أمثال - غطاوي

[المستشار]

تحية من القلب للجميع

طرى في بالي موضوع يهم الجميع وهو عن الأمثال والغطاوي أو الألغاز .

مثال :
يا خال أبوي حك ظهري = ونضع معناه أو شرح للمثل

ومثال :
أنت أخوي من أمي وأبوك يصير أخو ولدي = حلووووووها .


مطلوب من الجميع المشاركة بما لديهم ،، وذلك للوناسة وكذلك لحفظها للتاريخ ، مثل لهجة العجمان ، وإذا كانت هناك أمثلة وألغاز خاصة بالعجمان يكون بعد أحلى .


نبدأ ،،،،،،، إنطلق ------->


المستشار

[ال محفوظ العجمي]

لاهنت اخوي المستشــــــــار

نرجووووووووا المشـــــاركه والتفاعــــل من الاعضــــــــاء

انا اعذرني اخوي فأنا بعيد كليا عن العجمــــــــــــــــــــــــــــان

تحياتي

سفير عجمان القصيم

[عزوف]

قال وينك يا بغيضي ؟ قال بين عيونك :D

وهالمثل دايما تقوله امي ولاقالته مت من الضحك جنها قايله نكته مع انها تقول في اوقات حرجه بس اموت من الضحك


وهذا ينقال لما يشوف الشخص الشي اللي ما يحبه ويخوفه :) :)


مشكور يالمستشار على هالموضوع الحلو

[Ajmi]

السلام عليكم ,,,,,

موضوع منتاز ويبغاله قهوه صفراء وشاهي موية غدير


أنت أخوي من أمي وأبوك يصير أخو ولدي = حلووووووها
جلست افكر فيه ربع ساعه او عشر دقايق وقريته حول 20 مره احاول افهم السؤال فقط ما قدرت وبعد عدّه محاولات فاشله استطعت افهم السؤال

وبعدها دخلت في مشكله ثانيه ,, كيف صارو اخون من الأم وهو جدّه في نفس الوقت والله حاله <--- أشك انهم عجمان ,,, السوالف هذي ما تصير الا في ها القبيله :D

آخر شيء طلع معي جواب ولا ادري هو صحيح او لا

هم اخوان بالأم فعلاً لاكن من الرضاعه وفي نفس الوقت يصير جدّه أبّ ابيه




خذ منّي هذي المشاركة

أخت أبي هي أم اخوان أمي = حلوووووها

[كويتيه]

يعطيك العافيه يا المستشار والله خوش موضوع.. بس للاسف مايحضرني شي بالوقت الحالي..

بس.. ال محفوظ العجمي.. جواب مالتك يمكن مرت الاب؟؟؟؟؟.. .. مادري والله.. قاعده افكر مو لاقيه جواب.. :o

[المستشار]

مشكورين على التجاوب في الأمثال والألغاز .

وحل لغز AJMI هو ببساطة أن العمة أو أخت الأب كانت متزوجة من من زوج الأم الأول ،، يعني الأب يكون زوج وأخ لخوالها في نفس الوقت. والله أعلم .

أما بالنسبة للغز اللي حطيته ،، أنتظر فطاحلة المنتدى لحله .

كملوا ،،، ولا توقفون .


المستشار

[monamora]

ما ادري شنو السالفه بس حبيت اشوف شنو صاير فضوووووووووول
دايم اسمع الوالد يقول نازعه من جنبك يونسني حجيه يعني قصده جذااااااااااااب
بس بطريقه عجميه ذربه
هههههههههههههههههه
تحياتي لكم

[المستشار]

مشكورة مونامورا على المشاركة ،،، يا ريت تسألين عن معناها وتفيدينا .

[المستشار]

من سبق لبق = التالي ما يلحق = أعتقد نفس المعنى والمعنى واضح

[Ajmi]

مرحبا من جديد بالمستشار :)

جوابك صحيح

طلع سهل لعبقري مثلك

[المستشار]

مشكور يا AJMI على ردك ،، ويا ريت تحاول تحل لغزي وتشارك مرات ومرات بالعديد من الأمثال والألغاز ،،

وهذه : حلات الثوب رقعته منه وفيه = أعتقد ما يخفى عليكم معناها .


تحياتي لكم .

[كويتيه]

ابو طبيع مايووز عن طبعه.... = مايبيله المعنى واضح..
و حبيت اشارك بهالغطايه.. لقيتهاا باحد المواقع و عجبتني.. انشالله تعرفون الحل..


عذراء وبناته سبعتن من تحتهاا 000 والكل منهن له سلوم وعوايد
هي رافعه روس البنات بسندهااا 000 هن يسمعن شوره وشوره فوايد
والكل منهن له زوجن ربطهااا 000 من حكمت الازواج صارن سنايد
فيهن ترى وحده كلن عشقهااا 000 هي منوة العشاق واهل الفوايد

[المستشار]

هذه صعبة علي ،،، بخليها لغيري يحلها .

ومشكورة كويتية على المثل والمشاركة ،،، نبي بعد أكثر .

[كويتيه]

شحادك يا المسمار؟ قال المطرقه ... اعتقد انه معروف هالمثل..


اماا عن اللغز.. تراه والله جوابه سسهل يا المستشار.. انه احد يعرف يحله:) وعشان اسهل الموضوع اهواا مو اكل ولا جماد.. ..

[ابوتركى]

مايدارى عيونك الاجفونك0000 معناه المنفعه من قريب

ويعطيك العافيه