وقعه العريق0

[الأدوح]

السلام عليكم ورحمه الله وبركاته000000000000000000000اما بعد

إليكم وقعه العريق الشهيره ضد قبيله سبيع وهي فزعه العجمان للشكره والغييثات من قبيله الدواسر0000
وهي انا امير الغييثات ناجي ابن وقيان قتل ابنه من قبل عريني على مارد ماء في العريق بالقرب من الصمان0000000ثم نخى ابناء عمه من الشكره وعلى رئسهم ابن حفيظ ثم جاء نهار الطراد الاول وكسروا فيه الدواسر وقتل ابناء ابن وقيان وكانوا ال شامر محيلين في العرمه ثم قصد ابن وقيان قصيده في الشيخ معضد بن عامر بن خرصان وهي:


نصيت منهو يقطن المرقب العالي0000000000معضد لمن اصتكت علوم الشين
خيالت السبلى حمايت التــــــالي0000000000سعد منهو فزعته بالعسرواللين

ثم انتهض معضد وقال والله اني لاتقاضا لك يالدوسري لمطرت من سما ولا على جمه البير00000000000000000وعندما علم محمد بن دبلان قدم ومعه جمع ال مفلح00000والدامر ومعه ال ضاعن وابن سلامه وال قنيبر000000000
ثم عقل ناقه الشداد والبسها العطفه قاد معضد جمع العجمان الموجودين وتوجه الى العريق وتلقوا جمع سبيع على رأس العماني وابن شويه وابن خيوط شياله البيرق00000000000000000000000000000000000000000000 0000000000000000000000000000
وعقرمعضد بن خرصان فرس العماني وقتلا ابناء ابن خيوط الاثنين وكسرت رجل غنيم ابن شويه000000000وكسر سبيع وانتصروا العجمان00000وفيها قال الشاعر دوباح الغييثي:

[الأدوح]

قصيده الغييثي:

حنا على السبعان نون وانتشر.........طاح العماني في نحو مخايله

شيب القلاريه دعى شيب الشجر.........يوم كلا من قال نح فضايلــــه

وفينا راعي سبلى سواق العبر.........معضد بن عامر بانت فعايلــــه


وقصيده الطويل الصميلي السبيعي:




جانا يبي النصف والطايله .........مافار منا إلا بعد خدان
الاوله إن فضخنا عينـــــه.........والثانيهمنا مشى عميان
يوم العزيزي لابدا في برمه.........يوم حطوا نابيهم خدعان
يانعم بالرفيق المنصــــــح.........بألادبراز وحظره الظهران
والي جانا على وضح النقا.........جمع الشوامر وابن خرصان
وابن دبلان يحاقب بينــــــا.........نحسبه صديق وهو قومـــان



الى اخر القصيده وشكرا.........

[فيصل بن حجرف]

السلام عليكم

لاهنت يالادوح على ذكر هذي الوقعه اللي الكثير من الناس يجهلها

وان كان عندك شي من العلوم لا تبخل علينا عطنا اللي عندك كله :)


تحياتي

[راكان اليامي]

لاهنت يالادوح على المشاركه الطيبه

وننتظر المزيد طال عمرك
اخيك

[admin]

الله يعطيك العافيه مشاركه رائعه وتسلم علي نقلها لنا

[الأدوح]

شكرا اخواني الاعزاء على مروركم وإطرائكم الرائع وأنا افتخر فيكم000000


وهذي قصيده جويعد الهواوي يوم العريق:




وانا احمد الله وحنا هل الناموس والطاعه=يوم السبعان على الدواسر ظفريني
جانا الغييثي يوم ذبح وشاينن فالـــــــه=تكفون يالمرازيق هل العسر والليني
وش لكم ماطوعتوا من يلبس الشالـــــــــه=يوم قالوا ردوا لربع همال الوداديني
جت جموعنا كما مزنن على العريق هماله=ونحرنا جيش العماني على المرديني
يقودنا معضد لما كبرت بلعلم والقالـــــه=يوم شلفنا على القيمان بلكز مرويني
طاح غنيم ووضحه على الورك شمـــاله=والخيوطي ذبح عليه الطيور حايميني
كسروا سبيع وهم عن الكون خمالـــــه=بفعل ربعا على ملح الجيش مشفيني




وعذرونا على التقصير يالربع0=0تحياتي الأدوح

[حمد العوامي]

السلام عليكم ورحمة الله وبركاته


كثرة الكلام عن موقعة العريق بين سبيع والدواسر دفعني للكتابه بالتفصيل عنها حيث ان هناك من لا يعرفها وهناك من ذكرها بشكل غير سليم .


العريق


أستضاف غزو من ا لغييثات يقودهم سحمي بن نصار أبن عم وقيان كبير الغييثات عند عبلان القفيدي الجبري السبيعي على الرمحيه . وبعد أن أكرمهم وحيث أنه في سلوم العرب أن من أكل عندك أمنت منه أبلغهم أن أبنه (علي )يرعى غنمه في طريقهم حتى لا يتعرضوا له .
فذهب الدواسر على الطريق الذي أخبرهم به الجبري وأخذوا غنمه وربطو ابنه وذهبو به حتى لا يبلغ عنهم وبعد أن وصلو الى مكان يقال له الجلاليه بالقرب من فيضة خريم تركو الفتى وهو مربوط حتى مات من العطش ..
وقد أساء هذا العمل لكافة سبيع , وبعد فتره من الزمن ألتقى مركوبتان للعرينات بقيادة فهاد بن شويه والغييثات بقيادة سحمي بن نصار وهو نفسه قائدالدواسر أصحاب الجبري على مورد ماء يقال له الهشامي ثم حصل بينهم قتال أصاب فيه فهاد بن شويه سحمي بن نصار أصابه قاتله وبعد وقوعه عن ذلوله أنهزم الغييثات وتركوه خلفهم . وبعد أن أرتوى السبعان من الماء رحلوا عن الهشامي وتركو أبن نصار يصارع الموت وهو يطلب الماء فقال له فهاد كلمه بما معناها ذق ماذاق الجبري,, إلا ان حسن الجضعي عاد خلسه وترك عنده أدات ماء ولكن ابن نصار لم يشرب منها حيث انه قد فارق الحياه .
بعد ذلك بمده ذهب راشد الحجلاوي العريني السبيعي إلى ملهم ومعه غنم لبيعها هناك فلقيه عدد من الغييثات فقتلوه بسبب قتل ابن شويه لأبن نصار ,
وبعد حوالي سنه كان هناك مركوبه من العرينات والنبطه على الرمحيه وعددهم عشرون فأتاهم أهل ذلولين
وسألهم السبعان فأخبروهم أنهم غييثات وأحدهم يدعى العولقي من أقارب الذين قتلو راشد الحجلاوي .
وكان مع السبعان فهيد بن راشد الحجلاوي أبن المقتول فأراد قتل العولقي بوالده وأثناء ذلك وبعد أن قارب الحجلاوي على قتله أحاط بهم أهل مئة ذلول جميعهم من الغييثات يقودهم وقيان بن نصار كبير الغييثات وهو ابن عم سحمي بن نصار ,كان العولقي ورفيقه سبر للغييثات .فسأل الدواسر العولقي عن الذي فيه من الدم فقال من فهيد الحجلاوي فقتلو الحجلاوي بأثر والده ,
بعد ذلك طلب ال الحجلاوي والعرينات من سبيع أن يكون الغييثات جناه لا يسيرهم المسير ولا يلفيهم أحد فوافق بني عمر وبني عامر على ذلك ,
وكان لوقيان شيخ الغييثات مثاني خيل عند بعض السبعان فطلب من خدعان بن شبيب العزيزي السبيعي أخوه لأبنائه فراج وحميده لتحصيل هذه المثاني فوافق ابن شبيب على ذلك وأحضر أبناء وقيان وهم أرداف على ذلول واحده وابن شبيب على ذلول . ونوخو عند حثلان بن سمير المداريه وكان مشهور بالكرم .وكان في هذه النزله الجمالين والصمله ومن العرينات بيتين فقط محمد بن راشد الحجلاوي وأخوه ناصر ومنصور بن مدعج العريني
بعد أن قام بن سمير بواجب أبن شبيب ومن معه ذهب ابن شبيب بأبناء وقيان للمبيت في منزله . فأرسل محمد الحجلاوي أبن عمه منصور بن مدعج الى أبن شبيب يقول له( خله يقلع عيال وقيان عنا ) فرد عليه أبن شبيب رد غير مناسب وأخبره أنهم لن يذهبوا إلا بعد طلوع الشمس . وفي الصباح وبعد رحيل أبناء وقيان لحق بهم محمد الحجلاوي واخوه ناصر فقتلو فراج بن وقيان أما الاخر فحلف لهم أنه ليس أخوه فتركوه .
بلغ الخبر وقيان فجمع الدواسر يطلب تسليم الحجلاوي . فرحل الحجلاوي الى بني عامر في العريق وهو مكان قريب منهم ونزل على حجاب بن جويعد وحضر الى أبن جويعد من حضر مطالبا بتسليم الحجلاوي ولاكن أبن جويعد أستدعا بني عامر ورفض تسليمه . فأغار وقيان قبل العريق بيوم على السبعان في خريم وبالتحديد على الصمله بقيادة فلاح بن مجفل وجرى بينهم قتال قتل فيه عبدالله بن خالد بن مجفل ,
في هذا الوقت حضر فدغوش بن شويه من حفر العتش ومعه من كان على الحفر من سبيع والسهول .
أجتمع شيوخ سبيع في بيت بناه فدغوش في الجلاليه .
وهم فدغوش بن شويه و فلاح بن مجفل وفراج العماني وحجاب بن جويعد وبسام بن هديهد وأبن خيوط والحرق الصييفي . حضر عندهم في أجتماعهم أبن دبلان العجمي وأشار عليهم الحرق بربطه ولاكن أستقر رأيهم على عدم أستعداء العجمان خاصه أنهم قريبين من الوقعه وقلوبهم مع الدواسر .

في الصباح ألتقت القبيلتان وكانت الدائره على الدواسر وقتل من قادتهم وفرسانهم أكثر من مئه وقتل من السبعان خمسه وعشرون منهم عبدالله أبن مجفل وبسام بن هديهد وأل خيوط والبقيه لا تحضرني أسمائهم ,

يقول فدغوش بن شويه في حداة له في هذه الوقعه بعد قتله لأبن وقيان علي .


ياسابقي جتكم عزوم =والعلم عندالله عزيز الشان
أشوف علي عقب نقل الزوم=من ضربنا طاح فالميدان
عاداتنا نطرح عقيد القوم=لا ثار عج الخيل والدخان
خليت أبو عمشى يحرب النوم=هذى فعايلنا على الجدان


بعد هذه المعركه رحل الحجلاوي الى قبيلة مطير مخافة الفتنه بين أبناء العمومه بسبب دعوى ابن شبيب عليه لقتله أبن وقيان وهو قد أرفقهم . وقد عارضه أبناء عمومته وطالبوه بعدم الرحيل ولاكنه رفض ذلك بقوله لن أكون سبب لقتال سبيع بينها .
وبعد توحيد المملكه على يد الملك عبد العزيز أحضر وليد بن شويه الحجلاوي عند عبد العزيز اللذي أستدعا أبن شبيب وأدى له ما أدعاه من حقوق على الحجلاوي بموافقه من أل وقيان ..

هذا ما أستطعت طرحه وتبيانه عسى أن يحوز على رضاكم ولم أستطع إراد بعض القصائد لعدم وجود الحاجه لذلك .

[الأدوح]

السلام عليكم ورحمه الله وبركاته0000000000000000

ياخي حمد العوام :::::::ولاتقصير في معلوماتك0000000انا جبت نهار طراد العريق الثاني بعد إستفزاع الدواسربالعجمان ولا يهمنا الا ماحصل بين العجمان وسبيع فقط ولاتجيبلي ماي اساس المشكله بينهم جعلك تسلم ::::::::::::::::::::::::::::::::::::::::::::::::وا لقصه مسموعه من حياه إبن صبيح رحمه الله مو سوالف مجالس ياحبيبي0

[فكاك^النشايب]

السلام عليكم ورحمة الله وبركاته .

اشكرك اخوي العوامي على التوضيح واللي كفيت عن ردي الله يجزاك خير ,,

اخوي الادوح معركة العريق هي اللي ذكرها العوامي اما اذا بتجيب عريق ثانيه على راحتك



تحياتي لك



اخوك / فكاك^النشايب

[الأدوح]

ياخي العزيز انا ماجيت انشدكم عن السالفه صحتها او خطئها :::::::::::::::::::::::::::

السالفه مثبته بالقصيد والوقائع اما سبب المشكله بين السبعان والدواسر ما هي في الحسبان لانها ماتهمنا في ديوانيه العحمان:ياخي السبيعي الوقائع لاتزعل احد لانها وقعت وانتهت وقصيده الطويل مصدرها واحد من كبار سبيع ورواه لي ويقول ان الوقعه كانت فيها سبيع بأكملها الا الجمالين وكانوا في العراق::::::::::::::::::::::::::وقصيده السبيعي التي يقول فيه:::::::::::::::::::::

ويقصدفيها الدواسر:::::::::



والله لوللا جمع يام ألي زبر:::::::::::::::::::لنوريكم نجوم القايله0


رفيقك العوام يبي ماللعجمان عز على احد بس على ماقال الشاعر::::::::::


وش على العقبان من دبي الجراده::::::::::::::::مايروع الشيب من ترعى النباتي


تحيات الأدوح::::::::::::وللحديث بقيه

[فكاك^النشايب]

قصيده الغييثي:

حنا على السبعان نون وانتشر.........طاح العماني في نحو مخايله

شيب القلاريه دعى شيب الشجر.........يوم كلا من قال نح فضايلــــه

وفينا راعي سبلى سواق العبر.........معضد بن عامر بانت فعايلــــه


وقصيده الطويل الصميلي السبيعي:




جانا يبي النصف والطايله .........مافار منا إلا بعد خدان
الاوله إن فضخنا عينـــــه.........والثانيهمنا مشى عميان
يوم العزيزي لابدا في برمه.........يوم حطوا نابيهم خدعان
يانعم بالرفيق المنصــــــح.........بألادبراز وحظره الظهران
والي جانا على وضح النقا.........جمع الشوامر وابن خرصان
وابن دبلان يحاقب بينــــــا.........نحسبه صديق وهو قومـــان



الى اخر القصيده وشكرا.........



(( ياخوي الادوح مساك الله بالخير انا اشوف ان القصيده الاولى والثانيه قمة التناقض ,, انا ماقلت في سالفتك شي ياخوي يوم لك ويوم عليك والعجمان حصل بينا وبينهم معارك كثيره كسرناهم وكسرونا ولكن انا كلامي ان العريق انتصور فيها سبيع نفس ماقال اخوي العوامي اما سالفتك هذي يمكن معركة ثانيه لان سبيع كسرت الدواسر في معارك كثيره وهم كسرونا ويمكن استفزعو في احدى المعارك هذي ولكن ماهي العريق ))


تحياتي لك

اخوك /فكاك^النشايب

[العماني]

السلام عليكم
في البداية أحب أن أشكركم على هذا المنتدى الطيب واتمنى لكم التقدم والاستمرار.
بخصوص وقعة العريق، فإن الغييثات كسروا من قبل السبعان في أول النهار لقلة عددهم في حين سبيع كانت بكامل ثقلها أمام فخيذة صغير وهذه تسجل للغييثات ، ولكن اشترك على نهاية المعركة بعض الشكرة وعلى راسهم أميرهم الشيخ سند ابن احفيظ وبعض من الحراجين وآل عمار وبعض العجمان ،ولم كانوا قريبين منهم.وتم النصر للغييثات وحلفائهم.
في حين ان السبعان كانوا أكثرعدداً وقد جلبوا (المزين) وهو هودج يوضع على ظهر المطية ويكون بداخله واحدة من نساء القبيلة لشحن عزيمة الفرسان وهذه عادة متبعة عند أغلب قبائل العرب.وكان على الهودج عميشة بنت ابن خيوط آل ابوثنين من شيوخ الجمالين من سبيع ،وكان يقود المزين أخوانها الثلاثة .

وبخصوص الذي قتل ابناء ابن خيوط فهو صالح بن شديق من آل سلمة من الغييثات قتل الثلاثة لوحده.
أما بخصوص مقتل علي بن وقيان فلا خلاف عليه وقد قتل هو عدد من الرجال واصاب واحدا اصابة أقعدته (شلته)ولكن الله أطال في عمره ولم يمت الا قريبا وعندما سأل عن سبب تشوه جسده قال(هذه من سيف علي جعل عظامه في الجنة)وهؤلاء هم الأولين قلوبهم دايما صافية ولاينكرون فعايل غيرهم.

وقد عقر الغييثات مرتين فرس ابن شوية يريدون قتلة وكسروا رجلة وعندما نهبوا البيوت لم ينهبوا بيته لأنه محمي من صديقه الفارس ماجد بن خصيب الغييثات وقد سمى ابن شوية ولده ماجد على ماجد بن خصيب.
وانكسر السبعان وزبنوا شجر الجلالية واصبح الغييثات يظهرونهم من الشجر ويقتلونهم وامسى من امسى من سبيع تلك الليلة في البرد.

وقيلت في هذه المعركة قصائد كثير وهي تثبت ما ذكرته سابقا حول نهايتها: نذكر منها على سبيل المثال :
قصيدة دغش بن عريمان الشياحين الغييثات،ومنها:


يالله يالمطلوب يا عجل النظر=ياللي علينا مظفٍ جمايله
حول على (السبعان)عجٍ له كدر=طاح (العماني) في نحا مخايله
(البسم) و(الذعذاع) (والحرق) انعثر=والكل منهم وسدوه أصايله
كل لعينا العرب حسكات الوبر= اللي على راس النسيم جت مايله
تباشرت بالري والجم الخضر=شربت غديرٍ كدرت حثايله
دوس الزنايج كنها حذف البجر= ولا نخيلٍ في بلادٍ عايله
ذيب الجلالية عوى يبغي ذيب الشجر=ويدعي طير السما من فضايله
والله لولا الشيخ حماي المدر=والله لنوريهم نجوم القايله
نعمٍ (بسند)ٍ في محله يعتبر=يوم أشهب البارود كل هايله
وفينا راعي سبلى سواق العبر=(معضد بن عامر) بانت فعايلــــه
لا (الحريجي) لابتي خزن الظفر=في الهوش كنهم جمالٍ صايله
لا (آل عمار) لابس الجوخ الحمر=هم درعنا الضافي وحنا بطاينه
لاد الغييثي على البوش العفر=اللي على الموت الحمر متمايله

وقصيدة للشاعر والفارس هجاج آل عيد الغييثات ،وهي طويله واحفظ منها:

يالله بلـيـلٍ كــن تكـيـشـف بـارقــه=عليـه مــن ســل السـيـوف رمــوع
جعلـه علـى الأطــواء يـهـل مخايـلـه=ومشيمـيـخٍ قبـلـه عـلـيـه ارثـــوع
تـرعـاه وضـحـى سيـرهـا متمـرجـح=كنهـا هـنـوفٍ مــن البـنـي فــروع
وضـحـى نــدللها ونـتـبـع شـفـهـا=لامـن قعـد فـي العـش فــرخ تـبـوع
راكـــب الـلــي ريـــفٍ هـذيـلـه=تـوه علـى حسـب الـغـرض مـصـروع
نــص القـعـود مـحـمـدٍ لا جـيـتـه=تبـديـه بعلـومـك وهـــو مـفــزوع
وكــل الجمـاعـه يطلـبـون عـلـومـك=مـــا فـيـهـم خـجــلٍ ولا دنـــوع
إن جــيــتـــوه ولا جـــاكــــم=وأخيـر مـا يلـقـى عنـدكـم كـرسـوع
ما خاينن الى اخو السر=خوي جدعان يامال الروع
كــل عـلـومـي فـيـكـم الـهـويـدي=يستاهل في حربكم كنه حصانٍ ما بعد جا طوع
خلـو المزيـن مـا ثـنـوا مــن دونــه=فـوقـه العميـشـه خشمـهـا مقـطـوع
والسهلي طق وهمل عباته=يطرد كلب الغنم جدوع
حـنـا طـولـنـا بـضــرب الهـنـمـي=لـيـن الصـعـب جــا منـهـم طــوع
حـنــا خـذيـنـا حـقـنـا بأيـديـنـا=يـوم إلتقيـنـا فــي العـريـق جـمـوع
يـا نـعـم والله يــا صـلايـب جــدي=يــوم الـمـوازر صـوتـهـن يـــروع
ومحمد هو:الشيخ محمد بن وقيان.
وكرسوع:أحد فرسان الغييثات وقد قتل بعض من سبيع ،وقد اشتكوا بعد توحيد السعودية عند الملك عبدالعزيز لأخذ حقهم منه.
العميشة:هي عمشة بنت ابن خيوط السبيعية التي كانت على المزين.

هذا وللغييثات وقائع كثيرة مع سبيع ،وليس بغريب فزعة العجمان خصوصا وانهم حلفاء لهم وبينهم علاقات نسب،وآخرها عندما أعلن العجمان استعدادهم للفزعة مع الغييثات يوم(ذبحة الساعي) على آبار الوفرة مع بني هاجر.
وللعلم فإن خوال الشيخ محمد بن وقيان من شيوخ سبيع.،وهم أخوانا وأفعالهم لاتحتاج لتعريف،وعفا الله عما سلف.

هذا وتقبلونا تحياتي واسمحلونا اذا زلينا والانسان مو معصوم من الخطأ.

أخوكم كعام العايله

[فكاك^النشايب]

يامرحبا بكعام العايله

النهار لقلة عددهم في حين سبيع كانت بكامل ثقلها أمام فخيذة صغير وهذه تسجل للغييثات

(( اولا احب اوضحلك اخوي ان سبيع ماهي بكامل ثقلها لان معركة العريق كانت في يوم واحد هي ومعركة محقبه بين بني عمر والعجمان فكانو سبيع منقسمين قسمين واللي كانو فالعريق الجبور والعزه ومعهم بعض بني عامر واما باقي بني عمر كانو في محقبه والحمدالله كتبلهم النصر في الثنتين ))

اما اخوي اظن ان حداة فدغوش بن شويه تكفي وقصيدة الطويل الصميلي تكفي ولكن انا مااغالط في سالفتك لان يمكن غير معركة العريق اللي نقصدها يالسنافي لان جا بين بني عمر والغياثات مقاطع يعني كل من شاف الثاني يذبحه ولا بينهم سلم والعمري مايضيف الغييثي والغييثي كذلك يعني ماهو بيوم وليله انتهى موضوعهم اكيد حصل بينهم معارك كثيره واخوي العوامي ماقصر ذكر البعض منها وهذا اللي انا اشوفهم واخوي الادوح ذكر ان بعد ذبحة الغياثات ذهبو استفزعو بالعجمان يمكن صحيح ولكن غير معركة العريق اللي حصلت لانك كما تعرف لو انعد المعارك اللي حصلت ماتنعد من كثرها ولكن القصد معركة العريق انتصور فيها سبيع على الغياثات


ارجو ان تتقبل كلامي بصدر رحب لانك مثل ماقلت الله يغفرلهم ويبيحهم والايام دواره يوم لك ويوم عليك


اخوك / فكاك^ النشايب

[admin]

اشكرك الجميع علي هذا الحوار

لكن اريد ان الوضح لخوي الادوح ان جميع مايكتب عن القبائل يهمني في ديوان العجمان ولا تنسي ان هذا الموضوع مكتوب في قسم خاص بقبائل الجزيره ويهتم بحروبها وتاريخهم بكل تأكيد لا يوضع هذا الاقسم الا بهتمامنا فيه وهتمام خاص ايضا


اتمنى من الجميع انه يفيد ويستفيد ويعطيكم العافيه

[العماني]

هلا بأخونا فكاك النشايب:

أشكرك على ردك الطيب ووجهة نظرك على العين والراس ،والحرب سجال يوم وعليك،والخسارة ليست بعار اذا جاءت من ناس يستاهلون.والعرب لا ينكرون فعال خصومهم وتاريخ الجزيرة بحافل بمثل هذه السوالف،ومافي قبيلة الا وانكسرت يوم من الأيام.

بخصوص معركة(محقبة) فلا أعرف عنها شيء وحنا بصدد معركة العريق ،وحداة ابن شوية كانت بعد مقتل علي مباشرة ولم تكن على المعركة ولم يأتي فيها ما يدل على نصر السبعان ،والمعروف أن الحدأه تأتي في لحظة الحادثة أما القصايد فتأتي شرحا لسالفة قد وقعت..!!!
أما قصيدة الصميلي فلم يرد بها مايثبت انها قيلت في العريق أو في الغييثات والله أعلم..وعندي سؤال حولها (هل المقصود بآلاد براز اللي من مطير؟؟؟

في حين تلاحظ جعلك تحيا انه ورد في قصايد الغييثات اسم (العريق) مع اسامي بعض الفرسان الذي يعرف انهم اشتركوا في هذه الهيه ،غير قصايد الشكره والحراجين ،والقصيد دائما يكون شاهد للقصة ،وهذا يدل على انتصار الغييثات ،وأنا يا طويل العمر أعرف سبعان أكدوا لي السالفة وما صار بيننا اي اختلاف في وجهات النظر.وبين الغييثات والسبعان هيات عديدة والقصايد كثيرة ،وليس مع السبعان فقط بل مع غيرها من القبائل.

وأحب أن لايطول النقاش في مثل هذه السوالف ، والفائز من فاز عند ربه،والله يغفر للجميع.

دمت عزيزا وتقبل تحياتي

أخوكم :كعام العايله

[فكاك^النشايب]

يامرحبا ياكعام العايله

على العموم انا بختصر الكلام

انا ذكرتلك الموضوع

(( ،وحداة ابن شوية كانت بعد مقتل علي مباشرة ولم تكن على المعركة ولم يأتي فيها ما يدل على نصر السبعان ،والمعروف أن الحدأه تأتي في لحظة الحادثة ))

انا اشوف في كلامك تناقض اذا ماني غلطان ذكرت الحداه قبل المعركة ثم قلت الحداه تاتي في لحظه المعركة وانا ادري ماذكر فيها نصر السبعان بس ذكر فيها قتل عقيد القوم وانت اعرف مني اذا قتل العقيد ماذا يحصل بالباقي

(( أما قصيدة الصميلي فلم يرد بها مايثبت انها قيلت في العريق أو في الغييثات والله أعلم..وعندي سؤال حولها (هل المقصود بآلاد براز اللي من مطير؟؟؟

)) ذكر فيها فزعة العجمان اي الشامر معكم وذكر ابن دبلان واما البرازات هم السهول اللي يرجعولهم برازات مطير

تحياتي لك


اخوك / فكاك^ النشايب

[العماني]

حياك الله يا فكاك النشايب:

لا خلاف حول سالفة الحدأة قبل أو أثناء المعركة المهم أنك قلت

(وانا ادري ماذكر فيها نصر السبعان بس ذكر فيها قتل عقيد القوم وانت اعرف مني اذا قتل العقيد ماذا يحصل بالباقي...)

رحم الله والديك (لم يذكر فيها نصر السبعان) فين حين ذكر الغييثات نصرهم،والقصيد شاهد للقصة.
أما بخصوص قولك (وانت اعرف مني اذا قتل العقيد ماذا يحصل بالباقي...)

فأحب أقولك أخوي:
يعطيك العافية أمير الغييثات وعقيدهم في هية العريق هو وقيان بن نصار أما علي ابنه فكان فارسا ومن شيوخ آل وقيان وكان شبابا عندما قتل وأكيد قتله سيكون فخر حيث انه ابن شيخ ،ولكنه ليس بقائد القوم بل أخوه.ولكنك لم تتطرق الا شيوخ سبيع الذين ذبحوا وراجع قصيدة دغش للتأكد.

وبعدين خيل العجمان ما تعدت العشرين بس البعض يبالغ لتبرير هزيمته وفي آخر الهوش لم يثبت الا الغييثات والشكرة ولا به قصور في باقي القبايل عندما عقل رجله ابن حفيظ.

هذا ولا أظن هناك حاجة بالاطالة في هذا الموضوع،وتقبل تحياتي
أخوك\كعام العايله

[النمر]

القصه كما ذكرالأخ العوامي أعلاه والقصائد

للقبيلتين كالتالي

قصيدة فدغوش بن شويه بعد مقتل علي بن وقيان

ياسابقي جتكم عزوم **** والعلم عنـدالله عزيـز الشـان
أشوف علي عقب نقل الزوم**** من ضربنا طاح فالميدان
عاداتنا نطرح عقيد القوم**** لا ثار عج الخيل والدخـان
خليت أبو عمشى يحرب النوم**** هذى فعايلنا على الجدان

وقصد دغيش الدوسري

يالله يالمطلوب يا عجل النظر

ياللي علينا مظفٍ جمايله

حول على السبعان عجٍ له كدر

طاح العماني في نحا مخايله

البسم والذعذاع والحرق انعثر

والكل منهم وسدوه أصايله

كل لعينا العرق حرقات الوبر

اللي على راس النسيم جت عايله

تباشرت بالري والجم الخضر

شربت غديرٍ كدرت حثايله

دوس الزنايج كنها حذف البجر

ولا نخيلٍ في بلادٍ عايله

نعمٍ (بسند)ٍ في محله يعتبر

يوم أشهب البارود كل هايله

لا (الحريجي) لابتي خزن الظفر

في الهوش كنهم جمالٍ صايله

لا (آل عمار) لابس الجوخ الحمر

هم درعنا الضافي وحنا بطاينه



ورد الطويل من الصمله


قـــــم يانديبي فوق نابيت الظهـــر ***** ركابها هـــرج المجازي شايله

يادغيش مثلك غط علمـــه ماظهر ***** تطري العلوم اللي عليكم مايله

ربعي هل التومان والجوخ الحمر***** كسابت الناموس في وهايله

عينت ربعي يوم ثارات القهـــــر ***** فعل تشوفه لاأوله والتاليه

وعينت علي في نحا ربعي عثر***** عليه قبره دهمــــوا نثايله

مـــع بادي مرذي الركايب بالجمر***** ركب ولاعود على حلايله

عيا وقيان يجوز من القشـــــــر ***** لينه كــوي كـــي شكا ملايله

ياالهيس يا..... مقطــــوع الثفر***** ياسعد من مثلي عرف قبايله

مير والله يالولا جمع يام اللي حضر ***** الآأن نوريكــــــــم نجوم القايله



وقصد سعد العماني من بني عامر



يادارنا يوم زاروك الجنوبيه ***** خذنا عــوض مرتعك زلبات الافراسي

قمنا عليهم بمنحوف القريزيه***** وسيوف هند تعزل المتن والراسي

عصرية أمطرت عند الجلاليه***** سيله حقوق ونوه يرعب الناسي

منهم غدا بادي في مقدم الهيه ***** ولد أبن عواد مرذي كل عرماسي

وجخير منهم يدق الحزم بلحيه***** عليه طير الهواء حومه تنكاسي

وابن دبلان دلبح بالجنوبيه*****من عقب زود الطمع يقنع بالافلاسي

هاذي مراكيضنا بدع وجديه***** منهـــا ابن نصار يذكر زاده عماسي

وياذيب ياللي جنوب ناوين نيه *****أطمن من الضلع والقط حد الاطعاسي

تلقا العشـــاء عند عرق الجلاليه***** من ضرب سيوف تعزل المتن والراسي

كم واحدآ في نحانا يفقده حيه *****خلي عشاء للذيابه عوج الاضراسي



هذي من قصيده طويله

للشاعر هجاج ابن عيد من الدواسر :



يقول :
حنا طولناهم بضرب الهنمي
لين الصعب جا منهم طوع
حنا خذينـا حقنـا بايدينـا
يوم التقينا( بالعريق) جموع
يانعم والله يا صلايب جدي
يوم الموازر صوتهن يروع




وهذي قصيده قالها احد العجمان :


جونـا بنـي عـمـر متطلقـيـن
مثل وردا(ن)لاهب الجوزاء حـداه
دبورونـا ليـن عدونـا البيـوت
لين نـادى المنـادي مـن سمـاه
عـانــا الله والمسـتـحـيـن
ستر منهو في الهوش يبهي غطاه
ليتكـم ياربعنـا شفتـوا سبـيـع
ليـت تاليـهـم سـنـع تــلاه
يوم جاء ابن جلعود متغانمن الطراد
يوم تبين شـاف يوما(ن)ماهـواه
يوم تبين قال هذا يوما(ن) عروض
فنصفق كاسي عقب قعوده بالعبـاه
عقب ذا نحمـد الله طـاب نومـي
والمـاء علـى كبـدي مـاحـلاه
وياركبن من عندنـا فـوق سـت
ماشكن بيدينهـا ضـرب الحفـاه
كنهـا ورد القطـا فـي صـيـف
في ليالي حـذف الصمعـى سفـاه
الشريـق سرحـن فـي العريـق
والعصير تعور من خشـم السـراه
نصـاه بيـت مايبغـى وصـوف
لـه علامـات تـدل الـي نصـاه
ابـن حثليـن مقـدم وجـه يـام
شيخنـا وحنـا مـن العايـل ذراه
وليـا ليقيتوهـم هذبـوا العلـوم
وارفعوا بالصوت يسمع من بغـاه
ثم ثم قولوا حنا رحلنـا سانديـن
يوم الضلـه نبغـي شـرب مـاه
ثم خانونا واثر جـب القـوم قـوم
جعل من خان العهـد يفتـق ذراه
الجـرب لا غـط صيـوره يبيـن
والغشيش لمن امتلى بطنـه قـذاه





وهذه ابيات ابن خلف الغييثي يسندها على الشيخ فيحان ابن قويد :



ياركب اللي كن لادمي يحاليه=واسبق من اللي فالسماء وارداتي
يسرح من التنظم وسنع مماشيه=والعصر عند اهل الوحيد يباتي
فنهم ذلولك لين الشيخ تلفيه=فيحان الصعصاع شيخ البداتي
ثم بلغه بالعلم ربعي مشوفيه=راحت على غلباء سبيع سراتي
ياظفرهم والله مانيب كانيه=ظفران عل ديارهم مبعداتي
وحنا خدمناهم على كيف مابغيه=لين ادبحوومهارهم مقفياتي




وهذه قصيدة أبن عزران من سبيع


جانا وقيان يقود الحرب وأسبابه ******يبغي المغاتير والهيشان والحله
معه الدواسر على الطوعات وأصعابه****كلن يدني لطرش سبيع وجناله
ونعم بربعي هل العرفا هل الجابه ***** خيالة اللي نهار الضيق منتله
ربعي كما سيل ضلع ضاق محنابه **** في وردهم تدهم الصالات بالسله
ألآدعامر شبات السيف بانصابه ***** يويل منهم نهار الكون ضدن لـه
عينت شيخ الجنوب وربعي أسبابه **** وعينت بادي وابن بادي وربع له
لعيون من تدك الريحان بثيابه ***** كم أطلقوا من طموحن شوقها عله


والقصيده الاخــــــــرى للشاعــــــــــر الفارس /فراج الرفيس من بني عامـــــر


عند الضحى شرفت في راس مرقب **** ياليتني ماأشــــــــرفت في مرقابها
تهيض القلب المشقاء بالعنـــــــــــا **** ودنا أركـــــاب والــــم ركابهــــــــا
واللي مهيضني مثايل ديرتــــــــرتي **** شـــفت الطـعــوس البينه وأهضابها
الدار عقب ضـــــــــرب أيمـــــــــننآ **** قامــــت تلــــبس من جديـــد ثيابــها
حلفنا بالله مانخـــلي دارنـــــــــــــــا **** ينزل عليــها واحــــــــدن يضرابها
أكود عقب الســــيف مفتوق القراء **** وعقب البنادق في اللـقـاء يهوابها
وياحي مـــوت في جــــــوانب دارنا **** يـــذري علينـــــــا بالذواري ترابها
جونا الدواســــــر كلبوهم وخلطهم **** واللي تبـلـــم في الصــدوع كلابها
ســــبعة أجموع كلبــــــــوها ضدنا **** كــــن الدباـــء الكتفان في عقابها
وعـيــوا هـل البيـعــــات في كل نيه **** عوامــــــــر ترمي العدوبأسبابها
وبني عمر لاصاح صايح ريبه **** يجيلهـــم مثل المــها يعدابـــــــــها
يـامـا عـــثى في وردهم من فارس **** ومن سابقن طاحت على ركابهـا
وقمنا عليـــــهم ومنحونا ظهورهم **** لين البنادق عذبت كسابـــــــــــها



وقال ماجد العريني من سبيع

ترا الغدر مهـوب طبـع الكريميـن
دور المعـزه هـدهـا ماعمـرهـا

حنى على الضد المعادي عمى عيـن
حنا سبيـع اللي تنومـس اسيرهـا

جونـا الدواسـر محتميـن المتليـن
ياكثرهـم لكـن ربــي عثـرهـا

يوم العريق افعالنـا تعجـب العيـن
ياهيتً مـن لابتـي مـن حضرهـا

عاداتنـا مانقضـي الديـن بالديـن
الضد نـارد جمعهـا فـي ديرهـا

حنـا رمينـا فالمعـاره ثمانـيـن
بنـت العبيـه جالهـا مـن عقرهـا

اربع جموع مثـل خشـم العرانيـن
والشامري لوزادهـا مـن نصرهـا

راحـت مـثـل ((؟؟؟؟؟؟؟؟؟؟؟؟؟؟
لاهب مـن غـرب هبـوب نقرهـا

دور علـي ياعـل تلقـاه ياحسيـن
جثتـه فـوق الخـد محـداً قبرهـا

والقصائد شهود المعارك

[محمد آل نصار]

ثم قلهم وليد يستعي في حربكم / كنه حصان ما بعد جاه الطوع
ولا عندنا الا ضرب الهنمي / ومخيراتاً دايماً ضربهن شلوع
ينشد غنيم يوم ذاق ضربنا / يمشي معه ومنكبه مقطوع
خلا المزين ما انثنا من دونها /فوقه عماشا خشمها مقطوع
خمسة وسبعين غدو من وقعنا /مثل الخشب في وادياً مصروع
سبعان ياضفرهم في بيعتهم / يوم التقينا في العريق جموع
فرحوا بنا يوم انفركنا ساعه/ كانا عيالاً يلعبون الشوع
مير انا خدمناهم بضرب سيوفنا / لين الصعب من ضربنا جاء طوع
يانعم والله ياصلايب جدي/ يوم الميازر ضربهن يروع


القصيده بينه.

وان رجعت للتاريخ فعندما رفضتم دخيلكم والعزوم ضعاف ومنزالكم عند الحاير فلا يفتخر ابن عمك على درب نمشيه ان نوينا نعشي في ديره.

فرحوا بنا يوم انفركنا ساعه / كنا عيالا يلعبون الشوع.

الغييثي بكل فخر

[النمر]

سالفة الهودج والخشم المقطوع ليست بصحيحه والمراءه لم تتوفى الا منذو وقت قريب

وهنا ك سالفه مشابهه دائما" تجير لها وقعة العريق سبق وان مرت علي وسوف أحققها

واوردها لك وهي ليست مع سبيع.

ولكن اليس من الأسلم حفظك الله وانت كلك نظر والقراء بأن الشاعر يقول

(فرحوا بنا يوم انكسرنا ساعه / كنا عيالا يلعبون الشوع).

بدلا" من انفركنا واذا تصر على قولك ما معنى انفركنا ؟.

على العموم المدحه التي تجي من الخصم هي اكبر شاهد

أما قولك : ـ

وان رجعت للتاريخ فعندما رفضتم دخيلكم والعزوم ضعاف


هؤلا الشعرا سلمك الله اللي ذمته منهم ظالمه يظلم اذا لم تأتي الأمور على هواه

شاعرك الذي تستشهد به قصته معروفه وهو

يريدهم يحاربون معه الشريف وسبيع لها وجهة نظرها الخاصه بها

لكونها لم ترى من الشريف ما يستدعي الحرب

فلما ما أستجابوا لطلبه ذمهم .

وللعلم الشعار كذلك سبق وفيهم من قال

ليت النفيعي يستهد دعجاني ***حتى عياله يكرمون الخطاطير

هل هو صادق كذب وربي

وكقول الخلاوي عن الدواسر

أمخيلة البروق اوساع ........

وكلمة العزوم أ ضعاف ينقضها بيت راكان بن حثلين او راشد المعيضي لايحضرني الأن من فيهم

لكن القول مشهور وهو

بني عمر في حربهم سم ساعه *** وليا هزعناهم أشوين يعيون

وقول شاعرك الذي أستشهدت به

سبعان ياضفرهم في بيعتهم / يوم التقينا في العريق جموع

ولك تحياتي

[محمد آل نصار]

سبعان ياضفرهم في بيعتهم / يوم التقينا في العريق جموع
فرحوا بنا يوم انفركنا ساعه/ كانا عيالاً يلعبون الشوع
مير انا خدمناهم بضرب سيوفنا / لين الصعب من ضربنا جاء طوع
يانعم والله ياصلايب جدي/ يوم الميازر ضربهن يروع
ــــ


نظرتكم الخاصه ما تقدم ولا تاخير في عزومكم .


انظر لقول الشاعر فيكم شاعر فخذ الغييثات وتعلم .
خمسة وسبعين غدو من وقعنا /مثل الخشب في وادياً مصروع

مير انا خدمناهم بضرب سيوفنا / لين الصعب من ضربنا جاء طوع

وتحياتي لك .

محمد اللللللللل نصار وانشد عن يوم العراص يوم العقيد سهل رابطاُ فرسه في طنب بيت.

[محمد آل نصار]

حياك الله يا فكاك النشايب:

لا خلاف حول سالفة الحدأة قبل أو أثناء المعركة المهم أنك قلت

(وانا ادري ماذكر فيها نصر السبعان بس ذكر فيها قتل عقيد القوم وانت اعرف مني اذا قتل العقيد ماذا يحصل بالباقي...)

رحم الله والديك (لم يذكر فيها نصر السبعان) فين حين ذكر الغييثات نصرهم،والقصيد شاهد للقصة.
أما بخصوص قولك (وانت اعرف مني اذا قتل العقيد ماذا يحصل بالباقي...)

فأحب أقولك أخوي:
يعطيك العافية أمير الغييثات وعقيدهم في هية العريق هو وقيان بن نصار أما علي ابنه فكان فارسا ومن شيوخ آل وقيان وكان شبابا عندما قتل وأكيد قتله سيكون فخر حيث انه ابن شيخ ،ولكنه ليس بقائد القوم بل أخوه.ولكنك لم تتطرق الا شيوخ سبيع الذين ذبحوا وراجع قصيدة دغش للتأكد.


هذا ولا أظن هناك حاجة بالاطالة في هذا الموضوع،وتقبل تحياتي
أخوك\كعام العايله

وبعدين خيل العجمان ما تعدت العشرين بس البعض يبالغ لتبرير هزيمته وفي آخر الهوش لم يثبت الا الغييثات والشكرة ولا به قصور في باقي القبايل عندما عقل رجله ابن حفيظ.

للعلم فخيل العجمان وبالذات من ينقل ان العجمان كقبيله لم تتدخل ، والمعروف ان هناك فخذ من قبيله العجمان هي من شاركت في المعركه وكانوا قصرا للدواسر وبينهم خوه ، ومقولة ان قبيلة العجمان شاركت فخذ الغييثات في المعركه كقبيله فهو غير صحيح فلو اجتمعت القبيلتين العجمان والدواسر لكان هناك علم يغير تاريخ التاريخ ،،،،،
ونرجع لفخر قبيلة سبيع في قتل علي ال نصار الغييثات ، فيكفيكم قتل شيخ من شيوخ الدواسر وافتخروا ياهل الحاير بمنزالكم وافتخروا ياسبيع بقتل شيخ من شيوخ الدواسر ، ولكن لا ترقيه في منزالكم بين القبايل فقد ذبح فخذ من قبايل الدواسر كم وعدد من شيوخ القبايل فلا تتجرأ على عد شيوخ وخلك على الحاير وحوله والرمحيه مراكز نسجها ضحى وعصير ولا لك حدود ولا وادي مثل غيرك .

تحياتي وسلامي ،، ولا به قصور في احد .

[محمد آل نصار]

ثم بلغه بالعلم ربعي مشوفيـــــــــه
راحت على غلباء سبيع سراتــــي
ياظفرهم والله مانيب كانيــــــــــــه
ظفران عل ديارهم مبعداتـــــــــــي
وحنا خدمناهم على كيف مبغيـــــه
لين ادبحو ومهارهم مقفياتـــــــــي
وفدغوش ابن شويه قصرناهقاويه
خلا الضعن وبيوته مبنياتـــــــــــــي
ونضرب بحد السيف فالشيخ نرويه
لعيون وضحاء زرفلت فالصلاتــــي


يكفيني الابيات التي ذكرت ويكفيني الابيات التي باعلاه .

[محمد آل نصار]

سالفة الهودج والخشم المقطوع ليست بصحيحه والمراءه لم تتوفى الا منذو وقت قريب

وهنا ك سالفه مشابهه دائما" تجير لها وقعة العريق سبق وان مرت علي وسوف أحققها

واوردها لك وهي ليست مع سبيع.


قال احد الشعراء ومن اليمن بيت( خلصنا وجزنا يا محمد من المدخال).

وليد ماهوب من سبيع وغنيم ليس من سبيع .

واجيبلك طال عمرك وحياك الله واشوف مداك قصير .

الشاعر شاعر الغييثات واسمه هجاج ونصى قصيدته ابن وقيان وذكر من ضمن القصيده اشخاص سماهم باساميهم وذكر من ضمن مفاخر (فخذ من قبيله وهم الغييثات) بعض انتصاراتهم .

فالافتخار بكون قبيله تواجه فخذ ( اي قسم من قبيله ) هو فخر لهذه المجموعه القليله ، وحضور ابناء عمهم من الدواسر سواءا ابن حفيظ الشكره الدواسر او غيرهم ،، الخ . وفزعة فخذ ال شامر بحكم قصرتهم فيعتبر الجميع ممن حضر لا يعادلون قبيله انما هم قله ، وادوا الواجب ولا زلت اردد سؤال حول احد المشاركات معكم الا وهو معركة العراص (بين سبيع والغييثات).

[فتـى الافلاج]

تحضرني ابيات لواحد من الشكره جعل الجنه مهايده


و السبيعي فـي محلـه سهجناه ### خوان في العانـي غشـاه الملامـي
جنـب محلـه والبـيـوت المبـــنـاه ### في حل من ممساه وسـط الكعامـي
ولعينا عرب وردت عقـب مظمـاه ### شربت غصب عقب ماهـي احيامـي


اما البيت = فرحوا بنا يوم انفركنا ساعه/ كانا عيالاً يلعبون الشوع !

فيه من الصحه وفيه غير ذا الشي

لان في البدايه اكسرو سبيع الدواسر واعلنو الهزيمه الدواسر الا الشكره لانه رفض ابن حفيظ اعلان الهزيمه وحدو السبعان الشكره لحد بيوتهم واستظاقو الشكره وعقبها ثنى رجله بن حفيظ وعقلها حتى الشكره ما يعلنون الهزيمه وقام ابن حفيظ يصيح في الدواسر ويزهم انهم يعودون ويوم شافو باقي الدواسر فعل الشكره وانهم ما قدامهم الا الموت عيو يتركون ربعهم. وفي الوقت هذا
قام فالح بن ناصر ابن إمويه الشكره ( عريج ) عقب ما كسرت بندق ابن حفيظ وعطاهياه مع محزمه قام بين الشكره والسبعان يرزف والرمي والموت حاضر وله كلام يحمس الدواسر ومنها يقول ( اتقوبي يا الذلان ) وعقبها قامت الحميا والفزعه لباقي الدواسر وكسرو الدواسر سبيع وفيه ابيات بجيبها لواحد عرجاني يثني على الشكره وانصفهم في القصيد اخبر منها ( آلاد شكر هازمين العصاه ) وان شا الله لا سيرت على مارثه فالح بن ناصر ابن إمويه اجيب قصايد الشكره
واثباتها انهم ما اتركو محلهم وانهم السبب بعد العزيز الحكيم اساس النصر واجيب بالتفصيل سالفة المزين يوم رموه الشكره واظنها راحت عقب الهزيمه عند ابن عرفج بس ماني متاكد لين اجيب خبرها
مع قصيد الشكره والفرجان

[محمد آل نصار]

السلام عليكم ورحمة الله وبركاته

فتى الافلاج

اما البيت = فرحوا بنا يوم انفركنا ساعه/ كانا عيالاً يلعبون الشوع !
((فيه من الصحه وفيه غير ذا الشي

لان في البدايه اكسرو سبيع الدواسر واعلنو الهزيمه الدواسر الا الشكره لانه رفض ابن حفيظ اعلان الهزيمه وحدو السبعان الشكره لحد بيوتهم واستظاقو الشكره وعقبها ثنى رجله بن حفيظ وعقلها حتى الشكره ما يعلنون الهزيمه وقام ابن حفيظ يصيح في الدواسر ويزهم انهم يعودون ويوم شافو باقي الدواسر فعل الشكره وانهم ما قدامهم الا الموت عيو يتركون ربعهم. وفي الوقت هذا)).

ما بين القوسين هو ما نقلته من ردك على الموضوع .

وموضوع اعلان الدواسر انهم اعلنوا الهزيمه فمردود عليك لأن هناك ابيات تؤكد موقفهم وقالوها بكل شجاعه فقد أكدوا انهم باللهجه الشعبيه انقهروا شوي اي تراجعوا من قوة خصمهم ، وقد أكد شاعر الغييثات بقوله (فرحوا بنا يوم انفركنا ساعه ، ولم يقصد ان التراجع كان ساعه فمن الممكن ان تكون اكثر من ساعه).
وموضوع فزعة ابن حفيظ وموقف ثنية رجله فلا تعلمنا بها فنحن نعرفها قبل مداخلتك .
وقولك فيه من الصحه وفيه غير ذا الشي ؟ فياليت تزودنا بذا الشي يا حكيم زمانك .

ومن الذلان ياطويييل العمر ؟.
وقولك :
(وانهم ما قدامهم الا الموت عيو يتركون ربعهم. وفي الوقت هذا).

ياليت تشرح ما بين القوسين ياللحية الغانمه .

[فتـى الافلاج]

ذا ردي
يقول العرجاني من ابياته الله يسكنه الجنه يوم كان في مجلس ابن عزرم الشكره جعل الجنه مهاده

نصرنا الله الواحد الوالي ### وآلاد شكر هازمين العصاه
اثقلو في محل ولا فيهم ذليل ### يوم نادى مناديهم في سماه

اما كلامي يا الشيخ اظنه واضح لكن ما يمنع ان اوضح اكثر
انك تقول ا تعرف ان ابن حفيظ ثنى رجله وذا الكل عارفه والسوال المطروح ليه ثنا رجله ؟
لان الدواسر اعلنو الهزيمه اي بالله اعلنوها وقالوها يوم مهب لنا للسبعان الا الشكره لانهم بانين البيوت وتقوو عليهم السبعان لان بن حفيظ رفض يعلن الهزيمه وزهم في الدواسر ويصيح عليهم يالاد زايد اما كلام فالح بن ناصر بن اموياه الشكره ( عريج ) عقب ما عطا ابن حفيظ بندقه ومحزمه وانت تسال عن الكلام لانه يبغا يحمس الدواسر ويرجعون للمعركه عقب ما استضاقو الشكره وهو يقول يحمسهم ( اتقوبي يا الذ لان ) حتا تجي في قلوبهم ما يخلون بني عمهم وهذ ردي على كلامك اللي تسال عنه ان الشكره ما قدامهم الا الموت ودقت الحميا في باقي الدواسر ورجعو لبن عمهم لكن اسال على مردودك اللي فهمته انك تنكر ان الشكره ما اثقلو في محلهم وش السببوالمعروف عند الدواسر كلهم وخاصه ال حسن ان الاساس الاول في النصر يرجع بعد العزيز الحكيم للشكره وخاصه لا جات قصيدتن من واحد منصف وهي الابيات اللي حطيتها وسالفتها ان العرجاني كان في مجلس بن عزرم عقب المعركه بايام وسمع القصايد ولا فيها انصاف لا للشكره ولا لبن حفيظ وكان مجلس ابن عزرم خلط من الدواسر وقال ترضون بي انصف اهل الفعل قالو نرضا وهل القصيده منها الابيات اللي كل ال حسن عارفينها وعقبها قالو خلط الدواسر الموجودين عقب مدحه للشكره قالو يا والله اللي عداك العيب وفي الاخير يوم تسال عن كلامي عن الابيات اللي اقول فيها شي من الصحه وفيه غير الحقيقه فيه من انفرك هذا مهب كلامي الشاعر اللي نقلت منه لكن فيه من بقا في محله الا كانك تبغا تحط ان ابن حفيظ وربعه انفركو من المعركه فذا كلام ثاني وموضوع خطير انا ما انكر ان الدواسر ارجعو للشكره وشاركوهم في باقي الممعركه لكن ارد واثاني على كلامي ان الشكره في محلهم وتتاقو دون بيوتهم ونسوانهم وحلالهم واعترف ان السبعان وقتها ضيقو على الشكره ويشهد بها اثنين من ال عرجا من ال قنيبر كانو في صف الشكره وقت المعركه وشهادة كبار الفرجان يوم يقولون انصفونا الشكره في قصيدهم وفي فعلهم في المعركه وكلام ابن وقيان يوم شهد للشكره وهو حول مزموله النصر نصر الشكره لكن الاستغراب ليه تنكر فعل الشكره ان كانك دوسري فذا ينومسك وانكانك عجمي وخوالك دواسر فذا يعد فعل لكم ولخوالكم
لاد شكر تسوي الموت الحمر ## فعلهم تصعب عليك مثايله
وعلمنا وقع ورا طاش البحر ## ومن ورا نجد تمشي رحايله
وسند شيخنا فعله معتبر ## شيخ ولد شيخ محدن سوا فعايله
رحمة الله علي شاعر الشكره
مع احترامي لك لا تبخس اهل الفعل وتظلم حظك

يا راعي المنتدى ليه لاجيت اشارك كل ذا البهذله اجلس كم ساعه عشان يسمح لي بالمشاركه لان يطلع كلام انك ما عندك صلاحيه وخويكم تراه اعليمي وتحملوه لا صرت ضيف عندكم والله الله فيني عشان ادعي لكم في ظهر الغيب

[النمر]

يالدواسر خافوا ربكم من تجيير السوالف والقصيد والشاهد هذه القصيده تتداولونها في منتدياتكم على انكم ذابحين فدغوش بن شويه وهذا الكلام غير صحيح والكل يعرف من شيوخكم ومن ثم الدوله انه مات في هجرته الذي اعطاها له الملك عبدالعزيز بعد التوطين وموته مرض وقبره شاهد على ذلك

وهذه قصيده معنونه في هذا الباب من الموقع ( بمقتل فدغوش بن شويه على يد الدواسر)
ومكتوبه لشاعر/ عامربن راشد الحراجين الملقب بــ(وعلان)قصيده منها

حنا ((حراجينٍ ))على قطع الأرماس
نلحق ونفهق لو شبا القيض حامي
جذت معى مطلابنا كـل عرمـاس
حتى لحقناهـا بموقـف جهامـي
مضرابنا (فدغوش) في جمة الراس
خلي طريحٍ فوقـه الطيـر حامـي
فلت ركايبنـا مـع الجـو كنـاس
وكلن عبر معبـار درب السلامـي
هـذي فعايلـنـا جــدادٍ ودراس
كسابة الناموس فـي كـل عامـي

واخيرا" انتم قبيله عزيزه ولكم منا التقدير والحشمه

[كمال6]

ذا ردي
يقول العرجاني من ابياته الله يسكنه الجنه يوم كان في مجلس ابن عزرم الشكره جعل الجنه مهاده

نصرنا الله الواحد الوالي ### وآلاد شكر هازمين العصاه
اثقلو في محل ولا فيهم ذليل ### يوم نادى مناديهم في سماه

اما كلامي يا الشيخ اظنه واضح لكن ما يمنع ان اوضح اكثر
انك تقول ا تعرف ان ابن حفيظ ثنى رجله وذا الكل عارفه والسوال المطروح ليه ثنا رجله ؟
لان الدواسر اعلنو الهزيمه اي بالله اعلنوها وقالوها يوم مهب لنا للسبعان الا الشكره لانهم بانين البيوت وتقوو عليهم السبعان لان بن حفيظ رفض يعلن الهزيمه وزهم في الدواسر ويصيح عليهم يالاد زايد اما كلام فالح بن ناصر بن اموياه الشكره ( عريج ) عقب ما عطا ابن حفيظ بندقه ومحزمه وانت تسال عن الكلام لانه يبغا يحمس الدواسر ويرجعون للمعركه عقب ما استضاقو الشكره وهو يقول يحمسهم ( اتقوبي يا الذ لان ) حتا تجي في قلوبهم ما يخلون بني عمهم وهذ ردي على كلامك اللي تسال عنه ان الشكره ما قدامهم الا الموت ودقت الحميا في باقي الدواسر ورجعو لبن عمهم لكن اسال على مردودك اللي فهمته انك تنكر ان الشكره ما اثقلو في محلهم وش السببوالمعروف عند الدواسر كلهم وخاصه ال حسن ان الاساس الاول في النصر يرجع بعد العزيز الحكيم للشكره وخاصه لا جات قصيدتن من واحد منصف وهي الابيات اللي حطيتها وسالفتها ان العرجاني كان في مجلس بن عزرم عقب المعركه بايام وسمع القصايد ولا فيها انصاف لا للشكره ولا لبن حفيظ وكان مجلس ابن عزرم خلط من الدواسر وقال ترضون بي انصف اهل الفعل قالو نرضا وهل القصيده منها الابيات اللي كل ال حسن عارفينها وعقبها قالو خلط الدواسر الموجودين عقب مدحه للشكره قالو يا والله اللي عداك العيب وفي الاخير يوم تسال عن كلامي عن الابيات اللي اقول فيها شي من الصحه وفيه غير الحقيقه فيه من انفرك هذا مهب كلامي الشاعر اللي نقلت منه لكن فيه من بقا في محله الا كانك تبغا تحط ان ابن حفيظ وربعه انفركو من المعركه فذا كلام ثاني وموضوع خطير انا ما انكر ان الدواسر ارجعو للشكره وشاركوهم في باقي الممعركه لكن ارد واثاني على كلامي ان الشكره في محلهم وتتاقو دون بيوتهم ونسوانهم وحلالهم واعترف ان السبعان وقتها ضيقو على الشكره ويشهد بها اثنين من ال عرجا من ال قنيبر كانو في صف الشكره وقت المعركه وشهادة كبار الفرجان يوم يقولون انصفونا الشكره في قصيدهم وفي فعلهم في المعركه وكلام ابن وقيان يوم شهد للشكره وهو حول مزموله النصر نصر الشكره لكن الاستغراب ليه تنكر فعل الشكره ان كانك دوسري فذا ينومسك وانكانك عجمي وخوالك دواسر فذا يعد فعل لكم ولخوالكم
لاد شكر تسوي الموت الحمر ## فعلهم تصعب عليك مثايله
وعلمنا وقع ورا طاش البحر ## ومن ورا نجد تمشي رحايله
وسند شيخنا فعله معتبر ## شيخ ولد شيخ محدن سوا فعايله
رحمة الله علي شاعر الشكره
مع احترامي لك لا تبخس اهل الفعل وتظلم حظك

يا راعي المنتدى ليه لاجيت اشارك كل ذا البهذله اجلس كم ساعه عشان يسمح لي بالمشاركه لان يطلع كلام انك ما عندك صلاحيه وخويكم تراه اعليمي وتحملوه لا صرت ضيف عندكم والله الله فيني عشان ادعي لكم في ظهر الغيب


فتى الافلاج ما قصرت في ردك ولا سمحتلي عندي سالفه ودي انشدك عنها

معركة التي اسمها (بغاغه ) تعرف قصتها .
والقصيده اللي قيلت عنها وشكراً.

اخوك
كمال

[فتـى الافلاج]

النمر والله اني خايفه وطايعه وش يحدني على الكذب لامك تحطني كذوب والله ماعاد به مناقش بينا ولا هنت على القصيده .
يقول كمال6
فتى الافلاج ما قصرت في ردك ولا سمحتلي عندي سالفه ودي انشدك عنها

معركة التي اسمها (بغاغه ) تعرف قصتها .
والقصيده اللي قيلت عنها وشكراً.

اخوك
كمال
ردي
كمال6 وما الكمال الا لله ولاقصرت في ردك اي بالله اعرف معركه بغاغه لنا فعل وتشهد لنا خير الرجال وفيها بعد يوم انسل بعض الناس من تحت المخر . انسل يعورف ما نفع قبايله . وصارو لنا علة نحر .ولا لانا عليهم مايله. وش تبي احط القصيده كامله يا كمال6 واكملها عدل مهب تمويه ما يمنع عندي لكن نحشم ربعنا ولا انت مالك حشمه ومثل ما قال العتيبي طويل الهرج قليلن احلاته وخير لبعض السوالف عدمها وانتبه لكلامك لو مانيب متوكد انك من الربع ولا ردي ثاني وواضح مهب تمويه لكن مهب انت ربعك اللي لهم الاحشام والمقدريه ولا تراها ام الخشوم والحشمه للي انت منهم وبتركها يومني احشم ربعنا
عزوتي جدي ابن اموياه الشكره

[محمد آل نصار]

يالدواسر خافوا ربكم من تجيير السوالف والقصيد والشاهد هذه القصيده تتداولونها في منتدياتكم على انكم ذابحين فدغوش بن شويه وهذا الكلام غير صحيح والكل يعرف من شيوخكم ومن ثم الدوله انه مات في هجرته الذي اعطاها له الملك عبدالعزيز بعد التوطين وموته مرض وقبره شاهد على ذلك

وهذه قصيده معنونه في هذا الباب من الموقع ( بمقتل فدغوش بن شويه على يد الدواسر)
ومكتوبه لشاعر/ عامربن راشد الحراجين الملقب بــ(وعلان)قصيده منها

حنا ((حراجينٍ ))على قطع الأرماس
نلحق ونفهق لو شبا القيض حامي
جذت معى مطلابنا كـل عرمـاس
حتى لحقناهـا بموقـف جهامـي
مضرابنا (فدغوش) في جمة الراس
خلي طريحٍ فوقـه الطيـر حامـي
فلت ركايبنـا مـع الجـو كنـاس
وكلن عبر معبـار درب السلامـي
هـذي فعايلـنـا جــدادٍ ودراس
كسابة الناموس فـي كـل عامـي

واخيرا" انتم قبيله عزيزه ولكم منا التقدير والحشمه

ومن المؤكد ان قبيلة سبيع عزيزه وتربطنا بها روابط كثيره ولا مجال لذكر ذلك .
القصائد القديمه وأكرر القديمه هي الشاهد على الاحداث .
والقصيده التي اوردتها في مشاركتكم هي لشاعر من الدواسر وموضوع قتل ابن شويه فلا اعلم عنه شيء وانما اعرف ان وقعة العريق وهو الموضوع الرئيسي وهو يوم مشرف لقبيلة معروفه (قبيلة سبيع) وكان لهم الغلبه في البدايه اي بداية المعركه ولهم موقف اشهد به مما سمعت من شيبان ولكن بعد حضور الفزعه من بعض افخاذ الدواسر وفخيذة ال شامر كان النصر للدواسر .

وراحت ايامهم رحمهم الله جميعاً واليوم يوم رخا ولله الحمد والشكر على هذه النعمه.

والسلام عليكم ورحمة الله وبركاته.

[مـحمـد]

تم حذف المشاركات اللتي لا علاقه لها بالموضوع
ونرجو الالتزام بمضمون الموضوع وعدم الخروج على قوانين المنتدى

[محمد آل نصار]

تم حذف المشاركات اللتي لا علاقه لها بالموضوع
ونرجو الالتزام بمضمون الموضوع وعدم الخروج على قوانين المنتدى


السلام عليكم ورحمة الله وبركاته:ـ


هو موقف من قبلكم مشرف للحد من بعض المشاركات التي لا داعي لها ، واكرر شكري وتقديري لمثل هذا الاجراء .



اخوكم

محمد آل نصار

[العــرجاني]

السلام عليكم ورحمة الله وبركاته


العراص (العريق) شاركوا فيها كثير آل قنيبر من آل العرجاء ماهوب رجال ولا برجالين
وكان لمشاركتهم الدور الكبير في قلب الموازيين على سبيع

وثبتوا مع الشكرة والمزين فيه العميشا وتقول "يا برد رصاصهم برداه" تحمس ربعها
واللي عقل روحه هو الفارس حمد بن معين يوم شاف ربعه تمايزوا وتراجعوا
عقل رجله وصاح "يا عوال ابن قنيبرٍ يا عوال ابي تراني كسرت لا تخلوووني" ويردونها ربعه عليه
وانا ما انكر ان ابن حفيظ عقل رجله لكن اول من عقل رجله هو حمد ابن معين من آل صميقة وراح المثل (لاكذب الباروود ماكذب حمد) وهذا بشهادة الدواسر انفسهم ما انكروا ان ابن معين عقل رجلة ولكن الخلاف على من اول من عقل رجله؟؟؟؟؟


وعقب ما انكسروا سبيع ,المزين خذوه آل قنيبر وبالاخص عند آل بنيان وراحوا به لين سلموه لوالد العميشاء عقب الهية

وهذي ابيات من قصيدة ابن حويلة آل قنيبر

ويقول فيها
سبيع جاروا وعدونا من الحلة...متحالفينٍ علينا ما نمزبها
واقفوا بجمعٍ كبيرٍ صايبه خله...دارت علينا ورب الكون داربها

والبيت الاخير يثبت هزيمة سبيع وانتصار الغييثات ومن معهم بعد ما اوشكوا على الهزيمة

[محمد آل نصار]

وعليكم السلام ورحمة الله وبركاته

العرجاني:

اول شخص يقول يوم ((((( العراص))))) .
وقد سألت عن هذا اليوم يوم ربط عنان فرسه العقيد / سهل ابن عويفي ابن نصار الغييثات في طنب بيت.

فرحوا بنا يوم انفركنا ساعه/ كنا عيالاً يلعبون الشوع


الله يرحمهم جميعاً شيبان .

[راعي الدهما]

ألف شكرا يالعوامي على التوضيـــح وعلى التعديــــل للاخ الادواح

[هـــادي]

السلام عليكم

لاهنت يالادوح على ذكر هذي الوقعه اللي الكثير من الناس يجهلها

وان كان عندك شي من العلوم لا تبخل علينا عطنا اللي عندك كله


تحياتي