الجويّر
11-10-2005, 04:31 AM
السلام عليكم ورحمة الله وبركاته
هذي قصه للشيخ والفارس والشاعر سعدون العواجي رحمة الله عليه 0 كان سعدون يماري بطيب فعل عياله عقاب وحجاب اللي ارفعوا بيته وشبوا ناره بعد ماجار عليه الكبر والدهر وجماعته
وفي لحمة بصر فقدهم ثنينهم على يد هايس القعيط فارس من فرسان شمر
ومن هول المصيبه اللي حلّت على راس سعدون ماله جدا كود ملاعب القصيد عل وعسا يفرج من همومه
وطبعن المكان اللي انذبحوا فيه عقاب وحجاب يسمونه الحين ( عدامت الشيوخ )
وقال سعدون هذي الابيات على عياله
والقصيده تقول:
ياونة ٍ ونيتها تسع ونات = مع تسع مع تسعين مع عشر الوفي
مع كثرهن بأقصا الحشا مستكنات = واعداد خلق الله كثير الوصوفي
ونة كسير الساق والخيل عجلات = وكسره حدا الساقين غاد ٍ اسعوفي
على سيوف ٍ بالملاقا مهمـّـات = سيفين ٍ اغلى ماغدا من سيوفي
احشم محشمتهن ولوهن بعيدات = وماهمـّـني لو الضواري تحوفي
وخليتني يعقاب مابه مراوات = وعيالك اصغار والدهر به جنوفي
وحجاب يازبن البكار المقيلات = لاروّحن مثل النسور الكتوفي
من عقبكم مانبكي الحي لو مات = وماني على الدنيا كثير الحسوفي
وياكثر ماجريت بالصدر ونات = على فراق معطـّـرين السيوفي
وياعقاب عقبك شفت بالوقت ميلات = ووزيت انا من ضيم بقعا احفوفي
الخيل تدريبك نهار المثيرات = ياللي على كل المخاليق نوفي
والخيل تقفي من فعولك معيبات = توطى شخانيب الرظم ماتشوفي
مرحوم يانطـّاح وجه المغيرات = ان جن كراديس السبايا صفوفي
ومرحوم يامشبع سباع البقيعات = وعز الله انه عقبكم زاد خوفي
للشاعرها / سعدون العواجي رحمة الله عليه
هذي قصه للشيخ والفارس والشاعر سعدون العواجي رحمة الله عليه 0 كان سعدون يماري بطيب فعل عياله عقاب وحجاب اللي ارفعوا بيته وشبوا ناره بعد ماجار عليه الكبر والدهر وجماعته
وفي لحمة بصر فقدهم ثنينهم على يد هايس القعيط فارس من فرسان شمر
ومن هول المصيبه اللي حلّت على راس سعدون ماله جدا كود ملاعب القصيد عل وعسا يفرج من همومه
وطبعن المكان اللي انذبحوا فيه عقاب وحجاب يسمونه الحين ( عدامت الشيوخ )
وقال سعدون هذي الابيات على عياله
والقصيده تقول:
ياونة ٍ ونيتها تسع ونات = مع تسع مع تسعين مع عشر الوفي
مع كثرهن بأقصا الحشا مستكنات = واعداد خلق الله كثير الوصوفي
ونة كسير الساق والخيل عجلات = وكسره حدا الساقين غاد ٍ اسعوفي
على سيوف ٍ بالملاقا مهمـّـات = سيفين ٍ اغلى ماغدا من سيوفي
احشم محشمتهن ولوهن بعيدات = وماهمـّـني لو الضواري تحوفي
وخليتني يعقاب مابه مراوات = وعيالك اصغار والدهر به جنوفي
وحجاب يازبن البكار المقيلات = لاروّحن مثل النسور الكتوفي
من عقبكم مانبكي الحي لو مات = وماني على الدنيا كثير الحسوفي
وياكثر ماجريت بالصدر ونات = على فراق معطـّـرين السيوفي
وياعقاب عقبك شفت بالوقت ميلات = ووزيت انا من ضيم بقعا احفوفي
الخيل تدريبك نهار المثيرات = ياللي على كل المخاليق نوفي
والخيل تقفي من فعولك معيبات = توطى شخانيب الرظم ماتشوفي
مرحوم يانطـّاح وجه المغيرات = ان جن كراديس السبايا صفوفي
ومرحوم يامشبع سباع البقيعات = وعز الله انه عقبكم زاد خوفي
للشاعرها / سعدون العواجي رحمة الله عليه