العجمي والعتيبي في العلوم الاداريه وتكتل البدو

[مرحبا بالموت]

بسم الله الرحمن الرحيم


حبيت اتكلم عن الانتخابات الي تحصل داخل الحرم الجامعي وخصوصاََ بأن اغلب الجامعيين الي تهمهم الانتخابات داخل الجامعه يترقبونها بحراره ويبون شنو جديد السنه الجايه وفي المتخوف منها لضعف القائمه المقتنع فيها وفي مرشحينها وهم في نفس الوقت في الطلابه الي يترقبونها ومرتاحين من وضعهم الانتخابي ومن مرشحينهم وانا عموما اتمنى كل التوفيق لكل عجمي والبدو عامه في هذه الانتخابات لكن في موضوعي هذا راح اخص انتخابات كليه العلوم الاداريه بجامعه الكويت

كليه العلوم الاداريه تعتبر من الكليات الي تصير فيها منافسه كبيره بين القوائم الانتخابيه للفوز برابطه العلوم الاداريه
وكان للبدو في هالكليه وقفه مشرفه جدا وبصراحه الواحد يفتخر انه يذكر هالموضوع وخصوصاََ ان البدو يعتبرون الأقليه في كليه العلوم الاداريه .. ووقفتهم تجسدت في (تكتل البدو) الي ضم جميع القبائل ويسعى التكتل لتوحيد كلمه البدو في الكليه وعدم تشتيتها بين القوائم والي خلى كل القوائم الي تسعى للفوز بالرابطه للوصل الى التكتل والفوز بأصوات هذا التكتل
وكان اجتماع هذا التكتل في العارضيه في ديوان فيصل المطيري وامتاز هذا الاجتماع بالحياديه بين جميع القوائم وكان دعم التكتل من نصيب :

بــدر فـهـيـد أل هــادي
نـشـوان خـالـد العـتيبي

مع القائمه المستقله بسبب اقتناع التكتل بأن القائمه المستقله قائمه تدعو الي استقلاليه الحركه الطلابيه وبعيده كل البعد عن اي حزب او تحيز واعتقد ان الاخوان تكلموا عن القائمه المستقله في مواضيع سابقه وبينوا اهداف القائمه المستقله

كلمه اخيره
بصراحه الواحد يفرح لما يشوف طلبه من جميع القبائل يتكاتفون وتكون لهم كلمه وحده مع العلم ان في الكثير من الطلبه الي حاولوا انهم يفككون التكتل لخوفهم من وحده البدو وخوفهم لمصالحهم الشخصيه والانتخابيه لكن ثقه البدو وحبهم وعلاقاتهم القويه بين بعضهم بينت لطلبه ان البدو اخوان حتى لو تعددت القبائل واتمنى لأخواني بدر فهيد العجمي ونشوان خالد العتيبي وجميع مرشحين القائمه المستقله كل التوفيق في الانتخابات الجايه ونقولهم ... مـــعاكم الى يوم الفوز

http://www.alajman.net/vb/uploaded/mostaqillaaaa.gif

[فيصل بن حجرف]

الله يوفقهم ان شاءالله لما فيه خدمة دينهم واخوانهم الطلبه
وارجوا ان لا تكون هذه القوائم وسيله للتلاعب في البعض

[سعد الصميل]

الله يوفقهم
لخدمة الدين والوطن
لاهنت أخوي

[راعي السحيما]

ونعممممممممممممممممممممم فيهم كلهم والللللله يوفقهم انشاء الله وكفو عليكم يا خواني الكلمه الوحده والصف الواحد ترا هو الي يجيب نتيجه خلوا قلوبكم على بعض والله يوفقكم :) ويبشر ابو فهيد والعتيبي محنا مقصرين معهم انشاء الله لأنهم يستاهلون وفيهم الخير والبركه


وعلى قوووله اخوي مرحبا بالموت معـــــــــــــــــــــــاكم ليوم الفوز والله ولي التوفيق

[كافي عذاب]

الله يوفق الجميع : ويجمع القبائل الاخره في ايد وحده واذا كان هو لديننا الله يقويييييهم

[الهملان]

الله يوفقهم

بس ليش مو مع الائتلافيه

الائتلافيه احسن

[راعي السحيما]

يالهملان والله الائتلافيه والنعم فيهم نعرف بعضهم الي بالجامعه والله خوش شباب لكن هم المستقله فيها الخير والبركه وعلى فكررره الي فهمته وشفته بعيني ان الائتلافيه بكل الكليات فيهم الي يرفع الراس لكن الي بكليه العلوم الاداااريه نفسيتهم امحقه ومشوهين صوره الائتلافيه واكبر دليل ان من اول مانزلت القائمه الائتلافيه بالاسم الجديد واعتقد بأسم المعتدله ماسوت شي غير انها اجيب المشاكل وفي المركز الاخير دايم وهذا اذا يدل فيدل على فعايلهم مع الطلبه وانا اخوك الطالب يبي الكلمه الطيبه ويبي الي يساعده بدراسته ويبي خوت شباب مايتمصلحون معاه ويعاملونه كصوووت لا اكثر وكلامي عليه دليل وهو تاريخ القائمه المعتدله اماا الاتلافيه برا العلوم الاداريه عز الله اني اعرف فيهم رياجل الواحد يعتز فيهم لكن المعتدله حثلوها بالمره حتى قائمه الوسط فعايلها بالاداريه ابرك من المعتدله واسفيييييييين اذا طبينااا في احد لكن ماقلت شي من غير دليل والدليل السنين الي طافت كلها

[راكان السادس عشر]

الله يوفقهم مع المستقله وااعرف ان المستقله محتكره الاداريه من خمس سنوات بفضل ابناء القبائل وتوجهاتها

[راعي السحيما]

ابشرررررررررررررررررررررررررررررررركمممممممممممممم ممممممممم العجمييييييييييييييييييي نجححححححححححححح ونقول مبروك يابدر والحمدلله قدر يجيب مع ربعه اكبر رقم صار بكليه العلوم الاداريه واكبر فرق صار بالعلوم الادااريه وهذاااااا الي كنا متوقعينه منك يالعجميييييي ومبروك مره ثانيه

[مـحمـد]

السلام عليكم ورحمة الله وبركاته

الف مبروك فوز القائمة المستقله برابطة كلية العلوم الادارية بفارق كبير جدا عن المراكز الاخرى وذلك بفضل سجلها الحافل بالانجازات ومبادئها الحكيمه وكذلك بفضل ابناء العجمان والقبائل الاخرى .

[المجروب]

السلام عليكم ورحمة الله وبركاته ..

نعم يستاهلون ومبروكين على الفوز وانشالله انكم قدها وقدود........

ويليت نكون حيادين في طرح الموضوع اما مسألة انهم شافو المستقلة استقلاليه وكلام فاضي ماعتقد ,البدو تجمعو وشافوا مصلحتهم وين وكسبوا فيها وهذا التفكير الصح وربعهم التزموا وياهم وبيض الله وجيه الكل في العلوم اداريه...

وبما ان حنا في منتدى العجمان يليت العجمان ملتزمين ويا ولد عمهم (مرزوق بوخرما) في انتخابات الاتحاد الي نبارك له الفوز وجعله راية بيضا لبني عمه .... والتفكير اذا نبي نفكر صح نصف ويا عضو العجمان الي ينزل ويا الائتلافيه لانه باذن الله ناجح ومكسب لبني عمه (ولا شرايك طال عمرك ).

اما بخصوص الاستقلاليه في القائمه المستقله يليت فادتهم في العلوووووم ولا في العلوم الاجتماعيه ولا في الاداب ولا في التربيه ولا في الهندسه ولا في الحقوق ولا..ولا..ولا..

والحمد لله الائتلافيه كسابة الطيب واكسبت الرجاجيل(ولا قصور في القوائم الثانيه) الي كسبوها العلوم والعلوم الاجتماعيه الاداب والتربيه والطب والطب المساعد والصيدله و الحقوق وطبعا الشريعه مع اخوانا الاتحاد الاسلامي وفوق هذا كله الاتحاد الوطني.

نتمى العجمان ياطويل العمر انهم يصفون مع بعض وتكون كلمتهم وحده في الانتخابات الجايه عشان و وزننا يزيد في الجامعه
ولاهنت على الموضوع وشاكرلك .....

[مـحمـد]

السلام عليكم ورحمة الله وبركاته
نبارك لهم مره اخرى ونبارك فوز المستقله في الاداريه
والعجمان مايرضون يكونون تبع لأحد مثل الشطرنج وهذا مايحصل في الائتلافيه
الجناعات والكنادره لهم الكلمه الاولى في الائتلافيه طبعا بدعم من بساط جمعية الاصلاح وترشيح ابناء القبائل معهم ما هو الا لكسب اصوات البدو وتفتخر المستقله بأن قبيلة العجمان من أولى القبائل اللتي قامت القائمه بفضل ابنائها وكان ذلك في الادارية و الحقوق والاداب معاقل المستقله.