قصيدة نادرة للملك فهد رحمه الله [الأرشيف] - ::. مـنتدى قبيلـة العجمـان .::

{الحويله}

26-09-2005, 10:00 PM

--------------------------------------------------------------------------------

بسم الله الرحمن الرحيم

قصيدة خادم الحرمين الشريفين الملك\فهد بن عبدالعزيز رحمه الله عندما كان مريضا في لندن في شهر شوال من عام 1385هجري حيث بعثها الى المرحوم الامير فهد بن سعد يشكو فيها قساوة المرض ..

يابو سعد صارت على اخوك غارات
شهرين اقاسي من شديـد الغرابيـل

سو المرض يحمل على اخوك حملات
مافي يدي حيله ولا في يـدي حيـل

والله فزع من فوق سبع السمـاوات
وانا احمد الله يوم صارت تساهيـل

ماينفع الخايـف والايـام عجـلات
الخوف ماينفع ولا القـول والقيـل

حنا هـل العوجـا ولا بـه مـروات
شرب المصايب مثل شرب الفناجيـل

لاشك انا مشغول في كـل الاوقـات
على الـذي حنـا بظلـه رجاجيـل

ماني على نفسي كثيـر الحسافـات
لاسلم راسه روسنا رفـاع بالحيـل

حامي حمانـا بالليالـي المخيفـات
لو صـار بالعالـم كثيـر الزلايـل

فخر العروبـه بالعـدل والمسـاواه
هذاك هو فيصـل ولا فيـه تشكيـل

يشهد له اللي شاهدوا منـه ليـات
ويشهد له التاريخ جيل بعـد جيـل

فاجابه الامير \ فهد بن سعد رحمه الله بهذه القصيده :

يامرحبـا بكتـاب زبـن المـخـلات
اهـلا هلابـه عـد وبـل الهماليـل

حمدت مـن زال الكـدر بالمسـرات
فكاك مـن صكـت عليـه المحابيـل

فـزع لـك اللـي عالـم بالخفيـات
مبري جروح ايوب غيـث المراميـل

لعل مايزعج علـى فقـدك اصـوات
ولعلها لـك يابـو فيصـل تماهيـل

الله يجيرك مـن صواديـف الافـات
عسـاك تسلـم ياعشيـر المشاكيـل

ماانت برخيـص ياربيـع القرابـات.
لو هي بالايدي كان دونـك حلاحيـل

ترا لنا بـك يافتـى الجـود هقـوات
في وقتنا الحاضـر وباللـي مقابيـل

يفـداك ربـع قصـروا بالمهـمـات
اللي على القـالات ماتنطـح الشيـل

بعض العرب حي ومن عرض الاموات
مايرتجـي نفعـه بحـل المشاكيـل

وفيصل ذرانـا بالسنيـن المخيفـات
هو درعنا الضافي الى ضدنـا الميـل

اللـي نقـل عنـا حمـول ثقيـلات
راس الحصيـل ان كملـن الحصيـل

منقوله

راكان السادس عشر

26-09-2005, 10:41 PM

مشكوووووووووور

بحوور

27-09-2005, 12:36 AM

{الحويله}

الله يرحم المــلك ،،

لاهنــــــت على هالاختيــار

المميـــــز ،،

أختـــكـ

ابو غالب

27-09-2005, 05:06 AM

الله يرحم احياء واموات المسلمين اجمعين آمين يا رب العالمين

الآن هل العوجا يلقون ما كسبت ايديهم في قبورهم

ان عملوا صالحاً في دنياهم حسناً لهم وان عملوا سيئاً في دنياهم بؤساً لهم

والله اعلم بحال

الملوك اللذين من سلالة آل سعود ماذا يحدث لهم في القبور الآن

ومن يؤنسهم في هذه الحفر اللتي دخلوها

نسأل الله العفو والعافيه والرحمه والمغفره

لا حول ولا قوة إلى بالله العلي العظيم

السنـــــافية

27-09-2005, 10:22 AM

الله يرحمه ويرحم اموات المسلمين

تسلم يالحويله

والله ماكان الفراق اختياري

28-09-2005, 02:44 PM

لا هنت على الاختيار الرائع

اخوك
حمد بن ضيدان

سندريلا العجمان

01-10-2005, 07:16 AM

الله يرحم اللمك فهد والمسلمين تسلم