ديوانية تحت الأرض في جوده

[العماني]

منقول من الايميل

السلام عليكم
عمتم مساء جميعا

هذي ديوانية تحت الارض

مكانها جوده- وادي العجمان

قبل كم سنه كنت زياره لأحد الاشخاص وكان فيه واحد من الشباب يكلمني عن موضوع الديوانيه تحت الارض فأنا خذيت الموضوع انه موضوع مزح وماكنت مصدق السالفه وفي يوم من الايام مرني صاحبنا وقال يالله بنروح لمزرعتنا وبوريك الديوانيه وقلت على بركة الله وانا ماكت مقتنع ان فيه ديوانيه بس رحت مجامله للشخص هذا وكانت معي كاميرا خاصه للكمبيوتر وياي بالسياره على طول فطلب مني آخذها معي علشان نصورها

الحين بدأ الشك عندي في السالفه

والحين نشمي ورايحين للمزعه
وطلع مني سؤال
يابو فلان ماركبتوا مكيف فيها
ههههه ودي اصدق السالفه

وطبعا انبهرت يوم وصلت للمكان

واترككم مع الصور

http://www.swalfna.com/mix/J_0162.JPG

تلاحظون الطابوق هي حدود الديوانيه من فوق والبايب الحديد هذا للتهويه



http://www.swalfna.com/mix/J_0187.JPG
وهذي احد فتحات التهويه من قريب


http://www.swalfna.com/mix/J_0189.JPG
وهذي فتحات التهويه جميعا

ملاحظه البايب الحديد هذا مبخره لمنقد تحت داخل الديوانيه



http://www.swalfna.com/mix/J_0163.JPG

هذا المدخل للديوانيه ومثل ماتلاحظون الدرج وشوفوا شلون منحوت بطريقه هندسيه


http://www.swalfna.com/mix/J_0164.JPG

وهذا المدخل من جهة ثانيه
بصراحه خفت على بالي قبور مصر

http://www.swalfna.com/mix/J_0165.JPG

وهذي الديوانيه من داخل ومثل ماتشوفون البساط اللي يقعدون عليه ومكان المنقد


http://www.swalfna.com/mix/J_0166.JPG
وهذا السقف شوفوا شلون مغطى بالعريش اللي هو سعف النخل وغطوه بالرمل من فوق


http://www.swalfna.com/mix/J_0173.JPG
وهذي المنقد اللي اقول لكم عنه


http://www.swalfna.com/mix/J_0178.JPG
وهذا منظر داخلي للدرج مثلا ماتشوفون المخرج انا استخدمته منحاش من المكان الموحش داخل


انا اسأل الضبان شلون يعيشون داخل الجحره

الله يعينهم والله

http://www.swalfna.com/mix/J_0186.JPG
وهذا الباب مسكر مثل ماتلاحظون





بتسألون التراب في وجه العدو اللي طلعوه من الارض وين راح ؟؟؟

طبعا اخينا شغل مخه شوي


http://www.swalfna.com/mix/J_0196.JPG

مسوي دكه بالرمل اللي طلعه
انا اعتقد انه لو كانت الحفره كبيره كان سوى له عماره واجرها

والله يسويها انا اتوقع منه كل شي



http://www.swalfna.com/mix/J_0198.JPG
هذي احد الادوات اللي استخدموها في الحفر



ومثل ماشفتوا هذي هي الديوانيه بس انصكم لحد يقلط فيها مافيها درايش ولا مكيف ولا مكان تشحن تلفونك فيه


هذي الصور التقطتها عام 2003

ودمتم

[Aziz]

الله يعطييك العافيه يالعماني ,,,

على هالصور الحلوه ,,,

بس جعلني ما اقلط فيها ,,

شكلها بتنهد على روسهم ,,

[جيــر]

يازينها في القيظ لا انقطع الكهرب تزبنها في القايله



لاهنت يا العماني

[هند]

وعليكم السلام ورحمة الله وبركاته

عمت مساءً يا أخا العرب

أشعر إني بختنق لو دخلتها !!


لاهنت يالعماني


كل التقدير
السؤدد

[علي الجعيدي]

بس تصدقون انا الوحيد اللي دخل هالغرفه:D
بس والله من الكتمه داخل والحر


ينطيييييييييك العافيه اخوي العماني الموضوع ولاهنت

[راعي العليا]

العماني لايكون صاحبك مزبن صدام :) مابين صارله فتره .

لاهنت على الموضوع الغريب وشكراً.

[فيصل بن حجرف]

فكره غريبه ولكن رائعه
وكل الشكر للأخ العماني على نقل الموضوع
وللعلم فإن من قام بتصوير تلك الدوانيه هو الاخ علي الجعيدي وهو صاحب القروب اللي وصلت ايميلاته للكثير من الاخوان والاخوات

[ابوتركى]

اى والله غريبه بس اناه حلوه

يعطيك العافيه العمانى

[مـحمـد]

والله شي غريب عجيب
اهل القرى والهجر دائم لديهم ابتكارات عديدة :)

شكرا عزيزي علي الجعيدي على التصوير الرائع والله لا يهينك .

[al876anya]

العمــاني

والله شئ غريب ورائع بنفس الوقت
واعتقد لو تتوفر لديهم الوسأل راح يطورون أشياء اغرب واروع
يعطيك كل عافية وصحة وسلامة
لاعدمنا عبق مواضيعك رووعة طرحك

أختك في الله
القحطــانية

[النايفه]

يعطيك العافيه اخوي العماني عالصور الغريبه العجيبه..

يعني هذا الرجال ضاقت عليه الاماكن ماحط ديوانيته الا تحت الارض..:confused::confused:

والله شفت الصور وحسيت بضيقه الله يعين الي كل يوم وهم قالطين فيها..


تحيتي,,,

[عسّاف]

الله لا يضيّق علينا قول آمين
احس اني اختنقت وانا ما دخلته ،،،
مشكور اخي العماني

[الوايلي]

يسلموووووووووووووووووووووووو

[السلاطين]

الغالي العمــاني

باعتقـــادي أنها كانت ملجــأ من صـــواريخ صــــدام عام 1990

أما ديوانـــية !!! و يقول لربعــه تفضلــوا حياكم الله

واســعة قوي... زي مابيقولوا

لاهنت طال عمـــرك

[العجمي]

وعليكم السلام ورحمة الله وبركاته

مجلس ما مثله في الشتاء :)
تسلم على التصوير يا العماني ;)

[عجميه واعتز]

الله لا يضيق عليناااا
بس فكره حلوة لو كانت اكبر
لاهنت على الصور

[الفهد]

تخوف والله

بس خوش مكان ينفع سرداب

[محمد آل نصار]

العمــاني

والله شئ غريب ورائع بنفس الوقت
واعتقد لو تتوفر لديهم الوسأل راح يطورون أشياء اغرب واروع
يعطيك كل عافية وصحة وسلامة
لاعدمنا عبق مواضيعك رووعة طرحك

أختك في الله
القحطــانية

وعليكم السلام ورحمة الله وبركاته:ـ

تشكر يابو مبارك على على المشاركه الرائعه.


ولكن مخطط راعي الأستراحه يشبه تخطيط ((( الجربوع ـ مع احترامي للجميع ))) فله افكاره والتي عرفها الأنسان وعرف كيف يصيده وصاده.

اكرر الشكر للجميع ولبو مبارك على المشاركه .

[قطنان]

والله انه ذكي صاحب المزرعه على هذه الفكره الرائعه و يعطيك العافيه العماني انت و علي الجعيدي

[ابو ندا]

فن في الحفر والتصميم هههههههههه
لاهنت على نقله موضوع غريب جدا تسلم

[الملكه]

من ديوانيته هذا يحب الضيوف يجونه عشان مايعودون الجيه

حشى قبر،،،،

[فلاح بن ملبز]

الله لايهينك على الصور

بصراح هذا فنان نحت وهذي الدوانيه تعتبر تراث وعجبه من العجائب

مكتوب لوحه ممنوع التدخين :)