المساعد الشخصي الرقمي

مشاهدة النسخة كاملة : تبين الصدق

yahya
14-09-2005, 05:35 AM
% (( تبين الصــــــــدق )) %




تبين الصدق مااحبيت ولكن ببــــــــتدي وياك

............... ابغرق في بحر عينك ولاابي منــــــــك تنجيني


ابي لين اوصل لقلبك ابي اعشق ابي اهـــــــواك

.............. ابي نبض الفؤاد اللي احبـــــــــــــه في شراييني


ابي لاجاني الهامي خذت مني القلم يمــــــناك

............. ابا نثر بك حروف الحب وجــــــــني بك دواويني


ابي اسمع صدى صوتك قبل لاتوصله لشفاك

........... وابي لانامت عيوني على همـــــــــــــــــسك تخليني


ابي نسكن بروح الحب نتلاقى هنا وهنـــــاك

............ على نبع الوفاء تحيا وانا شـــــــــــــــوفك يكفيني


ابي من وين ماناظر ياعــمري افرح بلقياك

............. حياتي كلها انتي وحبي واجـــــــــــــــــمل سنيني


اخاف ارقى انا لعينك وناظر كيفها دنيـــاك

............... وشوف اللي مضى من عمري القاسي وتبكيني


وجي دمعه على خدك بعـــدها وين انا بلـقاك

.............. اذا جفت اكيد انك مع الايــــــــام بتنســــــــــيني


الى منك تضـــايقتي يقولون الملا وش جاك

............. علامك صرت متغير ولا يدرون وش فينــــــــــي


صدى حزنك يعانقني وتصرخ فرحتي تفداك

............. خذيني لو على موتي طلبـــــتك لاتواسينــــــــي


اشح بضحكة عيوني معاهم كلها لرضاك

............. يـــلوموني وانا همي ابيـــها بينك وبيــــــــــني


انا اللي صـدق حبيـــتك ولافكرت ابد انساك

............ فلا غيرك ســـكن قـــلبي ولا حتــى ملا عينـــــي


واذا قلتي تعال اسكن بقلبي صاحبي حياك

............ اقول لفرحـــــــــة العالــــــــــم تعالي اليوم زفينــي
أشهب الـلال
14-09-2005, 06:08 AM
الله

صح ألسانك

ولاهنت


تقبل تحياتي

أشهب الـلال
الجويّر
14-09-2005, 10:51 AM
صح لسااااااانك خوش ابيات رائعه ويعطيك الف عافيه
((ولد المطران))
15-09-2005, 10:07 AM
صح السانك وأبيات زاااحف




أخوك: ولد المطران ((عبدالرحمن))
فيصل بن حجرف
15-09-2005, 04:20 PM
صح لسانك اخي الكريم
كلمات رائعه وقصيده جزله

نتمنى ان نرى المزيد ان شاءالله
بحوور
16-09-2005, 03:22 AM
yahya



صــــــح كـــــــلك مليــــــــــوون

ولاهنـــــــــــت ،،





أختـــــــــــكـ
yahya
16-09-2005, 11:53 PM
السلام عليكم ورحمة الله وبركاته
صح بدنكم والله لايهينكم
اخوكم يحيى اليامي
ههههههههههههههههههههههههههههههههه
ههههههههههههههههههههههههههههههههه