طـــال انتظاري.... قصيده جديده

[ضيّ القمر]

بسم الله الرحمن الرحيم

السلام عليكم ورحمة الله وبركاته

عندي قصيده جديده كتبتها مؤخراً

ارجو ان تنال استحسانكم




الحب قلب على الود وافي
ماهو كفٍ للحزن تلقي التحيه

الوفا صفحٍ للنيات صافي
ماهو سيلٍ يورد حوض المنيه

يامن تجاهل مشاعري كافي
جروح قلبي دقت طبول الجفيه

اشكي همومٍ منت بها خافي
قلبي دمع وعيني تنزف دميه

خل احساسك مني دوم متعافي
وقلبك لي قريب وقلبي كفيه

ياليل حالي في بعاده كسافي
متى تحس بلوعتي وناري الحميه

تبطي وفكري بحسرته اتلافي
وجفني مايغمض وعيني شقيه

تذرف دمعها والنظر يبدا باختلافي
تنشدعن الحال ياحبيبي حالي رديه

آه لو تدري انك لجروحي دوا الشافي
بدخلي جم الاحساس ومشاعرٍ خفيه

تعال ابحكي خافي الود بسرافي
وتلمس حناني بلمس كفوف يديه

واسمع كلامك الشهد اتحافي
واحمل الروح لك يالغالي هديه

بس لاتخلي العقل مني يصبح اخفافي
لاتروح وتهملني بحاله هستيريه

اجلس لحالي والناس حولي اشرافي
ويشهد الله قلبي حلالك والجوارح رعيه

طال انتظاري وحنين الشوق دافي
يمرالوقت مابه الاسرابك ودمعي محنيه

تعال بدد الخوف بكلمتين خفافي
وقول يابنيه قولي للحزن وداعيه

اسمحوالي لوفي كلامي اكلافي
القلب فاض وانتاجه مشاعر دفتريه

والحمدلله انزل كتاب للهم شافي
فيه هدى للناس من جهل الظلاميه

وشافع الامه يوم الناس وقافي
عليه مننا صلاة وتسليم الافضليه

اختكم ضيّ القمر

[المعقب]

الي بقوله :) :) :) :) :) :) :)
لا تعليق

[عبدالله الفروان]

وعليكم السلام ورحمة الله وبركاته


كتابه موفقه منش وقصيده جميله ورائعه


وانشاله من هالمستوى واعلى لش يا اخت ضي القمر




الـــفـــــــراوووووي

[صقر العجمان]

صح لسانش ياضي القمر


ننتظر منش الجديد

لش تحياتي

[مصلح]

صح لسانش احساس رائع ومعاني رائعه

تابعي المحاوله وان شاء الله تجيدين الوزن

[ضيّ القمر]

بسم الله الرحمن الرحيم

السلام عليكم ورحمة الله وبركاته

اخي الفاضل /المعقب

حياك الله ومشكور على المرور الكريم


تحياتي

اختك/ ضيّ القمر

[ضيّ القمر]

اخي الكريم/ عبدالله الفروان

اسعد الله اوقاتك بالخير والمسره

الله يسمع منك واتمنى اني اتلافى مشاكل الوزن عندي

وبأذن الله مثل ماقلت الى الاحسن ومن سار على الدرب وصل

واكيد حنا بحاجه الى التوجيه والنقد البناء

تسلم وعساك على القوه

والرائع هنا هو حظورك وجميل ردك

لاهنت لاخلا ولاعدم

تقبل تحياتي واحترامي

اختك / ضيّ القمر

[ضيّ القمر]

السلام عليكم ورحمة الله وبركاته

اخي الموقر/ صقر العجمان

صح بدنك والله يخليك لعين غاليك

حياك الله وان شاء الآتي افضل بإذن الله

وجودك اسعدني لاهنت عليه

وعساك عى القوه

تقبل تحياتي وتقديري

اختك/ ضيّ القمر

[ضيّ القمر]

السلام عليكم ورحمة الله وبركاته

اخي الفاضل/ مصلح

صح بدنك وان شاء الله ابشر بسعدك

وان شاء الله القادم افضل بالنسبه للوزن

حياك الله يشرفني حظورك ويسعدني ردك

وتشجيعك لاني وان اختك احبطت قبل فتره في المنتدى

وتوقفت عن الكتابه والسبب بعض الردود التي تحبط المعنويه

اشكرك على سلاسة ردك وجميل اسلوبك

تقبل فائق التحيات واصدق الامنيات واعذبها

اختك/ ضيّ القمر

[جراح بن ضيدان العجمي]

صح حسش

وان شاء الله يوفقش ربي

بس استمري بالكتابه

ومع الايام تشوفين نفسش احلا من اللي فات


ومحد طلع من بطن امه عالم



اسلمي وسلمي
جراح

[فيصل المشوط]

السلام عليكم ورحمة الله وبركاته

شي جميل وطيب بس ابي اعرف شي

واحد يوم كتبتيها هل بينج وبين نفسج

لحنتيها او كذا طلعت معاج وانا بقولج بعدها

اما بخصوص الوزن انا اقول بتعرفينه وبسرعه

بس ممكن تردين على سوألي


يا ضي القمر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!

[ضيّ القمر]

جراح بن ضيدان العجمي

لاهنت على مرورك الكريم ونصيحتك الغاليه

بحطها حلقه بأذني واتبعها

والله يخليك

مشكور بابوضيدان على المرور جميل الرد

اختك ضيّ

[ضيّ القمر]

وعليكم السلام ورحمة الله وبركاته

تحيه طيبه لك اخي الكريم

فيصل المشوط

ابشر وانا اختك بسعدك

ابجاوبك على سؤالك

انا يوم كتبتها كتبتها كذا ومالحنتها

واتمنى اعرف التلحين واذا بتعلمني الله يرحم والديك

ويجزاك خير

اشكرك على المرور الكريم

ماقصرت

لاخلا ولاعدم

اختك/ ضيّ

[جراح بن ضيدان العجمي]

السلام عليكم ياضي القمر ......... بالنسبه للحن

اقرب شي لأبياتش لحن السامري .............

مثال
مرحبا عدد ماهل مزن الهمايل ......... على من وجوده فالعرب طيب فالي


او

عيدي صياغتها ........... ومشيها على المسحوب


وكل بحر له عشر اللحان


المسحوب اللحانه وااجد


وااللي انصحش فيه تمشينه على ...... وش تنتظر يامحرق القلب بالنار ....
اغنية خالد عبدالرحمن


والله يوفقش :)

[فيصل المشوط]

السلام عليكم ورحمة الله وبركاته

ضي القمر

حاضر من العين ذي قبل ذي

انا موجود اهني المساعده واللى تبينه بيصير

ان قاله الله . وتحضرني حكمه اقوله دايم بستمرار

(ليس هذا على الله بعزيز )

وشوفي شنو اللى تبينه وحاضر انا اهني

الاستشاره .............................

لاتتدخل بما لايعنيك تلقا مالا يرضيك

[محمد بن جنيد]

صح لسانش ياضي القمر

[الجويّر]

ضي القمر قصيده جميله ومعبره وجيده بس ركزي على الوزن لانه اهم شي










تحياتي / الجويّر