هـــاردلــك أزرقــــــــــنا ........... [الأرشيف]

صـعــبــة المنــــال

17-08-2005, 06:42 PM

السلام عليكم ورحمة الله وبركاته ........

خسر منتخبنا الوطني في آخر فرصة له بالفوز للتأهل للمونديال3/ 2 للمنتخب الأوزبكي .......

وكان للأزرق فرصتين للتأهل )( التعادل والفوز )( .......

سجل الهدف الأول للمنتخب الوطني بدر المطوع والهدف الثاني بشار عبدالله .....

بينما سجل منتخب أوزبكستان الهدف الأول من ركلة جزاء خــــــــــــــــاطئه !!! يليها الثاني والثالث

<< مقهووووووووووره )( ضربة الجزااااء خطأ 1000000% )(http://www.alajman.net/vb/images/icons/icon13.gif

والمفروض تحسب ضربة جزاء للمنتخب بالشوط الثاني لكن الحكم كان ظااااااااااالم جدا ........

تقدم المنتخب الوطني بالشوط الأول باللعب والاهداف وكانت الرغبه الجامحه بالفوز هي المسيطره على المنتخب الكويتي ..........

لكن الشوط الثاني شاهد أعلى مستوى من الهبوط للأزرق .......

أبي أعرف رايكم .....

هل كان الحكم في مبارة المنتخب الكويتي والمنتخب الأوزبكي ظالم ؟؟؟؟

وما رأيكم بلعب الأزرق اليوم ؟؟؟؟؟؟؟

AL3AJME

17-08-2005, 06:54 PM

السلام عليكم ورحمة الله وبركا
الحكم ما كان ظالم ولا شي هذا مستوى الكويت فشلونا الله يفشلهم والخساره بعد زينه لهم تبيهم يروحون كاس العالم وتمصخرون .
خلهم في كويتهم احسلهم واحسن لنا بعد

صـعــبــة المنــــال

17-08-2005, 06:59 PM

العجمي شاكره لك على المرووور ......

بس ضربة الجزاء ماكان لها داعي ..؟!؟!؟!؟..

وفاولات وايد راحت على الأزرق

وبشار عبدالله كان مفروض يكون له ضربة جزاء )( كل هذا ومو ظالم )(

saprj

18-08-2005, 01:42 AM

السلام عليكم ورحمة الله وبركاته

بغض النظر عن الحكم و قراراته فإن الأزرق لم يثبت نفسه و لا زالت المشكله الأساسية

موجوده و هي ضعف اللياقه البدنيه و الروح الإنهزاميه التي أصبحت سمه من سمات

منتخبنا الأزرق . و عموما أنا كنت متشائم منذ البدايه لأن المنتخب كان يلعب بفرصتين .

و الآن بعد أن طويت هذه الصفحه بالنسبه للكويت نتمنى أن تكون هناك وقفه جاده من

أجل إعداد منتخب قوي يستطيع التأهل لكأس العالم 2010 بإذن الله.

و لا يطوفني أن أشيد بالمنتخب السعودي نجم هذه التصفيات الذي استطاع أن ينهي مبارياته

في الصداره بدون هزيمه و استطاع أن يفوز على المنتخب الكوري في عقر داره رغم أنه

كان يلعب بمجموعه كبيره من البدلاء الذين لا يقلون كفاءه عن الأساسيين. و هنا يظهر التخطيط

الجيد و العمل الجاد .

رمسيسه

18-08-2005, 02:36 AM

بسم الله الرحمن الرحيم

هاردلك يالأزرق :(
وانا من وجهة نظري كان الحكم ظالم والله فوق كل ظاااااااااااااااالم

وأقول للعجمي..الأزرق ان خسر ولا غلب يكفي أمجاده فخر :)

مع تحياتي للجميع

أبـــوسعـــــود

18-08-2005, 04:01 AM

الأخت صعبة المنال
مشكوره الموضوع

الحمد الله ماتأهلنا وإلا تفشلنا

وش نقول وش نقول ........................................

ماعندنا إلا الأخضر السعودي وأحنا من وراه

الله يوفقهم وإلا أحنا الله يريحنا من عوار الراس

AL3AJME

18-08-2005, 12:32 PM

السلام عليكم ورحمة الله وبركاته
يا الاخ مليحان محد راح يفشل الدول الخليجيه الا المنتخب السعودي

كويتي

18-08-2005, 01:02 PM

انا اشوف ان الفريق ما قصــــر سوى الي عليـــه
واكثـــر لكن عامل الارض والجمهور لعب دوره
ولكـــــــــــن بعد ضربت الجزاء الي احتسبها الحكم
للفريق الخصــم وكانت مالها اي صحه تحبطت معنويات
الازرق في الشوط الثاني والكــل لاحظ هذا الشـــي
والحكم صار ضد الازرق يعني اربعه ضد واحد
الارض والجمهور والفريق والحكم ..

بس مبيــن ان الحكم راشيـــنه :)

هاردلك للأزرق وخيرها بغيرها وهذا شي مو جديد
من ظلم الحكــام تعودنـــا ..

كويتي

ربعي ياهلي

18-08-2005, 04:37 PM

في كثير من الاحيان تخون الكره حين تكون النتيجة 2-0

هاردلك ......لعموم اهل الكويت ... وبصراحة مابقي الا تغير شعار المنتخب الكويتي

على العموم جيل العملاقة انتهى سوى بالسعودية او الكويت...

صـعــبــة المنــــال

18-08-2005, 05:12 PM

أشكـــــــــــــركم على المروووووور ........

أظن إن الأزرق قدممم مســـــــتوى طيب في الشوط الأول وكانوا يلعبون بحماس .......

لكن قرارات الحكم محبطة جدا ........

وأحبط منتخبنا بالشوط الثاني .......

الله على الظالم .......

محمد بن جنيد

18-08-2005, 09:16 PM

سلااام
اول شي اقولكم هارد لك
وخيرها بغيرها
وثاني شي الحكم ماله شغل بنتيجة المباراه يعني كانوا متقدمين اثنين صفر اشلون انقلبت النتيجه والغريب انهم تغيرت احوالهم من ابداع الى ضياع يعني السالفه من اللاعبين
ماعندهم لياقه ولا طبقوا خطة المدرب وفوق هذا اهمال في التدريب الي سبب عدم جهايزيتهم لللمبااراه

Aziz

18-08-2005, 11:23 PM

اول شي اشكركم على هالنقاش الحلو ...

لكن انا يمكن اكثر واحد فيني اعصاب كوره واتنرفز و اسب ....

لكن الصراحه تنقال المنتخب مايستاهل احد يشوفه ولا يرفع ضغطه عليه

زمن الرجال راح زمن السلطان اسامه حسين والثعلب بدر حجي

منتخبنا الصراحه يفشل والحكم صح ان له قرارات غلط لكن مو عذر

او مبرر للمستوى الهابط اللي صار هذا منتخب والله عيب ...

بس انا اقول مايصير نحذف اللوم على الحكم الفريق فاشل الفريق

مايعرف يعطي باص الفريق ذبحته الشيشه الفريق ماعنده لياقه

الفريق ماعنده التزام .. اذا كل هذا ماعنده شلون يصير منتخب ما ادري

الله يعينا على بلوانا ...

وعلى هالمنتخب ...

مستوى هااااااااااااااااااااااااااااااااااااااااااااااااا اااااااابط كلش كلش

حتى الشوط الاول الاقوال جات من ضعف الدفاع الاوزبكي مو من مجهود لاعبينا

الصراحه انا ما اقول الا لازم يصير تغير جذري بكل شي ..

والله ان مدربي الانجليزي شاف المباراه معاي ...

لان من زود الحظ ناقلينها قناه انجليزيه ويا ليتني ما شفتها معاه لانه

والله تشمت فيني لما بغيت اطقه ..

وبالخير اقول الله يعينا على هالمنتخب

صـعــبــة المنــــال

19-08-2005, 01:10 AM

مصرقع الجنيد مبروك الفوز ......

عزيــــــز كلنا بالهوا سوا ما أتحمل أشوف مباراياة الأزرق من كثر ما يرفعون ضغطي ......

<< بكت من زود القهر لأنه والله ظلم الحكم مو شوي

لا تقول بالحظ جبنا أهداف لا بصراحه المنتخب شوي رجع يتحرك وكانوا بادين المباراه

بنشاط وحماس لكن قرارات الحكم المحبطه أحبطت اللاعبين ورونا لعب هابط بالشوط الثاني ...

مستوى هااااااااااااااااااااااااااااااااااااااااااااااااا اااااااابط كلش كلش
يؤسفني أقولك خلاص تعودنا على هالمستوى .........

حتى لما دخل الهدف الأول فرحت واااااااااااااايد واختي تقولي لاتفرحين بنخسر قلت عادي عندنا الخساره)( تعودنا )( بس أهم شي فروحونا بقوووول واحد حتى لو بنخسر لأنا مبارتين عدت بدون أقول )( كوريا _ج + السعوديه )(

من كثر ما خسرنا خلاص تعودنا وإذا ما خسرنا نحس فيه شي متغير !!!!!!!

الله كــــــــــــــــريم متى يرجع أزرقنا ...........

Aziz

19-08-2005, 01:28 AM

انا اقول ... المنتخب صح كان الشوط الاول افضل من الثاني

لكن يبقى مستوى هابط سواء بالاول او الثاني ..

هذا مو مستوى الكره الكويتيه ...

انا بعرف الدفاع منو معلمه يشوت انا بعرف ليش يشتت ليش ؟؟؟

طول الشوط الثاني يهجم الوزبكي يقطعها دفاعنا ويشتت وترجع حق الوزبكي

ليش يشتت منو علمهم .. هاذي مو كره

المفروض يستلم ويلعب باص صح ويبني هجمه مو يشتت وتشتيت غلط بعد

لا والوسط يا سلام عليك من وسط باص مو عارفين يعطون مادري

منو علمهم مهارات التسليم والاستلام ...

لكن انا اقول الحل بيد الحكومه مافيه غيره ..

عند ابو ناصر اذا في حل عند ابو ناصر وبس

لازم تغير جذري للاتحاد وعمل اتحاد بالتعيين وليس بالانتخاب من اعضاء

رياضيين وفاهمين لمدة خمس سنوات ليتسنى لهم اصلاح حال الكره

واعطاء الدعم المالي للرياضه بالكويت وانشاء الملاعب وعمل الاحتراف

والتفرغ والغاء الواسطات والبقاء للافضل ..

وجلب مدرب فاهم واعطائه خمس سنوات مع الاتحاد المعين ..

لبناء فريق للبطولات في المستقبل ...

صح يبيلها صبر لكن النتايج مضمونه

هذا حل الرياضه بالكويت

وشكراا

صـعــبــة المنــــال

19-08-2005, 01:52 AM

أنا معاك بكل اللي تقوله عزيز ........

لكن ابو ناصر مو هامه سمعة الكره الكويتيه ....... وممو متفرق للكره

الحين هو يبي يحط سكه حديديه بين الكويت والعراق ومستعد يدفع اللي يبيون عشان ترد العلاقات وهي مستحيل ترد ........

وسمعة الكرة الكويتيه عادي عنده ولاهمه ......

وانت الحين تقول ابو ناصر ...........!!!!!!!!!!

محمد بن جنيد

19-08-2005, 12:34 PM

على فكره المنتخب الكويتي من كاس الخليج الي طاف ولاصار تغيير عليه
مدري السبب المفروض انهم يغيرون اللاعبين او يدخلون لاعبين صغار ويجهزونهم للبطولات
مهوب يحتفطون بالكبار ويقعودن يدربونهم (( بعد ماشاب ودوه الكتاب ))
انا اقول لو الاتحاد الكويتي يكنسل لاعبين الكويت كلهم ويبني فريق جديد صدقوني ياعرب
راح يرجع مجد الكويت وماهو ظروري السنه الجايه او البعدها اهم حاجه تكوين فريق للمستقبل بدل الي هالحين
اتمتى اني ماغلطت على احد :)

صـعــبــة المنــــال

19-08-2005, 03:08 PM

هذي فكره ما يقبلها العقل مع احترامي لك مصرقع .....

شلون نغير لا عبينا كلهم ؟؟؟؟؟؟

وانا اقول لك الازرق له عووووووودة إن شاء الله .......

محمد بن جنيد

19-08-2005, 07:27 PM

والله على المستوى مااظن يرجع الازرق
الا بتعديلات
وحنا مهوب خسرانين حاجه ننتظر ووبنطالع الازرق البطولات القادمه واتمنى انه يعود لمستواه
وعلى سالفة ان اللاعبين مايتغيرون ليه مافي الكويت غير هاللاعبين الي يلعبون كوره
عندك في السعوديه تقدر اسوي اربع منتخبات وعلى فكره المنتخب الي لعب كوريا الجنوبيه
المباراه الاخيره مهوب الفريق الاساسي الاحتياطي وفزنا على كوريا فمبالك الاساسي
وعندك الامارات عملة حركه فرغة اللاعبين كلهم من اعمال غير الكوره علشان يعطون نتايج
في المباريات وشوف نتايج الامارات القادمه راح تتقدم

صقر العجمان

20-08-2005, 02:30 AM

السلام عليكم ورحمة الله وبركاته

صعبة المناال

ههههههههههههههههههههه

انا اضحك من المسئولين على المنتخب الكويتي

ياناااااااااااااااااااااااس والله ماعندكم لعيبة جيدين ابرك لكم سوو مثل قطر

جيبوا لاعبين من افريقيا ومن جدة واعطوهم الجنسية عشاان تحققون شي

الازرق اقترب من مسمى العجوز

ولا اي لا عب جديد في المنتخب الكويتي

برااحة اللعيبة مااقصروا... ادوا اللي عليهم بس كااان ازين لهم ماايتعدون انديتهم

وانهم يتركون الازرق لشباب لانعم افضل من الفريق الاول بكثير من جميع النوااحي
والشي الاهم هو عطااااااء اللاعبين .. اللعيبة كلهم كانوا نايمين. ماعدا بشار عبد الله

والحاارس تقريبا كان نص مصحصح ونص مسرح

والحكم يتحمل ربع الخسارة والربع الاخر الجهاز الادااري وليس الفني والنصف الاخر يتحمله اللا عبين

هذي وجهة نظري اتمنى ماااحد يزعل مني لاني اشوف نفسي محق

ان شالله المنتخب الكويتي من احسن اللى احسن الين نشوفه بمستوى الاخضر السعودي

عشااان يطيب خااااطرنا

صـعــبــة المنــــال

20-08-2005, 02:43 AM

أولا مشكووور صقر على المرور ....

بس ما كان فيه لاعب بالشوط الثاني غير شهاب كنكوني حرام تظلمه لأنه حارس درجه أولى

في هجمات واااااااااااااايد صدهـــــــــا ........

وصار ضغط عليه وااااااايد بسبب إصابته وضغط الأوزبكيين على المرمى ..........

وإن شاء الله أزرقنا بيرد مثل أول لما كان أحسن من الاخضر مليون مره ......

صقر العجمان

23-08-2005, 01:32 AM

صعبة المنال الاول تحول

شهاااب كنكوني شكله خباز (يصنع الخبز) حنا نبي حاارس يمسك الكورة مب يصدها عشان ترد للمهااجم ويسجلها قول

على العموم انشالله المنتخب الكويتي ياخذ كاس العالم

صـعــبــة المنــــال

23-08-2005, 02:57 AM

لا يا صقر الاول تـــــــــــــــــــــــــــــــــــــــــــــــار يخ .....

ومستحيل ينسى التاريخ بطولاتنا وفوزنا .......

و حرام عليك تظلم شهاب

شهاب كنكوني خووووووووووووش حـــــــــــارس

وبالنسبه للدعيع إذا هو عاجبك ترى شهاب أحسن منه .........

الطرقي

28-08-2005, 07:41 AM

الظاهر الشباب ناوين يطلعون من الموضوع..

طيب.. راح اقول لكم شي يمكن يرضيكم..

شهاب كنكوني.. كنت اقولها ومازلت.. الولد هذا حارس آسيا القادم وانا اراهن على الشي هذا

اما الدعيع.. فما أظن يختلف عليه اثنين..

عموما هذا مهوب موضوعنا..

بالنسبه للأزرق (الجريح).. فأنا اؤيد اخوي عزيز في كل كلمه قالها.. الازرق يحتاج وقفه من المسؤولين واعاده هيكله لتصحيح الوضع وعودة الازرق صديقا حميما للبطولات..

كل من شاف المباراه حزن على المستوى اللي ظهر فيه الازرق.. يعلم الله اني كنت انتظر مباراة الكويت اكثر من مباراة السعوديه.. واني فرحت بالهدفين في الشوط الاول.. لكن بعد ضربة الجزاء الظالمه حسيت ان الوضع بيتغير في الشوط الثاني.. وحصل اللي حصل

عموما.. هادر لك الازرق.. ونتمنى لك التوفيق في البطولات القادمه