضل الزواج التقليدي ام الزواج عن حب؟


كويتي
02-04-2004, 03:14 PM
ايهما افضل الزواج التقليدي ام الزواج عن حب؟

عندما تقرر الزواج من شريك الحياه ايهما تفضل الزواج عن حب ام الزواج التقليدي؟

من وجهه نظري افضل الزواج عن حب فاجمل شئ في الحب انك تحب وتنحب فبالحب نرتفع عن الاخطاء

والعيوب وبالحب نتحمل بعضنا بعض ونصبر ننجح ونفشل ونصارع معا الايام والسنين .

والحب يجعلنا نستطيع حل الكثير من المشكلات التي تعترضنا في زمام الحياه.

اتمني ان اري وجهات نظركم.


اخوكم كويتي

سقراط
02-04-2004, 03:42 PM
أهلا بك كويتي ..

يقولون ( الحبُ يموتُ إذا نُكِح ) ...

في مجتمعنا ( السعوديه ) ، لايوجد شيء من هذا القبيل ، الزواج يتم بطريقة تقليديه يعرفها الجميع ، ومع ذلك نسبة الطلاق متوسطه نوعا ما ، وتقل عن بعض الدول منفتحة العلاقات.

الحب في نظري ليس مؤشراً لنجاح الزواج من عدمه ، والعكس صحيح ، فيبقى الحب هو الحب ،سواءً كُرس ذلك بالزواج أم لم يكرس..، والزاوج كذلك ، كان هذا الزواج عن حب أم لم يكن ،،

ولكن يبقى الحب شيئا جميلا ..

شكرا استاذي..

كويتيه
02-04-2004, 05:28 PM
يعطيك العافيه اخوي كويتي.... موضوع حلو:)..

والله يا اخوي الكل وحده انه يحب و ينحب... .. و يعيش مع اللي تمناه قلبه.. بس ماتدري ليش يقولون اللي يتزوج عن حب تفشل حياته واللي يتزوج زواج تقليديي تستمر حياته؟؟؟... مادري هل هذا صح او لا..
عني انا.. اكيد ودي اتزوج واحد احبه.. بس ابيه يكون انسان متفهم وعقله كبير.. .. و ابيه لماا يحبني يحبني حق شخصي و ذاتي .. مايحبني عشان شكلي وبعدين لماا نتزوج يمكن يكتشف فينيي او شي بطبعي مايحبه ويندم انه تزوجني.. ..

كويتي
02-04-2004, 10:20 PM
سقراط تسلم يا قلبي على المرور الله لا يهينك

كويتيه مشكوره اختي على المرور حبوبه

ابن مكتوم
03-04-2004, 07:24 AM
الاخ كويتي مشكور على الموضوع المثير
والزواج الي اوله حب اخره طلاق هذا في وجهه نظري




بن مكتوم

admin
03-04-2004, 07:47 AM
انا في اعتقادي ان زواج بشكل عام قسمه ونصيب اللي كاتبله الله انه يستمر راح يستمر ولاهو شرط انا اشوف انه زواج الحب افضل من الزواج التقليدي
وكثير من اهل الباديه واهل القبائل تزوجو عن حب ومنهم الامير راكان بن حثلين رحمة الله .

وشكرا علي طرح هذا الموضوع




ولكم تحياتي

راكان اليامي
03-04-2004, 07:56 AM
الزواج قسمه ونصيب

اللي الله كاتبه للشخص راح يصير

تحياتي

الجـــــــــادل
03-04-2004, 08:53 AM
لاهنت على الموضوع الحلووو

وانا مع اخي ابوفيصل واخي راكان في اللي قالووووه

كويتي
03-04-2004, 05:44 PM
الله لا يهينكم على المرور

عزوف
05-04-2004, 07:59 PM
التقليـــــــــــــــــــدي :)

انا مع التقليــــــــــــدي لان الوحده ما تضمن يمكن ((يمكن )) يطلع الرجال قليل اصل ويذلها بهالحب !!!

وبصراحه لان الحب في هالزمن فيه تنازلات كبيره كبيره وتضحيات صعبه وما اعتقد اني انا اقدر عليها !!! او اقدر اواجه الظروف والناس وافرض اللي ابيه بأي طريقه


بس ما يمنع ان الزواج عن حب حلو وله طعم خاص بالذات اذا كان هناك ذكريات قبل الزواج

ومثل ما قالوا الاخوان كل شي قسمه ونصيب

وردة&العجمان
05-04-2004, 08:36 PM
السلام عليكم


شلونكم وشحالكم :)

المهم نرجع محور حديثنا

صراحة انا مع كلا الطرفين

ان صار نصيب وصارت الزيجه تقليديه

مع المعاشره الطيبه والاحترام المتبادل راح يحبون بعض

واذا كانت عن طريق الحب وهذا ايضا شي جيد ولالا هو عيب

بسمو يجي واحد يحبلي وحده لا حسب ولا نسب ويقول بتزوجها ؟؟ لا غلط

وحتى كذالك البنت :)

تدور واحد عاقل شهاده اخلاق اصللللل وفصللللللل وذيك الساعه اهلها ماراح يرفضون :)

وبعدين انا اتوقع زمنا هذا الحين الرجال يقدر يشوف مرته قبل لا يملك (يملج) ويقدر بعد الملكه(الملجه) يطلع معاها ويكلمها وبذلك ينشا حب بينهماااا

والسلام عليكم ورحمة الله وبركاته

دمعة^الوادي

نجر
05-04-2004, 10:37 PM
مشكور يا كويتي على طرح الموضوع الشيق للنقاش.

اول شي برد على ابو فيصل لما قال ان الشيخ راكان تزوج عن حب؟؟؟

الحب هذا كان حب عذري وكان لازم توضح هذا الشي
وهو يكون حب من طرف واحد مع عدم علم الشخص الاخر وانا اعتبره نوع من انواع الاعجاب.
ويقع الحب هذا لما للبنت بسبب جمالها او لشرفها ( الشرف هنا معناته علو الشان)
والبنت الي عشقها راكان كانت بنت عامر بن جفن شيخ من شيوخ العجمان.ولا يمكن تكون من النوع الي قاعدين نتكلم عنه وهو بالنسبه لي النوع اللعوب والممستهتر.

نرجع للموضوع.

انا معا الطريقه التقليديه والشرعيه والكل عارف ان الطرق الاخرى حرام وما فيه احد يبي يبني بيته من اساس هش ويبدى بدايه غلط.
فمن وقع في هذه المعصيه عليه او عليها الاستغفار. وقطع اي نوع من انواع العلاقات المحرمه.
وصدقوني الي يتزوج وحده عن طريق الحب ( والطرق هذي معروفه للجميع)
مستحيل في يوم من الايام يثق فيها.
فهي وهو ايضا بيبقى ذاك الشخص العبوث و اللعبي.

تحياتي

نجر

ابوتركى
05-04-2004, 11:13 PM
والله اخوى كويتى كلهم حلوين بس الحب مو الحباللى اكثر الناس فاهمينه

غلط يعنى حب على وضح التقا ماتشوبه اى شائبه اما حب تلفونات ماينفعش

ياحلو


وتشكر على المواضيع الحلوه

كويتي
06-04-2004, 02:06 PM
تحياتي لــــــــــكم اخواني وتسلمون على هذى المرور

اخـــــــــــــــوكم كويـــــــــــتي

تعالوا
06-04-2004, 11:29 PM
اخوي كويتي مشكور على الموضوع

وانا صراحه مع دمعة الوادي


لكن سالفة الرجال يشوف المره .......
يمكن يطبقونها البدو في عام 3000

الجـــــــــادل
07-04-2004, 12:01 PM
لاهنتي اخي على الموضوع


اما راي الحب على وضح النقى مهو بعيب

العيب هو غيره

لان كثير من البدو حبواا على وضح النقااا منهم الفارس راكان بن حثلين ومنهم

عقااب العواجي ونوت كان يشوفها ويتحدث معهااا

لكن العيب مهو فالحب العيب اخواني الافاضل بالزمااان والناس اللي تغيرت

من اول كان البدو يجتمعون ويشفون بعضهم البعض لكن النواياا كانت سليمه

اطياف الماضي
07-04-2004, 12:33 PM
اخوووووووي كوويتي وش حدود الحب هذا ؟؟

الحين الاغلبية صارو يتلاعبون باسم الحب

وحبهم يبنى على اساس غير صحيح وغير مقبول اجتماعيا

والحب كيف انبنى اساسا؟؟

الم يبنى الا بعد عشرررررررة ؟؟

لاتقول لي حب من اول نظرة .. لان هذا لايسمى حب بل يسمى اعجاب يتلاشى بسرعة فائقة ..
ام المحبة فلاتاتي الا بعد المعاشرة ومعرفة مافي الشخص من عيوب ومزاياااااا


فلمــــــــــاذا هذه المحبة لاتـــــــــــــــــأتي بعد الزواج ؟؟

بعد ماتعرف من اقترنت به وعاشرته ...


اشكرك اخوي على طرح مثل ذلك الموضوع ,,

تقبل تحياتي ,,

هند
07-04-2004, 11:40 PM
ياهلا بالأخ ( كويتي )

أفضل الزواج التقليدي ،،،



لك تقديري
السؤدد

كويتي
08-04-2004, 12:57 PM
يا هلا والله فيج اختي اطياف هدي اعصابج انا قريت ردج بغيت

اطفي الجهاز هاهاهاها هدي اعصابج :)

يا هلااااااااااااااااااا والله في السؤدد زارتنا البركه تو مانور

الموضوع تقبلي تحياتي :)