وجات الفوائد معرفة ناننسي عجرم

[الواصل]

الا يالله يامطلوب يامجزل المدات= تثبت اخطانا في زمان يخيف اظلم
بعد ميلٍ جلٌ الناس من النور للظلمات= تزين خواتمنا وفي جنتك تنعم
اناشايف لي شوف وغيري لهم شوفات=وكم شايف من شوفه عمى واغتم
فقدنا الرجال اهل الشيم في زمان فات=وشفنا خلفهم مابناءه السلف يهدم
بيوت المعزه شفتها تنزل الوطيات=مقاديمها تهزع وفي حقها تهضم
تبدي المصالح ماتضحي على الطولات=شغوفه بجمع المال ومتابعة الاسهم
ولاعاد للمحتاج فزعه ولا خصات =واشوف الوحاني في القرابه وعيال العم
واشوف الوعايد عندنا جابها الجات=يجيب اللجاجه نسل من لانقل محزم
واشوف السروق اللي جمع المال بسرقات=يقلط على العارفوراعي الكرم والقرم
واشوف العذارى مسافراتٍ بلا شيلات=تقلد لبوس الغرب تمشي بلا محرم
تخلو عن الحشمه غدا لبسهم جنزات=يضنون انهم واكبو الرقي واهل العلم
وشفنا رجال تخلف العرف والعادات= يقولون راعي العارف رجعي ومايفهم
دخلنا مجالسهم هدف علم اوسجات= وجات الفوائد معرفة ناننسي عجرم
تحلق الشوارب واللحى تتبع الموضات=تمسح شعرها بلكريمات والبلسم
تلفونهم ماهو يوني من النغمات =رسايل وغير وغير والخافيات اعظم
تفرقهم الشده وتجمعهم اللذات=حظيظ الذي من صحبة ذا الزمن يسلم
فيالله يالمعبود يامفرج الكربات=تزين خواتمنا وبجنتك نغنم

[*(النفس طابت)*]

تفرقهم الشده وتجمعهم اللذات=حظيظ الذي من صحبة ذا الزمن يسلم
الاخ الواصل قصيده ولا اروع ان كانت لك فلله درك وان كانت من كتابات غيرك فهذا دليل على روعة ذوقك الشعري ولك تحياتي

[المارد الشعري]

تبدي المصالح ماتضحي على الطولات=شغوفه بجمع المال ومتابعة الاسهم


بعض الناس متعلق في المكيرش

دخلنا مجالسهم هدف علم اوسجات= وجات الفوائد معرفة ناننسي عجرم


حلوووووووووووووووووه



والله ان القصيده روعه وان شاعرها جزل وناقلها ذوق