ياقدساويه عطونا من حظكم 1 % بس !!

[سعد الصميل]

خسر الكويت من القادسيه 3/2 في المباراه الفاصله في الدوري العام
وفقد الدوري
لعب الكويت بشكل رائع وكذلك القادسيه
لكن كالعاده الحظ يقف بكل جوارحه أمام الكويت
الكويت كان يريد فقط 1 % من حظ القادسيه ليظفر
بالدوري
وكأس الأمير
وكأس ولي العهد
وبطولة الخرافي
و ... و ... و.... إلخ !!
أمر واحد أحزنني !
هو أنني متأكد من أن القادسيه لن يعرف كيف يمثل الكره الكويتيه في بطولة الأنديه الأبطال المقبله !
وتذكروا كلامي جيدا !
لكم كل الشكر

ملاحظه :- الإختلاف في الرأي لايفسد للود قضيه

[مـحمـد]

اول شى مبروك للقادسيه يستاهلون لعب جميل ونظيف
وحظ اوفر للكويت
ولكن ليس كل مره تسلم الجره :)
وقول ماشاءلله لاتنظلهم ويخسرون بعدين
بعدين تزعل عليك كويتيه :)

[كويتيه]

الف مبروووووووووووووووك للقدساويه..:)

بيضوهاا اولله..:)و كانواا قدهاا و قدو ود..:)
و هاردلك لكم يا الكويتاويه.. لعبكم كان حلوو و ماقصرتواا..:) بس بو نواف كان له كلمه..;)بس والله اخر 5 دقايق كانت تخرع.. انا خفت من التعادل و من شماتت عزيييييز..:D



بس اناا اقول صل على النبي..لاتنضلناا..



بعدين اقول وايز مان..:)انتواا ماسويتواا شي بالبطوله اللي خلصت .و نتايجكم كانت كلهااا مو بالمستوى المطلووب.. ..

بس انشالله القادسيهماراح يقصروون و بيرفعوون اسم الكويت.. ..:

[كويتيه]

اهداء هالصور لكل الكويتاويه
:)

http://www.hamaden73.com/far7a09.JPG



http://www.hamaden73.com/far7a06.JPG

http://www.hamaden73.com/far7a05.JPG


http://www.hamaden73.com/far7a02.JPG

[مـحمـد]

كويتيه يعنى كلش الحين حريتيهم :)
ليتنى اشجع الكويت عشان اعرف شلون احرج واطلع تاريخ القادسيه الفاشل:)

[كويتيه]

احناا عيال اليووم..:)

و الواحد ماينقهر على شي راح..
ينقهر على شي الحين..:) خلني مستانسه لا تخرب وناستي لول:PP

[saprj]

ألف مبروك للقادسيه و القدساويه فعلا فريق مكافح و ما يعرف اليأس و يستاهلون.

و نقول هاردلك للعميد كان قريب جدا من البطوله بس ما الله قسم و إن شاء الله يعوضونها

في بطوله كأس ولي العهد بعد يومين.

[سعد الصميل]

ياجبل مايهزك ريح :)
القادسيه اليوم
الكويت غدا
انتظروا الكويت في الدوري القادم وبنشووف
وبعدين كويتيه نتايج الكويت في البطولات الخارجيه صحيح كانت مش ولابد
لكن الكل كان يعرف ان التحكيم اخرجهم من دوري ابطال العرب
والظلم من ابطال اسيا !
يمكن تقولون ابالغ بس ارجعوا للصحف الصادره بوقت المباريات
خاصة موقع الراي العام والوطن وراح تشوفون :)
ومقل ماقالوا
الوعد قدام والحي بيشووووووووووف

[رماد]

مشاء الله للحين في احد يطالع الدوري الكويتي

[Aziz]

مبرووك القادسيه ...

لا تعلييق ..:mad::mad:

[سعد الصميل]

المشاركه الأصليه بواسطة رماد
مشاء الله للحين في احد يطالع الدوري الكويتي
أخوي أنا ما أطالع الدوري الكويتي كلش
بس الدوري هالسنه أتفق عليه جميع النقاد
أنه أفضل دوري منذ سنوات
والله الدوري هذا حلووووووو مره
تألق فيه اليرموك وكان على بعد خطوات من إحراز اللقب
وتألق فيه الساحل وسوا العجب ( بأحمد عجب ) هداف الدوري
تصور هداف الدوري من الساحل !
الدوري هالسنه والله غيـــــــــــــــــــــــــــــــــــر
كل الفرق تألقت بإستثناء السالميه وكاظمه
وإن شاء الله يكون هالدوري فأل خير على البطولات القادمه

[line]

أخوي عزيز إن شاء الله يعوضون الشباب بكره في نهائي ولي العهد
وبعد قدام القادسيه