من صاحب القصيدة ؟ [الأرشيف] - ::. مـنتدى قبيلـة العجمـان .::

بــنــدر

17-12-2003, 05:15 PM

السلام عليكم,,

ارحب فيكم بالبداية وأهلّي ,,
هذي اول مشاركة وماتكون الاخيرة بأذن الله ويشرفنا انكون بين هالوجيه الطيبة , عندي ثلاث أبيات لقصيدة معروفة من قصايد شاعر معروف وعجمي طبعا ودنا اللي اعرف منكم ياحفيظة الشعر تكملتها وشاعرها.

يادقيق الرمش ياصافي الجبــين ... ياعيون الطير في وادن يهّده

مادريتي يالغضي باللي يجيني... تفرشين امضّربن وسطه مخده

لاغدا للمــيزر القتـما رطيــني... وكل منّا يعتـزي بصـلب جــده

وسلامتكم ياطويلين الاعمار ,,,

أخوكم بنـــدر

بدر بن سفر

20-12-2003, 06:20 AM

والله اني عجزت وانا ادور عن صاحبها

لكن ابشر بسعدك طال عمرك

بشوفلك منهو واذا عينته علمتك

المحفوظي

شبيب ابن شبنان

28-12-2003, 06:36 PM

بندر

الله لا يهينك

مادريتي يالغضي باللي يجيني... تفرشين امضّربن وسطه مخده

الظاهر وانا مانيب متاكد انها للشاعر المرحوم مهدي ابن دليم ال صالح

والبيت ماهوب كذااا يقول 00

ما دريتي يالخبل باللي يجينا 00 تفرشين مضربن فوقه مخده

ولك تحياتي

الشامرى

30-12-2003, 10:44 PM

الاخ بندر ،،،،
الله يمسييك بالخير ،،،
الابيات اعلاه لواحد يقال له ابن نحيان آل سفران وهى من ضمن قصيده جميله
قالها فى بنت شافته وقالت انت ابن نحيان ليتنى ما شفتك وجهك شين وقصّير
يمدحونك العرب وانت شين فرد عليها بهذه الابيات اللى مانى بحافظها وان كان به احد من آل سفران معنا ينشد شيبانه ويجيب القصيده كامله مع ان شيبان العجمان ثقال وما يعلمونا بشى ويستحون من قول الشعر .
ولك تحياتى ،،،،،،،،،،

مطنوووخ

30-12-2003, 11:20 PM

السلاااام علييييكم تبي العلم والوكااااد القصيييده هذي لشااعر وفاارس من فرساان العجمااان واسمه عـــبـــيــد ابـــن صـــمـــعـــاان وهو من الهااادي وقصة هذي القصيييده معرووفه يوم كاان راااجع من الغوووص وشاافته بنت من بنااات اهل الباادييه وقاالت واهي تهزأ به هذى عبيد ابن صــمـــعـــاان اللي يقوولوون ؟؟؟ ثم قاال عبــيد هذه الابيااات ................... وهذه القصييده وقصتها مووجووده في كتااب العجماان ........... تحياات اخوووكم مطنووخ .

الجـــــــــادل

31-12-2003, 08:43 AM

والله مدري المشكلة وزعتوهاااا وهي راعيهااااا ماني بمعلمتكم

someone

12-06-2005, 04:36 AM

القصيده لعبيد بن صمعان
وقالها عندما راته احد الفتيات وقالت من هاذاا وقالو لها هاذا عبيد بن صمعان
وذهبت اليه وقالت له ليتها نسمع بك ولا شفناك
حيث ان وجه مشقق من البارود وقصير القامه
وقال هاذه الابيات
يادقيق الرمش ياصافي الجبين..ياعين الطير فيد الي يهده
مادريتي يا الغضي بلي يجيني..تفرشين امضيربن1 فوق المخده
لاغدا للميزر القتمى رطيني..والكل منا يعتزي ابصلب جده
شين وجهي فعلهم يا المستحيني..عند تالي الجيش بلفرسان رده

مشعان

15-06-2005, 02:13 AM

هاذي قصيدة العقيد محمد بن سعد بن نحيان ال سفران رحمة الله عليه وعلى جميع المسلمين

يوم شافته بنت وقالت انت ابن نحيان اللي يقولون قصير وشين

ورد عليها بهذه الابيات التي لا احفظها بكملها

ودي اني طويل ٍ غـــار ماجالــــي ____ ماقسم كود ماربــــي نوانيبـــه

شيـن ذالوجه مبطي وذا حالــــــي ____ مايرد الصبي من شينٍ بياتيبــه

كم قطعنا العدو في كل مشوالـــي ____ شوف عيني رسنها يوم تومبيه

كم هنوفٍ تمشــــي وتباهـــالـــي ____ ماخذٍ عقلها بيــدي واموميــــبه

زايــدٍ داعــج العيــن بهبالـــــــي ____ مايميز خبيث الناس من طيبـــه

وهذا اللي يحضرني وسلامتكم