المساعد الشخصي الرقمي

مشاهدة النسخة كاملة : محمد بن نحييان السفراني

مشغول
13-06-2005, 02:35 AM
معروف بن نحيان بفروسيته وقوته وشجاعته ومن ذكره الناس تهابه وتحبه الفتيات
وكانت في فتاه متعلق قلبها فيه وتبي تشوفه وفي يوم من الايام تصوب بجرح واسعفوه ابناء عمومته
وعرفوه انه الفارس الشاعر ونتشر الخبر ان في بيت فلان وراحت البنت تشوفه وكان اسمها (نيلة)
على النيل يعني المهم بعد ماشافته تمنت انها ماشافت الرجال لانه شين وقصير ومافيه شي زين اللى علمه وشجاعته وفروسيته وانتبه لها وسمعها تقول ياشين الرجال شيناه وقال فيها قصيده بلحظة نفسها
نيلة تناظرني بوسط الجماعه ** وشوف نيله ناظرتني بمنقود
ليتش تبارينا على الهجن ساعة * حتي تعذري وجيهنا لاغدت سود
وسلامتكم
اذ كان فيه غلط بالاسم الثاني يرجي تعديله شكرا
الخريف
13-06-2005, 05:03 PM
يعطيك العافيه اخوي مشغووووووووووول

على القصه والبيت المعبر

وحبيت اعرف اخوي مشغووووووووووول

هل للبيتين تكمله واذا لها تكمله الله لايهينك

تذكرها

ولاهنت
ffahad
13-06-2005, 06:26 PM
مشكور ويعطيك العافية
لاكن لااعتقد ان اسمة مطلق
وارجو من عندة الاسم يجيبة
معقل الخبلان
13-06-2005, 06:39 PM
اخوي

مشغول

ارجو منك تحري الدقه

هذه القصه والقصيده هي للشاعر و الفارس فراج بن ريفه القرقاح القحطاني
قرقاص
13-06-2005, 07:34 PM
الأخ العزيز مشغول

تحية طبية

القصة جيده وأنا مع الأخت دموع الشوق إذا كان فيه تكمله للقصيده ياليت تذكرها ، هذا شي

الشي الثاني أرجو التأكد من الأسم (مطلق) فأتوقع أن آل سفران خاصة والعجمان عامة ما فيهم أسم (مطلق) نهائياً ... أنا قلت أتوقع !!

مشكور على العموم وما قصرت ...

تحياتي ،،،
الباشا
13-06-2005, 07:42 PM
اولاً ليس اسمه مطلق بل محمد رحمه الله واسكنه فسيح جناته

اما عن القصه والابيات لا اعلم عن مدى صحتها ونتمى ان يفيدونا الاخوان


ويعطيك العافيه اخي مشغول وما قصرت وانشاء الله نجد عندك الكثير

واسمحلي على تعديل الاسم للفارس محمد بن نحييان السفراني رحمه الله
وليس اسمه مطلق .
مشغول
17-06-2005, 10:27 PM
الله يعطيكم العافيه دموع الشوق وقرقاص وانشاءالله اذ حفظتها لان لها تكمله بجيبها بعد السفر باذن الله شكرا على المرور
مشغول
17-06-2005, 10:31 PM
عدل اخوي افهد انا راح اسم مطلق على ابن غرة وصار لبس عندي
السالفه على محمد بن نحييان فيه من ذريتهم سعد وساكن شمال بالكويت
مشغول
17-06-2005, 10:37 PM
الباشا يعطيك العافيه على التعديل ولا فيها شي بالعكس زين عدلت الاسم شكرا
اما بالنسبه للقصيده والسالفه صحيحه وله الكثير من القصايد و السوالف مشكور يا طويل العمر
ابو ندا
17-06-2005, 11:21 PM
لا هنت يا مشغول على ما ذكرته : لفارس محمد بن نحيان
وننتظر المزيد من المعلومات عن فرسان ال سفران

!
؟
!
؟
ولا اعرف ما الذي يقولونه الاخوان والاخوات ::::::
واتمني التعديل فما قلته
وذكر القصيد من الذي قايلها
ولكن ارجع واقول : ننتظر منك معلومات عن ال سفران
وشاكرلك
مشعان
21-06-2005, 02:10 AM
هلا بالاخوان والاخوات

العقيد الفارس رحمة الله عليه وعلى جميع المسلمين

اسمه محمد بن سعد بن نحيان ال حرضان السفراني

ونسله مشعان بن محمد بن نحيان رحمة الله عليه

وابناء مشعان هم محمد وسعد ونحيان

وقصائد الفارس محمد بن نحيان كثيره ولا اجزم ان الابيات اعلاه له او لا

ولكن له قصائد كثيره

منها يوم غاروا عليهم قوم يبون ياخذون ابله وكان معه شخص من جماعته اسمه فهاد

والراعي وقال لراعي صوت للبل علشان تتبعه وقال لفهاد تكفه يافهاد فك عقال الذلول

وقام ابن نحيان يصوب عليهم ويرمي لين انذبح عقيدهم وانهزمو وقال هذه القصيده

غـــــاروا علينا وحنا ربع ٍ شويين = عيـــا عليــهم الــولي والطيبينـــي

لعيون شعل ٍ تردع مــع المقفيــــن = جاهــم ليـــن حـــادو الاولينـــــــي

يابنــت ياللــي حجاجيــرش معييــن = شمومي فهاد والله ان تربحينــــي

رجل ٍ زهمتــه وعينتـه حمر عيــن = عنـد العشاير غدا قلبـه رزينـــــي

وانا لحطيت البندق ماترمش العين = لعيون قض النهد صافي الجبيني
النائب
21-06-2005, 05:58 AM
الاخ مشغول انا اجزم ان البيت الثاني للشاعر شليويح العطاوي...والاخ مشعان جزاك الله خير على الاظافة وياليتها في موضوع مستقل..واللي كان معه فهاد الصميل وهو احد فرسان ال سفران ولكن لالاسف التاريخ ظلم بعض الفرسان الله يرحمهم ولم نعد نسمع عنهم.
مشغول
22-06-2005, 10:03 PM
مشكورين على المرور والتوضيح
وله قصص كثيره ابن نحيان الله يرحمه
ومعروف بالشجاعه والوجه الشين والقصر قصير
وله بيت يقول فيه
شين ذا الوجه مبطي وذا حاللي ** مايرد الولد شي يجيبه
وودي اني طويل غار ماجالي ** هذا ,,,
ماعرف بالضبط شنو الابيات بس سمعتها من رجال يهذري وماحفظتها
الالقصيده قديمة مره يعني قبل 17 سنه سمعها وزياده
الله يرحمهم جميعا
شكرا
الشجاع
23-06-2005, 02:04 AM
اشكركم ولولا بعض الاخطاء اللتى اتمنى انها من حسن نيه او من جهل

وتامر امر يالنائب راح احطها بموضوع كامل لعيونك

وفيه بيت كاتبه الاخ مشعان فيه غلط مطبعي او غلط منه هو


يابنـت ياللـي حجاجـيـرش معيـيـن=شومـي لـ فهـاد والله ان تربحينـي
بن شقران
24-06-2005, 04:32 AM
محمد بن حيان تزوج امراه لا اعرف اذا كانت تنتمي الى ال سفران وكانت المراه حاجرها ولد عمها وتزوجها بن حيان وزبن على الدويش امير قبيلة مطير وقضى معهم فتره طويله وعندما اردا ان يعود الى ال سفران ارسل الى احد شيوخ العجمان بقصيده: يابوفلاح ابي العوض بالجماعه يوم انهم نووا بالمراحي وجدي عليهم وجد راعي البضاعه قب السبوق (.....) مابه صبي ناشي بالوقاعه يرد منا كايدات الرماحي. وكان منصور ابن جويعد نازل عند الدويش وعندما سمع القصيده ابن جويعد قال: انا ارد منك كايدات الرماحي وانا اخو نوره . وعاد ابن حيان الى ال سفران.
الفتى المعيضي
14-09-2005, 03:31 PM
اخوي القصيده هذي للفارس شليويح بن ماعز العطاوي وهي

سلام يانيله بوصط الجماعه000وترى الكلام العذب مافيه منقود

ياليتها تبارينا على الهجن ساعه000حتى تعذر وجيهنا لاغدن سود

فالليل نسري تقل راعي زراعه000والصبح تلفحنا السمايم عن القود

وله قصيده ثانيه بعد في هلاله بس ماني حافظها ومطلعها

يافلان دونك شوشتبي هلال
فزاع
15-09-2005, 05:12 PM
الله يرحمه


ابن نحيان

ولاهنت على الموضوع
الوايلي
15-09-2005, 07:12 PM
يعطيك العافيه

على ماطرحتة
AL_BAREG
21-09-2005, 10:12 PM
السلام عليكم ورحمة الله وبركاته


اخوي النائب القصه والقصيده لمحمد بن نحيان صحيحه
ويعطيك العافيه
سندريلا العجمان
12-10-2005, 11:31 AM
يعطيك العافية