عــــزوف على كرسي الأعتراف

[راعي العشوه]

بسم الله الرحمن الرحيم


اخواني اعضاء وزوار منتديات العجمان الكرام

تحيه طيبه وبعد

نعود إليكم من جديد في لقاء متجدد ولكن هذه المره غير !
هذه المره اللقاء سيكون مع الجنس اللطيف
وتكون ظيفتنا لهذا الاسبوع مع عضوه ملأت جميع المنتديات
بلا استثناء حركة وحيويه في مواضيعها الشيقه وردودها الرائعه
دائما تأتي بالجديد والمفيد عضوه استحقت الاشراف
وظيفتنا اليوم هي
عـــــــــــزوف


وسؤالي الاعتيادي هو :-
1-البطاقه المدنيه(جاوبي كثر ماتقدرين;) )
2-مامعنى ((عزوف)) وما هو السبب لأختياره؟



وانتظار الاجابه ومشاركة بقية الاعضاء الكرام






لكم تحياتي وإحتراماتي
أخوكـــــــــــــــــــــم


راعي العشوة

[الشرس]

انا بس ابي اعرف عمرها ووزنها
ضروري وبدون لف ودوران ولا ترى بنزلها من الكرسي

جاو

[cool]

السلاااام عليكم ورحمة الله وبركاااته

تسلم اخي رااااعي العشووة والله يعطيك العااافيه .

<<<<<<<<<<<<<<<<<< مبسوط علشااان فيه بنت نسئلها وصاارت عزوووف .

بعد اذنش عندي كذا سؤال اتمنى تكوون خفيفه عليش :

سؤالي الاول :

خلااال الفتره اللي قضيتيها في الشبكه العنكبوتيه ماهو اصعب موقف مر عليك؟

سؤالي الثاني :

خلااال تواجدك في منتدى العجمااان ماهو الفرق بينه وبين المنتديات الاخرى؟

سؤالي الثالث :

بحكم تخصصك في الحاااسب الالي هل تميلين الى ديوان التقنيه اكثر ؟

سؤالي الرااابع :

من من الكتااااب تتااابعين في المنتدى وتحرصين على القراءه له او لها

واي من الدواوين تشوفين نفسش فيهااا اااكثر ؟

سؤالي الخامس والسادس مع اخي الشرس :p

اتمنى تكون اسئلتي خفيفه وان شاء الله لي عوده مره اخرى :)


كـووول

[الوطن]

هلا وغلا فيج يا عزووووف

الله يعينج على الكرسى



المهم
انا اسألتى بسيطه



الاول

ما هى الحدود التى وضعتها لنفسك قبل الدخول الى الشبكة العنكبوتيه

الثانى
ماذا تعتبرين العلاقه اللى بالمنتدى بين العضوه والعضو او المشرف

الثالث
اذا تطورت المسأله الى ماسنجر والووووووو ماهى نصيحتك لآختك فالله
فى هذه المسأله .


واعذرينى على الاسئله

[عزوف]

يا ماشالله يا مشالله :) علطول استلمتوني !!!

شنو ما صدقتو خبر !!!!!!


عموما الف شكر لخوي راعي العشوه على اختياري

اما بخصوص الاسئله راح اجاوب وبكل صراحه :)


نبدأ براعي العشوه :)


1-البطاقه المدنيه(جاوبي كثر ماتقدرين )
2-مامعنى ((عزوف)) وما هو السبب لأختياره؟



البطاقه المدنيه

الاسم عزوف ;)
العمر :D والله مدري بس اني مواليد 77 :D
تبون رقمي المدني بعد :)




مامعنى ((عزوف)) وما هو السبب لأختياره؟

عزوف هو الجموح وعدم الرغبه يعني فلان عازف يعني غير راغب :)

وسبب اختياري هو عزوفي عن الزواج والارتباط بأي رجــــــــل لاسباب وظروف اتمنى انها تنتهي عن قريب ومو بس الظروف بعد شوية غرورو وعوابه وزادت عليها الظروف ;)

[عزوف]

اما بخصوص الاخ العزيز الشرس

انا بس ابي اعرف عمرها ووزنها
ضروري وبدون لف ودوران ولا ترى بنزلها من الكرسي

عمري عليك الحساب :)

الوزن ........ 60 :) (( عموما اهو ما يتعدا من 95 : 63 )) يعني مو متينه يا عــــــــذال ;)

[عزوف]

سؤالي الاول :

خلااال الفتره اللي قضيتيها في الشبكه العنكبوتيه ماهو اصعب موقف مر عليك؟
والله ولله الحمد ماكو :)
سؤالي الثاني :

خلااال تواجدك في منتدى العجمااان ماهو الفرق بينه وبين المنتديات الاخرى؟

والله ماكو فرق :) هذا راي بصراحه بس الله حط غلاه بقلبي وشغلني عن منتديات كثيره وصار همي المنتدى وشلون نطوره :)
سؤالي الثالث :

بحكم تخصصك في الحاااسب الالي هل تميلين الى ديوان التقنيه اكثر ؟

حيـــــــــــل :D
سؤالي الرااابع :

من من الكتااااب تتااابعين في المنتدى وتحرصين على القراءه له او لها

واي من الدواوين تشوفين نفسش فيهااا اااكثر ؟

الجميع ... انا اتابع الكل والله :) وبخصوص الدواوين بصراحه اميل للشعر والاسره والكمبيوتر


اتمنى اني اكون وفقت بالاجابه عليك يا كول :)

[عزوف]

اما بخصوص اختي الهاجريه :)

الاول

ما هى الحدود التى وضعتها لنفسك قبل الدخول الى الشبكة العنكبوتيه
كثيره بصراحه منها اني ما اتمادى في التعارف ولا استخدم الماسنجر ابدا واني ماافكر بالشات طول ما انا حيه :)

تخيلي من توظفت لي 4 سنين تقريبا بعمري ما دشيت الشات اما الماسنجر مره او مرتين وكنت اكلم رفيجاتي اللي معاي بنفس الدوام بس بمكتب ثاني بس فتره ولغيت الماسنجر وما قمت استخدمه نهائي
الثانى
ماذا تعتبرين العلاقه اللى بالمنتدى بين العضوه والعضو او المشرف

علاقه اخوه فقط لا اكثر ولا اقل
الثالث
اذا تطورت المسأله الى ماسنجر والووووووو ماهى نصيحتك لآختك فالله
فى هذه المسأله .

المفروض ماتوصل لهالمواصيل لكن اذا تطورت .... المفروض البنت تحط ربها بين عيونها وبعده تفكر بخوانها وابوهاااااااا بس مجرد التفكير راح يخليها تتراجع وبسرعه عن كل الاخطاء والتصرفات

اختي الغاليه اتمنى اني وفقت في الرد على اسئلتج :)


وانا بانتظار الاسئله بس خفوا علي شوي ;) :D

[الوطن]

مشكوره وما قصرتى
والله لا يهينج
بس ياليييت كل بنت تدخل
النت يكون تفكيرها مثل تفكيرج

اللهم يارب يثبت قلوبنا على طاعته
وان يستر علينا وعلى بناتنا

[monamora]

يعطيج العافيه اختي عزوف مشاء الله عليج والله يثبت عليج ومشاء الله اتمنى كل البنات بنفس عقلج وردودج
الله يوفقج للي فيه خير دنيا واخره :)

[عزوف]

تسلمون يا حياتي ((الهاجريه ومونامورا ))

والله يثبت الجميع انشالله ويهدي كل ضاله انشالله

[فيصل بن حجرف]

السلام عليكم
اشكر اخوي راعي العشوة على اختياره واشكر اختي عزوف على سعة الصدر والاجابه على التساؤلات
وسؤالي هو الاتي:
من ستختارين بعد انتهاء مدة التحقيق معك على كرسي الاعتراف؟؟

ملاحظه: ياليت يكون المستشار:)

[ال محفوظ العجمي]

عزوووووووووووووووووف وش السبب الي خلاكي تدخلين منتدى العجمان وانتي مطيريه ....؟

[اليامي]

هههههههههههههههاي

هلا والله بالاخت عزوووووووف


مشكوره على الردود الصريحه

انشاء الله لي رجعه

[كويتيه]

يعطيكم العافيييييييييييييييييه...


عزوف حبوبه.. انا بسالج اساله سهله ما احب اثقل.. عشان اخاف ايي دوري.. و تسالوني اساله صعبه..:)

1. مثلج الاعلى بالحياه
2. الوانج المفضله باللبس
3. تاريخ ماتنسينه ابدا
4. اي نوع من الناس انتي.. اوفي شخصيتج..بالشكل اللي انتي تشوفينه..



لج تحياتي

اختج كويتيه

[عزوف]

من ستختارين بعد انتهاء مدة التحقيق معك على كرسي الاعتراف؟؟

راح اختارك انت يا بوعبدالله :) << في جبدي غل :D

[عزوف]

عزوووووووووووووووووف وش السبب الي خلاكي تدخلين منتدى العجمان وانتي مطيريه ....؟



الصدفه والله الصدفه دخلت صدفه ولقيته منتدى في بدايته وحسيت اني اقدر اضيف له شي ومن يومها وانا ما ادش الا هالمنتدى :)

والسالفه مو سالفة عجمان ومطران السالفه سالفة راحه فقط لا اكثر ولا اقل

[عزوف]

1. مثلج الاعلى بالحياه
2. الوانج المفضله باللبس
3. تاريخ ماتنسينه ابدا
4. اي نوع من الناس انتي.. اوفي شخصيتج..بالشكل اللي انتي تشوفينه..

كويتيه اسئلتج عجيبه وحلوه :)

1مثلي الاعلى وبصراحه ماكو :) ما احب اجذب !!! انا احب اكون لنفسي شخصيه خاصه ممزوجه من محاسن الناس ما احب اكون نسخه من فلان او فلانه ;)

2جميع الالوان الفاتحه
الفوشي او بمعنى اصح الوردي بدرجاته الاورنج بدرجاته من الغامج لحد افتح درجه الابيض السماوي << ماخليتي شي :D

3 اكيد 16 /1 يوم ميلادي :)

4 انا من النوع المضحي واللي ناسي نفسه بالمره :( اجامل على حساب نفسي واقوم بالعالم كله ولاوصلت لحد نفسي اظلمها وما اعطيها حقها لاني امون على نفسي وماراح اشرهه عليها !!!!!

انا حساسه دمعتي بطرف رمشي اشوف مره كبيره مريضه ابجي !!! ((تذكرني بجدتي الله يرحمها )) اشوف رجال يبجي بجيت !!!! تخيلي من غير لااعرف السبب !!!!

رومانسيه لاابعد درجه !!!

باسي قوي ومو اي شي يجيب راسي !!!!!!!!

خدومه !!! مجامله من الطراز الاول !!
جد مدري شقول بس اللي اعرفه ان شخصيتي متعبتني حيــــــــــــــل

في نظر الناس حلـــــــــوه لكن انا تعبانه منها !!!

بس هذي شخصيتي وادري طولت بس انا قلت اسئلتج حلوه ولازم تكون الاجابات بنفس مستوى الاسئله :)

اللي بعدوووووووووووووووو :)

[فيصل بن حجرف]

السلام عليكم

ان اخترتيني بحذف الموضوع :D

اختاري بوفيصل تراه اصغر مني

انا خلوني اخر شي

[عزوف]

لايمكن انت اللي بعدي صدقني انت :)

[كويتيه]

اجوبتج واايد حلوه عزوف.. و باعكس شخصيتج حلووه وتتحب.. الله يعطيج على قد نيتج انشالله..

اقول يوم عيد ميلادج مو بعدين عني انا 20.. خلاص بنحتفل انا وانتي سوا بس يوم 18.. بالنص احسن.. :D

[عزوف]

صـــــــــــــار يا كويتيه :)

انشالله اذا الله احيانا :)

[عادل الشمري]

عـزوف...يبـدو إنج قاعـدة تراعـين شخـص كبـير في السـن عندكم بالبيت....

من هذا الشخـص؟

يبـدو إنج تعرضـتي للظلم أثنـاء أو في مجـال عملج...حدثينا عن هذه المواقف؟

أرجو إعادة جوابج حول الألـوان المفضلة لديج وبجديــة ،،،

[كويتيه]

عزوف... هل تحبين الاطفال... يعني تحبين ازعاجهموالعبهم في البيت ولا لا

اماعن الحفله خلاص ولايهمج من الحين اناعلي الكيكه:D

[cool]

السلاااام عليكم ورحمة الله وبركااااته

رجعنا لش ومعي بعض الاسئله :D

<<<<<<<<<<< شكله تقوول وش الوورطه هذي :(

سؤالي الاولي :

عزوووف اول ماسجلت في منتدى العجمان كنتي عضوه ثم بعد فتره منحتي

الثقه وصرتي مشرفه الحمد لله عزووف هي ماتغيرت ولا الاشراف يغيرها .سؤالي

شي حاااولت عزووف انها تقدمه للمنتدى ولا قدرت وماهو الشي اللي تغير بعد

استلاااام عزووف الاشرااف يعني في المنتديات اللي اشرفتي عليه ؟

سؤالي الثاني :

الحين كثير من المووواضيع منقووله للمنتدى ومن اغلب المشااركين وقليل

نشووف مشااركااات شخصيه وحتى لو ماكانت في نفس المستوى بس هل

تعتقدين الخووف والفشل وردة الفعل من الاعضاااء سبب في عدم كتااابته شخصا؟

سؤالي الثااالث :

شي ماعجبك في المنتدى او تحسين انه يضاايقك وتتمنين انه يختفي ؟

اتمنى تكوون اسئلتي خفيفه عليش وشااكر لش طولة باااالش .

كـووول

[عزوف]

الشمري :)

جبتـــــــــــــها ;) وحطيت ايدك عالجرح وانا اختك

عـزوف...يبـدو إنج قاعـدة تراعـين شخـص كبـير في السـن عندكم بالبيت....

من هذا الشخـص؟

اي نعــــــــــــــــــــم ((بس مو شخص واحد اشخاص )) مصيرهم متوقف له جم سنه وانا حالفه ما اشوف نفسي الا عقب ما تنتهى المشكله بــــــــس ادعولي :)

يبـدو إنج تعرضـتي للظلم أثنـاء أو في مجـال عملج...حدثينا عن هذه المواقف؟

لا والله والحمدلله بدوامي بعمري ما انظلمت بالعكس ما خذه حقوقي وفوقها زياده بعد
أرجو إعادة جوابج حول الألـوان المفضلة لديج وبجديــة ،،،

والله الالوان اللي احبها كلها فرايحيه

الوردي بدرجاته
الابيض
الازرق بدرجاته
البرتقالي بدرجاته :)

:confused: ليـــــــــــش بجديه :confused:

[عزوف]

كويتيه

عزوف... هل تحبين الاطفال... يعني تحبين ازعاجه موالعبهم في البيت ولا لا


امــــــــــــــوت فيهم بازعاجهم بحوستهم وبالي طويل عالاخر معاهم وبالعكس يمتعني ازعاجهم

ولو تشوفين موبايلي فيه فوق 30 صوره كلها لاطفال ........ عيال رفيجاتي عماتي واي طفل اشوفه يعجبني على طول اصوره :)

اماعن الحفله خلاص ولايهمج من الحين اناعلي الكيكه

صار يالغاليه وانا على اكــــــــــــل الكيكه واجيب شمعه وحده ;)

[عزوف]

كـــــــــــــــــــــــول

سؤالي الاولي :

عزوووف اول ماسجلت في منتدى العجمان كنتي عضوه ثم بعد فتره منحتي

الثقه وصرتي مشرفه الحمد لله عزووف هي ماتغيرت ولا الاشراف يغيرها .سؤالي

شي حاااولت عزووف انها تقدمه للمنتدى ولا قدرت وماهو الشي اللي تغير بعد

استلاااام عزووف الاشرااف يعني في المنتديات اللي اشرفتي عليه ؟

الشي اللي ما قدرت اقدمه للمنتدى بس انشالله ماراح اييأس هو حب الاعضاء لبعض وبالذات الاعضاء العجمان مع غير العجمان ((ودي ان المهاترات والنقاشات الحاده تنتهي ))

اما شنو اللي اضفته للاقسام اللي انا اشرفت عليها قدمت مواضيع منوعه واضفت لها شوية نشاط وطبعا بالنسبه لقسم الاسره المستشار مو مقصر لكن بما اني بنت اقدر اضيف اكثر لانه مجالنا المكياج والطبخ وغيره

بصــــــــراحه انا احاول اني اضيف للاقسام كلها والمنتدى بكبره والله
والاشراف مسأله شكليه وشرف ووسام علقوه الاخوان في الاداره على صدري لكن انا عضوه وكل تفكيري بالمنتدى دون التركيز على قسم معين :)

سؤالي الثاني :

الحين كثير من المووواضيع منقووله للمنتدى ومن اغلب المشااركين وقليل

نشووف مشااركااات شخصيه وحتى لو ماكانت في نفس المستوى بس هل

تعتقدين الخووف والفشل وردة الفعل من الاعضاااء سبب في عدم كتااابته شخصا؟

لا بالعكس ............ لان المنتدى في بدايته وشبه فاضي محتاج للكثير والكثير فيحتاج الكثير من الاعضاء للنقل ........ وفي شغله ثانيه عدد الاعضاء للحين لاباس فيه يبي لنا وقت انشالله تشوف التنافس في كتابة كل ما هو جديد ومميز وخاص في منتدى العجمان انشالله

وهم بعد ... ممكن يكون الوقت لايسمح بالنسبه لي انا يالله يالله احصل الجهاز وارد لان في الدوام ما اقدر استرسل في الكتابه
سؤالي الثااالث :

شي ماعجبك في المنتدى او تحسين انه يضاايقك وتتمنين انه يختفي ؟

قلته في سؤالك الاول :) هو المهاترات والنزاعات القبليه اللي توصل لحد التجريح والاهانه للاخرين

اتمنى اني وفقت في الاجابه على اسئلتكم

:)

[كويتيه]

الله يوفقج انشالله يا الغاليه.. و يسعدج في حياتج انشالله.. اماا عن اليهال اكيد منو مايحبهم.. بالعكس اهماا شمعه البيت.. .... الله يوفقج ويعطيج عى قد نياتج انشالله.ز

بعدين يالله ترى من الحين قاعده انطر شهر 1.. بس جنه مطول. :o.. يالله ماعليه..:)

[عزوف]

ومن يقول يالغاليه عسا التوفيق حليفج انتي يالغاليه بعد :)

الله يعطينا طولت العمر يالغاليه ونحتفل فيه انشالله :)

ويحتفلون معانا اخوانا وخواتنا اعضاء المنتدى :D << وهالله هالله بالهدايا :D

[كويتيه]

اي لا لا تخافين ماطوفني هذي بنسويه بنص المنتدى نتربع و نكتب عند الباب لا اتيي من غير هديه :D

[عزوف]

:):D;)

[monamora]

عزوف وخيتي ودي اعرف ليش حاطين عليج الظاهر زود المحبه :) الله يديمها عليج يارب

[عزوف]

هههههههههه
هههههههههههههه
هههههههههههههههههه
هههههههههههههههههههههه

شفتي يا مونامورا ومن الحب ماقتل ;):D

[راعي العشوه]

اشكر كل الاعضاء
اللي ساهموا وشاركوا
واشكر اختي عزوف على سعة
صدرها وصراحتها في كل الاسئله

عندي كم سؤال
موقف طريف حصل ومستحيل تنسينه ؟
موقف محزن ومستحيل تنسينه؟ (الله لايرده)
موقف او تاريخ غير حياتش ؟
هل تؤيدين حقوق المرأه السياسيه؟



لكم تحياتي وإحتراماتي
أخوكـــــــــــــــــــــم


راعي العشوه

[عزوف]

اولا العفو يا راعي العشوه

وانا اللي شاكره لك اختيارك يالغالي

اما بخصوص اسئلتك فحاضره وتمون اجاوب ليش ما جاوب :)


موقف طريف حصل ومستحيل تنسينه ؟

:D يومني جيت طايره وخميت لي رجال وسلمت عليه احسبه خالي :D لاوالمصيبه مو لابسه ملفع او متغطيه طرق الدراعه :D
موقف محزن ومستحيل تنسينه؟ (الله لايرده)
يوم وفاة امي ((جدتي ام امي )) على ايدي وكان من وقت قريب 20/10/2003

موقف او تاريخ غير حياتش ؟

انسحابي من كلية العلوم ودخولي المعهد كان من اروع ايامي وقرار نتايجه رائعه قاعده احصدها في ايامي هذي :)

هل تؤيدين حقوق المرأه السياسيه؟

ابـــــــــــــــــدا المره مالها الا البيت ويا نعمه ان خلوها تتوظف

حقوق المره في بيتها وبين عيالها ابرك الف مره من السياسه ومجاحد الرياجيــــــــــل :rolleyes:

اتمنى اني وفقت في الاجابه على اسئلتك يا راعي العشوه :)

[admin]

الله يعطيكم العافيه وشكرا للاخت عزوف علي صراحتها وما اوصيلها تضبط الكرسي لبوعبدالله :D

تحياتي لكم

[أبو الوليد]

والله اختي عزوف من الاخوات اللي نكن لهم كل احترام وتقدير

ومشاركاتها مرّه حلوه

وحاب اسألها وآخذ رايها بعضو معانا بالمنتدى

الا وهو الجني وما رأيك بمشاركاته الاستفزازية

واتمنى الجواب يكون مو دوبلوماسي

وشاكرلك سلفا

[عزوف]

الله يعافيك يا مديرنا


ولاتوصي حريـــــص


الكرسي بانتظار بو عبدالله ;)

[عزوف]

والله يا ابو الوليد هذا شعور متبادل وانا اختك

اما بخصوص الاخ الجني فوالله اني ماركزت على ردوده ومواضيعه

لكن اذا كان رد ردود او كتب مواضيعي استفزازيه فهي ردة فعل طبيعيه لانه اهو بعد تعرض للاستفزاز من بعض الاعضاء ولو سمحتوا لا تسألوني منو ؟!!!! لاني ما راح اجاوب

تحياتي

[كويتيه]

الله يبعدج يا الغاليه عن كل احزان..و عطم الله اجرج...


اماا عن الشي المضحك.. صراحه اهووو مضك و يفشل بنفس الوقت.. :D

[عزوف]

جــــــزاج ا لله خير ياكويتيه


:D بس ياذاك الموقف والله اني مو قادره انساه من كثر الاحراج

[عادل الشمري]

سؤالي هو : ألم تتعرضي للظلم في مجال عملج أو في العمل ؟

أي : من زميل أو زميلة...أو من مراجع...الخ

بجديـة لأن فيه حكم على شخصيتج ،،،

[عزوف]

اللـــــــــــه يستر منك يالشمري :)

من زميــــــــــــــــله ممكن بس موضوع قديم وانتهى على خير :)

[عزوف]

وينـــــــــــــــك يا راعي العشوه ترى الكرسي بانتظار بو عبدالله

ودام انت صاحب الفكره ما راح اتعداك واكتب الموضوع

ياليت تسوي دعوه للاخ ابو عبدالله :D للجلوس على كرسي الاعتراف :rolleyes:


<<<<<<<<<<< جاك الموت يا تارك الصلاة ;)

[راعي العشوه]

مشكوره واسف على
التأخير وانتظروا الموضوع
اليـــــــــــــــــــــــــــــــــــــوم




لكم تحياتي وإحتراماتي
أخوكـــــــــــــــــــــم


راعي العشوه