قرب الصيف ... تــذاكــر مجانيـــــه

[العبرةالحائـرة]

قرب السفر ...

فالسفر أهو السلاح الوحيد الذي يطلعنا من بلاوي الشغل ومصايب الدنيا..

كلنا ننطر فترة الصيف

بس تخيلوا اتصير لكم مشكلة في بداية السفر ..

وقتها راح تقول ..:confused:

أكيد أمك داعيه عليك .. ولا الحبيبه تبيك ادق الثقل وما اطالع غيرها ... :cool: ...


بقولكم شنو صار حق مديرنااااا بآخر جم سفره له ....

لنا الله ( سفره وحده بطراره وديون ) يالله نكمل ...


حاجز بالخطوط الجوية الكويتية ... وشووووفوا الخدمة العجيبه اللى عندهم نبدااا ..


تخيل ... تحجز قبل سفرك بأسبوع ... وتوصل للمطار ويقولون لك ...


أن اسعار التذكرة ارتفعت ولازم تدفع الفرق ولا ما اتسااافر ..

( ما صدقنا انه يسافر .. تردونه لنا ليش ؟؟) :(


المهم ... دفع الفرق .. وركب الطياره ...

الاخ طبعا حاجز بالدرجة الاولى ... مدير بعد .. تبونه يقعد على الجناح ولا المروحه ...

طلعت هيلوكبتر مو طياره ما علينا نكمل ...


وصل حق الكرسي ولا يلاقي .. واحد كاشخ .. وماخذ راحته .. وقاعد على الكرسي ...


ولا يقوله لو سمحت هذا مكانى ... لو وحده جان عادى قسم الكرسي بينه وبينها :D

بس المصيبه أنه واحد فنشب له وطلع رقم الكرسي .. عند الاثنين .. يعنى الاثنين حاجزين نفس

الكرسي ... بس طبعا .. المدير حاجز من قبل أسبوع .. والأخ القاعد ...

حاجز من جم يوم تقريبا .. ( يعنى شنوووو ... :cool:؟؟؟ وااااااااسطـه )

نحلت المشكلة ولقوا له كرسي .....نكمل

رحلة كانت مدتها ثلاث ساعات أو اربع ساعات تقريبا .. يعنى مو معقوله أنك ما تاكل ...

طلب أكل نباتي .. ولا ما يلاقي ألا لحم .. وسمج .. ودجاج ... ( اهنيه وصل حده ..:mad:. عصــــــــــــــــــب )

تحججوا أن لازم يحدد الطلب هذا يوم يحجز التذكره ... المصيبه أهو ما ينقدر عليه

محدد الطلب هذا ومعاه ورقه من الخطوط نفسها .. مطبوع فيه هالطلب ( أكل نباتي )

جاك الموت يا تارك الصـلاة J مالقيته اجذبوووووون الا مع هالشخص J:D

ويرجعون ويقولون له ما وصلنا علم بهالشي هذااا ...

والأهم من هذا كله .. وصل للديره اللى اهو مسافر لها بسلام ...

سفـره ثانيـه له ... على نفس الخطوط ( الجوية الكويتية ) ما تبت بعد :rolleyes:

( الظاهر وحده من المضيفات على هالخطوط عاجبته ... ويبي الاخ يضبط :D )

تعطلت الطياره فيه لمدة ساعتين .... لا تخافون ما تعطلت بالجو

( يا ليتها تعطلت بالجو .. وشوي دخل الخوف قلبه ... خلوه يحس بالرعب اللى مسويه فينااا :p)

تخيلوا ليش الطياره ما طارت ؟؟؟ :confused:


عشان نفس المشكلة اللى صارت له بالسفره اللى قبلها .. بس الحمدالله مو معاه مع شخص ثاني

ما لقى مكان له وعايلته ... وكان حاجز بعد بالدرجة الاولى ...

بس هالشخص عاند وما رضى يغير مكانه ...

ملزم يقعد بالدرجة الأولى ... وبعد ساعتين ...

دبروا له مكان اهو ومريته بالدرجة الأولى والعيال يابوهم رفس :D


بالدرجة االأميه ( عفيه اهل كاشخين بالدرجة الأولى واللى يقول اللى معاهم مو عايلهم


عيال الهنديه :eek: )

المهم .. فوق الخدمة الحلوه اللى تقدمها الخطوط .. ارتفعت اسعار التذاكر الحين ..

بس ودى اعرف على شنووو ؟؟؟:(

عشان حنا الفقاره قلنا نبي نسااافر (:


شمعنا اسعار الحجز بره الكويت ارخص بوااايد .. وحنا ما شاء الله علينا أهل خير ... والتذاكر شابه نار


( ميته قهـر ) متى يا ربي اصير عندى خطوط .. وخلي السفرات كلها مجانية ( لا صدقون ;))


واتمنى حق كل واحد منكم يقضى احلى صيف باحلى ديره وانا شكلى بقضيها بالحر هذااا :(

[(_. ._)]

http://www.mjaaree7.com/vb/images/smilies/biggrin.gif المهاجره اجل تبين تهاجرين بالصيف http://www.mjaaree7.com/vb/images/smilies/tongue.gif
بعدين الكويت صيفه احلا صيف ماتشوفينهم مزودين مواصير الماي بالحديقه المائيه http://www.mjaaree7.com/vb/images/smilies/cool.gif

[العبرةالحائـرة]

ههههههه .. اسعدني مرورك يا مجاريح العجمي


بس آنا زعلانه منك حيل .. وين البطاقة ؟؟؟؟

[عجمي ولي الفخر]

هههههههههههههههه تسلمين يالمهاجره على هالقصه الحلوه منش :)

وخليش انتي بالكويت معانا يعني وين تبين تروحين الحر ورااااش ورااش (0بس الله يسلم السنترااااال والمكيفااات الي مبرده علينا ولا كان رحنا فيها من الحر كان سحنا لوووووول ))

نيهههههههههاي

ومشكووووووووره وما قصرتي والله
:) :) :)

[العبرةالحائـرة]

اسعدني مرورك ،،، لا عدمنا منك

[admin]

هاهاها ترى هالكلام صدق يعني لحد يقول المهاجره تبالغ بالموضوع ويا مديرها ترى والله افشل خطوط اهي الخطوط الكويتية بالوقت الحالي لو نشوف دول الخليج ماشاءالله طيرانها يضرب فيه المثل

والله انا اتذكر سفره لي وكانت علي الطيراني السيلاني ومجبور وقتها والله ابرك من الكويتية طلعت ولو تحصل لي وقت ثاني ماراح اسافر الا عليها


ومدام هذي الخطوط الكويتية بهذا الشكل نسوي اعتصام السنه هذي ولحد يسافر :)



شكرا يالمهاجره لك
وبإنتظار رحله سعيده للمدير

[العبرةالحائـرة]

مشكور اخوي ابو خالد ،، أول مره أشووووف رد لي على مشاركاتي


بس علمنى منو قال أنى ابالغ :confused:


اللى يقول ابالغ يروح يحجز عند الكويتية ويشوف شلون ارتفع سعرهااا


من حلاتها يرتفع سعرهااا ،، عيل تذكرة دبي 150 الحين مادري جم

بس بعرف شلون قدرت اتسافر الله يهديك على الطيران السيلاني ... والريحة الله يهديك


وايه وانا بسوي اعتصمام ... وبقعد بالحر

لو بيدي أسافر حتى لو على الكويتية راضيه المهم اسافر :)

[العبرةالحائـرة]

يعني ما تبون ... تذاكر مجانية

[حظه منسدح]

الاخ طبعا حاجز بالدرجة الاولى ... مدير بعد .. تبونه يقعد على الجناح ولا المروحه ...

طلعت هيلوكبتر مو طياره ما علينا نكمل ...


( ميته قهـر ) متى يا ربي اصير عندى خطوط .. وخلي السفرات كلها مجانية ( لا صدقون )


آميـــن المهااجره ((لاتصدقين http://www.alajman.net/vb/uploader/093.gif))

مشكوووره المهااجره على هيك فلم

وربي روووووووووووووعه

لاتحرمينا من جديدك

ومن ناحيه التذاكر شكلي مايحتاج تذكره لاني افضل السفر برا وعلى ناقه تكون فور باي فور

وبيني وبينك احسن مكان علشان تفتك من الحر وبدون خساااير ووجع راااس

خليكم مثلي هذا مكاااني المفضل
http://www.alajman.net/vb/uploader/123_2.gif

ههههههههههههههههههههههههههههههههههههههههههههه

سلملم

[العبرةالحائـرة]

أي فيلم ... هذا واااقع ...


الافلام .. انت بس اللى يقدر يسويهاااااااا ..


ولا يحرمنا من جديديك يابو فزعه .. بس اسنانك شي

[حظه منسدح]

قل اعوذ برب الفلق

شكلي بشوووه وجهي وبكسر اسناااااني

<<<< مسوي فيها يموه

ههههههههههههههههههههههههههههه

هذا وانا كنت بعطيك نااقتي الفور باي فور

http://www.alajman.net/vb/uploader/hgjfd.jpg


الحين هونت

رااحت عليك

ههههههههههههههههههههههه

سلملم

[العبرةالحائـرة]

شالناااااااااااقه ههههههههههههههههه


عجيبة وربي

[ليالي]

ههههههههههههههههههه

المهاجره

خلاص انا بسوي اعتصام وياكم (لانه مو حاصلي ):D

واذا صار عندج خطوط طيران لا تنسينا بالتذاكر المجانيه

بس مو تسوين مثل هالخطوط الجديده اللي كل شوي طالعه وحده وتذاكرها رخيصة وكل شوي نسمع طياره طاحت :(

اقووووول حر الكويت احسن

[العبرةالحائـرة]

هههههههه ... حر الكويت احسن

[اليامي]

..... يا خوك أشوف الصيف بانت مواريه
والناس قامت تختبط بالجوازات .....
..... قص التذاكر واكد الحجز يا هيه
اليا متا واحنا نتابع عربسات .....
..... احدن قعد في نجد والقيظ يشويه
واحدن يحذف ثلج بخد الجميلات .....


هـــاااااااااااي شبابز

شو هالموضوع الحفله :eek:


تشكرات كثيرات خيتو مهاجره

[العبرةالحائـرة]

صح لسانك ياخوي اليامي .. يابو الجميلالالالالالات


اسعدني حيل مرورك ...

[شــ البــدرــاعر]

المهاجره :
.
.
موضوع رائع
بس وين التذكره المجانيه>>>>>>:D
.
.
المهم : كلامج صحيح عن الخطوط الكويتيه
صارلي موقف معهم ماني قادر أنساه
.
.
نصف ساعه وأنا واقف بالطياره
تدرين ليش::mad:
قاعدين يحاولون
يلقولي كرسي
هههههههه .....
كنت حاجز درجه أولى
ولما دشيت الطياره
لقيت وحده رازه بالكرسي
أثر الحبايب معطينها الكرسي
ومعطيني نفسه
.
.
المهم بعد الهوشه
والصراخ
.
.
دبرولي كرسي
آخر الطياره
..
..
وقبلته غصب لني كنت
مسعجل ورحلتي ضروريه
.
.
.

[العبرةالحائـرة]

اسعدني مرورك أخوي بـدر ..

أنت الوحيد اللى أنتبهه للتذاكر المجانية وطالب بحقه ...

بس جيت متأخره .. انفذت الكمية اللى عنــدي :)

انزين يوم شفت وحــدة ،،، ما قلت ذوقياااً أنك تتنازل

وتعطيها الكرسي من غير صراااخ

بس الظاهر .. هالوحده طلعت جيكــره :)

[شــ البــدرــاعر]

المهاجره:
.
.
خلـّـي عنج الأعذار >>>>>>>>>:mad:
أبي التذكره تراي مفلـّـس وماصدقت خبر شفت الإعلان وجيت
أركض>>>>>>>مامنه فكه>>>>:p
بعدين إذا ماعندج سوي مثل الخطوط وعطيني
تذكرة حظه منسدح ... أدري أنا هو بيروح
الصيف هذا يم الأبل بالسعوديه....هههههههه
بعدين ماشاء الله عليج عندج فراسه
عرفتي إنها جيكر اللي أخذت الكرســّي
والله كنج شايفتها وزودج من الشعر بيت
بطـــــه بعد وخاله ههههههههههههه
.
.
.

[العبرةالحائـرة]

هاهاهاهاهاها ،،،


آنا لو منك ... حاذفتها من دريشة الطيــارة


والله ياخوي انفذت الكمية وانشااله بالصيف القااادم


بس أنا شفت عرض من الوايلي ... طيارة خاصة ولا بالاحلام

جرب حظك عنده ،،، يمكن لعل وعسى يضرب معاك الحظ


واطير بطيارة الوايلي ... انا قدمت طلب عنده وللحين ماجاني الرد