اذا مافيه احراج,,طلب قصيدة ,,بندق(ن) بالعيينة حج راعيها,,

[حمد ناصر]

السلام عليكم,,
بندق(ن) بالعيينة حج راعيها
مطلع قصيدة يقال انها قيلت بعد مقتل فهد ابن جلوي على يد العجمان
انتقاما من قتله لاحد امرائهم ,,,

اذا مافيه احراج اللي يعرف باقي القصيدة ومن قائلها
,,
وعموما انا اعرف ان موضوع مثل هذا فيه نوع من الحساسية
وبعض المنتديات يمنعون نشر مثل هالاشياء,,
وعلشان كذا اذا مامكن نشرها هنا ترسل لي على الخاص
لمن يعرفها,,

وايضا اذا الموضوع فيه احراج للمشرفين
الرجاء حذف الموضوع ودمتم بكل خير ,,

[مـحمـد]

اخي حمد الموضوع مافيه اى احراج او شى

الموضوع عادي وبسيط ( ضارب ومضروب )

كما هو المعلوم انه اتا العجمان بديارهم وذبح احد شيوخهم

وذبحوه

وانا بودي اشوف القصيده ومن قايلها ..!!

وشكرا على الاطراء

[الشامرى]

الاخ حمد ،،،،،،،،،
لافيه احراج ولا شى بالنسبه للموضوع اللى ذكرت .
اما القصيده اللى طلبت بحثت عنها طويلا ومنذ مده وللاسف لم اعرف الا هاذين البيتين وهى لشاعر (مرى) حيث قال :________
بندق فى العيينه حج راعيها =====طيرت من فهد فى كبد عبدالله
ليت منهو بزين الصوغ حاليها===== ريحت من خبيث الناس خلق الله
مع العلم ان قصايد العجمان فى العيينه كثيره ومعروفه الا ان هذه القصيده
بقيت ناقصه ولم يكملها احد .
تقبل تحياتى ،،،،،،،

[ولد مرزوق]

مساكم الله بالخير كلن بأسمه
ويعطيكم العافيه على ما كتبتوه في ذي القصيده
وهذي القصيده دورت عنها في الانترنت وما لقيتها وكا ودي اطلبها منكم بس سبقني العضو حمد ناصر وطلبها قبلي وحبيت انشدكم عن البيت ذا :
بندق فى العيينه حج راعيها =====طيرت من فهد فى كبد عبدالله
منهو عبدالله
ومنهو فهد
لان انا سمعت سوالف كثيره منها
ان عبدالله هو عبدالله المخيال
وفهد هو فهد بن جلوي والله اعلم بس حبيت منكم توضحون لي القصه
واكون شاكر لكم

اخيكم : برجس العجمي

[فهدالعجمي]

السلام عليكم

اخوي برجس القصد من طيرت من فهد في كبد عبدالله
فعندما قتل فهد بن جلوي مات عبدالله بن جلوي حسرة
عليه ويقولون الشيبان ان عبدالله بن جلوي انفطرت كبده من كثر الحزن على ابنه هذا معنى البيت لااكثر ولا اقل

وتقبل تحياتي

[حسايف]

السلااام عليكم قااايل القصيده هو عصاام العصام وينقال ان مخاب ضني هم الحريصي وهم من ال محفوظ اوسلامتكم و لا القصيده مانى حافظهاا

[فراس]

مرحبا

وللتوضيح فهد ابن جلوي اخو عبدالله وليس ابنه .

تحياتي

[الخويطري]

يعطيكم العافيه جميعاااا وشكرا لكم على أضـافتكم الرائعه

ومرحبا بك مليون يــ حمد بن ناصر في محلك ومنتداك العجمان .

وبخصوص استفسارك الاخوان كفو ووفوا مشالله عليهم وترا فهد بن جلوي اخ عبدالله امير الاحساء الذي مات حسرة على أخيه

وشكرا للجميع مرة اخرى

تقبلوا تحياتي

الخويطري

[حفيد مصواط بقعا]

الأخوة الأكارم توضيح

فهد بن جلوي هو
ابن عبدالله بن جلوي وليس أخيه

[الشامرى]

الاخ فراس والخويطرى
مساكم الله بالخير ،،
انا اضم صوتى لحفيد مصواط بقعا بان فهد بن جلوى ابن عبدالله بن جلوى وليس اخيه . هذا اكيد ومعروف .
اما بالنسبه للقصيده فهى لشاعر مرى بقول الشيبان الله يرحم الميت منهم والحى
وعصام الحريصى شاعر مجيد وكان قصيرنا فى البر وعرفته وسمعت منه قصيد ولا اذكر انه قال ان القصيده هذه له الله يرحمه وترى مانى بشايب كنت صغير آنذاك :D:D:D
مع تحيات الشامرى ،،،،،،،،،،،،،

[فهدالعجمي]

السلام عليكم

اخواني الخويطري وفراس فهد ابن جلوي ولد عبدالله

والاخ حسايف يمكن يقصد بقصيدة عصام اللي قالها في العينه

ليل العينه مزينه ليل السعد,,,,, بان الشجاع وبان منطوق الشرود

وتقبلوا تحياتي

[حفيد مصواط بقعا]

يا أخوان مساء الخير

أطلب اذا تكرمتو القصيدة اللي مطلعها يقول :
يا هية في قدام ما حضرناها ***خذينا قضاها ما راحت علينا بغمية

[ولد مرزوق]

يعطيكم الف عافيه ولاهنتوا على المعلومات

وحبيت استفسر منكم عن الي ذبح بن جلوي هو عبدالله المخيال
ولا غيره وهذي المعلومه انا سامعها من شايب ومدري عن صحتها
فبنشدكم عنها



برجس العجمي

[الرازي]

انا كذلك اضم صوتي للاخوه حفيد مصواط بقعا والشاااامري
بان فهد بن جلوى ابن عبدالله بن جلوى وليس اخيه .
والقصيدة هي لشاعر من آل مره.


فهد العجمي/ لاهنت على التوضيح ويا ليت تكمل قصيدة الحريصي

* ولد مرزوق* يقولون الشيبان ان اللي ذبح ابن جلوي هو الصفار من آل ضاعن

وراي اخر يقول انه ابن مخيال من آل سليمان
.

تحياااااتي
ابو عيد

[knzan]

للمعلوميه لجميع الاخوان العجمان مايعلمون منهو قتال فلان الي قتله حرصاً منهم على حيات فرسانهم لكي يضيع دم المقتول بين العجمان . لاكن في الفتره الاخيره من الزمن صار كلن ينسب الي يبي للي يحب اانه يكون هو الفارس او القتال.فنجد فرسان من العجمان مهضوم حقهم ولا يقال عنهم شي.بينما البعض الاخر من القبيله مجدوهم ابنائهم وخدموهم اعلاميأ.،نأمل من الاخوه انهم لايطيرون جداً في العجه يقضبون بريك ويعطون كلن حقه موب شرط ان يصير ابيه ولا عمه ولا فخده هم الابطال فبطولة واحد من العجمان تعتبر بطوله للجميع فأتقوى الله وتحرو المصداقيه في الكتابه و النقل وبطلو تمليح:))))

[فراس]

مساكم الله با الخير ...

اولا القصيده حسب ما نسمع لمري .

ثانيا ذباح فهد ابن جلوي نايف ابا الكلاب وهو كان خوي عند فهد ابن جلوي

وقد استلمه عبدالله من عبدالعزيز بن عبدالرحمن بعد ما سلموه الانجليز وسجن

في سجن الكوخ في الاحساء ويقال قتل وهو الارجح .

ثالثا اخواني

فهد العجمي

حفيد مصواط

الشامري

ابوعيد

شرايكم تراهنوني عن فهد ابن جلوي وهل هو اخو عبدالله او ولده

اذا فيه منكم من يراهني بنرتب الموضوع .

[فهدالعجمي]

اخوي فراس اسمحلي اقولك انه جانبك الصواب
فيما قلت والا اريد ان اخوض في التفاصيل حتى لا يستحس
اخد مني . وكلنا يعرف ماهي قصة نايف ابا الكلاب.

[فراس]

هلا اخوي فهد ..

جانبني الصواب في وشهو ... في ان فهد ولد عبدالله او في ان نايف با الكلاب

هو الي ذبح فهد ... اذا كان في موضوع فهد فأنا اخي العزيز متأكد اما في

ذباح فهد فا اغلب المقولات تقول ذلك والله وعلم .

تحياتي

[جيــر]

يا حماعه فهد هو ابن عبدالله وقاتله هو ابن مخيال وفيه روايه تقول الصفار من ال ضاعن والارجح انه ابن مخيال..

[ولد مرزوق]

لا هنتو على المعلومات وعلى خدمتكم
وانشالله نخدمكم بالافراح

:)


برجس العجمي

[حمد ناصر]

الشكر كل الشكر
لجميع الإخوان اللي اثروا الحوار
بمداخلاتهم الطيبه
وبصراحه استفدت منها الكثير من المعلومات ,,

رغم اني ماني متنازل يالعجمان
عن طلبي وهو القصيده كامله,,


وتراني ناخيكم يالعجمان,,
قولوا تم,,,

اخوكم حمد ناصر التميمي,,

[admin]

بسم الله الرحمن الرحيم




انا مع الاخ عبدالله انه فهد اهو ابن عبدالله بن جلوي وليسه اخيه
ويأكد علي هذا كتاب الدكتور سلطان بن خالد بن حثلين صفحه 126 بعنوان موقف العجمان بعد معركة السبلة

وهذا قتباس من الكتاب العجمان دراسة وثائقية

عندما قال :
بعد ذالك بعث أليهم الامير عبدالله بن جلوي ( ابنه فهدا علي راس قوة عسكرية )

هذا يدل ان فهد هو ولد لعبدالله بن جلوي وهذا للتوضيح للاخوان

اما بنسبة لمن قتل فهد فهو نايف بن حثلين وهذا ايضاً ما ذكر بنفس الكتاب وبنفس الموضوع


اما القصيده لم اجدها يا اخي حمد ولكن اتمنى من الجميع من يعرفها ان ينقلها لنا



ولكم تحياتي

[فهدالعجمي]

السلام عليكم

يالربع اذا تبون تعرفون ذباح فهد انشدوا شيبان
محايدين وتلقون عندهم الجواب .............

[al-lahee]

السلالالالالالالالالالالالالالالالالالالالالالالال الالالالام عليكم
هذه الابيات للشاعر محمد الغالي المري والد الشاعر المعرووووف عبدالله الغالي المري الموجود في قطر الان

[فراس]

وانا اتراجع عن كلامي السابق ...نعم فهد هو ابن عبدالله

تحياتي

[malajmi]

بالنسبه الى قاتل بن جلوى فاغلب الروايات والمصادر تاكد على الصفا روعبدالله بن مخيال وحيث انه عبدالله خواله الضاعن الدامر والصفار وكان معهم في المعركه والمرجح ان الصفار قتل بن جلوي المخيال اخذ البندق والفرس

[معرب الجدين.]

السلام عليكم ورحمة الله وبركاته !!!!!

شوشتوا علينا يا اخوانى فصارت الدعوى بين ذا وذا ؟؟؟؟

ياليت من ياتينا بمعلومات صحيحة مع الادله الواضحة ؟؟؟؟

واللى ذبحة هو عجمى مايبيله كلام وان كان من هذولا والا ذولا يبقى عجمى .

من هواللى ذبحه بنعرف كلنا بعيدا عن الحزازيات وعن كل واحد يبية لربعه ؟؟؟

وللعلم ان اللى ذبحوة هم اثنين وليس واحد ؟
الاول رماة والثانى كمل علية ؟

وتحياتى ___________________--