للمرحوم بطيحان بن منيخر

[فزاع]

هذه القصيده اسندها شاعرنا رحمة الله عليه الى ابن عمه عبدالله بن نايف العويض


ماحلا يابوفهد هدة الطير
حل العصير ولا بعد غابت الشمس
فأرضن خلا ماداج فيها الصقاقير
ماداج فيها راعي الجيب والجمس
في خايعن متخالطن بالنواوير
تلقى الحباري فيه خمسآ معا خمس
اطيورنا فدع الحرار المغاتير
متعلماتن ماتفرقع من اللمس
يصخرن ماطار بالجو تصخير
ويقالبنه قلبة الهيل بالحمس
والا ركبنا فوق زين الحناتير
نبغي لنا ذكرآ خذيناه قبل امس
ياما قطعنا فوقها من دعاثير
والصيد لو نازحن نرمسه رمس
ماحن نحسب للتعب والمخاسير
والراي ماحن ناخذه لاغدى عمس
واللي ورد لابد له من مصادير
دنياك هذي كلها همس في همس
للمرحوم الشيخ / بطيحان بن محمد بن بطي ال منيخر

[بحوور]

رمان




اختـيـــــار رائـــــــع

لاهنــــــــــت ،،




أختــــــكـ

[فزاع]

نتشرف بمرورك

بحور

ولاهنت يالغالي

[مـحمـد]

السلام عليكم ورحمة الله وبركاته

الله يعطيك العافيه يالاخ رمان ولاهنت , وصح لسان الشاعر الكبير المرحوم بطيحان بن منيخر
واذكر ان قصيدته هذه تحدى فيها الشعراء وكان من ضمنهم السديري ولم يقدر احد بالرد عليه .

[فزاع]

الاخ العجمي شاكرلك مرورك قصيدة السديري وحده ثانيه غير هذي اللي ذكرناها وكان المرحوم قد جارا السديري في قصيدة ..رجلك وان ضاقت لياليك سجها .. وانشالله نذكرها قريب