تسجيل الدخول

مشاهدة النسخة كاملة : .. تعــــالوا أبيكم بـ ســــالفه ..

بحوور
08-09-2005, 02:33 AM
هلا ومسهلا ،،


ســــــؤال جاء في بــــــالي .. يميـــــل

لـ الفضــــول :)

أول مخالفــــه صـــــارت لـــــكـ من سقت ..؟

ظروفهــــــا ..؟ كم كان عمـــــــركـ .. ؟

وشنو المكافئــــه من أبـــــوكـ ..؟

لاحد يستحي ..!

ما من غريــــب ،،





أختــــــكمـ
بحوور
09-09-2005, 02:06 AM
شدعـــــووه

مستحيـــــن يعني ..؟ :)
فيصل بن حجرف
09-09-2005, 02:21 AM
اول مخالفه عدم حمل رخصه:)

ايام الثانويه كان عمري تقريبا 17 وطرحوني في تفتيش وانا طالع من المدرسه
بس زين ان اخوي جاني وطلعني من المخفر عاد والله مدري وش صار عليها ناسي
لان السالفه قديمه
ابوي هو اللي شاريلي سياره وانا مابعد طلعت ليسن:)

بس وش الطاري يا بحور؟
ليكون صاكينش مخالفه
السنـــــافية
09-09-2005, 02:32 AM
:)

من سقت لليوم ماجاتنى ولا مخالفه الحمدالله
بحوور
09-09-2005, 02:38 AM
فيصل بن حجرف



هلا بـــكـ

المخالفـــه ما فيها اكشـــــن مثل

ما توقعــــــت بس زين انها جـــــات

على كــــــذا ..

اما الطـــــاري / قلنـــــا نسترجع ذكرياتـــــكم

و نستانس ســــــوى ..

<< ما عندهم حريم يسوقووون :)





أختــــــكـ
AL- JOORY
09-09-2005, 05:38 AM
والله لسه ما شفت المخالفات بس الله يستر
saprj
09-09-2005, 05:44 AM
لا زلت أذكر أول مخالفه جاتني و كانت ظالمه

كانت تحت جسر الخالديه اللي عند جامعة الكويت

و كان الجسر عليه شغل و شايلين الإشارات اللي تحته

و باقيه اللي على الجنب بس . و على ما لفيت تحت الجسر

كانت الإشاره مولعه خضراء للجهة الثانيه , و جاني شرطي

ما يتفاهم و يقولي طايف الإشاره . أقوله وين الإشاره طيب

و يقولي ما أدري بس كانت خضراء من الجهه هذي . المهم

كنت مستعجل على الجامعه و خذيت المخالفه و قلت له بأخليها

في ذمتك ، و دفعتها . و العجيب اني قبل هالمخالفه كنت ملتزم حيل ،

بس بعدها صارت المخالفات عندي عادي و كثرت التجاوزات بس الله يستر.

و يعطيش العافيه أختي بحوور على إثارة هذي الذكريات القديمه .
:. آبـْن خـٍْرٍصـْآنٍ .:
09-09-2005, 05:54 AM
السلام عليكم ورحمة الله وبركاته
آشــآرٍه < كآن الفجر مافيه آحد ومشيت الا هي ورااي ( 18 )
ولا ابوي ولا غيره دراا عن السالفه :)
النايفه
09-09-2005, 05:58 AM
تسلمين اختي بحوور عالموضوع الخفيف الي قلبتي فيه المواجع..

وبصراحه اول مخالفه كانت تعديت السرعه وسحبوا الليسن على طول ماكو تفاهم على شارع الخليج ومن يومها وانا اذا شفت دوريه اخليهم يسبقوني ههههههه

تحيتي,,,
هند
09-09-2005, 08:16 AM
وعليكم السلام ورحمة الله وبركاته

والله يابحور كثير :(
أغلبهم السرعه الزايده


السؤدد
ليالي
09-09-2005, 08:30 AM
ما اتذكر اول مخالفه

بس بقولج اطرف مخالفه

كنت رايحه السوق مع امي وخواتي وفي اشاره ممنوع اخذها فوق تحت بس انا كله اخذها فوق تحت علشان اختصر الطريق

المهم هذاك اليوم خذيتها ولا هذيج الدوريه اللي منخشه ورا الشجره

ووقف الشرطي بنص الشارع علشان يوقفني :)

عطيته الليسن والدفتر وراح يكتب المخالفه واحنا ميتين من الضحك

وتأخر وهو يكتب المخالفه بغت اطق له هرن اقوله خلصنا ترا عطلتنا :p

اخر شي طلع يعرف اخوي ومشاني :)
اطياف الماضي
09-09-2005, 08:47 AM
==> جاية تشوووووووف المخالفاااااات:D

يعطيك العافية يابحوورة
فلاح بن ملبز
09-09-2005, 01:16 PM
<<--- توه دافع مخالفات 500 دينار على السياره والاجازه :( بس الحين صارلي سنه ولا مخالفه علي ولله الحمد :)

ولش جزيل الشكر على التذكير في المخالفات :)
الوايلي
09-09-2005, 02:49 PM
او مخالف كانت بالعديلية داش عكس السير
بالجمعية
رابع يوم من استلامي الليسن
sohab
09-09-2005, 05:04 PM
السلام عليكم ورحمة الله وبركاته


والله مخالفه مباشره مافيه ابدا والحمدلله وبالذات فى البدايات


بس بعدين لما جاء الكمبيوتر


اسدد مع التجديد يمكن مرتين او ثلاث

ها ناجح فى البحث ولا لا !!!!!!


شكرا وتحيه
بحوور
10-09-2005, 02:01 AM
السنـــــافية



هــــلا بـ الراكــــــده :)

عســــى دوم بلا مخالفـــــــات ،،




أختـــــــكـ
بحوور
10-09-2005, 09:25 PM
جوورري



هـــلا وغـــلا

وعســـى ما تشوفيــــــن مخالفــــــات :)




أختــــــكـ
ذهب
11-09-2005, 03:45 AM
وإللي اهلها مايرضوون تسوق سياره شتسووي :(

تطق اصبع :p
بحوور
16-09-2005, 03:52 AM
saprj



توقعـــــت انك راكد بسواقــــه

مدري ليش ..؟

بس اشوفك تمردت بعد المخالفـــــه حسبي الله

عليهم كان هم السبب :)





أختـــــــكـ
بحوور
16-09-2005, 03:55 AM
:. آبـْن خـٍْرٍصـْآنٍ .:



بعــــــدي


ههههههههههههه

اجل هيضتــــكم كل واحد قام يفلهــــــا :)





أختـــــــكـ
بحوور
16-09-2005, 03:58 AM
النايفه



تحبيـــــن السرعه مثـــــلي ..؟

انا خيره اني ما اسوق والا راح الراتب على

مخالفاتي :)




أختــــــــكـ
بحوور
17-09-2005, 02:13 AM
السؤدد



موبسيطــــه طلعــــتي

سرعـــــه بعد :)





أختـــكـ
بحوور
18-09-2005, 02:58 AM
ليالي



هههههههههه

طلعوا البنـــات يحبون السرعه :)

مخالفتك ذكرتني بمخالفه ابوي نفس الطريقه

تقريبا ..





أختـــكـ
الباشا
18-09-2005, 08:26 PM
الاخت القديره بحوور

يعطيك العافيه على استرجاع

الماضي الجميل

اول مخالفه من السرعه الله يكفينا شرها

لكن الحمدلله معاد فيه سرعه

:)
بحوور
20-09-2005, 12:06 AM
اطياف الماضي



يالله حيهـــــا ،،

منــــووره غــــلاي ..




أختــــــكـ
سـعـود
20-09-2005, 02:37 AM
اول مخالفه قبل لا أقص الليسن بالثانويه كان عمري وقتها
بين 16 او 17 مذكر بالضبط

طالع من المدرسه وقت الامتحانات الفتره الاولى بروح أتريق
علشان نرد للفتره الثانيه وكان معدي اثنين من أخوياي

ولا الدوريه وراي أصفط ياراعي العربانه:D وأنا معطيه طاف
وهو وراي كل شوي اصفط اقولك أصفط
ولا أصفط في بيت مدري منهوله وصفط في مظلاتهم كنه بيتنا يعني:)
وننزل وندش الخيمه حقتهم ههههههههههههههههههههههههه
وينزل ورانا ويركبا الدوريه والا العجوز راعيت البيت طالعه
قالت وش بلاكم قالها حجيه يسوق بدون رخصه يحسبها امي
قالت سهلات خلهم يروحون يدرسون قال لا خلي ابوهم يجيني
المخفر مايدري انها ماتصير لنا
وادق على الوالد وطلعنا ورصوه مخالفه بسمه:p وتعهد انه مايخليني اسوق
ورديت اختبر ويوم رجعت البيت ولا الراشدي الي عدلي وجهي:D
وسلامتكم:)

<<<<<<<<<<< بل كل هذي سالفه على المخالفه:eek:

مشكوووره بحووور
وأسمحولي على الاطاله
ذكرتينا بالأيام الحلوه:)