لعبة كشف الحقايق [الأرشيف] - ::. مـنتدى قبيلـة العجمـان .::

ابوتركى

10-08-2005, 04:25 AM

هاذى لعبه لاباس فيها ونبى انشالله التفاعل

هناك أمور يكرهها الرجل في المرأه أو لا يستطيع فهمها

(( و ))

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.

[ طريقة الحوار ... مثلاً ]

سيقوم فريق البنات بطرح تساؤل عن أمر معين لا يعجبهم في الرجال

وسيقوم فريق الرجال بالرد وتبرير الموقف

وبعد إعطاء الإجابات والمبررات الكافية يصبح فريق الرجال في وضع الهجوم

ويطرح سؤال على فريق البنات..... وتقوم البنات بالإجابة على سؤال الشباب

وهكذا يستمر الحوار

وانا راح ابدأ بطرح السؤال على البنات

س- ليش الحريم يحبون يروحون السوق ومايملون منه لو حتى بالقايله؟
ا

ذهب

10-08-2005, 04:52 AM

يسلـــــمووو بو تركي موضوع ولاأحلى

وبالنسبه لهجومك علينا

الجواب,,,,,,

لأن إحنا طول الوقت منحبسين بالبيت نكرف ونشتغل وعليا علينا
وتقدر تقول البنت حاجياتها وملابسها وأغراضها وشغلها أكثر بكثير من الرجل
وإللي عنده بنات دايمن شيقولون له الله يعينه لان متطلبات البنت أكثر من الولد
فعلشان كذا تلقانا دايمن بالسوق نشتري...جنطه...عطر....بدله حق حفله بدله حق طلعه بدله حق وحق...ولازم الإكسسورات لايقه مع البدله ولاتنسى الميك آب...إلخ

:):):)

ليالي

10-08-2005, 10:48 AM

صح كلام غرشوبه>>>>عجميه ملسونه سابقا :)

احنا اغراضنا واجد والماركات واجد والالوان واجد والموديلات واجد

علشان جذيه احنا نتعب ليما نلقى شي يعجبنا ونحتاج نرد للسوق اكثر من مره

غير لبس للدوام ولبس للطلعه ولبس للبيت وللبس للحفلات

يعني دوخه الله يعينا بس

اما انتوا مستانسين لبسكم موحد ابيض في ابيض :D

وكلها في مكان واحد ولبسكم لكل المناسبات واحد :p

الــغــالــيــة

10-08-2005, 11:32 AM

وانا راح ابدأ بطرح السؤال على البنات

س- ليش الحريم يحبون يروحون السوق ومايملون منه لو حتى بالقايله؟

ابو تركي .. الله يعطيك العافيه

بس انا اختلف مع البنات الحلوين اللي سبقوني !

وهذا جوابي على السؤال ... الله يعينك .. ههههههههههه:

1- مو كـل الحريم يحـبون يروحون السوق .... وانا من الناس اللي أكره مشوار السوق إلا للضرورة :)

2- مسؤولية الحريم في الشراء أكثر من مسؤولية الرجل .. يعني ما شفنا رجل يشتري لزوجته .. أو خـواته إذا كانوا صغار ... أو عياله (خصوصا للعيد) .... بعد زين إذا شرى أغراضه بنفسه !!

3- المره لما تروح السوق بكثرة أو تـفـتـر من سوق لسوق ومن محل إلى محل .. فهذا لصالح الرجل لأنها تدور على أحسن البضائع بأرخص الأثمان .... وهذا يسمونه توفير .. بس فيه تعب للمره أكثر من الرجل ... بس وين اللي يقدر !

وسؤالي لكم يالرياجـيل .. ليش لما تروحـون السوق مع ربعكم او اصدقائكم يسفهل خاطركم والابتسامه عريضه ... ولما تروحون مع أهلكم البوز شبرين .. وكل شوي تقولون لهم .. ما خـلصـتـوا؟! .. يلا .. فيه ناس مواعدهم وينطروني؟!!!!!!!!!!

لا هـنـت يا ابو تركـي ... عساك على القوة طال عـمـرك :)

محمد بن جنيد

10-08-2005, 01:22 PM

هههههههههههههههههههههههههههههههههه
والله يقول المثل ابو طبيع مايجوز عن ....... :) كملوا عاد انتوا

بالنسبه لي الحرمه الي ماتروح سوق والا عروس وربي ما اسميها حرمه احس انها ناقصه هههههههههههههههههههههههههههههههه واقص ايدي اذا في بنت ماتحب السوق او العروس
هههههههههههههههههههههههههههههههههههههههههههههههههه ههههههههههههههههههههههه
وربي مافي احد يروح السوق كثر هالحريم
والمصيبه هالحين عطله وكل يوم عندهم عرس وخذلك مشاوير المشغل والسوق قسم بالله انا عجوزي اوديها باليوم ثلاث مرات هههههههههههههههههههههههه
وربي دوا مهوب سوق الله يخراجنا بس
هههههههههههههههههههههههههههههههههههههههههههه

مشكور يابو تركي على الموضوع

تحياتي
ابوساره

AL- JOORY

11-08-2005, 01:28 AM

مسسسساء الخير للناس الطيبه

اولا في بداية الموضوع أضــم صوتي لصوت اختي الفاضله الخالديه وانا معها في كل كلمه

ثــانيا الرد علي أخي الفاضل المصرقع وأقوله لا تعم علي الكل لان فعلا هناك فئه لاتفضل الذهاب للاسواق والاعراس

ثالثـــا وهو الأهـــــــــم

ليش شباب هالوقت ينامون كثير ؟ ليش ماهم مثل شــيـبانا قــبل ؟

ابوتركى

11-08-2005, 02:33 AM

اممممممممممممممممم تفسيراتكم يعنى معقوله

بالنسبه لسؤال الخالديه: لانا حنا اذا رحنا السوق مانطول شغلنا بو نص ساعه:)

اما انتم تقعدون وتفرون السوق فر لما تطلعلكم عضلات برجولكم :) ويحوشكم تبنج لاارادى

لشفتوووووووو السوق

اما بالنسبه للجورى: لان الشيبان متقاعدين اينامون الضحى والقايله وينامون مبجر

من الساعه سبع يعنى نومهم عشرين ساعه:):) مو نفسنا حنا اللى مانام الا اربع ساعات

سؤالى الحين ليش انتم ياللى تقولون توفرون كل حفلة عرس الا تشترون بدله جديده

ليش ماتلبسون مثلا بدله حق 4 عروس يامبذررررررررررررون:cool:

AL- JOORY

11-08-2005, 11:59 AM

السلام عليكم ورحمة الله وبركاته

أخي بو تركي عن نفسي والله متي خبري في بدلة العرس لكن اذا بتكلم عن بعض البنات والله يقولون ان البدله شافوها الناس علي في الحفل الفلاني فليش البسها مره ثانيه فتضطر انها تفصل بدله ثانيه

وانـــــا معك ان التبذير ماهو بزين

السؤال جاهزين

اكيد جاهزين

الرجاء ربط أحزمة الامان

لا لا خلاص السؤال يقول >>>>>> (( ماهو هدفك بالحياة ؟ ))

تقبلو مني كل الشكر

بروحى

11-08-2005, 01:04 PM

الاخت الجورى

اولا سعالش برا الموضوع على ما اظن..

وثانيا وليس ثالثا بالنسبه لسعالش هدفى من الحياة رضا الله سبحانه ورضا الوالدين قبل كل مصلحه اجتماعيه او اقتصاديه او سياسيه ....الخ

وبعد ذلك نحب نسعل البنات سعال

ليش اذا رجعتوا من عرس او عزيمة ما تخلون بنت شفتوها والا وتقصبونها قصب ؟

ابوتركى

11-08-2005, 03:26 PM

اى والله

وانا اضم صوتى لصوت بروحى:):):)ليش الحش يمشى بدمكم

ليالي

11-08-2005, 03:32 PM

بيني وبينكم ما عندي اجابه لهذا السؤال :)

لانها صج عاده خايسه فينا

المشكله لما نخلص نستغفر ونقول حرام ما نبي نغتاب احد هههههههههههههههههههه

الــغــالــيــة

12-08-2005, 12:22 AM

بروحى

12-08-2005, 11:44 PM

بروحي + ابو تركي

ما اعتقد انكم يالرجال ملاااااائكة وما تحشون بأحد بالمره !!!!

يعني أصدق انكم إذا قعدتوا بالديوانية ما تجيبون طاري أحد ... وأولهم الحريم ؟!!!!

تصدقون عاد انكم تقرضون بالديوانية أكثر منا يالحريم ... وانتوا تدرون !!

وش دراش قاعده معنا فى الديوانيه لوووووووووووووووووووووووووووووووول

حنا نحش ما نقول حنا ملائكه لكن مو باستمرار هاه يعنى على الخفيف

بس انتو بالذات اذا جايين من عزيمه انتى شفتى فلانه وش لابسه والا شفتى شلون اتكلم والا شلون تمشى :) لحوووووووول مبلشين خلق الله حتى فى لبسهم وكلامهم

حسين مسفر الوعيلي

16-08-2005, 12:58 AM

انا اقول والله اذا شافوا الحريم بعضهم تنقضي الساعات والاحسوبها كلها انا عندي وانتي ماعندك انا زوجي يوديني انا........................ وانا................. لي اخر اليوم وياليتها في امور مهمه ....... هههههههههههههه