نصيحه للشباب

[ابوتركى]

هذه نصيحه للشباب مادمت فى ريعان شبابك وقوتك وصحتك فافعل

مااقوله لو ننظر الى احوال الدنيا فانها تتقلب من حال الى حال لذا

فلننظر ياشباب الى مجتمعنا الصغير بسكانه وكبير بمشاكله ومن

هذه المشاكل العنوسه لدى الكثير من البنات وانا اجزم بان اغلب بنات

المنتدى عانسات يائسات من احوالهن ونحن جميعا نشترك بهذه المشكله

ولكن الطرف الرئيسى هو النساء لن اقول الرجال لان السلطه الان عند

النساء المهم انظر من امامى ومن حولى من اصحابى واقربائى ماذا ارى

ارى انهم كل شخص يتزوج بات على حاله مما ادى الى كثرت حالات

العنوسه لو ان كل شخص تزوج بااكثر من واحده لانتهينا من هذه المشكله

هل تعلم بانك اذا تزوجت كملت نصف دينك فما بالك لو تزوجت الثانيه هنا

كملت دينك كله هل تعلم انك لوتتزوج اكثر من واحده سوف تجد الراحه

التى لم يذقها صاحب الواحده حيث كل واحده تنافس الاخرى على رضاه

لايغرك كلام النساءعندما يقولون اذا كنت تحبنى ماتاخذ على اخى انهن

مخلوقات من ضلع اعوج وينظرون الى الامور بشفافيه اخى اذا تنطبق

عليك هذه الشروط فلا تنتظر

1- توفر الماده

2-العدل

3- رجاحة العقل

4- الحكمه

5- الشخصيه القويه

6-شرط رئيسى ان تجمعهم فى بيت واحد حتى لاتفلت زمام الامور

[عاااااااااادل]

يابوتركى
اه اه اه اه اه اه اه اه اه اه اه اه اه اه اه اه اه اه اه


ونه قهر
بعدين ارد عليك

[ابوتركى]

من كلامك باين عليك الامر طالع من ايدك

بعدين اكتب موضوع بلامر هذا


شكرا لمرورك

[كويتيه]

بو تركي..@@
الله يهداك على هالموضوع.. والله صراحه اييب الحارج... .. اول شي لالا والله مو كل بنات المنتدى عوانس.. ترى اغلبهم للحين ماتعدوا العشرين سنه.. و زين سوال؟؟؟ من متى يبدى عندك سن العنوسه؟؟؟؟؟..بعدين عبالك جذي حليت السالفه؟؟.. مو كل انسان يقدر يتحكم بالمواقف اللي جذي.. شيسوي الريال لي وحده من الحريم كانت راعيه لسان.. والله بيته بيشب حريجه.. .. لالا يبا انا وحده من الحريم.. لو زوجي يبي يتزوج.. كيفه درب السلامه.. باللي مايودي.. بس ما اظل عايشه معاه بيت واحد... اذا اناا مو مقصره بحقه.. و قايمه بشغلي على اكمل وجه.. و مراعيته و مداريه بيته.. شكو يتزوج علي.. . ولا يحل مشكله العنوسه على حسابي.. لوول والله شر البليه مايضحك.. لا يباا حلك بالنسبه لي اسمحلي.. فاشل..


بعدين عن اذنك اخوي بو تركي.. بس هذا الموضوع.. اسري و يتحجى عن العائله.. عشان جذي بعد اذنك بنقله لمنتدى الاسره والمجتمع..


عادل... على الاه مالتك.. شكلك متزوج اثنيين و مبتلش... :D

[cool]

السلااام عليكم ورحمة الله وبركاااته

تسلم ابو تركي على المووضووع والله يعطيك العااافيه .

مثل ماتفضلت وقلت يقدر الناس القضاء على العنووسه بالزواج اكثر من وحده

مثل مافيه بنااات ماتزوجو بعد ماوصلو عمر معين او محدد فيه شبااب نفس الشي

ماتزوجو .

بعضهم الحين ماعنده المقدره يتزوج وحده لاسباب جزء منها معروف ولو تزوج

وحده ماتلقاه متزوج الا عقب الشين تبيه يتزوج مره ثااانيه صعب عند ناااس وفيه

ناس ماشاء الله عليهم يتزوجون ثنين وثلاث واربع .

مجرد راااي ابو تركي :)

كـووول

[الوطن]

يا مرحبا يا بوتركى

يؤسفنى أنى أتعارض معك بهذه القضيه وانا اعتبرها قضيه ليش يا أخى انت ما تدرى انك بهذا الحل ويمكن انها تنحل لكن انت هدمت بيت آخر على حساب منو حساب العنوسه يا أبو تركى فى زمننا هذا أصبحت البنت لا تتحمل مثل أيام جدتى وجدتك اللى ياخذ الشايب عليها أربع وهى تضحك والا تبارك له وتقول جعلك ذيب وتفلا الغنم ( مدرى هى الكلمه صح والا غلط )
المهم
المرأه فى ذا الزمن صارت غير فى توعيه أرشاديه ونفسيه واجتماعيه ودورات وخبرات حتى تتعلم وتعرف المفاتيح الذهبيه للزواج وبهذا ترى الزوج لا يفكر بالزواج عاد انا ما اتكلم على جميع الحريم علشان ما أكون حياديه وأضحك على نفسى بالفعل نحن مجتمع نساء ونرى أشكال وألوان من أطباع وافكار الحريم تختلف وترى عمشه حالتها حاله وجيكره ومشدقه وتشوووف زوجها مسوى لها يا دهينه لا تنكتين ولا قهر
ولا تشوف سارا المسكينه معذبتن عمرها بالرجيم والحميه والزين واللبس وتلاقى رجلها ما هوو معطيها وجه .

بس لو تشوف شنو العييييب فيه ما تدرى
الرجال والا فى المره يمكن تكون عمشه ماتنشده وين يروح وين يجى وهذا مربط الفرس عند الرجل ما يحب ذا السؤال مدرى ليش انا استغرب تركبهم عشرين جنيه اذا سألنا ذا السؤال
والا سويره مسويتله يا دهينه لا تنكتين وهو مو كفوا بس يمكن سويره مجننته ومطفرته وين رايح وين جاى ولاشافته كاشخ تنشده ليش كاشخ يا قرد حظه بعد ماتبيه يكشخ .
المهم ما أطول عليكم
أنا أرفض الزواج لحاله واحده فقط

وهى


أن الرجل اذا ما كان مرتاح نفسيا مع زوجته
أنصحه أن يا خذ عشر بس يتحمل ما يجيه من عقوبات
لان العقوبات وخيمه جدا على عاتقه
وجعله من ذا الحال وأردى
آآآآآآآمين اللى يفكر فى الزواج اللى ما عنده اى سبب

أما انك قاعد وتعمم يا أبو تركى على بنات المنتدى أنهم عنس
لا تظلم بختك تراها محسوبه عليك يوم القيامه

يعنى اللى تدخل المنتديات شرط تكون مو متزوجه
موشرط ( ياما فى حريم متزوجات وعندهم ورعان ويدخلون المنتديات
ويشاركون لكن
لكن
لكن
المؤسف انها تنسى انها متزوجه وتقعد مع فلان وعلان حكى وسوالف
مالها معنى (دردشه + ماسنجر )يعنى من ذا النوعيه

أقووووووووووووووول



اللهم أستر علينا وعلى بناتنا
واحفظهم من هذه الفتن

جزاك الله خير على هذا الطرح
واعتذر عن الاطاله

[ابوتركى]

الاخت كويتيه هاذى سوالفكم انا مو مقصره ليش يتزوج على واذا تزوج

كيفه بس مااقعد عنده لويحدك ويخيرك تقعدين والا تروحين لاهلك ذيك
الساعه تعرفين ان الله حق وبعدين اعتقد سن العنوسه من 25 سنه


الاخ كول تاخر الشباب عن الزواج هاذى بحد ذاتها مشكله بعضهم

فسقه وبعضهم قل مال

الاخت كيفى هاجريه سبحان الله نظرتكم وحده تهدم بيت مانى عارف ايش

يااختى اذا انا قادر وعندى ماده شاللى يمنعنى وعلى فكره حتى من ايام

قبل المره ماترضى بشريكه عليها هاذى طبيعتكم وسالفه الزوج اللى مايعطى وجه

هاذى سالفه ثانيه وبعدين انا مو متحامل عليكم او اقذفكم بشى بالعكس انا

قلت اغلب اللى بالمنتدى عانسات لو انها متزوجه كان الحين مشغوله فى

بيتها وعيالها لذل وجب التنبيه


وشكرا على المرور

[كويتيه]

اي والله يا بو تركي وانا عند ربي صاجه.. اذا انا مو مقصره بش و اهوو راح و تزوج علي.. خلاص خل يطلقني .. عشان اشوف غيره مثل ما شاف وحده غيري.. شنو حلال عليه و حرام علي انا:)..

[الوطن]

بالعكس يا ابو تركى

أنت قاعد تتكلم وانت ما تدرى عن مجتمع النساء
تعرف ان الاغلبية اللى اعرفها
كلهم متزوجات
ويشاركون بالمنتديات
والله ان اكثر صديقاتى عيالهم بالثانويه واللى متخرج من الثانويه
يعنى مو شرط انها تكون عانس

واتمنى ان تفكر كويس قبل لتكتب

[ابوتركى]

كويتيه روحى سكن المطلقات بصباح السالم وبعدين راح تهونين وتقولوين

انشالله ياخذ عشر بس اقعد عنده



الهاجريه انا عارف شنو اكتب بس كلمه الحق اتزعل


تحياتى

[كويتيه]

لا وي ماعوزه.. بيت ابوي مفتوح شكو اقعد بسكن المطلقات.. .. بعدين الحين اغلب الحريم متعلمين ومثقفين.. و الي طلقهاا مابتنتهي الدنيا... ميخاالف اهياا تشتغل بشهادتهاا و تعيش روحهاا.. ..

[الجـــــــــادل]

الله يسامحك يا بو تركي حديتهن لقصاااهن

ولاهنت على الموضوع ومن بغاا العرس الله يوفقه

[الوطن]

اقووووول يا ابو تركى
سكن المطلقااات اللى بصباح السالم
كله تأجيييييير
وعندى مايثبت ذلك
انا اخصائيه بوزارة الشئووون
وعندى علم بهذه الشغلاااااات

[ابوتركى]

اللى اعرفه يالهاجريه انه سكن مطلقات

اما اذا الحين تأجير يمكن المطلقات كلهم تزوجو اخخخخخخخخخخخخخخخخخ



تحياتى

[الساهر]

شلونكم

ابو تركي موضوع حلو

ماعليك يابو تركي من اللى تقول كذا وكذا انا معاك والله بس ترى فيه بنات على كيفك يعني الحمدالله عارف طريقها صح بس انا اقصد نوعيه خاصه (..) ماراح أذكر هالشىء وصدقني ابو تركي كلمه الحق تزعل ومايقدرون يواجهونها الا بالرفض والتجنب والترقيع :)


أسألني انا واحد افهمهم واعرفهم أكثر من النجوم اللى بينا وبينها مدى

العوانس ياكثرهم والمطلقات أكثر

انا متأكد اميه بالاميه المطلقات اللى يبون هالشىء نسبتهم 90 بالاميه يبون الطلاق مو لانهم مو مرتاحين مع ازواجهم لأ بس يبون الحريه عرفت ؟؟

مع احترامي للخوات انا اقول الصراحه ولحد يزعل مني

وموضوع الزواج أكثر من وحده

اعتقد هذا الشىء مهب حرام

الرسول ( ص ) حلل اربع واللى تقول ماابي اقعد

اللى مايبينا مانباه

مليون مثلك فالبشر - ان غبت غيرك لي ظهر - وان كان لك وجه القمر الزين مايكمل حلاه

عموما مااطول عليكم ومشكورين على هالموضوع الرائع

والله يستر على المسلمين

ادري فيه ناس اتحش فيني ومقهوره

:)


السسسسسسسسسسسسسساهر (السفراني) :)

[ابوتركى]

الساهر كلامك عدل وانا مااعم بس نقدر نقول 70% منهم كذا

وشاكرلك المرور

[الوطن]

لا حول ولا قوة الا بالله
من الرد اللى قبلك يا ابو تركى
بصراااحه انا اعتقد ان المكااان اللى فيه سفهااااء
اعتقد ما لى قعده فيه
وشكرا لك
يا ابو تركى

[الساهر]

ابو تركي موضوع حيل رائع

بس مادري انا ماغلطت ولا قلت شىء فيه غلط انا اقول الصراحه والصراحه ( ماتزعل )


احترامي للبنات كلهم لانهم (خواتي) وصدقوني ياجماعه الموضوع نقاش وتفاهم

لحد يزعل

تحياتي لكم


الساهر

[ابوتركى]

اخوى الساهر شاكرلك مرورك

ويمكن صار سوء فهم


تحياتى