القصيده اللي تخالف عليها الراي !

[الجويّر]

السلام عليكم ورحمة الله وبركاته


فيه قصيده اختلفوا فيها الرواه بين ابن عسكر وسالم بن جويّر وشاعر شمالي 0

والقصيده قالوا الشيبان انها لسالم الجويّر مافيها كلام وفيهم اللي قال لبن عسكر مافيها كلام

وانا على وجهة نظري ومقارنتي في اسلوب سالم ابن جويّر فعلن ان الاسلوب واحد والله اعلم

ومطلع القصيده يقول :0



عــّديت في مرقب ٍ والليل ممسيني = بديار غرب ٍ يعلّ السيل ماجاها

اضحك معا اللي ضحك والهم طاويني = طيــّـت اشنون العرب وان طروا ماها

وهبت هبوب الشمالي وبردها شيني = ماتدفي النار لو حنا شعلناها

مايدفي الا حضن مريوشة العيني = واليا عطشنا روينا من ثناياها

وياعين هلّي غزير الدمع ياعيني = على هنوف ٍ جديد اللبس يزهاها

وياعلّ من لامني يعطا عما العيني = وآخر حياته ذلول ٍ راح يطلاها




وسلامتكم

[بن عجمـــــــــــــى]

قصيده را ئعة
صح لســـــــــــانك الاخ الجويــــــــــر
ومن قالهـــــــا
وشكراااااااااااعلى التوضيح

[الجويّر]

صح بدنك يابن عجمي واشكر مرورك الكريم يالذيب

[فلاح بن ملبز]

صح لسانك ولسان من قالها

ولاهنت يا سعود على القصيده

[الجويّر]

صح بدنك يالملبزي ويعطيك العافيه واشكرك على مرورك الكريم يالذيب













تحياتي / الجويّر

[عجمي حتي النخاع]

السلام عليكم ورحمة الله وبركاته اللي اعرفه ان القصيدة ل000فهيد ابن الحضريه للتاكيد موجوده في كتاب من القائل تعديل البيت الاخير و راش ماتذرفين الدمع ياعيني0000على هنوفن جديد اللبس يزهاها يجعل من لامني يعطى عمى العيني000واتلا حلاله ذلولن راح يطلاها

[الجويّر]

عجمي حتى النخاع 0 والله ياجدي هذا اللي وصلني ان القصيده هذي لسالم الجوير رحمة الله عليه

[الذهب]

اخوي ابن جوير القصيده هذي ما فيها اي جدال بل معروفه كل العرف انها وكما قال اخونا عجمي حتى النخاع لابن الحضريه.ولكم مني ازكى تحيه

[الجويّر]

الذهب والله ياخوك ياخوك فيه قصايد واجده غير هالقصيده لسالم ال جوير الله يرحمه




لاكن هات الناس اللي يصدق فانا قلت القصيده هذي لانها اقرب شي له والمعروفه بين الشيبان




وانا ماكتبتها الا من باب ثقه انها لسالم

[الخريف]

لاهنت يالجوبر على ماقدمت

ويعطيك العافيه

[الذهب]

اخي العزيز الجوير ارجو ان يتسع صدرك لما اقول انت طال عمرك طرحت تسأل وشاركنا بحسب ما نعرف وان كنت متأكد ان القصيده لبن الحضيريه وهذا المعروف عندي وعند غيري ولا خبرت ان فيه لبس في اسم قايلها ولكن اللي بوصله ان الدعوه قصيده وانا لاقلت انها لبن الحضريه فليس معناه اني انتقص من احد ولا انفي منه صفه طيبه لاني حسيت ان الموضوح خذا منحا اخر غير اللي نبيه.....هذا ولك من التحيه.

[الجويّر]

شكرن يالذهب على مرورك ورايك اللي طرحته














تحياتي /الجوير