داركم لعن ابوكم لاتخلونه

[صالح الشمري]

السلام عليكم ورحمه الله وبركاته


هذه القصيدة للشاعر / عويّد القرقشي الآكثريه رجحوا سببها لآنتهاء حكم آل رشيد من نجد وحائل ، مما دعى الشاعر للتذكير بأمجاد الماضي
وان الجزيره لم تؤخذ إلا بالدم الحمر ..





راكب اللي تسوق الكور بمتونه= بنت حر ٍ عريب الساس نعماني

مثل شب أشتعال الجمر بعيونـه=السفايف يلوقن فوق الأمتانـي

أركبه يسألونك مـن يشوفونـه=قل لشمر وعد الهـرج بلسانـي

يا الطنايا حياة اليـوم ملعونـه =بالجزيرة صفيتوا تقـل جيرانـي

داركم لعن أبوكـم لا تخلونـه = مشترينه بدم أرقـاب صبيانـي

يوم كنتوا حياض الموت تردونـه=ما سكن به صديق بجلد قوماني

السطر والمراجل كيف تنسونـه=كيف الأول تحول وأنقلب ثاني

لا وعايد ولا غيـاب ترجونـه=صابرين ٍ نشوف الصبر حقراني

البنادق عليش اليـوم تشرونـه=حاربوا وأذبحوا به بعض الأركاني

درهم الشيخ والزهيـد يتلونـه=حلو قفوا الطنايا صوت فرحاني

لذته كان كثر الذبـح بركونـه=مثل نجد ٍ جرابه ذبح الأخوانـي

وكان قلتوا تهون المشكله هونـه=من تجر بالمذلـه دوم خسرانـي

أن فعلتوا عملتوا مـا تريدونـه=وأن قعتوا خسرتوا هاف بستاني

وتقبلوا تحيات اخوكم صالح الشمــــــــري

[فيصل بن حجرف]

السلام عليكم
شكرا لك اخي صالح على هذه المشاركه الجميله
وصح لسان شاعرها ولو اني اشوف انه بالغ في تصوير الوضع الحالي
وعلى العموم اسمح لي على تنسيق القصيده ونقلها للمكان المناسب

[أحمد عوض الأسـلمي]

وهناك أيضاً القصيده المعروفه للعوني علي لسان بن رشيد .. يينخا شمّر
للقُدوم إلى حـائل لمُناصَرة الأمير ( سـعود آل رشـيد ) أو "سعود الخشم "
والتي ساذكر لكم منها أول اربع أبيات منها .. وهي :


راكب فوق حرٍّ يذعره ظلّه=مثل طير كفخ من كف قضّابه
ماحلا فزّته والخرج زاهٍ له=والميارِك علي متنه تثنّى به
من سكاكا ترحل واترك الذلّه=واحذر الخوف هاجوسك تهنا به
سر لشمر وخبِّر لابِتي كلّه=لابتي بالملاقا حيّ من لابه


اختيـارٌ رائـع يا :

[ صـالح الشـمّري ]

بإنتـظارِ جـديدك يا ابن العم

[الباشا]

هلا فيك وبمشاركتك الرائعه

وعفاك الله على ما جلبت لنا

وصح السانك انت