هل تتزوج فتاة تدخل الانترنت ؟؟

[روووووعه]

السلام عليكم ورحمه الله وبركاته

قضيه جديده حبيت اشوف رايكم فيها واتمنى من الكل التفاعل

والمشاركه للنقاش في هذه القضيه

واعتقد المكتوب مبين من عنوانه..!!

عفوا لااتزوج فتاه تدخل الانترنت ؟؟

جمله سمعتها بأم اذني ( حلوه اذني ) :D

وبصراحه صدمت فيها ومازالت الصدمه مأثره فيني:(


اقول لكم السالفه.....

سمعت قصص ومنها أن شخص يقول.... أن احد الاصدقاء المقبلين على الزواج

وكان يسولف له عن المنتدى والمتعه والفائده اللي حصلها

منه ومن النت ككل

فقال تدري لو اظل عزوبي طول عمري مااتزوج بنت تدخل الانترنت

وهو هنا ساكت ومو عارف سبب رفضه لهذا الشي

ومره ثانيه سمعت هذه الجمله

من واحد كان يقول

انا تركت خطيبتي الاولى والسبب انها كانت من عشاق الانترنت

ليه ... ليه ؟؟؟

ليه الرفض هذا من قبل الشباب واكيد مو الكل يرفض

بس صراحه الا غلبيه وانا سويت احصاء لهذا الموضوع

وفعلا لقيت البعض يتفهم ويقول عادي والبعض يرفض

رفض شديد

ليه نرضى على انفسنا ان نغوص في فضاء الانترنت

ومانرضى على خواتنا او قريباتنا

فعلا موضوع مازلت متردد في اخذ القرار فيه

لاني اجد النت ممتع ومفيد ونافع جدا

وبعد مضر وفيه سوالف

بس الموضوع هذا محيرني جدا

تم طرح الموضوع هذا في كثير من المنتديات

لذلك تشجعت وقررت طرحه هنا لنتناقش فيه

لذا اتمنى من الجميع المشاركه اخوان واخوات

......................

رووووووعه,,

[الوطن]

روووووعه

والله انج روعه


يابنت مادام انج واثقه من نفسج ليش تسببين لنفسج الأحراج
انا سبق لى انى طرحت مثل هذا الموضوع فى منتدى
وياااليتنى لم اطرحه
الشباااب كلهم مانعوا واعترضوا
ونسوا ان الاصابع ماهى سوا
الكل حمل اللوم على البنت
ولا يعلمون انها اخت وزوجه وام
ويحسبون ان كل مراه تدخل النت
فاسده اخلاقيا
و
و
و
و
و
والبنت تبين من أخلاقها بطريقة اسلوبها وكلامها
وتمايعها مع الرجااال

لكن اللى محترمه نفسها الكل يضع له حده عند هذه الفتاه ولا يقدر ان يتكلم بها
اى كلمة ولا يقدر يتجرأ
واااذا حاول التطاول عليها اوقفت عند حده لانها وضعت الله امام عينها

وما ابى اطول عليج لان فى هذاالكلام يطووول الكلاااام
واكيييد لى عوده

[أبو الوليد]

والله يا اختاه الموضوع يربش شوي

بس من وجهة نظري ان النت مثل التلفاز (حلوه التلفاز)


يعني الكل فيه مساوءه وحسناته ولا اعتقد في واحدعاقل يقول

انا ما اتزوج وحده تشوف التلفاز مثلا

اما لو تسأليني هل اتزوج وحده عن طريق النت؟ بقولك لأ طبعا

ولو تسأليني هل تسمح لزوجتك تدخل النت؟ اعتقد انها ما فيها شي

طبعا في المفيد منه

واتمنى انك تكوني فهمتي وجهة نظري

واشكرك على فتح مثل هالمواضيع الحساسة

أخوك أبو الوليد

[سياتل]

اختي روعه فعلا موضوع حساس ومفيد للنقاش واخالف الاخت كيفي هاجريه على بيسبب احراج لش او لغيرش..
لي رجعه مره اخرى لابدي راي بالموضوع..
بس الحين اسمحيلي انقل الموضوع لديوان الاسره والمجتمع.

[بخــــــــوت]

رووووووووعه استرررررريحي خيتوو

كل مكان فيه سلبيات وايجابيات والتربيه اساس كل شيء مهما كان التربيه

الاســــــــــــــاس التربيه


ادري السؤال موجه للرجال اكيد بس حبيت اعقب



تحياتي لج

[admin]

طيب انا شخص بتزوج اكيد عن طريق العادات والتاقليد هل اطلب من اهلي سؤال بنت (هل تدخلين النت او لا )


اذا انا من الشباب الي يرفضون هذا اشي اشلون بتأكد منه ؟


وشكرا لك اختي روعه

[كويتيه]

روعه.. تسلمين على الموضوع :)..
اوكي صراحه انا بعد يمعتهاا وايد.. و ما استغرب منهاا...
كل الشباب يقولون جذي... و اننهم ماراح بتزوجون وحده من النت.. بس المشكله اهمااما يدرون انه اللي بيتزوجونهااا عن طريق الاهل يمكن تكون مدمنه نت.. او يمكن تكون ماتشبك على النت بس اهيااا مو زينه سوالفها بره الانت..

بعدين مو معنات انت البنت اللي تدخل النت مو زينه.. بالعكس في بنات وايد محترمين و حبوبنين وبنات ناس.. و مثل ما انت يا الريال تشوف تسليتك و متعتك و كل الاستفاده بالنت احناا نفس الشي...


بعدين على فكره.. هم انا ما ارضى اتزوج واحد من النت.. بعدين لي تهاوشناا بيعايرني ويقولي انا يبتج من النت...؟؟؟؟

اي بنات لا تتزوجون واحد تعرفتي عليه بالنت..:)

[admin]

شي فضيع اللي يتوقع انه البنت اللي في النت اهي عن غيرها تفهم امور الدنيا اكثر عن البنت اللي ماتعرف الانترنت


بس احب اوضح في وقتنى الحالي صدقوني مافي بنت يخفى عنها شي

ثانيه الفساد مو في النت الفساد الصحيح برا النت وفي كل مكان اصبح فيه فساد وخراب

البنت الفاسده لو صكو عليها اهلها الف باب وتبي الفساد بتوصله


امور كثيره بمكان البنت تتعرف عن الدنيا وخفياها ماهي واقفه علي النت الشارع فيه فساد والاسواق فيها فساد الجامعه فيها فساد كل مكان اصبح وقتنى الحالي مليان فساد وخراب للخلاق

لكن قبل تسأل عن البنت اللي تدخل الانترنت اسأل عن امها وخلاقها وبتعرف اخلاق بنانتها سوا تعرف النت او ماتعرفه



ابوفيصل

[فرد حمزة]

كفو يا ابوفيصل

كما يقولون اسال عن مربط الفرس

فعلا البنت على بيئتهااا واخوانهااا واهم شئ الام والخوال

اما الباقي الله الحافظ والساتر

[بخــــــــوت]

صــــــــــــــح لسانك ابو فيصل

[cool]

السلاااام عليكم ورحمة الله وبركاااته

صرااحه ابو فيصل ماقصر في مشااركته.

بس عندي تسئال هل اي شخص يدخل النت فااسد سواء ولد او بنت .

ومثل ماتفضلت كيفي هاجريه البنت اخت وزوجه وأم وقريبه يعني التربيه

قبل كل شي والحين الانترنت في كل مكان في الجامعه والمعهد وكثير من

البيوت واللي فيه خراااب مثل ماقال ابو فيصل سواء في النت او غيره بيلقاه.

مشكووره رووووعه على المووضووع ولا هنتي.

كـووول

[عزوف]

:) لــــــــــــي عوده يا روعه يبيله قعده


روووووووووووعه فعلا انتي رووووووووووعه ;)

وموضوع ممتاز جدا

[عادل الشمري]

هههههههههههههههههه

أصـلا بنت ماتدخل النت جاهلـة.....

قبل قرائتي للموضوع كنت أكلم بنت اختي عالماسنجر...

وصارلي سنتين أحاول أعلم زوجتي إنترنت وهي ترفض...

الخـراب والصـلاح مو من الإنترنت......الإنترنت...فقط عين تشاهد...وأذن تسمع

لكن المصايب برا النت....يعني الرجل إذا ضمن زوجته ماتدخل النت...يضمن شرفها وعفتها؟؟؟؟

بعدين الشباب اللي يرفضون بنات النت....ليش يخاطبونهم بلقب "إختي " أو "الأخت الفاضلة"؟؟؟

كيف تلقبها "اختك وفاضلة" ونطعن في شرفها؟

عندنا هني في المنتدى خوش مجموعة من البنات.......تعتقدون هذيلا مو نظيفات؟؟؟

شفتوا عليهم شي؟؟؟

أرجو من كل شاب أن يعي الأمور جيدا ويتقي الله في أعراض الآخرين.......وغدم المساس بأعراض المؤمنات الغافـلات.......فالغير شريفة لاتهتم بنشر الدين , ولا إلى الدعوة إليه , ولا إلى النصائح , ولا إلى نشر مواضيع الخير ومواضيع الصـلاح....

ياما وياما ساقطـات لايعرفن الإنترنت ولايعرفن هذا العالم.....وياما وياما مدمنات نت لايعرفن التليفون ولا الخروج من البيت...

العادات والدين ربطهم بالبيوت....وانتوا تبون تربطون عيونهم وإيدينهم بعد؟؟؟

مافيه مجال إن الوحدة تنفس عن نفسها بحدود وأدب ؟؟؟

مالكم كيف تحكمـون !!!!

[الوطن]

أشكر كل من علق على الموضوع

ومن رأيي أن يطلب صاحب المشكلة من خطبها ، وأن يجلس معها في جو بعيد عن الإثارة و بعد تفكير هادئ في الموضوع ، وأن يراجع نفسه جيدا ، ثم يحدد معها طريقة التعامل ، وما يحب وما لا يحب ، وتضع هي أيضا ما تحب وما لا تحب ، ثم ينظرا هل يمكن لهما التلاقي في الحياة ، وأن يؤسسا بيتا سعيدا؟ وهل يمكن لكل واحد منهما أن يتنازل عن شيء كان يحبه ، أو يتنازل أحدهما لأجل الآخر أم لا؟

إن فتاة الإنترنت هي مثل أية فتاة تعيش معنا ، فالإنترنت وسيلة قد تغير إلى الأحسن أو إلى الأسوأ حسب موقف كل إنسان منها.

أما حديث الفتاة في المنتديات فيرجع إليها ، وهي في المقام الأول مسئولة عن نفسها ، وكذلك يجب على والدها أو وليها إرشادها ونصحها لما فيه نفعها ، ودفع الضرر عنها.

أما كون المرأة متزوجة ، فمن حق زوجها أن يأخذ معها هذا القرار ، إما بالمشاركة أو بالامتناع ، في جو من الصفاء والبعد عن سوء النية ، مع مراعاة اختلاف البيئات والظروف المحيطة لكل أسرة.

وأحسب أن المكاشفة والمصارحة بين الزوجين ، ومعرفة كل منهما للآخر، ووضع الإيجابيات والسلبيات أمام أعينهما ، ودراسة الموقف يساعد كثيرا في اتخاذ مثل هذا القرار.

وفي النهاية لا يمكن إصدار حكم عام في الموضوع ، فتشخيص حالات المرض مختلفة في المرض الواحد ، والمرض ليس له علاج بعينه، فقد يختلف من شخص لآخر. مع وضع مراقبة الله تعالى ، واطلاعه على الإنسان ، وأنه لا يخفى عليه شيء ، مما يجعل الإنسان منضبطا في جماعة كان أو وحده ، لأنه يراقب من لا يغيب عنه طرفة عين ، وهذا بخلاف مراقبة البشر للبشر.

[ال محفوظ العجمي]

اول شي اشكر اختي روعه على طرح مثل هالمواضيع ..



انا من النــاس الي لو اشوف اختي جالسه على الكمبيوتر (لاحظو مو النت ) اكسر راسها وشلون لو على النت ..

خواتي كلهم محد يمسك جهاز ويدخل نت الا اذا تزوج عاد هي وزوجها براحتهم انا مالي شغل فيهم بعد الزواج ..

اما عن سؤالك هل يمكن ان اتزوج وحده تدخل نت .......

جوابي

لا وألف لا واقولها مرار لالالا ........ ولكن انا ما راح اتزوج الا بنت ناس واخلاق ومتربيه ودينه بعد الزواج لا امانع ان اعلمها النت بعد ان عرفت شخصيتها بنفسي ..

هذا رأيي انا ..

[الوطن]

اهلا بك يا المحفوظ العجمى
اكيد أنك راح تتزوج بنت ناس متربيه واخلاق متربيه ودينه
لا حظت انك قلت بنت نااااس
اعتقد ان هذا الاسلوب سيئ لنا ايا اخى
يعنى من كلامك يا اخى انا حنا بنااااات مو متربيااات واخلاقنا سيئة
لا
لا
لا
والف والف لا يا اخى
انا اتعارض مع رأيك
لانك لا بد تعرف ان البنت الان فى وقتنا هذا طلعت من شور أهلها
واذا شفت اهلها ملتزوميييين هذا لا يكفى
والله وبالله انى اشووف بناااات امهاتهم تضرب فيهن الامثاااال
لكن وللأسف اخطوا بالتربيه خالطوا الصديقاااات السيئااات بالمدرسه وبالكلياااات
والمعااااااهد وبالجامعااااات للأسف اقولها لك وانا حزينه على بناتنااااا
بنااااات الاصل والبداوة


ويشرفنى انى اقوووووووووول
يوجد بناااات يضرب فيهن الامثااااال فى الاخلاق والتربيه
انى اتصاغر سنهن فى عمر الزوهور بالندوااات الاسلاميه
هذا لا يرتبط على الاهل يرتبط على قوة ايماااان البنت
وخوفها على نفسها
وعلى سمعته اهلها

شوف اخوى انا بعطيك مثال على نفسى
مراااح اروح لبعييييد
بعد الزواااج اشتريت كمبيوتر وتعلمت على النت
وارقامى السريه معلنه بنوته بجانب الجهاز كل منتدى واسم المستخدم ورقمه السرى
وحتى الايميلات ايضا مع ارقامها السريه
اللى خايفه من شئ ما تعلنه للجميع
اعرف خوااات يخبئن عن بعض الباسورد
وفى الختاااام
اقوووووووووووول

االلهم ارزقك عبدك ال محفوظ العجمي ببنت الحلال
اللى يتمناها قلبه

واحفظ بناتنا من كل سوء واستر عليهم

[admin]

انا سألت سؤال للشباب اللي يدور بنت ماتعرف للانترنت اقدر اعرف اشلون يكون اختياره لها والتأكد من انها ماتدخل الانترنت ؟

اتمنى من الاخ المحفوظي الاجابه علي سؤال ؟

[عادل الشمري]

المحفوظي :

أنا انصدمت فيك....

مع الأسـف يكون هـذا رأيك.....

معنى كـلامك إن البنات اللي يدخلون معانا في الإنترنت ، ومنهن اللي معانا في هذا المنتدى ، ماهن بنات عوايل ولامتربيات ولابنات ناس.....

أرجو منك أن تتقي الله ، وتذهب إلى المنتدى الإسلامي وتقرأ مواضيعهم......

حـرام عليك يارجل...إتق الله...

هذا الشك موجـود عند كل العزوبيـة ، لكن سيختفي بعد الزواج وتتغـير الآراء...والمباديء أيضا...

ياما شباب قالوا ماراح نتزوج موظفة , ولاوحدة تسوق السيارة , ولاوحدة مو منقبة.....الخ

الحـين كلهم يدورون الموظفـة واللي تسـوق سـيارة...

كـلام بدون تجـارب وبدون خـبرة...مجـرد كـلام ورأي...لايرقى إلى مرتبة المبدأ ،،،

[بنت راكــــان]

اشكر لش عزيزتي روعه هذه المادة وهذا الطرح وانشاءالله تكونين ممن يثرون هذا المنتدى
فنوناً و ابداعاً


وانا راح اتناول جانب المرأه واستخدامها لهذه التقنيه ومشاركتها في المنتديات


واقصدمن كلامي هذا مناقشة ظاهرة قد تكون صحية عند اناس وغير صحية عند آخرين وهذا يختلف باختلاف الفكر والمنهج الشرعي والحياتي لكل فرد الا وهي اشتراك المرأة في المنتديات



وسوف اطرح اساله مستعينه بالله كي ينطلق منها حوارنا هذا



هل في مشاركة المرأة في المنتديات اي محضور شرعي او عرفي او اخلاقي ؟
وهل هناك ضوابط تختص بها المرأة دون الرجل للمشاركة في المنتديات ؟

وهل لمشاركة المرأة في المنتديات ايجابيات اكثر ام سلبيات اكثر؟
اتمنى ان ندلي جميعا بدلائنا في هذا الموضوع الثري من الجنسين الرجال والنساء





وبالنهاية اقول..اذا وجدت مخافة الله في القلب وحب الله والرسول والايمان..وإحترام النفس ومراقبتها وإبقاء النفس ضمن حدود الدين والاخلاق والضمير الحي.. فلا خوف علينا..

[كويتي]

الدنيا فيها خير لحد الحين :rolleyes:

[عزوف]

بصـــــراحه شهادتي بالاخت روعه وفي مواضيعها مجروحه وبالفعل روووووعه تستاهل المدح :)

الموضوع هذا حط ؟؟؟؟؟؟؟؟؟؟؟ علامات استفهام كثيره براسي ‍‍‍‍!!!! معقوله فيه ناس تفكر بهالطريقه !!!!!

عموما الزواج قسمه ونصيب وممكن الرجال يتزوج وحده عن طريق الاهل وتكون تعرف بالانترنت وتدخل منتديات لكن هو ما يدري يعني قبل الزواج وبعد الزواج تنسى الموضوع او اذا كان الزوج متفهم تقدر تشاركه استخدام الانترنت وثل ما قلت الاخت الهاجريه تكون ارقامها السريه معلنه على قولة المثل (( لاتبوق لاتخاف ))

اخواني بصراحه انا كبنت لايمكن اتزوج شخص يدري اني ادش النت او حتى عرفني عن طريق النت تدروووووون ليش ؟؟ دام فيه عقليات مغبره !!!!
ليش اجيب لنفسي عوار الراس ويالكمبيوتر ويا طلابة هالكمبيوتر !!!!


اخواني

بعد فتره بسيطه بيصير الكمبيوتر حاله حال التلفزيون والتلفون ..... والموبايل قبل مده اول ما هبوا بالموبايلات كان الكثير من الشباب لايسمح لاخته بشراء هاتف نقال او حتى استخدامه !!!!!

لكن الحـيـــــن حتى العاجيز عندهن موبايلات !!!!

اخواني هذا جهاز اذا احسن استخدامه ما راح يكون منه مضره !!!!
لاحظوا التلفزيون !!!!!! مثلا هناك قنوات يسمح الاخوان والاهل بمشاهدتها وهناك قنوات محرمه على البنات واهل البيت !!!! ليش ما يكون الكمبوتر مثلها !! ممكن الاخ يسمح لاخته بالدخول للمنتديات المحترمه مثل منتدانا هذا ولكن لا يسمح لها بالدخول للمحادثه وغيره


اذا البنت تربت تربيه سنعه لا تخاف عليها لو تقطها بين 100 رجال

بصراحه ضايقني كلام الاخ ال محفوظ وانا مصدومه من هالرجال اللي ما توقعت ان طريقة تفكيره جذي!!!!

جوابي

لا وألف لا واقولها مرار لالالا ........ ولكن انا ما راح اتزوج الا بنت ناس واخلاق ومتربيه ودينه بعد الزواج لا امانع ان اعلمها النت بعد ان عرفت شخصيتها بنفسي ..

هذا رأيي انا ..

=========

الحمدلله يا اخي العزيز ما لاحقنا شكه بعمارنا والحمدلله ويكون بعلمك وباضرب لك مثال صغيـــــــــر وممكن فيه جراءه شوي لكن للتوضيح

بالنسبه لي انا !!!

اللي يشوفني بالشارع من كنت ادرس لحد ما توظفت لابد انه يحاول يكلمني ويا ما وياما لفت انظار ويا ما حاولوا ناس التحرش فيني لكــــن انا نفس ((يعني رافعه خشمي )) ما تقول هذي عزوف اللي تضحك وتسولف بالمنتدى !!!!

لدرجة يا اخي الكريم شخص حاول التحرش فيني بدوامي ويومنه عجز راح وخطبني من اهلي !!!!! وللعلم الرجال من عايله كبيره ومهندس !!!!

بالدوام انا مضرب المثل وابن امه يقرب مني والله اني ايام اكشخ واجيب اقصاي بالكشخه واللي يشوفني يقول بس هذي على طريف بس من يقرب ويحاول يتحرش يرجع مفلس !!!

انا ادخل النت !!! ولا اعرف المحادثه ابدا والماسنجر ما احب استخدمه !!!!

هل ضرني دخولي للمنتـــــدي !!! ابدا ما ضرني

اصابع ايدك موسوا يا ال محفوظ واللي تبي الخراب لو هي بقوطي ومسكر عليها تخربط تخربط !!!

بصراحه اعجبتني اراء الاخوان وبالذات الاخ عادل وابو فيصل

اقول باب يجيك منك الريح سده واستريح

باخر كلامي اللي ما خلص وادري طولت لكن العذر والسموحه من الجميع وتحياتي لروووووووووعه فعلا اسم على مسمى

[monamora]

مشكوره اختي على طرحج للموضوع وما قصرو اللي دلو برايهم بس بغيت اسال الشباب
ها كل بنت تدرس وتشتغل وتسوق سياره وعندها موبايل وتعتمد على نفسها بطريقه ما تغضب الله سبحانه ولا اهلها تعتبر مو متربيه او منحله اخلاقيا
النت التلفزيون السياره الموبايل ..... الخ من تكنولجيا حديثه بحياتنا لها وجهين من الاستعمال 1. سلبي 2. ايجابي
شنو يحدد استعمالهم
مخافة الله اول شي يطري على بال اللي يستخدم هالامور وما اعتقد انه ماكو احد عنده
التربيه والاخلاق بغض النظر بنت اصل ولا ولد اصل
ياشباب ويا بنات لا تحكمو على المظاهر ان بعض الظن اثم
وكثرة الضغط تولد الانفجار للبنت وشوفو نتايجها على المدى البعيد
ليش ماكو ثقه طالما انت اخوها
ليش ما تكون صديق لاختك بنتك وتعلمها الصراحه المطلقه
ليش ما تقعد وياها وتفهمها
النت مو عيب العيب اللي يدش اماكن اباحيه واهو يعرف انها حرام العيب انه يغازل بنات الناس ويمنع اخته لانه يخاف انه الله يبليه بسؤ عمله لانه كما تدين تدان
النت يساعد البنت في امور زينه بغض النظر عن الجانب السلبي التربيه والاخلاق واولهم الدين يمنعونها عن الاشياء الموزينه اللي انتو تفكرون فيها
داعيات يدشون النت هل هالداعيات اللي يدعون للدين هم فاسقات ومنحلين اخلاقيا
ترا في مواقع اسلاميه
في مواقع علميه
في مواقع اجتماعيه واسريه
شنو يعني اذا عرفت البنت وتثقفت
ترا هالشي يعود على بيتك يارجل تعرف تربي عيالك احسن تعرف تتعامل معاك احسن ما تصير متخلفه الفكر والتصرف
تبون وحده جاهله ما راح تلاقون لانه كل واحد ياخذ على قد نيته وعمله
وانا اعرف بنات تعدلت حياتهم باسرهم من ورا النت لا تفكرون انه النت بس جات ومنتديات
واذا كان تفكيركم فينا هني احنا بنات المنتدى انه احنا منحلات اخلاقيا انا اول وحده انسحب من هني لاني ما احب ادش مكان في ناس يشوفوني بنت مو شريفه
وسلامتكم

[الساهر]

السلام عليكم

مشكوره روعه على هالموضوع الحلو والصراحه انا ماقريت شكاتب اخونا المحفوظي .. بصراحه ياجماعه الانسان مايقدر يثق بالانسانه اللى قدامه يعني الله العالم والله يستر على الجميع وانا مااسىء الظن بأحد لا بالنت ولا بره يعني على قولتهم ياما فيه بنات أسود بأسود لكن قلبها عاري !! والعياذ بالله بس الحمدالله خواتنا المتربيات واللى بالمنتدى معانا بنات أصل واخلاقهم عاليه ومتربيات والنعم فيهم انا مااقول كلام من عندي هذا اللى انا اشوفه قدامي واحسه والصراحه انا من ناحيتي ورأيي الشخصي اشوف الموضوع طبيعي ومافيه اي شىء دام البنت ماسكها دينها ومتربيه مافيه اي مانع يخليني أرفض اني اتزوجها وحتى لو كانت داشه النت .. يعني النت مافيه داخله غير الشات والممنوعات ؟؟ ترى ياجماعه النت بحر وفيه شغلات يستفيد منها الانسان بوقت فراغه والله العظيم احنا الشباب اللى نطلع ونروح ومانقعد بالبيت مرات نتضايق ونشبك عشان اندش المنتدى ونقرأ مواضيع ونستفيد او ننشر شىء فيه الخير لنا وللجميع وغيره من مشاركات من أخوانا الطيبين


ياجماعه الله عرفناه بالعقل ماشفناه .. واتمنى من اخوانا واخواتنا التفكير والتمعن مثل هذى المواضيع

الاصابع ماهيب سوى والناس اجناس

ويعطيكم العافيه على هالموضوع

ونتمنى للجميع التقدم والابتكار :)

مع تحياتي اخوكم : الساهر

[بنـدر العـواجـى]

بسم اللة وبه نستعين


الاخت روعة واخوانى واخواتى المشاركين على الموضوع



الامر لا ينحصر على النت بل هناك امور اكبر من النت والتخصيص غلط


اختى روعة لا تقاس الامور بهذة الطريقة هناك اشخاص يرفضون كل شى جديد


بحجت انة يجلب الفساد لذلك يقول مالى بالداب وشجرتة ويمكن كلامة فية شى


من الصحيح ويمكن انة غلط عموم يا اختى كل شخص راضى بعقلة


اليوم الامور مهى مثل اول تغيرت الدنيا وكل واحد يخاف من الى قاعد


يصير حولة والفساد انتشر بشكل غير طبيعى ولا نقول غير اللة يسترنا بالدنيا


والاخرة اختى روعة لا تعجبين من الكلام الى سمعتية ترى فية عينات واجد


من هالشخص .................................................. ..........................................



ترجع وجهت نظر


تقبلوا تحياتى

[alajmiali78]

الصراحه انا اشوف ان الموضوع محرج وانا اييد اخوي ابو فيصل يوم قال اذا تبي تعرف البنت شوف امها لانها راح تصب اخلاقها ومبادئها في بنتها اكييييييد
انا عن نفسي (عزوبي لي الدفنه ) والاولين ما خلوا شي قالوا
( بنت الذلول ذلول )

واللي الله ساتر عليها بستره فعلا ما ينخاف عليها مع ان كل ما حولنا من ستلايت لي كمبيوتر لي اختلاط يخوووووووووف يعتبر مصيبه لكن انا اقول الله يستر علينا وعليكم ويكفينا شر اللي فيه شر .
وما ابي اطول عليكم ومشكوره يا روعه على الموضوع اللي راح يفتح قنوات انتي وغيرش راح تشوفونها ما ابي اتكلم عنها ؟
وتحياتي للجميع .

[كويتيه]

معقول يا ال محفوظ العجمي؟؟؟؟؟
يعني كل البنات اللي يدخلون النت من غير اصل و مو متربين؟؟ حرام عليك والله ظلمت بختك؟؟.. و اذا تفكيرك جذي.. اسمحلي انت انسان رجعي وياد و متاخر.. ..
الله يسامحك صراحه قويه بحقنااااااا...

ماعندي تعليق ثاني عزووف و اخواني الباجين كفواا و وفوااا...

[روووووعه]

أولاً اشكر كل من قام بطرح رأيه بهذا الموضوع من الأعضاء الأعزاء .

ثانياً : بصراحه عند طرحي لهذا الموضوع لم اتوقع هذا التجاوب الفعال من

الأعضاء الله يعطيهم العافيه .

ثالثاُ : اسفه جداً لتأخري في الرد وذلك لنشغالي .:(

الأخ المحفوظي ليس كل بنت تدخل النت معناه أنها مو بنت ناس ومو متربيه على

قولتك .فكل شيء جديد يمنع عن المرأه حتى التعليم في أول ظهوره والذي

هو من ضروريات الحياه منعة منه وأتعجب أنه بعد كل هذه السنين من العلم

والثقافه أجد هذا الرد منك برغم أنه رأيك الشخصي ولكن ليس على حسابنا

وأعراضنا يامحفوظي فالمرأه متى ماارادت الخيانه قدرته عليها بالنت أو بغيره

وياأخي والله ان الهاتف اشد خطوره من النت الف مره فأرجوا ان ترتقي بالرد

مره اخرى بدون غلط على أحد وشكراُ لك .

أختي عزوووف وجميع الأخوات;)

ياجبل مايهزك ريح ويوجد مثل هذه العقليات كثير جداً وبحكم المنطقه التي يقيم

فيها نجد له العذر ؟؟؟؟:p

اخي ابوفيصل والأخوه الأعضاء

شاكره لارائكم والصراحه ماخليتوا شيء ارد عليه ويعطيكم العافيه على

التفاعل الي انشاء الله يثري المنتدى ويصصح بعض النظريات ويلغي التعصب

لدى البعض منهم وشكراُ لكم ....

تحياتي للجميع ,,,,,

روووووووووووووعه ,,,,,,,,

[ال محفوظ العجمي]

ما اقووووول الا ( لاحول ولا قوه الاباللــــــــــــه )

يانااااس والله انا ماقلت انكم منتم متربين ولا قلت انتم مو بنااات ناس ... الله

يشهد على كلامي اني من اكثر الناس الي يدخلون منتديات ومثل البنــات الي

بهالمنتدى ماشفت من ناحيه الاخلاق والمعامله وعلى راسهم الانسانه العظيمه

(بنت راكان)

وانتم فسرتو قولي خطأ..

ـــــــــــــــــــــــــــــــــــــــــــــ

وكل كلامكم على عيني وراسي من اكبركم لااصغرررركم ومن او رد عاتبني

الى اخر رد عاتبني ..

ـــــــــــــــــــــــــــــــــــــــــــ

اما بخصووووص سؤال الاخ ابوو فيصل (انا ماراح اسأل اهلها عن الانترنت بس

هم ناس يقربولنا واعرفهم زين يعني مايحتاج اسألهم الا عن (صلاتها ... طاعتها

لوالديها ) ومثل ما قلت بردي بعد الزواج براحتها تبي تدخل ما تبي اهم شي انه شي اعرفه ..

ومو كل البشر مثل بعضهم يبو فيصل يعني انتم تستخدمون النت (اقصد البنات )

استخدام جيد على عيني وراسي بس مو كل البشر مثلكم .......صح كلامي ولا لا ..

ــــــــــــــــــــــــــــــــــــــــــ

الى كل من عقب على ردي ( انا اول الرد تكلمت على اخواتي قبل وبعد الزواج

فما رأيكم انا اتابعهم ولا اجعلهم يدخلون النت وكل هذا حتى ستالايت مادخلت

(لاننا محافظين ) وكل هذا لمقوله (الباب الي يجيك منه ريح سده واستريح ) وكلنا نعرف ما بالانترنت من بلاااااوي والنت كل واحد واستخدامه الي يبيه بالشر والي يبيه بالخير وكما قلت سايقا الباب الي يجيك منه ريح سده واستريح .. فما رأيكم افعل هذا كله .. وبالاخير اروح اتزوج وحده تدخل نت وانا ما ادري هي من شرواكم راعيه اخلاق ودين ولا من تحت لتحت .؟؟؟؟؟؟؟؟؟؟!
على قولتهم مبره هالله هالله ومن جوه يعلم الله ......

فالشي الي ما ارضاه للناس والي طول عمري اشقى فيه ما ارضاه لنفسي ..

وسامحوني اذا غلطت عليكم وقلت انكم مو متربيتا و و و و (وتراها من دون قصد والله العالم........... وبعد هالرد ما راح اررررررد .....


تحياتي
سفير عجمان القصيم

[راكان اليامي]

المفروض انكم تحترمون وجهة نظر المحفوظي

ولكل شخص وجهة نظر
وانا بالنسبه لي الزواج قسمه ونصيب:D

تحياتي لش ياروعه

[أبــيـــار]

السلام عليكم


يعطيكم العافيه كلكم وبصراحه بعد كل هالكلام مافي كلام اقوله كفيتوا ووفيتوا


بس انا سمعت انا في شباب يقولون مارح نتزوج بنات عندهم موبايلات هذا موضوع اردي من موضوع النت ولا شرايش يارووووووووعه


ويعطيش العافيه



تحياتي أبيار

[روووووعه]

أخوي المحفوظي

أسفك مقبول وكل واحد يغلط وأعتبر الموضوع منتهي وتراني أمووووووووون

على كل البنات الي في المنتدى :D:D

وأنت ياراكان الله يهديك ترانا ماقلنا في راي المحفوظي شي لكن زعلنا عليه

يوم أنه غلط علينا وقال جملته المشهوره أرجع لرد المحفوظي وأنت تعرف

السالفه على راي المثل عيوووووو أهل الجنوب على عجلتهم :D:D:D

أوخيتي أبيار :

اشكرش على مرورش ولو نقعد نعدد كل شيء ماخلصنا الرياجيل يبغون وحده

بقراطيسها علشان يلعبون عليها ;)

مع تحياتي للجميع ,,,,

روووووووووووووووووووووووووووووعه ,,,,[/frame]

[الساهر]

مسيكم بالخير جميعا

ياجماعه وسعوا صدوركم كل عقله براسه يعرف خلاصه !


وبعدين ياجماعه بدون مااحد يذكر حالاته الشخصيه ترى الكتاب مبين من عنوانه !!


اكن الاحترام لأخواتي بالمنتدى جميعهم صغار وكبار

ولايهونون الرياجيل


وصدقوني ياجماعه موضوع مثل هذا لازم يكون له مكانته

لان فيه ناس عقليتها ماش ..؟

وصدقوني الموضوع مايبيلها غير ان الانسان يكون عاقل وتفكيره عالي

والله ياجماعه الخير (مثل ماقلتلكم النت بحر )

يعني لاتفهمون خواتكم بالغلط ؟

مهب كل بنت تدخل النت عشان تخربط (غلط)

الله خلق وفرق ..؟

وختام الموضوع (اذكروا الله يذكركم )

واسف على التأخير (داش عرض ) :)


تقبلوا تحيات أخوكم


الساهر

[الحجاج]

بسم اللة الرحمان الرحيم
الموضوع بصراحة شيق لكن ..........انا اشوف ان النت اذا استعمل بشكل صحيح ما منة ضرر و ما اشوف انة يأثر على موضوع الزواج لان الكمبيوتر صار جزْْْء من حياة كل شخص فينا . و من غير المعقول ان تسأل شريكة حياتك اذا كانت تستخدم النت او لا لانة سؤال يشكك في صحة تربية البنت .

و اكتفي بهذا القدر
الحجاج

[عزوف]

بالعكس يا ال محفوظ ما صار الا كل خير واختلاف الرأي لا يفسد للود قضيه :) وانا اختك


لكن انا بصراحه حزت بخاطري سالفة بنت ناس وتربيه !!!!

عموما حصل خير واحنا اهني كلنا اخوان وما صار الا كل خير واذا كانت ردودنا ضايقتك فهي ردود عاديه جدا لانقصد منها الاساءه لك لكن للتوضيح فقط لاغير


تحياتي


واشكر روعه على ردودها وعلى موضوعها الرائع

[راكان اليامي]

بس هو قال رائيه الا كل واحد اللي قام يقوله انت انسان رجعي؟
وانت مدري وشو
هذا اللي لفت انتباهي فقط لاغيررررررررر

تحياتي لش

[روووووعه]

الساهـــــــــر،، الحجاج,, عزوووف ,, راكان اليامـــــــــي

شاكره لكم تواصلكم في الموضوووع .. الله لايحرمني من طلتكم

وماصار الا الخير .. وعلى قولت عزوف اختلاف الرأي لايفسد للود قضيه

وانا ماطرحت هالموضوع الا للنقاش مو للهواش ....;)

تحيااتي للجميع

روووووووووووعه,,

[فكاك^النشايب]

السلام عليكم ورحمة الله وبركاته

. مشكوره اختي روعه على الموضوع الطيب


كلن له وجهة نظر الهدايه تجي من الله ماهو من الكمبيوتر ولا من الام ولا من غيرها

وانا اشوف انه مافي اي مشكله اذا دخلت البنت النت

ولكن شفيكم طرتو في اخونا المحفوظي هذي وجهة نظره يعني ماهو غصب يرضى ان البنت تدخل النت

اذا غصب شي ثاني واظن انا من كلامه مايقصدكم وانت فهمتوه غلط

تحياتي لكم

اخوكم / فكاك^ النشايب

[روووووعه]

يعطيك العافيـــه يافكاك النشايب ..

اولا يسعدني مشاركتك بالموووووضوع

ثانيا انت قلت كلمه اعجبتني حيل .... وهي ان الهدايه من الله لاهي من الام ولا

من غيرهاااا..

تحياتي لك

روووووعه

[عزوف]

الاخ راكان اليامي & وفكاك النشايب

اختلاف الرأي لا يفسد للود قضيه واحنا اهني اخوان وقاعدين نتناقش لكــــــــــن اللي يحز بالخاطر لما الواحد يقول لا انا ما اخذ وحده ادش النت انا اخذ بنت ناس ومتربيه !!!!! شنو تفهم من هالكلام او شنو تستنتج !!! اكيد بنتضايق وبنزعل لانها ما تطلع من المحفوظي وهو اخو لنا وانا احترمه وهو يدري بهالشي

هذا الكلام للتوضيح

لكـــــــــن بالنسبه للاخ المحفوظي فما عندنا شك فيه واهو وضح لنا رايه وانتهى الموضوع

[مرازيق العجمان]

مرحبا ‘حبيت ابدي رأي في هذا الموضوع:

بالاول الكوب الي انت تشربه في ادينك له عددة منافع ومساوء منها انك تشرب منه الماء وهو منفعه للجسم وكوب تشرب فيه خمر والعياذبالله اكيد بيضر الجسم بس ماانقدر انه النت له مساوء ومنافع فيه الزين وفيه الشين والبنت الي بتدخل النت لازم تكون على رقابه وموجهه صح من قبل اهلها ‘والانسان مب داري من وين يجي نصيبه اما اني اتزوج بفتاه من قبل الانترنت هذي شوي صعبه علينا لإن حن تريبينا على عادات وتقاليد وعلى اسس ونظام ونعرف الصح من الغلط
واعرف ناس تزوج عن حب من الانترنت منهم متوفقين بحياتهم ومعيشتهم ومنهم غير سعيد مع حياته الاسباب ترجع الى الاساس الى الزوج والزوجه اذا كانو متفقين مع بعض

[the_one]

السلام عليكم

وليش لا ،، اذا كانت البنت مؤدبه ومحترمه وتعرف وين تدش بالنت ،، لان ممكن تلقى بنت تدش النت وخوش وحده وقاعده في بيتهم ،، وممكن تلقى بنت ما تدش النت وتلقاها 24 ساعه هياته ومو زينه ،، احنا ما نقدر نحكم على البنات من نت وهل تتزوجها او لا

الوقت هذا صار اكثر الناس شباب وبنات يدشون النت ،، الشي هذا صار طبيعي

وعن احتمال تصير مشاكل ،، اعتقد بسبب النت او بسبب غير النت ،، اذا ما في تفاهم راح تصير في مشاكل

يعطيج العافيه روعه على الموضوع الرائع ،، وكل واحد ووجهة نظره :)

باي

[كويتيه]

the one>>
رايك عجبني..:)

[the_one]

السلام عليكم

الحمد لله في احد فهم وجهة نظري :)))

مشكوره كويتيه :)

باي