,, موضوع صغنون إن شاء الله يعجبكم ,,

[بدوي]

السلام عليكم ورحمة الله وبركاته

انا صار لي فتره عن المنتدى ومبطي منه جدااااااااا قد لي سنه تقريبا ما دخلته

بعد غيبه طويله عن المنتدى كله <<< طلع كلينكس يمسح دموعه يعني متأثر :(

حبيت اشاركم بموضوع هذا اللي فوق يقولون والله العالم انه مقدمه ولو اني ما افهم بالمقدمات :(

المووووووهيم مالكم بالطويله .. موضوعنا اليوم يا شطار ..(يأشر على ابو حظ منسدح يعني قوم انت جاي تدرس ولا تنام !؟ ) المهم موضوعنا اليوم هو في التاريخ عن قصة تايتنك بعد ما تلاعبوا فيها الامريكان وسووا منها فلم سينمائي .. انا جايب لكم السالفه الاصليه على لسان ام مرخان ولحد يشره على ام مرخان عليها من ربي ظلال (الشرهه على اللي جايب سالفته منها ) ...

الشخصيات المشاركه معنا :- ( طبعا ابطال القصه )
ام مرخان ( جوليا ) , دل بيروو , البعير (تايتنك)

الشخصيات الاخرى :- ( الكومبارس )
اثنين حوش من المصابن جايبينهم على دينار ونص :D

نبــــــــداء القصه :- (( اشهد اني دبلة كبودكم ))

في ليله من ليالي الصيف البارده وكان الجو ممطر والسماء صافيه والشمس مشرقه ..

كانت هناك سيده فاضله تدعى جوليا .. عجوز في التسعين من عمرها .. حيث تجلس ومن حولها ابنائها .. مجول ..وعواد .. و مرخان

حيث تعود بها الذاكره ... لسفينة الصحراء تايتنك .. وتخبرهم بأنها الوحيده الناجيه من الكارثه التي

حلت بالقبيله ,,,

تقول ام مرخان (جوليا ) .. اسمعوا ياعيالي فيه سر ما احد يعرفه الا انا عن سبب هلاك (تيتانك )

قبل قرن من الزمان ... كنت ارعى الغنم .. وانا بزر .. ام 40 سنه .. ما دريت الا اثنين من المصابن

المقاريد .. يخطفوني ( من زينها ) ... ويحطوني في الخرج (بكسر الخاء ) .. ويركبوني على الناقه

وفي الطريق ... حسيت بشي ينتفض وسط الخرج .. مثل ذا اللي معك يامجول ..

مجول : جوال يايمه ...

امه : انطم بس احد سأللك ...

وتواصل ام مرخان (جوليا ) .. سالفتها .. والكل مشدود .. و(مفهي )

وعقب(ن) <<< هالكلمه بالذات سبب موت سيبويه .. وعقب(ن) ياعيالي اشيل الجوال واحطه في شليلي (جيبي )

وهم يمشون اختلفوا من يحب الثاني اكثر ....

ويقوم واحد(ن) .. منهم .. ويطلع قنبله يدويه ... و(عقب(ن)) يفجر نفسه ( عزتي له كل ذا بسبتك ما قدر يتحمل يشوفك مع غيره) ...

ومن الروعه .. تنحاش فيني الناقه .. وما يردني الا .. سوق الصباح ( ملتقى الاحباب ) ....

وهناك تعرفت على (دلبييرو ) ...

مجول : من هو ذا بعد

ام مرخان (جوليا ) ... الحين انت وش جاك ماتنثبر .. كل شوي مقاطعني ... وين وصلنا ؟؟

(ايه ..دلبييرو ) .. هذا ابوكم ... جاي من ايطاليا .. بعد ماكان لاعب محترف .. بلع لسانه ...

وقالوا .. مالك علاج الا عند (اباالخيل) ... وبالصدفه شافني عند حواج الكويت .. اللي في

سوق الصباح ... وينوخ ناقتي .. يوم جيت انزل ..طاح الجوال ... جيت اشيله عن الارض ..........

ويسبقني ..عليه .. وتجي يده بيدي .. وعينه بعيني << هالحركه يروح فيها قبايل ........

وقال هالقصيده ..
شفت انا (جوليا ) .. وانا في السوق اسير
......................هي كلمتني ... وانا كلمتها

ويمسك يدي (راحت فيها ) .... ويقومني من الارض ... قال : قوم اوقف وانت بتكلمني ..

واوقف انا وياه ... قال : تتزوجيني ؟؟ قلت : والله لو انها ذبيحه ماعشتك (يعني موافقه )

ويتزوجني... ويشتري لي .. بعير ... اسمه ( تيتانك ) ...

مجول : تتتت

امه : انطم

مجول : تيب

وين وصلنا ياعيالي .. مرخان : تانكي .. يايمه ..

امه : ايه .. واقوم اعبي التانكي ماء .. ابي ماء .. ماعندكم شاهي (خلصت بطاريتها ..وبدت تخرف العجوز )

ويقوم ولدها مجول .. ويوقف على حيله .. ويطلع لسانه

ويقول : والله اني داري ان ماعندش ماعند جدتي يايمه ..

امه : كل تبن .. وهات جوالك ...

مجول : وش تبين فيه ؟؟

امه : ابيه .. ابلعب الدوده .

تبي تشحن جوليا وتجيب العيد . خخخخخخخخخخخخخ

توته توته خلصت الحتوته وان شاء الله تكون خفيفه عليكم

حقوق الطبع والتوزيع والانتاج والتصوير وكل شي محفوظه :cool:

تحيــااااااااتــي

[صم الجبال]

وعليكم السلام ورحمة الله وبركاته
عوده حميده ان شاء الله

[^عجميه مردده^]

ياويل قلبي ...يمكنكنها صادقه يخيي:) تصدق لو يقرونها مخرجين امريكا ليسوون منها فلم .. جعلك وش أقول فرفرت كبدي بالضحك
لوووووووووووووووووول

[بدوي]

صم الجبال ..

الله لا يهينك ياجدي على المرور

وان شاء الله تكون اعجبتك المشاركه ولو اني احس لا تزعل مني :rolleyes:

احس انك ما قريت الموضوع بس قريت اول سطرين وقلت اسكته بأي كلمه :D

لا تزعل ترى ذا احساس ناتج من القلب الى اليد الى الكيبورد مباشره ماحبيت اخش عليك شي <<< يعنني صريح :D

على العموم الله لا يهينك ويكفيني وجود اسمك يالغالي

----------------

عجميه مردده

شاكر مرورك يا جده والله لا يهينك

وجعله دوم تفرفر كبدك من الضحك :D

وانا مصدقك وعلى فكره اكثر من مخرج سينمائي عرض علي نسوي هالقصه فلم بس انا عييت قلت يا عجميه مردده تقوم بدور جوليا ولا مهوب لازم :p

على العموم شااااااكرن مرورك اللي اسعدني وان شاء الله تكون اعجبتك ;)

تحيـاااااتـي لكم

[صم الجبال]

السلام عليكم ورحمة الله وبركاته
فما بعد ..
انا لا ارد حتى اقرا الموضوع والردود الموجودة عليه
واحبت ان ابارك لك في العودة قبل كل شيء
شكراً لك يا بدوي

[بدوي]

وعليكم السلام ورحمة الله وبركاته

هلابك اخوي صم الجبال

واسف اذا ضايقك كلامي لكن انا قلتها من باب المزح

وقلت بأخر كلامي

يكفيني وجود اسمك ,, حتى لو ما قريت الموضوع

تحيـااااااتـي لك واسف للمره الثانيه ;)

[سند]

بـــــــــدوي

الله لايهينك ياطيب

تحياتي,,,

[بدوي]

هلا بك يالهاوي

ولا انت يا ذيب

شاكر مرورك يالغاااالي

[حظه منسدح]

هلا بك اخي بدوي ولكمووووووو باك قلبي

>>>>> طلع منديل بعد وجلس يبكي مع بدوي

ههههههههههههههههههههههههههههههههه

وفي الطريق ... حسيت بشي ينتفض وسط الخرج .. مثل ذا اللي معك يامجول ..

مجول : جوال يايمه ...

امه : انطم بس احد سأللك ...

يارووووووحي يالجوال الاثري اللي في هذاك الوقت

ههههههههههههههههههههههههههههههههههههههههههههه


بدوي تسلم على هيك قصه ياااراائع

ولاتحرمنا من جديدك

سلملم

[بدوي]

هلااااا بك يالمنسدح :D

اسفرت وانورت واستهلت وامطرت <<< يضبط علاقه مع المشرف :p

خلاص يا ابو حظ لا تقعد تبكي قطعت قلبي بصياحك :(

على العموم الله لا يهينك ياذيبان على المرور اللي اسعدني

والجايات اكثر ان شاء الله <<< بيغثكم :rolleyes:

تحيــااااتـي :cool: