قصيدة محاوره بين الجمس ( ابو عبر ) والجيب (ابو شنب )

[فلاح بن ملبز]

هذه قصيدة فكاهية بين الجمس( أبو عبر ) والجيب الشاص ( ابو شنب )
يقول ( أبو شنب ) :




دار الزمان وعـادة الوقـت دوار ***يابوعبـر دورك لـه أعـوام راحــي
وش عاد لو لونك خذا من سنا النار ***وتـزبـن الـهـراب لأرضً بـراحـي
جيتك وأنا زبن المجلى عن الـدار ***لاضاق بـه وسـع الفضـا والمراحـي
آطى عفاش القاع وآطى بالأقفـار ***وأورد العطـشـان للـمـا القـراحـي
أخذت أنا ماكرك والحظ بك بـار ***واليوم حظـك يافتـى الجـود طاحـي
اليوم ماتسـوى ولانصـف دينـار ***ورجلً قنـاك أخطـى دروب الفلاحـي
شربك من الممتاز سبب لك العـار ***جاك الصحيح وخـل هـرج المزاحـي
الفرق واضح بيننـا دون الأذكـار ***فرق الحصانـي عـن سبـاع البراحـي



فرد عليه (أبو عبر) وقال :




يابو شنب حكيً حكيته فلا صـار ***تبـي تشـن الحـرب تاخـذ امراحـي
لاشك مالك نصر في كـل الأدوار ***لا وقتنـا الحاضـر ولاوقـت راحـي
ماينشد ذويبان عن حصنيً مـار ***لـو كثـر التنهيـت مثلـك وصاحـي
أنا مزبن من قست فيـه الأقـدار ***لامن فاسـه بأوسـط الـراس طاحـي
يزبن على مثلي صبـورً وجبـار ***بـأرض العفـش والا بقفـرً براحـي
مركوب ناسً مايهابون الأخطـار ***يـوم أن ركابـك عليـك أستـراحـي
ومركوب طلقين الشوارب والأشبار***اللـي تـروح أوقاتـهـم بالكفـاحـي
ومركوب بدوً دورو لأرض الأقفار ***يتلـون بـرقً يمـة الشـرق لاحــي
والفرق بين التبع وفروخ الأحرار ***فرق الليالـي عـن شعـاع الصباحـي



تحيـــــــــاتي