السعودي يقول نحنا هنا

[محمد بن جنيد]

سلاااااااااااااااام علااااااااااااااااااكم

فاز المتخب السعودي على المنتخب الكويتي

3-0

الهدف الاول والثاني للشلهوب والثالث سعد الحارثي

وبعد طرد لاعبييين من المنتخب الكويتي


تحياتي
مراسلكم من خلف التلفزيون (( فوق السطوح :) ))
ابوساره

[تايه الغربه]

الله يعيطك العافيه يا ابو ساره والف الف مبرووك لصقوورنا الخضر
ونحمد اللـــــــــــــــه جت على ما تمنى .. :):)
وهاردلك لجماهير الازرق الحبيبه

بصراحه احييييييييي شهاااب كنكوني

[محمد بن جنيد]

الله يعافييك ياتايه
والله لولا كنكوني كان صارت علوووم بس ربي ستر عليهم
اجل ذا منتخب يبي يروح كاس العالم هههههههههههههههههههههههههههههههههههههههههههههههههه ههههه ومسوين زحمه والشارع فاضي الله يخارجنا بس
على العموم عقبال المانيا
شاكر لك المرور والرد السريع :)

[مهرةٍ اصيلة]

هـاردلـك للأزرق .. كفيتـوا ووفيتـوا فديتـكم ..



وألف مبـروك للمنتخـب السعـودي ..


مع كل الود ..
http://www.alakhela.com/up/31/User1234.gif

[الباشا]

يستاهلون الصقور الخضر على الفوز المستحق

كفو واوفوووو

كل الاهداف جميله والهدف الثالث روعه من الحارئي

الف مبرووووك لمنتخبنا الفوز الغالي الذي اصبح على

بعد خطوه للتأهل لمونديال المانيا والاربعاء انشاء الله

نحتفل للتأهل رسمياً .

[محمد بن جنيد]

هلا بكم جميعا
ومااننسى هارد لك يالازيرق كفيت ووفيييت والله يعيطهم العافيه

شاكر لكم مروركم

[N a j L a]

وعليكم السلام والرحمه

ليلة حالمة بنجوم خضراء اقتنص جمالها الشلهوب والحارثي هذا المساء
،
بكل صدق الازرق لم يكن حاضراً الليله ولم يؤدي ماهو متوقع منه باستثناء شهاب كنكوني
الذي كان يعتبر منتخباً بحد ذاته ويستحق ان يُحتفى به على الدوام.
،
اخطاء الدفاع كانت كثيره للاسف وتغييرات المدرب لم تكن في صالح الازرق واركز على خروج بشار الذي لم يكن في محله البته!
*
هاردلك للازرق ولعشاقه ،
مبروك للاخضر والذي كان في صورة مشرفه اتمنى ان نرى مماثله لها
الاربعاء القادم .
،
مصرقع مبروك لك وللجميع ودمتم جميعاً بألقٍ كهذا

[اطياف الماضي]

الف الف مبروك ويستاهل الاخضر :)

هاردلك للازرق

[جيــر]

تمنياتي للمنتخبين بالوصول لألمانيا لكن اسمحوا لي الفوز سعوووووووووودي وتذكروا لاعب اسمه سعد الحارثي شوفوا وش بيسوي بشهاب كنكوني

^
^
^
^
هذا رد لي في احد المواضيع اللي سبقت اللقاء :D

[أحمد عوض الأسـلمي]

لم يُحلّل المُباراة سِوى الأخت ( نجـلاء )

كلّنا شفنا المُباراة .. الأزرق لم يكُن حاضِراً كما قالت الأخت نجلاء .. لعدّة أسباب :

* دائماً ما نُركِّز على ( الوسط ) فهوَ المُموِّل وهوَ الرّابط وهوَ الإشعاع في الملعب .

فغِياب لاعِب الوسط المِحور والمسدّد وصانع الألعاب في المُنتخَب الكويتي لهُ الأثرُ الواضِحِ

على مَجرى وسَير المُباراة وتغذِيَة المُهاجِمين بالكُرات ، ومُساعدتهُم بالهُجوم .

* وُضوح غِياب الرّوح المعنويّه

* دُخول المُباراة بنفسيّه مُنخفِضه .. الأمر الذي طُرِد لاعِبان وأُنذِرَ آخَرون !

* وُضوح الفارِق اللياقي والمَهاري

* تشتُّت أذهان اللاعِبين .. وخُصوصاً لاعِبو الدِّفاع

* ضِعف الجِهاز الفني .. ( مَن مِنّا لاحَظ فرَضِيّه وُجود خِطّـه .. هههههه ) ؟!!

* تزمُّت الجِهاز الإداري ( الفاشِل ) بتصميمِه على التعاقُدِ معَ مُدرِّبِين .. لا تاريخَ لهُم !!

* مِن تراخَص اللحمَه .. خانته المرِقَه .. وهذا الذي عُومِل بِه المدرِّب الوطني

( محمّد إبراهيم ) !



نتمنّى جميعاً التوفيق للمُنتخبَيْن الشقيقيْن التأهُّل سَويّةً في مِبارَتيْهِما المُقبِلَتيْن ،

كما نرجو اللهَ أن يُوفِّق المُنتخبات العربيّه الأُخرى




فاصــل وسـط :
--------
بعد هذهِ المُباراة .. رجَعْنا للوراء وتذكّرنا : ناصر الغانم / فهد الهريفي / عبيد الشمري /
المصيبيح / نوّاف التمياط / مَسعد / التيماوي / البلوشي .. ولا أدري لماذا تذكّـرناهُم !!!!!
فقط نترحّم على أيّام زمان .. وأمجاد زمان !!
* * *

[Aziz]

مبروك

[الخريف]

الف الف الف الف الف الف الف الف مبروووووووك للمنتخب

لعب واثبت جدارته في المباراه وعقبال المانيا

وهردلك للا رزرق

[محمد بن جنيد]

الازيرق عنده اخظاء والا ماعنده هذي مصيبتهم لحد يشتكي
وبعدي قبل المباراه مذيع الاوربت سئل الشيخ رئيس الوفد الكويتي توقعاته عن المباراه قال حنا جاايين نبي نفوز ويأكد هالكلام والمصيبه يقولها بثقه واستهان بالمنتخب السعودي لما قال ان السعوديه ماعندها منتخب على مستوى
ورد عليه الامير نواف قال كلمتين لما سأله المذيع نفس السؤال قاله في الملعب
والملعب شهد علىكلامه
واذا السالفه على احظاء الدفاع كان على الاقل هاجموا وهل اذا طاح الدفاع طاح الهجوم
وبعطيكم مثال على كلامي البرازيل بطلة العالم دفاعها افشل دفاع على كوكب الارض ومع هذا الي فايده الهجوم والوسط
لحد يقولي احطاء دفاعيه ومن هالخرابيط لاعبين الكويت داخلين الملعب وبثقه زايده عن اللزوم
وجايهم حقهم وزياده وبالعكس منتخبنا داخل بروح عاليه ومااستهانوا بالمباره مثل الي صار مع الكويت
يعني فوزنا مستحق وبجهد لاعبين ومش اخطاء دفاع

[za7ef]

هذا الاخضــــر جــآكم يا شقــى مرماكــــــــم

الــف مبــروك .. للمنتخـــب ....وعقبـــآل ألمــآنيــآ للمــرة الرابعــه ع التوالــي ... بس فيـه واحد بالمنتــدى قلت لــه ..عن سـ ع ــد الحــآرثــي <=-=- ;)


وإن شــآء الله الاخضـر .. والازرق.. الى المانيـــآ ......

[ذكرى]

جاكم الاعصار ماشين يعيقه
منتخبنا اليوم وخر عن طريقه
.
.
http://www.alarabiya.tv/staging/portal/Archive/Media/2005/05/23/0055341.jpg


.مبروووووووووووووووووووووووووووك
مبروووووووووووووووووووووووووووووك
الف الف مبروووووووووووووووووووك
كانت مباره جدا رائــــــــــــــــــعه
والاروع الجمااااااااااااااهير
وهتفاتهم الجميله
والحمد الله الكل طلع مبسووووووووووووووووط وفرحاااااااااااااااااااااان
.
.ومعليش يالازرق........ هاردلك............
.
.

[صبي عبيده]

أنا صراحه ياجماعه ودي أكتب وودي أشارك معكم في الموضوع لكن بكل صراحه وبكل موضوعيه أقدر أختصر كلامي بكلمه لكني بقول غيرها كثير لأن ملاحظاتي الله يحييني كثيره ماتنحصر بعدد وأقول ( مايصح إلا الصحيح ) بقولكم لقطات من المباراة يمكن تكون موضوعيه في نظر البعض لكن هذا الواقع الي صار :

1- ترددت إشاعات عن عدم وجود حارس لدى المنتخب السعودي وأكتفو بعشرة لاعبين فقط وذلك لعدم الشعور بالحاجة لحارس مرمى وإعتقاد المنتخب السعودي بأن المباراة على مرمى واحد ولكن سريعاً ماتلاشت الإشاعات بظهور الحارس مبروك زايد الدقيقه 37 الشوط الأول لما كان المخرج يبغى يوري الجمهور كيف شكل المرمى السعودي وكيف شكل تمريرات الكويتي عليه وكان الهجوم السعودي يبغى ياخذ راحته شوي ويرجع يهدف مره ثانيه وزاد هالشيء تصريح لمصدر مسئول أن مبروك زايد بعد بداية المباراة نسى جواله في غرفة تبديل الملابس مفتوح فأضطر أنه يروح يصكره ويرجع بعد ماشاف أن المباراة تحولت على مرمى واحد .

2- يقولك سامي الجابر ( ودي ألقبه بلقب لكن وربي أقلل من قيمته لأنه فعلن سامي ) بغى يوري الجميع أنه سامي الجابر وأنه لايمكن مقارنته بأمهر لاعبين الكويت ويقولون أن وزارة المواصلات في طريقها لوضع الأسفلة في الشوارع الي سواها سامي الجابر في ملعب الملك فهد ( الله يحفظه ) الدولي بمنتخب الكويت ياخي معليش لاحظو معي بس لاعب عمره 36 سنه ماشاءالله تبارك الرحمن ويراوغ مراوغات يغار منه رونالدينهو فيها ياخي أتمنى من إدارة المنتخب السعودي ثاني مره إذا بيلعبون مع الكويت تخلي سامي الجابر ومبروك زايد والمنتشري والشلهوب والخثران يتفاهمون معهم ولاتزيد عن هالاعبين أحد ويمكن التخلي عن مبروك زايد بعض الأوقات لعدم الحاجه لأن سامي بيسوي شوارع والشلهوب بيشلهبها والبقية تأتي فلو سمحتو ترى عيــــــــــــــــــــــــــــــــــــــــــب تلعبون مع المنتخب السعودي

3- التأهل للمونديال قادم بأذن المولى عز وجل لكن عندي طلب صغير من أتحاد الكويت أنهم يحاولون يجمعون أشرطة مباريات المنتخب السعودي قد مايقدرون أي شريط للمنتخب من أنشئ حتى الآن ويدرسونه في المدارس عندهم لعل وعسى يتأهلون لكأس العالم 2018 بشرط أن وليد علي يحولونه لمدرب في أحدى النوادي الصحية عشان يدرب الي يبغون يتعلمون فن التنرفز بسرعه ويساعد الطلبة في كيفية الحصول على إنذار قبل ماتبدأ المباراة بعشر دقايق لوجود شهادة دكتوراه في فن الطرد عنده
4- ياجماعه كلامي قلتلكم كثير لكن فعلن النقاط الي لازم أعلق عليها كبيره بكبر حجم فن وروعة ومهارة وإبداع ( سام 6) فياليت الإنفصال ( الإتحاد ) الكويتي وبالتعاون مع نادي الهلال يقيم دورة في نادي الهلال مع فريق الأشبال في النادي لتعلم مهارات كرة القدم وتكون بأشراف سامي الجابر وأنصح ( نواف المطيري ) أنه يكون أول واحد يدخل الدورة وياليت يجيب محمد جراغ ( يقولك أنا طردة لاعب بذكائي ) يمهل ولا يهمل وياشماتت أبله تيزه فيكم يالمنتخب الكويتي .

ياجماعه تعبت من الكتابة فبليز لاتفتحون موضوع الأخضر و ( الأصيلع ) مره ثانيه لأن ليس هناك مقارنه أولاً ثانياً الحديث ذو شجون في هذا الموضوع لمافيها من إبداعات وأخصها ( بهدف يوسف الثنيان ( النمر ) في مرمى الفضلي الي يقول بنفسه أني نسيت المباراة وجاتني حاله نفسيه بسبب الهدف ) فلو سمحتو ودو لاعبينكم أقرب مصحه أفحصو عليهم خاف يكون صاب أحد منهم شي بسبب السعوديه وجماهيرها

والله ولي التوفيق ( صبي عبيده ) أبو سامي

[محمد بن جنيد]

هلا والله اخوي
زاحف الله يسمع منك الاخضر والزرق لالمانيا
شاكر لك يالغالي

[محمد بن جنيد]

ذكرى

شكراً على المرور والرد

[محمد بن جنيد]

ارحب ياصبي عبيده

والله تعليقاتك اكثر من رائعه
الله يعطيك العافيه ولاهنت على الكلام الرائع

ولكن لا يضل المشوار لالمانيا طويل ويوم الاربعاء هو الي بيحدد المـتأهل رسمياً

تحياتي للجميع واتمنى تأجيل هذي الاحتفالات الى نتأكد من تأهلنا الى كاس العالم :)
وانشالله يوم الاربعاء بنحتفل

[خالد 11]

مبروك لاخضر الفوز


ولاكن اخي العزيز مصرقع

تدري انا كوتي بس دائما اتمنى في اي مباراة تكون بين الازرق والاخضر بالذات ان الغلبة تكون للأخضر عارف ليش ما هو حب للأخضر بس علشان لما نسافر ما نتعطل على المراكز الحدوديه
انتو مشكلتكم انكم ما تبون احد يفوز عليكم يس عادي هذي رياضة والفوز يكون له اسباب عده
منها ..........
1) الجمهووووووووووووووووووووووور وانت شايف جمهوركم الحاضر في المباراة
2) الحكم وانت وانا شفنا الحكم وشفنا انحيازه التام والواضح لكم كما عهدناكم تدفعووووووون للحكام
3) احنا اصلا ما عندنا لاعبين وسط علشان نلعب ذاك اللعب
4)الارض والجمهووووووووووووووور اكدا تردي معنويات الازرق
5)مكان المباراة وين كان وليش تغير وليش ما صار في الدمام مالك امل يحطونه بالدمام


المهم مبروك الفوز

بس اذرك المنتخب الكوتي هو الي دلكم لطريق كاس العالم لاتنسى اخي العزيز
ولا تنكر فضلة عليكم وانا وانت نعرف جيدا ان المنتخب الكويتي تاريخه كبير واكبر من الكلام الموجود في المنتدي من الشباب وردودهم الغير لائقه في حق الازرق بس علشان تتذكر مش تعرف لئنك عارف والكل عارف هذ الشيء

واخيرا اقول (كما تدين تدان)

واقول مره ثانيه مبرووووووووووووووك للاخضر واتمنا الفوز له في المباريات القادمه

[خالد 11]

مبروك للاخضر الفوز


ولاكن اخي العزيز مصرقع

تدري انا كوتي بس دائما اتمنى في اي مباراة تكون بين الازرق والاخضر بالذات ان الغلبة تكون للأخضر عارف ليش ما هو حب للأخضر بس علشان لما نسافر ما نتعطل على المراكز الحدوديه
انتو مشكلتكم انكم ما تبون احد يفوز عليكم يس عادي هذي رياضة والفوز يكون له اسباب عده
منها ..........
1) الجمهووووووووووووووووووووووور وانت شايف جمهوركم الحاضر في المباراة
2) الحكم وانت وانا شفنا الحكم وشفنا انحيازه التام والواضح لكم كما عهدناكم تدفعووووووون للحكام
3) احنا اصلا ما عندنا لاعبين وسط علشان نلعب ذاك اللعب
4)الارض والجمهووووووووووووووور اكدا تردي معنويات الازرق
5)مكان المباراة وين كان وليش تغير وليش ما صار في الدمام مالك امل يحطونه بالدمام


المهم مبروك الفوز

بس اذرك المنتخب الكوتي هو الي دلكم لطريق كاس العالم لاتنسى اخي العزيز
ولا تنكر فضلة عليكم وانا وانت نعرف جيدا ان المنتخب الكويتي تاريخه كبير واكبر من الكلام الموجود في المنتدي من الشباب وردودهم الغير لائقه في حق الازرق بس علشان تتذكر مش تعرف لئنك عارف والكل عارف هذ الشيء

واخيرا اقول (كما تدين تدان)

واقول مره ثانيه مبرووووووووووووووك للاخضر واتمنا الفوز له في المباريات القادمه

[المسفهل]

ارجوا الاحترام و عدم التجريح

[محمد بن جنيد]

1) الجمهووووووووووووووووووووووور وانت شايف جمهوركم الحاضر في المباراة
2) الحكم وانت وانا شفنا الحكم وشفنا انحيازه التام والواضح لكم كما عهدناكم تدفعووووووون للحكام
3) احنا اصلا ما عندنا لاعبين وسط علشان نلعب ذاك اللعب
4)الارض والجمهووووووووووووووور اكدا تردي معنويات الازرق
5)مكان المباراة وين كان وليش تغير وليش ما صار في الدمام مالك امل يحطونه بالدمام[/color]


المهم مبروك الفوز

بس اذرك المنتخب الكوتي هو الي دلكم لطريق كاس العالم لاتنسى اخي العزيز
ولا تنكر فضلة عليكم وانا وانت نعرف جيدا ان المنتخب الكويتي تاريخه كبير واكبر من الكلام الموجود في المنتدي من الشباب وردودهم الغير لائقه في حق الازرق بس علشان تتذكر مش تعرف لئنك عارف والكل عارف هذ الشيء

واخيرا اقول (كما تدين تدان)

واقول مره ثانيه مبرووووووووووووووك للاخضر واتمنا الفوز له في المباريات القادمه


الله يعطيك العافيه يا الغالي
حبية اعلق على ردك
1- تقولي جمهورنا تراه جمهوركم مهوب احسن من جمهورنا واكبر دليل المباراه في الكويت شوف شنو سوتوا ياغالي ومانبي نفتح ملفات
2- وتقول الحكم منحاز وبعد دافعين له الله يصلحك اخوي ترى حنا ماسكين المباراه قبل مايصير طرد لاعبينكم والظاهر انك ماشفة المباراه عدل
3- تقولي ماعندكم لاعبين وسط والله يالغالي هذي عاد مشكلتك لاتشكيلي :)
4-تقولي مكان الملعب ليش بالرياض اكيد يالغالي استاد محمد بن فهد بالدمام ما يشيل 70000
وبعدين شوف موقع استاد الملك فهد بنص المملكه يعني كل السعوديه المفروض تحضر لو الدمام ماجا كل هالجمهور

واخيراً ترد وتقول ان لو تأهل منتخبنا الكويت لهم الفضل علينا
ياحبيبي وش سوى المنتخب الكويتي امانه عليك غير كان ينافق قبل المباراه ويوم لعب ويانا بانة علومه
يارجال خل عنك هالسوالف المباراه انتهت ولولا كنكوني كان حطينا الدرزن يا الغالي
وبعدين انجازات الكويت صارت ماضي وعيب انكم تفتخرون فيها لانها اساسا ماتعدة الخليج كلها بطولات خليج وهل هذي بطولات تسمونها وبعدين لو تجي تسوى مقارنه بين السعوديه والكويت ترى انجازاتنا اكثر اخذنا كاس اسيا واخذنا كاس العالم للشباب وغيرها وغيرها
وياليت يالغالي انك تشوف المباراه وتشوف لاعبينكم الي جايبينهم من حلبات المصراعه والملاكمه

[محمد بن جنيد]

هلا وغلا يالمسفهل

حياك الله يالغالي
شاكر لك المرور والتعليق

[za7ef]

يرجوا الاحترام في ردودك مره ثانيه.....

[Aziz]

المباراه خلصت ,, ونقول مبروك للفائز وهاردلك للخاسر ,

وماله داعي نقلل من فوز الاخضر ولا نجرح الازرق ,

الاخضر لعب وفاز مستوى ونتيجه , والازرق ماتوفق وخسر ,

وماله داعي تصير حزازيات بين الاشقاء ,

كل فريق له تاريخه وكل فريق له ظروفه ,,

وفيه احد من الاخوان قال اي تاريخ للازرق ..

1_ بطل الخليج بلا منازع

2_ اول فريق عربي يصل لنهائي كأس أسيا سنه 76 بايران

3_اول فريق عربي يأخذ كأس اسيا سنه 80

4 _ اول فريق عربي يتأهل كأس العالم عن أسيا

5- اول فريق عربي يتأهل الى اولمبياد موسكو سنة 80

وكانت الفرق على مستوى الفريق الاول قبل النظام الجديد ,

وكانت مجموعتنا تضم كولمبيا , تشيكوسلو فاكيا , ونيجيريا

وفزنا على نيجيريا 3-1

وتعادلنا مع كولمبيا 1-1

وتعادلنا مع تشيكوسلو فاكيا ايام عزها 0-0

وتأهلنا الربع نهائي وخسرنا من البلد المضيف 2-1
,,,,,,,,,,,,,,,,,,,,,,,,,,,,,,,,,,,,,,,,,,

هل تنكر كل هذا التاريخ , اذا تقولي كانت دول الخليج مشغوله بالغوص هذي

مشكلتكم مو مشكلتنا قولي العراق كانت مشغوله , ايران كانت مشغوله كوريا

الجنوبيه كانت مشغوله استراليا كانت مشغوله طالع مجموعتنا في موسكو قولي

مشقولين بعد , لا يا حبيبي لا تقلل من الازرق ,

لكن الازرق دمروه ابناء الاسره الحاكمه اللي سيطروا على الرياضه .

والاخضر صحى بعد الاهتمام وقام يحقق البطولات واحده تلو الاخرى ,

يعني مافيه حد افضل من حد الازرق كان هناك اهتمام فيه وكان يحقق بطولات

وله صولات وجولات وبعدين خف الاهتمام وخفت البطولات والاخضر العكس ,

بس انا اقولك الازرق يمرض بس ما يموت

تقبلوا فائق احترامي ,

[كويتيه]

الف مبرووك فوز الاخضر.. صراحه كانواا يستاهلوون الفووز...


صبي عبيده..:) اتمنى انكم تتاهلوون حق المانياا تدري ليش..:) .. عشان اضحك على منتخبكم مثل ما انت قاعد تضحك على الازرق الحين..
انا معترفه انه فريقناا ضعيف.. و مومايستحق انه يتاهل للمنديال..
بس انتوا فريقكم بعد مو ذاك القوه اللي يقدر يباري فيهاا فرق عالميه..:) من جذي انا اتمنى انكم تتاهلوون عشان اتفرج..:)

[خالد 11]

اخي العزيز مصرقع
لا تصرقعنا
ترانا خسرانين وموناقصين ههههههه
اسمع زين و فكر عدل الاخضر لو يتأهل تضن اني اشجع فريق غيره لو ان الازرق ما تأهل والاخضر تأهل نحنو ملزووووومين بتشجيع الاخضر عارف ليش لانه ايضا فريقنا الثاني
فهمت يالمصرقع
ولاتكثر حكي زايد يالله سلام

[اليامي]

وابشركم تأهل الاخضر

[محمد بن جنيد]

هلا وغلا يا زاحف والله مدري منو تقصد يالغالي :)

[محمد بن جنيد]

اخ عزيز
السموحه منك ياالغالي
المنتخب الكويتي له انجازاته وله بطولاته وحنا ماننكر هالشي
وهاردلك الاربعه صفر :)

[محمد بن جنيد]

هلا وغلا ياكويتيه عاش ما شافش يا الغاليه

اسعدني مرورك
ماشاء الله عليش من هالحين متجهزه للشماته هههههههههههههههههههههههههههههه

شاكر لش مره ثانيه

[محمد بن جنيد]

هلا وغلا اخوي خالد

والله هي الهقوه فيك يالغالي ومانختلف تراها سوالف وتعدي ولاتشيل بخاطرك :)
والكوره تروح ونبقى عيال عم :)

تحياتي لك يالغالي

[محمد بن جنيد]

ارحب ياليامي

ومبروك التأهل