نصيحه

[الكبيسي]

اول مشاركه لي فالشعر وان شاء الله تنال اعجابكم

اصبر على ماجاك من وقت اللاش ... واستوا على الشدات راعي عزايم

واخـف الضـرر ايـاك تبديـه للـواش ... يشنـاك عنـد النـاس قــاعد وقايـــم

والمرجله لو هي على هون تنحاش ... حاشوا لها حتى العفون الخمايم

ومـن الـردى لـو تكسب الدر وقماش ... اتـرك مماشاته وكن عنه شايـم

وارفـق على المـال الـذي منـه تعتاش ... خل عنك العازات يغنيك دايـم

وصحبـات بعـض النـاس لـو جات ببلاش ... ماتنبغي لـو خيـر فيها ندايـم

بـالك يغرونـك تــراهـم عــلى مــاش ... مـايفهمـون العلـم مثــل البهايم

اختــر مقــام العــز ولو كنت قــراش ... ولا الغنـاة اللـي بـه الـذل دايــم

هــــذا زمـان جـاز بـه كـل غشاش ... او واحــــدٍ فتـان راعـي نمـــايـم

كـم واحـد تلقـاه بالوجـه بشــاش ... مـاهو الى جـا الصدق راعي لزايم

من جا بلا دعوه فليقعد بلا فراش ... هــذا طـفيلي يستحـق الشتايـم



وسلامتكم ...

اخوكم : الكبيسي:)

[عزوف]

قصيـــده رائعــــــــــــــــه وكلها حكم

بصراحه يعطيك العافيه على هالاختيار الرائع يالكبيسي ويقولون اول الغيث قطـــــره بس انت كسرت القاعده وصار اول الغيـــــث سيـــــل وانا اختك ;)


في انتظار كل ما هو جديد منك اخي العزيز

[cool]

السلاااام عليكم ورحمة الله وبركااااته

هــــذا زمـان جـاز بـه كـل غشاش
او واحــــدٍ فتـان راعـي نمـــايـم

كـم واحـد تلقـاه بالوجـه بشــاش
مـاهو الى جـا الصدق راعي لزايم

صح لساااانك صح لسااانك مليووون يالكبيسي ولا هنت الغااالي .

مشاااركه لك اولى وان شاء الله تكوون امتداااد لمشااركااات قاادمه .

كـووول

[الكبيسي]

صح بدنكم يا عزوووف ويا cool

واعجابكم بالقصيده شرف لي

وتسلمون على المتابعه:)

[اليامي]

لا هنت يالكبيسي


ما شاء الله عليك شاعر


تحياتي

[الكبيسي]

تسلم يا اليامي على مرورك :)