خالد 11
20-07-2005, 12:58 PM
نسوان سنة 3000
السلام عليكم ورحمة الله وبركاته
من باب ساعة وساعة ومن باب الطرافة والترفيه عن النفس
تخيلوا أخواني واخواتي ما سوف يحدث لو انقلب حال الرجل والمرأة
1
سعد عمرة 26 سنة خلص دراسته وقاعد ينتظر بنت الحلال الي تضفه (الله من واحد بيقعد بها لو الوضع كذا )... سعد تعبان نفسيا كل ماجوا ناس يخطبونه لبنتهم وشافته بنتهم راحو ومعاد رجعوا ( وجه واحد رايح في خرايطها )...واخر وحده جتهم ام فهد تبي تخطب سعد لبنتها نوره ... نوره شارطة انها لازم تشوف سعد ( الحمد لله على النعمة الي حنا فيها )... جت نوره وقعدت في المجلس ودخل عليها سعد ومعه العصير ... حط العصير عند نوره ... وطلع يركض لغرفته ... صك باب الغرفه وتسند عليه وخدوده حمر وهو يدعي يارب اعجبها وتاخذني .. .. وراحت نوره تشوف غيره... وجلس سعد اسابيع ينتظر رد نوره ؟؟؟؟؟
ـــــــــــــــــــــــ
2
ابو محمد يقوم من الساعة 6 الصباح …. ويسعى في فطور ام محمد واذا زهب الفطور راح لام محمد يصحيها …
ابو محمد/ قومي يا ام محمد … قومي يابعد عمري افطري وروحي للدوام …
وبعد ربع ساعه من التدليع والتخقيق قامت ام محمد ….
التفت عليها ابو محمد وقال/ صباح الخير ….
ام محمد/ ردت برومانسيتها المعتاده كل يوم أي خير هو الي يشوف وجهك يشوف خير زهبت الفطور والشاهي يالدبشه والا لا ….
ابو محمد/ يرد ويقول نعم ياحبيبتي كلش زاهب ….
ام محمد / طيب اقلب وجهك عني ابغسل وجهي واجي افطر هاالحين ....
ابو محمد/ شوفي يا ام محمد هذي الوريقه فيها بعض المقاضي للبيت
ام محمد / هذا الي انت فالح فيه يالثور
ابو محمد / الله يسامحتس ياام محمد ويخليتس لي ولعييلتس … وش انحن بدونتس.
ام محمد / المهم بكره انا عندي مشوير قريب وبوديك عند اهلك يومين .
ابو محمد / وين بتروحين … (خايف تعرس عليه )
ام محمد / ابروح لجهنم … هماني اقولك لا تسالني وين ابروح وين ابجي … وان عاد سمعت كلمة وين رايحه منك … ترى والله مايردك الا بيت اهلك …. والا والله لاصك لك جار او ضر اعصر به قلبك .
ابو محمد / العذر والسموحه طال عمرتس … وش تبين اصلح لتس على الغدا طال عمرتس …
ام محمد / صلح سم … طرقع ( لطخت بالباب وطلعت )؟؟؟؟
ــــــــــــــــــــــــــــــــــــــــ ــ
3
ناصر قاعد في غرفته ... منسدح على بطنه يقرا مجلة سيدي ولك انتَ ...وفجئه التلفون ترررررررررررررررررررررن
ناصر / الو مين
ساره/ هلا ومرحبا بها الصوت .. انا ساره
ناصر / عفوا من تبغيين
ساره / ابغاك انت
ناصر / قلة حيا … مالتس اخوان تخافين عليهم وعلى سمعتهم بعدين ترضين وحده تكلم اخوانتس يا قليلة الادب طوط طوط طوط
ترررن ترررن
ساره / اسمع لاتسكر السماعه انا اعرفك واعرف كل شي عنك … وانت بعد تعرفني زين
ناصر / انا ما اعرفتس ولا ابغى اعرفتس. طوط طوط طوط
تررن تررن
ساره /الو اسمع انت تتذكر رسايلك الي عندي وصورك ايام الثانوي … تراها موجوده لحد الان عندي محتفظة بها كل ها السنين
ناصر / ارجوتس انا عرفتس هالحيين ارجوتس انا كبرت وعقلت وذيك الحركات كانت ايام المراهقه … ارجوتس رجعي صوري ورسايلي ارجوتس والله لو يدرون اخواتي ان يقطعون راسي .
ساره / انا ابعطيك كل شي بس ابغاك تواعدني في محل اعطيك فيه الصور … والا والله لانشرها في كل مكان …
ناصر / ارجوتس لا تفضحيني … ارجوتس … وين طيب اواعدتس علشان تعطيني الصور والرسايل .
ساره / اسمع انا اعرف ان عندكم زواج الخميس الجاي بتروحون له … سو نفسك مريض ولا تروح معهم وانا اجيب الصور والرسايل لك
ناصر / طيب خلاص الخميس ( مكسور الجناح )
وفي يوم الخميس ماراح ناصر مع اهله للزواج تعذر ان هدومه خربها الخياط … وقعد ناصر لوحده في المنزل …. وفي تمام الساعه 10 واذا بجرس الباب
تررررررررررررررررررررررررررررررن
ناصر بخطوات متثاقله وبصوت يشوبه الخوف من المجهول يرد ويقول / مين
ساره / انا ساره افتح الباب
ناصر / لا استطيع لايوجد في المنزل سواي … ادخلي الرسايل والصور من تحت الباب
ساره / اذا لم تفتح الباب فستندم طول عمرك وبتصير سمعتك على كل لسان هذا اذا ماذبحوك خواتك .
فتح ناصر الباب … ودفعته ساره بقوه …. ودخلت المنزل لتستفرد بهذا الضعيف المسكين اللذي لاحول له ولا قوه … اخذ ناصر يرجع للخلف وهو خائف من ساره حتى دخل الى داخل المنزل هربا منها ولكنها لم تتركه في حاله … وبعد ان اخذت مبتغاها … همت بالخروج … وقال لها ناصر والدموع ملىء عينيه لماذا لماذا انهيت حياتي ماذا تريدين مني ارجوك اخرجي اخرجي ولكن قبل ان تخرجين اعطيني الصور والرسايل …
ساره / أي صور واي رسايل … هل جننت حتى اعطيك اياها ؟؟؟؟؟
لقد اصبح ناصر ضحية استهتاره ايام المراهقة ؟؟؟؟؟؟؟؟؟
ــــــــــــــــــــــــــــــ
4
الساعة 3 من الليل …. أبو محمد سهران ماجاه نوم … محمد مريض مرتفعه حرارته وملتهبه لوزه … والصغيره حصه جيعانه ولكن ثمها منفر ماتقدر ترضع … وابو محمد ضام بزرانه لصدره ويصيح معهم مايقدر يسوي لهم شي … يوم جت 3.15 اليين باب البيت يفتح ام محمد توها جايه من الاستراحه …
ام محمد / اسمع انت ووجهك ضف بزرانك … ورح نم انت وياهم في الغرفه الثانيه انا تعبانه وواصله معي مافزت في الورقه ولا مره … وابغى انام وما ابغى احد يزعجني .
ابو محمد / سمي طال عمرتس ما لتس الا طيبة الخاطر …
وخذ ابو محمد بزرانه وراح للغرفة الثانيه … وهو يبكي بحرقة على حاله وحال اطفاله … ووضع الصغيرة حصة في حضنه واخذ يهزها علها تنام … وفي يده منديل مبلل يضعه على راس محمد لخفض الحراره .
ام محمد قبل ان ينام اخذ تتحدث مع ام راشد في التلفون … اسمعي ياام راشد بكره تكفين لا يفوزون علينا … واستمرت المكالمة اكثر من 20 دقيقه كانت الضحكات تتعالى وكأن المرضى الموجودين في البيت لايعنونه بشيء؟؟؟؟؟؟؟
ــــــــــــــــــــــــــ
5
لطيفه توها ماخذة لها واحد اسمه صالح ....
اليوم يوم الخميس ليلة الجمعه الساعة 1 بعد منتصف الليل.... صالح يبغى يتزيين للطيفه قبل ماتجي … لبس سرواله الطويل المشقق … وفنيلته ام دالع … وعدساته الفسفوريه …. وطفى اللمبات وولع شمعه وقعد على السرير …. وفجئه سمع صوت الباب … فرح وانبسط وقال / اكيد بتشوفني متزيين لها وبتنبسط .
دخلت لطيفه يوم فتحت غرفة النوم صرخت وقالت اعوذ بالله روعتني انت وهالعيون صاير كنك قطو ؟؟؟؟
ـــــــــــــــــــــــــ
6
ابو خالد يترجى ام خالد انها توديه لهله …. يشوف اخوه مصخن … ام خالد رافضه ... تقول انا تعبانه وماني فاضيه لك ... وفجئه رن التلفون
تررررررررررررررررررررررررررررن
ام خالد/ الو مين
ام حمد / هلا ام خالد انا شاريه نخلتين خلاص من الحسا وابغى نروح انا وياتس نجيبها بكره على سيارتس
ام خالد / ابشري والله لو تبين للقمر ؟؟؟؟؟؟؟؟!!!
ــــــــــــــــــــ
7
ام عبدالله جايه من العمل … حطت شيلتها على الكنب … وقعدت تقرا الجريده … ثم صرخت … ابو عبدالله … ابو عبدالله ابو عبدالله وينك ووجع يوجعك وراك ماترد علي ….
ابو عبدالله / هلا ام عبدالله كنت في الحمام افرق ركيباتي واشيل يدياتي ورجيلاتي …. مادريت انتس جيتي
ام عبدالله / وش تشيل وش تفرك يا راغب علامه
ابو عبدالله / الله يكرمتس ياام محمد تقارنيني بذولي الي مايخافون الله .
ام عبد الله / اقول احمد ربك بس انهم مانعين الزواج من الخارج ؟؟؟؟؟؟؟؟؟
(منقول) نعتذر عن اللهجه المكتوب بها الموضوع وهي اعتقد لهجة اهل الرياض
=====================
الله يستر من ذاك اليووم
اخواتي العزيزات انما طرح الموضوع للترويح عن النفس وله مغزى كبير ولا اضنه يخفى عليكن بل هو من صالحكن
ردودكم وانتقاداتكم مقبولة بل ومحبوبه لدي
وشكرا
السلام عليكم ورحمة الله وبركاته
من باب ساعة وساعة ومن باب الطرافة والترفيه عن النفس
تخيلوا أخواني واخواتي ما سوف يحدث لو انقلب حال الرجل والمرأة
1
سعد عمرة 26 سنة خلص دراسته وقاعد ينتظر بنت الحلال الي تضفه (الله من واحد بيقعد بها لو الوضع كذا )... سعد تعبان نفسيا كل ماجوا ناس يخطبونه لبنتهم وشافته بنتهم راحو ومعاد رجعوا ( وجه واحد رايح في خرايطها )...واخر وحده جتهم ام فهد تبي تخطب سعد لبنتها نوره ... نوره شارطة انها لازم تشوف سعد ( الحمد لله على النعمة الي حنا فيها )... جت نوره وقعدت في المجلس ودخل عليها سعد ومعه العصير ... حط العصير عند نوره ... وطلع يركض لغرفته ... صك باب الغرفه وتسند عليه وخدوده حمر وهو يدعي يارب اعجبها وتاخذني .. .. وراحت نوره تشوف غيره... وجلس سعد اسابيع ينتظر رد نوره ؟؟؟؟؟
ـــــــــــــــــــــــ
2
ابو محمد يقوم من الساعة 6 الصباح …. ويسعى في فطور ام محمد واذا زهب الفطور راح لام محمد يصحيها …
ابو محمد/ قومي يا ام محمد … قومي يابعد عمري افطري وروحي للدوام …
وبعد ربع ساعه من التدليع والتخقيق قامت ام محمد ….
التفت عليها ابو محمد وقال/ صباح الخير ….
ام محمد/ ردت برومانسيتها المعتاده كل يوم أي خير هو الي يشوف وجهك يشوف خير زهبت الفطور والشاهي يالدبشه والا لا ….
ابو محمد/ يرد ويقول نعم ياحبيبتي كلش زاهب ….
ام محمد / طيب اقلب وجهك عني ابغسل وجهي واجي افطر هاالحين ....
ابو محمد/ شوفي يا ام محمد هذي الوريقه فيها بعض المقاضي للبيت
ام محمد / هذا الي انت فالح فيه يالثور
ابو محمد / الله يسامحتس ياام محمد ويخليتس لي ولعييلتس … وش انحن بدونتس.
ام محمد / المهم بكره انا عندي مشوير قريب وبوديك عند اهلك يومين .
ابو محمد / وين بتروحين … (خايف تعرس عليه )
ام محمد / ابروح لجهنم … هماني اقولك لا تسالني وين ابروح وين ابجي … وان عاد سمعت كلمة وين رايحه منك … ترى والله مايردك الا بيت اهلك …. والا والله لاصك لك جار او ضر اعصر به قلبك .
ابو محمد / العذر والسموحه طال عمرتس … وش تبين اصلح لتس على الغدا طال عمرتس …
ام محمد / صلح سم … طرقع ( لطخت بالباب وطلعت )؟؟؟؟
ــــــــــــــــــــــــــــــــــــــــ ــ
3
ناصر قاعد في غرفته ... منسدح على بطنه يقرا مجلة سيدي ولك انتَ ...وفجئه التلفون ترررررررررررررررررررررن
ناصر / الو مين
ساره/ هلا ومرحبا بها الصوت .. انا ساره
ناصر / عفوا من تبغيين
ساره / ابغاك انت
ناصر / قلة حيا … مالتس اخوان تخافين عليهم وعلى سمعتهم بعدين ترضين وحده تكلم اخوانتس يا قليلة الادب طوط طوط طوط
ترررن ترررن
ساره / اسمع لاتسكر السماعه انا اعرفك واعرف كل شي عنك … وانت بعد تعرفني زين
ناصر / انا ما اعرفتس ولا ابغى اعرفتس. طوط طوط طوط
تررن تررن
ساره /الو اسمع انت تتذكر رسايلك الي عندي وصورك ايام الثانوي … تراها موجوده لحد الان عندي محتفظة بها كل ها السنين
ناصر / ارجوتس انا عرفتس هالحيين ارجوتس انا كبرت وعقلت وذيك الحركات كانت ايام المراهقه … ارجوتس رجعي صوري ورسايلي ارجوتس والله لو يدرون اخواتي ان يقطعون راسي .
ساره / انا ابعطيك كل شي بس ابغاك تواعدني في محل اعطيك فيه الصور … والا والله لانشرها في كل مكان …
ناصر / ارجوتس لا تفضحيني … ارجوتس … وين طيب اواعدتس علشان تعطيني الصور والرسايل .
ساره / اسمع انا اعرف ان عندكم زواج الخميس الجاي بتروحون له … سو نفسك مريض ولا تروح معهم وانا اجيب الصور والرسايل لك
ناصر / طيب خلاص الخميس ( مكسور الجناح )
وفي يوم الخميس ماراح ناصر مع اهله للزواج تعذر ان هدومه خربها الخياط … وقعد ناصر لوحده في المنزل …. وفي تمام الساعه 10 واذا بجرس الباب
تررررررررررررررررررررررررررررررن
ناصر بخطوات متثاقله وبصوت يشوبه الخوف من المجهول يرد ويقول / مين
ساره / انا ساره افتح الباب
ناصر / لا استطيع لايوجد في المنزل سواي … ادخلي الرسايل والصور من تحت الباب
ساره / اذا لم تفتح الباب فستندم طول عمرك وبتصير سمعتك على كل لسان هذا اذا ماذبحوك خواتك .
فتح ناصر الباب … ودفعته ساره بقوه …. ودخلت المنزل لتستفرد بهذا الضعيف المسكين اللذي لاحول له ولا قوه … اخذ ناصر يرجع للخلف وهو خائف من ساره حتى دخل الى داخل المنزل هربا منها ولكنها لم تتركه في حاله … وبعد ان اخذت مبتغاها … همت بالخروج … وقال لها ناصر والدموع ملىء عينيه لماذا لماذا انهيت حياتي ماذا تريدين مني ارجوك اخرجي اخرجي ولكن قبل ان تخرجين اعطيني الصور والرسايل …
ساره / أي صور واي رسايل … هل جننت حتى اعطيك اياها ؟؟؟؟؟
لقد اصبح ناصر ضحية استهتاره ايام المراهقة ؟؟؟؟؟؟؟؟؟
ــــــــــــــــــــــــــــــ
4
الساعة 3 من الليل …. أبو محمد سهران ماجاه نوم … محمد مريض مرتفعه حرارته وملتهبه لوزه … والصغيره حصه جيعانه ولكن ثمها منفر ماتقدر ترضع … وابو محمد ضام بزرانه لصدره ويصيح معهم مايقدر يسوي لهم شي … يوم جت 3.15 اليين باب البيت يفتح ام محمد توها جايه من الاستراحه …
ام محمد / اسمع انت ووجهك ضف بزرانك … ورح نم انت وياهم في الغرفه الثانيه انا تعبانه وواصله معي مافزت في الورقه ولا مره … وابغى انام وما ابغى احد يزعجني .
ابو محمد / سمي طال عمرتس ما لتس الا طيبة الخاطر …
وخذ ابو محمد بزرانه وراح للغرفة الثانيه … وهو يبكي بحرقة على حاله وحال اطفاله … ووضع الصغيرة حصة في حضنه واخذ يهزها علها تنام … وفي يده منديل مبلل يضعه على راس محمد لخفض الحراره .
ام محمد قبل ان ينام اخذ تتحدث مع ام راشد في التلفون … اسمعي ياام راشد بكره تكفين لا يفوزون علينا … واستمرت المكالمة اكثر من 20 دقيقه كانت الضحكات تتعالى وكأن المرضى الموجودين في البيت لايعنونه بشيء؟؟؟؟؟؟؟
ــــــــــــــــــــــــــ
5
لطيفه توها ماخذة لها واحد اسمه صالح ....
اليوم يوم الخميس ليلة الجمعه الساعة 1 بعد منتصف الليل.... صالح يبغى يتزيين للطيفه قبل ماتجي … لبس سرواله الطويل المشقق … وفنيلته ام دالع … وعدساته الفسفوريه …. وطفى اللمبات وولع شمعه وقعد على السرير …. وفجئه سمع صوت الباب … فرح وانبسط وقال / اكيد بتشوفني متزيين لها وبتنبسط .
دخلت لطيفه يوم فتحت غرفة النوم صرخت وقالت اعوذ بالله روعتني انت وهالعيون صاير كنك قطو ؟؟؟؟
ـــــــــــــــــــــــــ
6
ابو خالد يترجى ام خالد انها توديه لهله …. يشوف اخوه مصخن … ام خالد رافضه ... تقول انا تعبانه وماني فاضيه لك ... وفجئه رن التلفون
تررررررررررررررررررررررررررررن
ام خالد/ الو مين
ام حمد / هلا ام خالد انا شاريه نخلتين خلاص من الحسا وابغى نروح انا وياتس نجيبها بكره على سيارتس
ام خالد / ابشري والله لو تبين للقمر ؟؟؟؟؟؟؟؟!!!
ــــــــــــــــــــ
7
ام عبدالله جايه من العمل … حطت شيلتها على الكنب … وقعدت تقرا الجريده … ثم صرخت … ابو عبدالله … ابو عبدالله ابو عبدالله وينك ووجع يوجعك وراك ماترد علي ….
ابو عبدالله / هلا ام عبدالله كنت في الحمام افرق ركيباتي واشيل يدياتي ورجيلاتي …. مادريت انتس جيتي
ام عبدالله / وش تشيل وش تفرك يا راغب علامه
ابو عبدالله / الله يكرمتس ياام محمد تقارنيني بذولي الي مايخافون الله .
ام عبد الله / اقول احمد ربك بس انهم مانعين الزواج من الخارج ؟؟؟؟؟؟؟؟؟
(منقول) نعتذر عن اللهجه المكتوب بها الموضوع وهي اعتقد لهجة اهل الرياض
=====================
الله يستر من ذاك اليووم
اخواتي العزيزات انما طرح الموضوع للترويح عن النفس وله مغزى كبير ولا اضنه يخفى عليكن بل هو من صالحكن
ردودكم وانتقاداتكم مقبولة بل ومحبوبه لدي
وشكرا