ياوليدى

[وسيع البنايد]

ياوليدى
بس خل طبعك صبور
شيل همك..شيل ضيمك
شيل حملك ياوليدى
لايحسو انك ضعيف
فى زمن عسرِ مخيف
صعب تلقابة نظيف
اللحم ياكل لحم
ولاتعزوا بابن عم
ياكلك لحم وعظم
صارت الدنيا تعيبة
صارت العيشة صعيبة
قلت لك لايبين سر
اكتمة فى الصدر خلة
لاتقول انة قريب
يفضحك عند البعيد
ياوليدى ياوليدى
اكرم الضيفان واحشم
شايبٍ لك جا واكرم
من شقا الدنيا وغثاها
مازبن عندك وجاك
الايتذرا فى حماك
ياوليدى زبنة
خل خلك ضلع ربعك
وخذر ترخى حيل سمعك
وسع البال وتصبر
لاتعثر
لاتعثر
لاتمد ايدك لاحد
ولاتذل نفسك لاحد
فى شموخِ عيش دايم
مثل مانى معلمك
مانى قايل من انا
ناس واجد عارفة
ياوليدى ..ياوليدى
معرب خالك انا
والعمام اهل القنا
ملحف الجدين ساسك
طيبٍ واللة راسك
شيل همك. شيل ضيمك
لاترجا ياوليدى
وافتهم منى النصيحة

[بن عجمـــــــــــــى]

لا هنت وصح لسانــــــــــــــــــــــــــــــــــــــــــــــ ـــــــــــــــــــــــــــــــــــــــــــك
وسيع البنايد

[فلاح بن ملبز]

صح لسانك ولاهنت على الاختيار الرائع يا وسيع البنايد

[قبلةالعجمان]

لاهنت يالسنااافي :)

[خوي النشاما]

لا هنت يا وسيع البنايد على الكلام الجزل الي عودتنا عليه

و لا هو غريب منك هذا الأبداع المتواصل

و الحقيقه انك ذكرتني موضوع قديم عرضه الأخ جالس بن مبارك

و عنوانه ( رساله الى ولدي ) من السيده مشاعل العيسى لولدها بندر

و هذه هي وصلة الموضوع أرجو الأطلاع عليها

http://www.alajman.net/vb/showthread.php?t=19095&highlight=%D1%D3%C7%E1%E5+%C7%E1%EC

الحقيقه انا تذكرت الموضوع لأنه شد انتباهي

و فيه الكثير من العبر و الوصايا الغاليه

[ناصر بن حمود]

تحياتي الخالصه لك يا الغالي / وسيع البنايد

فعلا كلام جميل و معبر ولا يصدر الا من انسان حكيم

أشكرك كل الشكر على هذا الذهب الثمين

ــــــــــــــــــــــــــ