تسجيل الدخول

مشاهدة النسخة كاملة : قصة ابن الذيب في مرقص دبي

الخريف
21-05-2005, 04:59 PM
قصة ابن الذيب في مرقص دبي
شاعر سعودي معروف للجميع يقال له " محمد ابن الذيــــب " ,, استضافوه في برنامج اذاعي بالامارات وكان الشخص المرافق له شاعر اماراتي اسمه جراح !! وبعد ما انتهت الاستضافه ,,
قام الشاعر الاماراتي جراح بدعوة ولد الذيب شاعرنا السعودي للعشاء ,, ولبى ابن الذيب الدعوه ,,
ولكن تفاجأ عندما وصل للمكان الا هو عباره عن مرقص !!!!
ولان هذا يتعارض مع دين واخلاقيات ولد الذيب اعتذر وخرج من المرقص فورا وتوجه لغرفته بالفندق وبعدها بفتره قصيره الا بموظف الفندق يأتيه برساله من الشاعر الاماراتي جراح متضمنه الابيات التاليه :




مرقص دبي اللي له القلب يرتاح=حتى سلا طــــــين الجزيره تدلـه

لا صار ما في شربة البن مصلاح=غرشه من الويسكي بفنجال دلــه

وان كان يابن الذيب منته بمـزاح=فانا عقـــدت الحبـــل وانت تحله

هذي بداية معرفتكم بجــــــراح=اما شربت الكـــــاس والا فخــــله




رد عليه الذيب ولد الذيب بابيات قويه يقول فيها







ماهوب صح الله لســـانك يا جراح=يكفي من العله ثلاثـــين علـــه

انت وحكــامك هل الكـــاس لا لاح= ولا سلاطيــن الجزيره!! لابلــــه

حكام نـــجد اللي ورا هضبة رماح=ضلالهم مثل الجبـــال المضـــله

صغيرهم يلعب بكم لعب المسبــاح=ويسد فاه اهل القلوب الــمغله

ان مد كف الطيب ماهوب شحـــاح=والى تعزوا دولـــــة مستقلـــه

مانيب ازكـــــيهم من جا ومن راح=يمكن يجي في صفة القوم خله

وان كان هرجك لي ولا انته بمزاح=يما حلا بعض الحكي في محله

ما نشرب الا البن الاشقر الا فـــاح= ولا حليب بكـــار في وسط مله

رجل وطموحي من ورا النجم لا لاح=اكبر من اني اشتهر في مجلـه

يكفيني من المعـــرفه والتمـــداح=اني الا ضاقت علي قلت : يالله!

الوضع مزعجني ولا نيب مرتــــاح= بروح واخليـــــلك دبــــــي كله


اتمنى ان الموضــــــــــــــــــــــــــوع عجبكم
حيث قرأته في احد المنتديات واعجبني وحبيت انقله لكم..........
الباشا
21-05-2005, 11:03 PM
دموع الشوق

يعطيك العافيه على نقل هذه القصه المعبره وابياتها
ابو مهره الشامري
22-05-2005, 01:54 PM
شكرا ،، دموع الشوق .
في الحقيقة اختيار أكثر من رائع لشاعر كبير مبدع .
ولاغرابة في أن هذي أخلاقياته .
محب العجمان
22-05-2005, 02:06 PM
صح لسان ابن الذيب و انه ذيب ولد ذيب من نسل ذيابة معربة


لافض فوة
الخريف
22-05-2005, 03:03 PM
اخوي الباشا يعطيك العافيه

على المرور

ولاهنت
الخريف
22-05-2005, 03:04 PM
ابو مهره الشامري يعطيك العافيه

على المرور

ولاهنت
الخريف
22-05-2005, 03:06 PM
محب العجمان يعطيك العافيه

على المرور

ولاهنت
الجنيبي
22-05-2005, 07:07 PM
أشكرك يادموع الشوق على أختيارك الاكثر من رائع
وصح الله لسان الشاعر ولسانك
قطنان
22-05-2005, 10:39 PM
يعطيك العافيه دموع الشوق وصح لسان ابن الذيب
الخريف
23-05-2005, 04:00 PM
صح بدنك اخوي الجنيبي

ويعطيك العافيه على المرور


ولاهنت يالسنافي
الخريف
23-05-2005, 04:02 PM
الضاعني فهد

يعطيك العافيه على المرور يالغالي


ولاهنت
امير ال الضاعن
02-06-2005, 03:34 AM
دموع الشوق

يعطيك العافيه

وصح السان الشاعر محمد ابن الذيب

ولكن على حسب ما ذكرت ان اشاعر ابن الذيب السعودي

وان محمد ابن الذيب شاعر قطري

شكراً لك اخي الكريم على هذا المقال


امير ال الضاعن
الخريف
04-06-2005, 09:03 AM
اخوي امير ال ضاعن

يعطيك العافيه على المرور

ولاهنت يالغالي
خالد 11
09-06-2005, 03:06 AM
كل الشكر والتقدير لك اخي دموع الشوق


واعتقد ان اسم شاعرنا محمد بن راشد بن الذيب

والله العالم
(_. ._)
09-06-2005, 07:36 AM
مشكور اخوي على هالنقل
مع اني مستغرب يقول هالبيت
انت وحكامك هـل الكـاس لا لاح ولا سلاطيـن الجزيـره!! لابـلـه
^
^
لان ابن الذيب علاقته مع حكام الامارات ماتسمح انه يقول هالبيت عنهم
يمكن فيه لبس او شي
الله العالم
أحمد عوض الأسـلمي
09-06-2005, 11:00 AM
قِصّه وأبيات رائِعه مِن الشاعر ( محمّد بن ذيب ) الذي نأى بنفسه طريقَ الحَرام
ولقد ذكّرَتني هذه القصّه وأبياتُها بأُخرى اتّبَع شاعِرُها نفسَ المبدأ ..
والقِصّه صارَت مع واحد الشباب عند زيارته لسوريا الشقيقه ، وهي أنه عندما
دخل إلى الشقه التي سكنها للتو ، وإذ به يفاجأ بكتابه على الجدار عباره عن بيتين
من الشعر .. فيها مَدْحٌ للخمر ! ولكن هالشاب الله يجزاه خير أبت نفسة إلاّ أن
يردّ على صاحب هذين البيتين
وعلى فِكـره .. البيتـين اللي قراهُم على الجدار تقول :


الله على اللي سطروهن على البار=صفر الغراش مسكّـرات العيالـي
اخير من ربع تلاقوا علـى النـار=ما عندهم إلا الحطـب والدلالـي

فرد عليه الشاعر :


الله على اللي مَيّلوهِن على النار=صُفر الدلال منومسات العيالـي
يْخطّهن من يعرف الكَيف والكار=عَريب جَدٍ ويفتخِـر بالخَوالـي
له مجلسٍ مدهالٍ لُوجِيه الأخيار=ولاهو من اللي يجمعون الريالي
رجلٍ شريف..بالمواجيب بيطـار=لا حلّت القـولات ذرْب الفعالـي
يفدونه اللي مجتمعهم على البار=لاهم من النسوان ولاهم رجالي

شكراً أخي :

(( دمـوع الشـوق ))

على ما اتحـفْتَنا بِه

والله يقيـنا مِن :

لا صار ما في شربة البن مصلاح=غرشه من الويسكي بفنجال دلـه
والله لايذوّقنا مِن :

الله على اللي سطروهن على البار=صفر الغراش مسكّـرات العيالـي

فشتّانَ بينَ صُفـر الغـراش .. وصُـفر الدّلال !!
جالس بن مبارك
10-06-2005, 02:41 AM
السلام عليكم ورحمة الله وبركاته

لا هنت يا دموع الشوق على ما اوردت
هند
10-06-2005, 11:46 AM
السلام عليكم ورحمة الله وبركاته

دموع الشــوق
كل الشكر على ماوضحت لنا


أحمد الأسلمي
جزاك الله خير على الإضافة الممتعه



كل التقدير
السؤدد
أحمد عوض الأسـلمي
11-06-2005, 08:13 AM
الشـكر لله ثم للأخ ( دمـوع الشـوق ) وليسَ لنا

ذلِكَ لأنه أتحَـفَنا بِقِصّةٍ رائِعةٍ .. وذكّرَنا بِقِصّةٍ مُشابِهَةٍ لها

وشكراً لكلامِك الطيّب ولتشجيعك أستاذ ( السـؤدد )
الخريف
11-06-2005, 08:35 AM
اخوي خالد يعطيك العافيه على المرور

ولاهنت يالغالي
الخريف
11-06-2005, 08:36 AM
اخوي مجاريح العجمي

يعطيك العافيه على المرور

ولاهنت
الخريف
11-06-2005, 08:38 AM
اخوي العزيز

احمد الاسلمي

لكل من كل الشكر على الاضافه الجميله والممتعه

وتعليقك الجميل والطيب

وعلى مرورك الكريم

ويعطيك العافيه

ولاهنت يالغالي
الخريف
11-06-2005, 08:39 AM
اخوي جالس بن مبارك

يعطيك العافيه على المرور

ولاهنت
الخريف
11-06-2005, 08:41 AM
اختي السؤدد

اسعدني مرورك الكريم

ويعطيك العافيه

ولاهنتي
ابوعبداللة
13-06-2005, 06:23 PM
سؤد الله وجهك ياجراح وبيض الله وجهك يابن الذيب ولاهنت شوق الدموع على نقل القصة والقصيدة0
الخريف
14-06-2005, 10:46 AM
اخوي ابو عبدالله يعطيك العافيه

على مرورك الكريم


ولاهنت
ابوعبداللة
15-06-2005, 02:38 AM
شكرآ لك دموع الشوق ونتمنى لك أفراح الشوق0
الخريف
15-06-2005, 08:28 AM
ابو عبدالله انشاء الله الافراح لنا ولكم وللجميع

ويعطيك العافيه
CrAzY
16-06-2005, 09:19 PM
شكرا على الموضوع لكن محمد ابن الذيب قطري مهوب سعودي


وصح لسانك ولسانه وبيض الله وجه محمد وهو شاعر العجمان وملك الشعر ويستاهل كل خير
الخريف
17-06-2005, 06:28 PM
اخوي العزيز كريزي

صح بدنك

ويعطيك العافيه على المرور

ولاهنت
ابن ضاعن
01-10-2005, 06:43 PM
ماهي غريبه على ولد راشد جعلني ما ابكيه
اراسي
09-06-2006, 02:45 AM
صح السنك ولسان ابن اذيب ومشكوووور على انقل اطيب ويعطيك العاافيه

هاذي اسوالف الي تطرب الخاطر
حــروف الحــب
14-06-2006, 03:37 PM
صـــح الســـانك والســـان ابــن الذيـــب

واستمتعـــت بقـــراءة المــــوضوع الـرائع :)


اختك : حروف الحب
بدر2004
20-06-2006, 03:26 PM
بيض الله وجهه

موقف يسجل له
الحربي_الجبيل
20-06-2006, 06:44 PM
السلام عليكم ..............
مشكور اخوي وهذي ماهي غريبة عن عيال الجزيرة
صح لسانك ولسان ابن الذيب
عاشق المجاهيم
23-06-2006, 05:46 PM
السلام عليكم ورحمة الله وبركاته
اخواني اخواتي اقدم لكم قصيدة ثــــــــامر بن فـــــــرج عن فاطره
قال(يافاطري سامحيني وقتنا شاني
عجزت اعشيش يا السودا الغرابيه
حاولت في هندي التاجر ولا طاعي
قمت ادرج والعن التاجر وهنديه
ووعدش يفاطري ان كان الزمن زاني اني لطنطخش يا السودا السحاويه
قالت الفاطر
والله ما اسامحك دام البطني جيعاني الا لارحت ثم جبت العشاء
ياوين ربي رماني عند فقراني
ما الله رماني على الناس الغناويه )

تحيات :عــــــــــــــــــاشق الـــــــــــــــــــمــــــــــــــــــجــــــــا هيـم
راعي المشعاب
23-06-2006, 11:00 PM
لاهنت يا ربعي يام على نقلك لهذه المحاوره
وكفو والله لابن الذيب
غانم محمد اليامي
15-02-2007, 11:38 PM
بسم الله الرحمن الرحيم


السلام عليكم ورحمة الله وبركاته


شكراً لك اخي الكريم على هذا المقال

كيف الحال إن شاء الله دوم بخير ؟

ألف مبروك .. لقد سعدت بهذا الخبر


الحمدلله والصلاة والسلام على رسول الله وعلى آله وصحبه أجمعين
رحـيـ إبـن ــان
16-02-2007, 12:42 AM
هههههههههههههههههه أقدااا في جراح

لاهنــت أخوي دموع الشوق

ما دام الموضوع منك اكيد بيعجبنا

][$][بأنتظار جديدك][&][
الاحرش
04-03-2007, 07:11 PM
ولاهنت على السالفه والقصيده


وانشالله نشووف منك المزيد
bomeshal12
27-03-2007, 01:25 AM
=== دموع الشوق ===
لا هنتى على النقل
للتوضيح --محمد بن الذيب -- شاعر قطرى وليس سعودى
مــقــدام
11-04-2007, 12:30 AM
السلام عليكم ورحمة الله وبركاته

لاهنت اخي على النقل الجميل

وصح اللسان الشاعر بن الذيب واللسانك


وتقبل تحياتي