لقاء الشبكة مع الشيخ خالد بن عبدالله الدامر

[مـحـمـد بـن فـهـد]

الســـلام عليكم ورحمة الله وبركاته

الحمدلله والصـــلاة والسلام على أشرف خلق الله محمد بن عبدالله وعلى آله وصحبه ومن والاه ،

الأخوة والأخوات وكل رواد منتديات العجمان

يسرنا أن نلتقي بكم مجدداً عبر هذا اللقاء العطر مع الشيخ : ( خالد بن عبدالله الدامر ) ، الذي شهد له الجميع بحفظه لتاريــخ قبيلة العجمان نقلاً عن والده المرحوم الشيخ ( عبدالله الدامر ) وقد أجرينا معه هذا الحوار بمعية الراوية ( فهد بن عجيمة آل ضاعن ) ، حيث قاما جزاهم الله كل خير ، بالإجابة على الأسئلة وماورد من إستفسارات بكل رحابة صــدر

نتركم مع اللقـــاء


1- البطاقة الشخصيه لو تكرمت ؟
خالد بن عبدالله الدامر ، مواليد 1956 ثاني اولاد الشيخ ( عبدالله الدامر ) بعد الشيخ ( فهد بن عبدالله الدامر ) امير هجرة جوده

http://www.alajman.net/vb/uploader/daamer1.gif
الشيخ خالد بن عبدالله الدامر مع الزميل فيصل الحجرف

2- هل لك أن تطلعنا على هواياتك واهتماماتك ؟
اهوى الصيد بالصقور منذ الصغر حيث اكتسبت هذه الهوايه من والدي رحمه الله فهو كان مولع بها واهوى الابل ايضا

3- من هو الملقب ( ببعيد المغزى ) ؟ وماسبب هذه التسميه ؟
اللقب أطلق على اكثر من شخص , ( فهد بن محمد بن دغمان ) , و ( محمد بن فهيد بن محمد بن دغمان ) , و ( فهد الدامر ) .
واللقب على الجميع , و ( فهد بن محمد ) هو أقدمهم بالتسميه , وسبب التسميه هو : أخذه لأبل احد الأشراف في وادي فاطمة وكان أهله ينزلون في الهليسيه شرق حنيذ.


4- من هو الملقب ( بالدامر ) ؟
هو ( محمد بن فهيد بن محمد بن دغمان بن عجيمه بن جابر بن شلوان بن ضاعن بن مسعود بن مرزوق بن عجيم )


5- ماحقيقة رجوع نسب العجمان للأشراف ؟
هذا الكلام غير صحيح فنحن نرجع الى قبيلة ( يام ) الكريمة , وهناك من ينسب ( العجمان ) الى ( الأشراف ) بسبب أحداث ومواقف حدثت بين العجمان وبعض الأشراف
( كصلة قرابة ) وهذا غير صحيح , او بسبب بعض( أبيات الشعر المبهمه ) مثل قول عبلان :



هواشم نسل الشريف المعـرب= ماحن بهافين المناسب ضرايب

فهذا البيت هنا له اكثر من تفسير , وفي المقابل هناك الكثير من القصائد لراكان بن حثلين ولشعار العجمان القدامى اللتي تنسب العجمان ليام وبغض النظر عن المواقف والاشعار اللتي استشهد بها اصحاب المقوله فنسب العجمان واضح وصريح برجوعهم الى يام.

http://www.alajman.net/vb/uploader/daamer2.gif
صورة من اللقاء

6 - قال ( ابن مزرية العجمي ) في غزوة لفهد الدامر


تخبروا من علمنا ومغزانـا=محد غزا مثلة من اول وتالي
حنا مشينا يوم عيد رمضانا=واليوم عاشور بدا بالكمالي

فمن هو ابن مزرية العجمي وما قصة هذه القصيدة ؟
هو ( ناصر بن مزرية من ال مسفر بن حسين من ال خرمان ) , وقال هذه الأبيات في غزوة على ابل الشريف في وادي فاطمة وعقيدهم ( فهد بن محمد بن دغمان ) , واهلهم نازلين الهليسيه وقت الربيع وكان معاهم ( ابن غره الدويشي )حيث يقول في قصيدته:


تسعين ليل والهجن مقفيات=طالت محاني وادىٍ يتبعنـه
وبعد اخذهم لأبل الشريف كانوا يصلون شرق دليل تخطيهم لمكه المكرمه , ويقول ابن مزريه:


تخبـروا عـنـا وعــن مغـزانـا=محداً غزى مثلـه مـن اول وتالـي
حمنـا عليهـا قبـل عيدرمضـانـا=واليـوم بضحيـة العشـر التوالـي
نقلع مدى هجن(ن) وتقلـع مدانـا=لين قد حنا نصلي صوب مبدى الهلالي
ياخبلكن ياللـي بعـد فـي رجانـا=تزوجـن واخـذن بعدنـا رجالـي
شفنا بحـر جـده عيـان(ن) بيانـا=واهلنا ورى العارض و ذيك التلالـي


7- هل لك أن تذكر لنا قصة غزو الدامر لقبيلة الصيعر ؟
غزى ( فهد بن محمد بن دغمان ) على الصيعر وكانوا تقريبا 200 شخص , ومعهم خيل وغاروا على الأبل وأخذوها ولحقتهم خيل الصيعر وأفتكوا أبلهم , و حصلت معركة عند جيش ( هجن ) العجمان, وافتكوا العجمان جيشهم ( الهجن )

http://www.alajman.net/vb/uploader/daamer3.gif
صورة من اللقاء


8- ذكر البعض أن ( فهد الدامر ) في احدى غزواته كان ( مسحورا ) فماهي حقيقة هذه القصة ؟
في احدى غزوات فهد الدامر أخذ ابل مطير على الدبدبه وأقفوا بالأبل وضربتهم عجه صفراء ( عاصفه رمليه ) قويه وكانت الرؤيا معدومه واعتقد الجميع ان ( فهد الدامر ) قد اضاع الطريق , فقالوا له باقي العجمان تراك ضايع وبعضهم قال هذا مسحور اتركوه , ولم يأخذوا برأيه, وكان معهم فتى يقال له فهد بن حصانه ( ابوصنيدح ) فقال له ( فهد الدامر ) :
انزل يافهد وشوف نوعية الأرض اللي حنا فيها. فقال ( فهد بن حصانه ) : حنا في رمث.
وبعد فتره قال انزل مره اخرى , فنزل وقال طلعنا من الرمث ولا يوجد أي نوع من الشجر.
قال ( فهد الدامر ) : نعم ظهرنا من حميضة القطا, وبعد فترة قامت الأبل تتعثر في الرمال , فقال اين وصلنا يافهد ؟
فقال نحن في بحار (مجرى سيول )
فقال الدامر : نحن الأن في مسنه وقد اقتربتوا مطير واذا استمريتوا على هذا الطريق فستصبحون في وسط مطير.
وبعد فتره مروا بأرض بها عرفج, فقال لهم الدامر: اذا اصبحنا وكان شرق منا روض فيه شجرة عوسج تراني مانيب مسحور ياللي تقولون عني مسحور , وليس لي بها علم منذ كنت صغيرا ( حين كنت العب خشيش الفار ) لعبة للأطفال.
ويقول ابن الحصان انهم عند الصباح وجدوا ماقاله لهم ( فهد الدامر ) .
وهذا مثال على قوة ذاكرته في الأستدلال.
وبعض الناس ذكر انه اصيب بالرمد وانه كان يطلب رمل للأستدلال بلمسه , وهذا غير صحيح وهي مجرد أساطير.


9- ذكر البعض أن ( فهد الدامر ) كان دليل مشهور ويحفظ الاماكن ولو بعد زمن بعيد , فهل من قصة كمثال على دلالته ومعرفته ؟
في احدى غزواته خرج من المثامن مع ناس كثر وبعد ان عدى الحد تراجع بعض الذين كانوا معه خوفا من الهلاك والعطش نظرا لبعد المسافه التي مشوها وبعد المكان الذي يقصدونه فلم يبقى معه سوا 30 رجل فقال وقتها يخاطب ناقته:



الربع ياسمـره نـووا بالهزيمـه=اشوفهم تشـاوروا بالمحاديـر
وحقي عليش تجاذبين الحكيمه=وحقش علي اوردش جمة البير
او ردك عـد قليـل العديمـه=لاثور الذاري بعج ومعاصيـر
ولانمت عند حريمتك يالبهيمه=مزين تهيوى خلفها والمعاشيـر
ياما قطعنا دونها مـن خريمـه=من دونها تتعب اركاب المعايير
وليا ركبنا مانجيـب الهليمـه=لا من ركبنا فوق مثل العياطير
ياما فجعنا من هجوع مقيمـه=ناخذ دبشهم في ليالي المخاضير
وياما فجعناهم صباح بثليمـه=وعدونا نركي على كبده الكير

وذهب بهم الى ان وردهم على حدبه وطلب منهم الحفر فيها . وتعب الرجال من الحفر حتى قام ( فهد الدامر ) بالحفر بنفسه هو ورخوان ال دلهام , وفجأه ظهر بعض الماء فقام برش الماء على الرجال فانتعشوا وقاموا وشربوا من الماء , وكان قد مر بهذه البئر قبل زمن بعيد لدرجة انها اندثرت .
وكان معهم احد الاشخاص من فخذ ( ال محفوظ ) يقول : ( تكفون يالاد المرزوق لاتخلون الرجال يمشي على رجيله لا يلقص ولا يصير فيه شي هلكنا )

http://www.alajman.net/vb/uploader/daamer6.gif
من اليمين: عبدالله بن فيصل الدامر وحسام بن فهد الدامر

10 – هل صحيح مايروى أن أب هشام يدعى هشيم ؟
هذا كلام غير صحيح , وأكد ذلك الشيخ ( عبدالله الدامر ) رحمة الله عليه.

11- ما قولكم في الجدل الدائر حول ( مرازيق الإمارات ) فالبعض يقول انهم ليسوا بعجمان ؟
غير صحيح , والإمارات ليس فيها من ( العجمان ) غير ( ال عصيدان ) , اولاد ( متعب بن عامر ) وخوالهم ( العصده من قحطان ) وسموه عصيدان , اللي يجتمع فيهم ( ال حشه ) و ( ال عصيدان ) و ( ال طفله ) وكلهم عيال ( فهاد ) , وترك العيال والزوجه مع جار له هتلاني زابن عنده , وهو اتجه شمالا , وذلك على حسب رواية الشيخ ( عبدالله الدامر ) رحمة الله عليه .
واختفى بعدها ( قتل او مات) وذهبت الزوجه مع اهلها وتزوجها ابن سالمين من المناصير.


12 - من اللذي هاجر من العجمان اذا ؟
رحل من العجمان فخذين بعد معركة ( الطبعه ) للعراق , وهم:
الجنوبات من ال شقير ورجعوا .
وفخذ من ال سليمان اللي منهم راكان واقرب مالهم محمد ال رطام ورجعوا ايضا .
ولم يذهب غيرهم من العجمان احد لاقبلهم ولا بعدهم. ونحن يالعجمان اولاد رجل واحد , ولو راح احد منهم لكان مثبت ذلك.
ومن السهل الأستدلال عليه او ذكر نسبه الكامل.

13- هل هناك من شاخ في العجمان قبل سالم العبد ؟
هناك من يقول ( جريس بن جلبان ) او ( عامر بن جفن ) شاخوا في العجمان وهذا غير صحيح , كل واحد منهم كان شيخ على ربعه ولكن لم يكن للعجمان شيخ يكفهم قبل سالم العبد بل كان لكل فخذ شيخ.


14 - متى كانت زعامة ( سالم العبد ) في العجمان ؟
هو اول من تم اختياره ليكون شيخ العجمان بعد معركة الحائر , وكان للعجمان قبل ذلك عارفه وهو ( فرج بن عياد ) من ال ضاعن وليس بأمير وعندما طعن في السن جمع العجمان وقال لهم انا تقدمت في السن وانتم كثرتوا فقومو بأختيار أحدكم ليتقدم فيكم , ووقع الأختيار على ( سالم بن حمد ) الملقب بالعبد. وكان قد عرف عنه رجاحة العقل ويملك الكثير من الحلال , فقام بعمل وليمة للعجمان واشترط عليهم شرط واحد , وهو ( الصليح ) أي ان يصلح على العجمان بدون رضاهم ووافق كل العجمان .
ومن المتعارف عليه ان الشيخ من ( أل حثلين ) وليس كل ( أل حثلين ) يصلح على العجمان من الأحساء الى النعيرية , إلا الغير متواجد في الديره. وشيخة ( ال حثلين ) رسخت على وقت ( مانع بن حثلين. )


15- كان هناك اختلاف بين بين رواية ( عبدالله الدامر ) ورواية ( ابن فردوس ) حول اسباب حرب الرضيمه , فما تعليقك ؟
السبب معروف لدى الجميع وهي قصة مقتل الشيخ ( عامر بن جفن ) كما ذكرها الشيخ ( عبدالله الدامر ) رحمة الله عليه :
في احد الايام جاء احد ابناء ابن عريعر وعقر شاة لواحد من ال هتلان فضربه اهل الشاة وطردوه واخبرو عامر بن جفن بالقصه فذهب عامر خلف ولد ابن عريعر ليرجعه ويعطيه الشاه بدال ضربته ويعوض اهل الشاة بخير منها.
ولكن ولد ابن عريعر لما شاف الخيال لاحقه ظن أنه يريد قتلة فأخذ البندق ورمى عامر بن جفن وقتله.
فقام ابن عريعر بعدها بأرسال رجل ليتجسس له عن أخبار عامر بن جفن, فرجع الرجل وأخبره ان عامر بن جفن قد توفي فرحل ابن عريعر بالليل جهة الشمال وأركب الركايب يستنجد بقبائل بني خالد وابن هذال مغيلث وابن مجلال برجس شيخ الدهامشه ولمسلم ابن مجفل أمير الصمله من سبيع ومن معه, وأدبر شمالا واضع الدهناء والنفود يمينه والعرمه والجبل على يساره حتى وصل الرضيمه وأجتمع الفريقان وتناوخو , اما رواية ابن فردوس فلم نسمع بها من قبل.


16- فيمن كانت زعامة العجمان يوم الرضيمه ؟
يقول ( عبدالله الدامر ) رحمة الله عليه نقلا عن بعض كبار السن ومنهم ( سالم بن وذين ) ومنهم ( مبارك ابن عجيمه ) رحمهم الله جميعا : ان والد ( مبارك بن عجيمه ) ذكر له انه هو وفهيد الخفيف ، كانو حاضرين يوم الرضيمه وكان والد مبارك يقول ( ذبحتنا يافهيد) حيث ان البارود كان يوضع في قرن , وكل ماشحن البندق قام برمي القرن امامهم لأجبارهم على التقدم.
وكان الشيخ وقتها هو ( مانع بن حثلين ) بشهادة المعاصرين للحرب


17 - ماقصة قتل ابن عريعر ل 20 من ال شامر ؟
لم نسمع بهذه القصه من قبل ولم يذكرها الشيخ ( عبدالله الدامر ) او احد من شيبان العجمان.


18 - ذكر في تاريخ الكويت ان من زعماء العجمان وهو ( مناع ابورجلين ) قام بغزو الكويت تحت حملة الوهابية , ومن بعدها بنوا اهل الكويت اول سور تاريخ الغزو عام 1798 م وتاريخ بناء اول سور بتاريخ 1799, فمن هو ( مناع ابو رجلين ) ؟
غير صحيح ولم يكن هناك غزوا للكويت في ذلك التاريخ ولا يوجد احد من العجمان بهذا الاسم.


19 - كم بيرق للعجمان اثناء الحروب ؟ وهل لكل فخذ بيرق ؟ ومن يقود هذه البيارق عادة ؟
العجمان لهم بيرق واحد وكان مع ( أل سليمان ) وكل فخذ عنده ( مزين ) إحدى عادات الجاهليه وقت الحروب حيث توضع اجمل بنات القبيله على ظهر هودج لتحمس فرسان القبيله للحرب .


20- قيل ان بيرق العجمان يوم العيينه مع ( أل لزيز ) , فهل هذا صحيح ؟
غير صحيح ويوم العيينه كانوا الريجيل في ليل ولم يكن هناك بيرق , وكانت بيارقهم قنازعهم , ومن قام بشحن همتهم هو ( محمد بن مصرقع. )


21 - يتردد في بعض المنتديات ان ( ضيدان الفغم ) قتل احد العجمان في مجلس ( ابن حثلين ) , فما حقيقة هذه القصة ؟
غير صحيح و ( ضيدان الفغم ) قدم على العجمان بفرسه واهله هربا من الدويش ونزل عند ال صالح.
وفي احد الايام شاهد شخصا يمشي وسط الأبل فأمسك به الفغم وقال انت لص , فقال الشخص انا لست بلص انما انا من الخييلات وانا جار لسلطان ابو شقره من ال سفران , ولكنه لم يصدقه وقام بكويه على وجهه بمحماس القهوه.
وذهب الخييلي الى سلطان ابو شقره واخبره , فقام سلطان ابو شقره بشق بطن الفرس فماتت الفرس ومات فلوها في بطنها .
وبعدها قام ابوشقره بتعويض الفغم بعد ان اشتكا عند ال صالح وبعدها رحل الفغم ولم يقتل احد من العجمان وهذه مشكلته الوحيده حين نزل مع العجمان , ولو انه قتل احد لعرفنا اسم المقتول ولسمعنا بالقصه .


22- من من العجمان اللي رحلوا للعراق بعد العيينه ؟
اللي رحلوا واجد ولكن المطلوبين كانوا اربعه وهم ( سحمان ) و ( عبدالله الدامر ) و ( سالم بن وذين ) و ( عبدالله بن مخيال ) .


23- وعلى ماذا كانوا مطلوبين ؟
( عبدالله الدامر ) كان مطلوب لضربه القوافل التجاريه التي كانت تمد عبدالعزيز كما كان مطلوب على اخذه ل 800 ناقه من ابل سبيع.
اما ( ابن وذين ) فكان مطلوب لاحراقه سيارات عبدالعزيز
و ( سحمان ) كان مطلوب لاخذه رعايا عبدالعزيز هو ويا ناصر بن جمعه
و ( ابن مخيال ) كان مطلوب على ذبحة ابن جلوي
عبدالله الدامر جلس مايقارب ست سنوات في العراق وهو أول من أعطي الأمان واشاروا عليه ربعه بالرجوع فرجع . وصادف رجوعه من العراق من شمال رجوع غزوا نجران راجعين من جنوب وكان من ضمنهم اخيه عبدالرحمن.


24- تم طرح فكرة إنشاء مجلس للعجمان على اكثر من شخصيه وكان هناك قبول من الجميع , فما رأيك بالفكره ؟
انا أؤيد الفكره ولكن يحتاج لها دراسه وموظفين او لجنه خاصه بها , وانا اؤيد انها تطرح كنوع من تبرعات لصندوق يخص العجمان اما في حالة الديه او دين الرجال فانا اقترح ان تكون الزاميه .


25- بعد اطلاعك على اقسام الشبكة , هل هناك من توصيات او مقترحات بخصوصها ؟
اتمنى ان يكون هناك اهتمام اكبر بقصائد العجمان الأولين وجمعها في قسم مخصص للرجوع لها في حالة لم يعد هناك من يحفظ القصائد القديمة


26 - هل هناك من كلمة تود أن توجهها لإدارة واعضاء شبكة العجمان ؟
فكرة الشبكة جدا رائعه وتوضح تاريخ القبيله للجميع وخصوصا للشباب ولكن أوصي بالابتعاد عن المهاترات وتفضيل احد على احد او التهجم على القبائل الأخرى والأنتقاص من قدرها.
كما احب ان اشكر ادارة واعضاء شبكة العجمان على الجهد الرائع في سبيل رفع اسم القبيلة بأحدث الوسائل

http://www.alajman.net/vb/uploader/daamer9.gif
من اليمين:حسام بن فهد الدامر, جالس بن مبارك, فيصل الحجرف, الشيخ خالد الدامر, فهد بن عجيمه, بن جمعان العرجاني



أخوتنا منتسبي شبكة العجمان ، كانت هذه تفاصيل اللقاء الذي جمعنا مع الشيخ ( خالد بن عبدالله الدامر ) و الراوية ( فهد بن عجيمة آل ضاعن )
فكل الشكر والثناء على إقتطاعهم جزء من وقتهم الثمين للإجابة على تساؤلاتنا وإمتاعنا بهذا الحوار القيم .

آملين أن نكون قد وفقنا في نقل تفاصيل اللقاء إليكم

[مـحـمـد بـن فـهـد]

تم طرح هذا اللقاء قبل مايقارب الاسبوعين ولكن مع الخلل الفني اللذي تعرضت له الشبكة فقدنا هذا الموضوع وجميع الردود والمشاركات عليه,
لذلك نعتذر من الجميع ومن كل من شارك في هذا الموضوع خاصه وجميع المواضيع عامه

[العماني]

نشكر الاداره على اجراء مثل هذا الحوار الرائع والى الامام

تقبلوا تحياتي،،

[رماد]

نشكر الاداره على اعاده القاء

وصراحه اعجبت بمعلومات التي لدى الدامر فهو بحق علامه

بس هناك ملاحظتين :
1- عن موضوع الي من العصيدان في الامارات هو اسمه تعيب وليس متعب .
2-العائله الي من ال سليمان هاجرت الي العراق وليس فخذ هم ال دواس الي منهم راكان المذكور .

واشكركم مره اخرى على الجهد المبذول من اجل المنتدى و الاعضاء .

[turki]

شكرا للجميع
مع الرجاء للابتعاد عن الشطحات بالموضوع
والكلام اللي ما يودي ديره مثل ما حصل من قبل بعض الاخوه في الماضي

[ولد آل شامر]

مشكوررررررين على القاء المتميز مع الشيخ/خالد الدامر اللي افادنا بمعلوماته القيمة......

[جيــر]

كل الشكر للإداره على ارجاع اللقاء بأسرع وقت ومثل ماقال الأخ تركي ارجو من الجميع عدم الخروج عن السياق العام للقاء

[الباشا]

يعطيكم العافيه على الجهد المبذول
وعلى هذه المقابله القيمه مع شخصيه
معروفه ..
حوار مميز ومواضيع مفيدة
والى الامام

[فيصل بن حجرف]

حياكم الله اخواني
ومشكورين على المرور ونتمنى ان يحوز هذا اللقاء على اعجاب الجميع

[ffahad]

نشكر الاداره على اجراء مثل هذا الحوار يعطيكم العافيه على الجهد المبذول

[ماتركس]

انا كل ما اتمناه من الاداره ان تجرى لقاء مع المؤارخ الوالد الذى عاصر الكثير من الذين عصارو الوقائع تلك التى ذكرها فى كتبه وهى لم تكن معلوماته محصوره على اى فخذ معين بنقل المعلومه بل اخذها من جميع افخذ العجمان من من عاصرو تلك الوقائع والاحداث وغير العجمان من ماارخين متفقت رواياته ولا تكون نقل المعلومه من خلال شخص واحد الانه يوجد مغاا لطات كثيره والمعلومات لاتكون محصوره على شخص معين فالكثير منا سمع غير ما رواه الا خ خالد الدامر فارجو من الاداره ان تاخذ الموضوع ماخذ جدى حتى تبين المحايده فى اخذ المعلومات وعدم التحيز حتى يتم بالنفع على الجميع متمنين لكم التوفيق دائماا

[فيصل بن حجرف]

هذا شي طبيعي اخي ماتركس
فاللقائات لن تتوقف عند خالد الدامر فقط
وان شاءالله سيكون لنا لقائات مع شخصيات معروفه من العجمان
ولكم كل الشكر اخواني الكرام على المرور

[فيصل السليماني]

لا هنتم جماعة على الموضوع وجهدكم في اعادة الموضوع من جديد.

ولن نرجع الى الجدال او بعض الكلام وهي الحقائق التي تحدثنا بها والتي يعتبرها البعض من المهاترات لانها لا توافق امزجتهم.
كما ذكر في اللقاء وهو قول الشيخ خالد الدامر ان المرازيق ليسوا من العجمان كما هو موضح من السؤال والجواب عليه، هل إدارة المنتدى الموقرة تؤيد كلام الشيخ خالد الدامر بأن المرازيق ليسوا من العجمان أو انها تخالفه في هذا الرأي نريد اجابة بنعم نأيد او بلا نعارض.

ومشكورين

[صاهود اليامى]

وانا كذلك اختلف مع من طرح مثل هذا الموضوع فى امور كثيره ولا اعتبر الاخ خالد الدامر راويه عن العجمان فهو سمع ولكن نعرف كذلك ان هناك من عاصر وسمعنا منهم احياء قبل وفاتهم وكما ورد فى الكتب ولتصحيح حتى بيت شعر تم التلاعب فيه ومره قيل لريكان ومره قيل لغيره وهذا غير صحيح يوم مناخ الرضيمه وهذى ابيات وردت فى سياق تلك الحرب وكان المقصود بها سبيع عندما كانو مع ابن عريعر

بقول سالم العبد المعيضي:هذا وقت شيخة سالم العبد بعد وفات الشيخ جريس ابن جلبان وشكرا
البيت لشيخ سالم العبد
بني عامر في حربهم سم ساعه=و ليا هزعناهم شويٍ يعيون
اللي يبي له من عياله بضاعه=قله يوصيهم مع اللي ينيرون

وهذا لسالم العبد ويوجد من حرف فيه ويوجد من جعله لراكان ويوجد من نسبه لغيره ولكن هو من من رو التاريخ الصحيح بالضبط كما توافق مع الكتب ومعضم القبائل المعنيه فى هذه الحرب ارجو من الجميع اخذ الامور بالعقل وعدم التحيز

وهذا شاهد على بنى عامر انهم سبيع كذلك ورد فى قصيده فى تلك الواقعه
تسمووا بنا الغلباء سبيع بن عامر= تسمووا بنا لين الله ادنى ذهابها

[فيصل بن حجرف]

اخي صاهود انت جزاك الله خير خلطت الدعوه فأنت تشكك في كلام خالد الدامر اللذي اخذ التاري نقلا عن والده رحمة الله عليه الشيخ والراوية عبدالله بن فهد الدامر
وجأت بشيئ جديد لم نسمع به من قبل
فما هي مصادرك اللتي نقلت منها هذا الكلام؟

سالم العبد ماكان على وقت الرضيمه جزاك الله خير

والقصيده اللي قلتها لراشد المعيضي ومعروفه وحتى سبيع يعرفونها

وعلى العموم مشكور على مرورك

اما بالنسبه للأخ فيصل السليماني فاقول له ان رأي الادارة تحتفظ فيه لنفسها لان اعضاء ادارة الشبكة ليسوا بمؤرخين او رواة

[الطوارق]

السلام عليكم
أنا عضو جديد وأرجوا أنكم تتقبلوني بينكم

المهم أنا حبيت أشكر الشيخ خالد الدامر على معلوماته التي نحن ليس في غنى عنها.....

وإن شاء الله تتكرر اللقائات اللي مثل هذي عشان الكل يستفيد منها

وطبعا شكر خاص لإداره المنتدى....................

[مـحمـد]

الاخ الطوارق بدايه نرحب فيك بين اخوانك في شبكة العجمان واسعدنا انضمامك لنا
وكل الشكر لمرورك وانشاءلله حاز اللقاء على اعجابك
وانشاءلله سوف تكن هناك لقاءات عديدة مماثله مع شخصيات بارزه .

[الموذى]

والله اول مره اسمع ان الرضيمه مهيب على عصر سالم العبد وهى بعد خروج جريس ابن جلبان من السجن وحصلت وفاته قبل ان يتم حربه مع ابن عريعر والبيت الى قاله اخى صاهود هو كما ذكر لسالم العبد لكن نرجو من لخوان مراجعت التاريخ وعدم الخلط من خلال نقل معلومه من اى شى ونفى التاريخ كامل ارجو عمل لقاء مع ابن جمران هذا اذا انتو فعلن تريدون الحقيقه وليس لمجرد ما يرضى اهوا البعض

[الساحق الماحق]

السلام عليكم
اولا اود ان اشكر الاخوان الداره ومسؤولي القسم على هذه اللقاءات وهذي اول مره اشارككم فيها وارجو ان تتقبلوني بصدر رحب
اولا عندي استفسار بسيط يقول الشيخ خالد ان يوم العيينه ماكان فيه بيرق وهذا الي اسمعه من ابيه اولا ياشيخ ترى فيه ناس حظرو العيينه واجد وبعضهم عادهم عايشين وانا ان شاء الله بجيب الموضوع قريبا جدا بكل تفاصيله وشكرا لكم.

[فيصل بن حجرف]

مشكورين اخواني الكرام على مروركم ومشاركاتكم

بالنسبه للأخ الموذي اذا كان هناك ماتعتمد عليه في قوك يرجى اطلاعنا عليه

وبعدين معلومات خالد الدامر وفهد بن عجيمه كلها مأخوذه من عبدالله الدامر رحمة الله عليه

اما بالنسبه للأخ الساحق بالعقل العيينه كانت فجأه ومباغته وبالليل, فشلون يكون هناك بيرق؟

وياليت يكون كلام الأخوان موثق لانه من السهل ان يجي عضو متخفي بأسم مستعار وينفي كلام شيبان وشيوخ معروف عنهم حفظهم لتاريخ القبيله

ولكم كل الشكر

[الموذى]

يا اخى انا كلامى منقول من حاضر هذه الوقعه شخصيا وجهن لوجه قبل وفاته وهو مشهود له بالحفض والصدق وكان مرجع لجميع العجمان ولا زال احفاده موجودين وحتى حياة العزب كان ياخذ منه المعلومات وابن جمران وكثير من المارخين والشيوخ ومنهم ابن شقران وحياة جابر العلى

وهو طنيقر ابن مسعود ال حبيش وحضر كنزان وعلى فكره حتى الماريه الى هى فصخت الثايب يوم قالو وشهى الماريه اول من فصخ ثوبه هو مطلق الزقيع وعلقه على الشداد وعقبها كلن وضع ثوبه انا ما انقلك من اشخاص نقلت وبس لا انقلت وهى حاضره فيه فرق

[فيصل بن حجرف]

اخي الموذي

عبدالله الدامر رحمة الله عليه كان حاضر العيينه وولده يروي القصه على لسانه رحمة الله عليه

وفي هذه الحاله عليك ان تسأل الشيخ خالد الدامر عن حقيقة انه كان فيه بيرق ولا لا

ولك كل الشكر على مرورك

[ابوسعود الشامرى]

والله انا من راى الشباب على حسب كلام الشيبان بان الرضيمه على وقت سالم العبد

[الساحق الماحق]

استلم يابو عبدالله

وهذا الكلام من واحد من شيبان الهادي وهو جمل ابن سالم الله يرحمه وبعد من فهد ابن اللسود ال ناجعه الله يطوب في عمره وكلهم حضرو العيينه (( يقول يوم نزل ابن جلوي حول العيينه ومعه الهواجر والسبعان وبعض الدواسر وبعض العوازم وكلهم تحت رايته المهم ان الرجال جاي يبغي العجمان يعني (مافي اذنه ما) وراح دز مرسوله صوب ضيدان بن راكان الله يرحمه وقال فيه الله وامان الله والخاين يخونه الله وانه مقصده بس انه يعزمه ويكرمه ويوم جا المرسول صوب ضيدان قال بروحله ونقزو عليه العجمان يتطلبونه قالوله تكفى ياضيدان هذا ماله امان وحتى بعضهم تعلق فيه من حبهم لابو راكان وضاق ضيدان وقالهم الحين الرجال يعطيني وجهه وامان الله وتقولون بيخون وراح وهو يوصي العجمان ان ماجيتكم الليله ادرو اني ماني معود عليكم(يقصد انه بيذبح) والعجمان متحسرين عليه عارفين ابن جلوي وفعايله المهم يوم راح كان معه 4 او 5 رجاجيل منهم بريكان ال مري اللزيزي واظن ان الباقي حبيشات (ماوكدتها من جمل) المهم يوم جا ضيدان عند ابن جلوي رحب فيه واكرمه ويوم جا الممسا قال ياضيدان هذي خيمتك قاله ضيدان انا بسري قال ابن جلوي والله ماتسري انت ضيفي ذا الليل ولازم تمسي عندي قاله ضيدان انا معلم ربعي اني بجي ربعي ذا الليل قاله ذا الليل والصبح يصير خير وماامدى ضيدان دخل الخيمه الا والعبيد ماسكينه ورابطينه (والعبيد معلمهم العفن من قبل ومفهمهم الوضع) وقام ضيدان يتعزوى هو واللي معه وعاد العبيد مربطينه الا فيه واحد من ال حبيش من خويا ابن جلوي قذع بريكان على علباه وهو يقول انهزم انهزم ياصبي علم اهل الصرار وينطلق بريكان صوب الصرار ويلقص في الطريق ثلاث مرات ويوم جا الصرار الا قدهو بيموت من الهلكه وكان اللي في الصرار ال لزيز وال حبيش والشواوله
اها في ذا الوقت جا الخبر بعض العجمان اللي متفرقين في الوادي وشد اللي شد صوب العيينه وقعد اللي قعد ؛ في العيينه قام ابن شافي وقال لابن جلوي طق يابن جلوي طق ترى ذولا العجمان فرد عليه ابن جلوي اطق عشان فارتين في الصرار ولا تنفخت رياياك يا خايس الكراع فقام ابن جلوي وكشف عن ساقع قال ماعابها الا العجمان وقاله ابن شافي انا بشد انا وربعي وشوف عيني يامدربا عظامكم الزمان الجاي في ذا المحل(وعزا الله انه صدق) وشد ابن شافي وربعه الهواجر وبقى بعضهم مع ابن جلوي , المهم يوم جاو العجمان قبل الفجر حول ابرق الضيان قالو لازم ان حنا لاتقاشطنا معهم نفرق بين بعضنا عشان مانتذابح فقام طنيقر الحبيشي وفصخ ثوبه وقامو العجمان عقبه وفصخو ثيابهم ذا الساع جت مره من الحثلين وان كاني ماني بهاقي انها اخت لضيدان وقالت تكفى ياجمل قال اطلبي عزش قالت البيرق شله قال والله ماشله وفيه احد من اللزيز وقام شله سعود ابن نمشان (وجمل يوم قال كذا مهب خوف عزا الله انه فارس ولد فارس بس ان البيرق معروف انه عند ال لزيز) ويوم اقبلو العجمان اتفقو انهم يرمون رميه وحده جميعى وماخذو الا يوم انطلقت فشقه ويقولون انها من حبيشي ماعاد صبر من القهر ورمو العجمان سوى ذا الساع الا وينهد بيت ابن جلوي ويوم اقبلو العجمان على خيام ابن جلوي وضيدان عاده حي ويقول ابن الاسود والله ان حن نشم ريح ضيدان ويتعزوى ويصيح يوم شاف العجمان ماخلوه عاد ذا الساع قام العبد الله يلعنه دنيا واخره وذبح ضيدان ذبح الشاه ويشب شبوب العجمان يوم مات ويهجدون جميع من كان في القاع حتى ان بعضهم ذبح بعض ذا الساع ابن جلوي على فرسه ويذبح من جاه ماخذينا الا فشقة قاشطة ابن جلوي في جنبه ويظهر مافي حشاه (واللي اذبحه والله ثم والله ثم والله انه حبيشي ومعروف بس عشلن الاتفاق اللي بين العجمان انهم مايعلمون عنه حنا بنحفظ لهم السر) ولاهب ابن الصفار ولاهوب ابن سويد ولاهوب ابن مخيال هذولا منهم اللي خذا عباته ومنهم اللي خذا فتخته وبعضهم اللي خذا رسن فرسه , عقب ماطاح ابن جلوي قام جيشه يتردى ويضعف والعجمان يصيحون ليت ضيدان حي ويشوف ليت ضيدان حي ويشوف وقامت قيامة ابن جلوي ذاك اليوم ونصر الله العجمان على الظالم.

السالفه اطول من كذا والقصيد واجد بس انا حبيت اوضح امور واجد مخفيه على الجميع ومنها انه كان فيه بيرق يوم العيينه وان اللي ذبح ابن جلوي( حبيشي من خوياه اللي كانومعه وكانو ينطرون بس متى يجون العجمان وينكسون عليه) هذا شي من لا شي يابوعبدالله وانا بقولك المصادر اللي انا جايبها منهم وهم :
1) جمل بن سالم الهادي الله يرحمه
2) فهد بن اللسود الناجعه الله يطول عمره
3) مبارك ال مري اللزيزي الله يرحمه (اخيك يا بريكان وسامعها انا منه ثلاث مرات)
4) سعد بن صامل الحبيشي الله يطول عمره (وهو مشهود له بالحفظ والذاكره القويه وانشد اي حبيشي عنه ويعلمونك )
5) ناصر بن سويد الفنيسه الله يرحمه ( وهو ايضا مشهود له بالحفظ الشديد حتى قبل لايموت بشوي)

اجو اني وضحت ماكان مخفي على الجميع وسامحوني على الاطاله

[ماتركس]

الله يرحم شيبانك يالساحق والماحق على كل ما قلته وعزالله ان الى قلته 99% بالميه هو الصحيح والمعروف عند شيبان العجمان والى سمعناه من شيبان حضرت العينه مهوب سمعت لا كان حاضر ومنهم حيات الشايب طنيقر ال مسعود ال حبيش الى حضرها شخصيا وذكر كل ما حصل بالحرف ومغاير ما ذكره الدامر الذى اتحدى احد ياتى يقول ان الدامر اصلن حضرها او كان مع الى حضرو الامر من اوله واحب اوضح لناس الى تستشهد بروايته وهومنقول الا الله يرحمهم جميع يوجد فرق لما يرويلك شخص حضر الحرب وكان موجود ساعت مقتل ابن جلوى واحد يقول على حسب ما سمعت الفرق شاسع وازيدك ولا زود عليك حتى لسامى الذى كانت فى العينه اختلفت عن رواية الدامر لما قاله الفارس طنيقر ابن مسعود ال حبيش

اضافه الى مذكر اخى الساحق لما رواه الناس هذى التى تعتبر من اعلام العجمان كلها اختلفت مع الدامر 1) جمل بن سالم الهادي الله يرحمه
2) فهد بن اللسود الناجعه الله يطول عمره
3) مبارك ال مري اللزيزي الله يرحمه (اخيك يا بريكان وسامعها انا منه ثلاث مرات)
4) سعد بن صامل الحبيشي الله يطول عمره (وهو مشهود له بالحفظ والذاكره القويه وانشد اي حبيشي عنه ويعلمونك )
5) ناصر بن سويد الفنيسه الله يرحمه ( وهو ايضا مشهود له بالحفظ الشديد حتى قبل لايموت بشوي)
6) طنيقر ال حبيش المشهود له بالحفض والصدق واحقاق الحق وانه اذا اختلفو العجمان على سالفه كان من الناس التى تلجأ له العجمان لفصل النزاع فى هذه السالفه والقصيده وكان شيبان العجمان اذا اتت سالفه قيل لجا العلم من ابو حسين وقف عنده

فهل ناخذ روايت الدامر او متفقت عليه روايات شيبان العجمان بالاغلبيه فى حرب العينه والقصائد التى قيلت

[فيصل بن حجرف]

خذ اللي يجوز لك طال عمرك
وهذا منتدى تطرح فيه جميع الاراء وحنا طرحنا رأي وانت طرحت رأي أخر
والحكم للقراء والزوار

وعلى العموم الله يعطيكم الف عافيه وان شاءالله سيكون هناك لقائات في المستقبل

[جيــر]

الاخوان الساحق الماحق وماتركس

للمعلوميه فقط الشيخ عبدالله الدامر الله يرحمه من اللي حضرو العيينه ومن يوم عرفنا العلم وهو يقول هالكلام وسبحان الله ماسمعنا احد يعارضه الا عقب ماتوفى

[ماتركس]

اخى جير السالفه مهيب عناد وانا اخوك بس السالفه ان حنى قاعدين كلنا نتباحث فى مواضيع شيبانا وما سمعنا منهم يعنى المفروض يكون تقبل الراى بكل رحابت صدر وهذا فعل ابائنا اى واحد منهم ينومسنا كلنا بس لازم نكون دقيقين ميكون الكلام لمجرد سمعت وانتها مسمع من غيره يعنى طال عمرك عبد الله الدامر رحمه الله ارجع لتاريخ وفاته وارجع لكم كان عمره حين وفاته وارجع لتاريخ معركة العينه ستجد انه لم يحضرها بكل سهوله وبدون تعقيد اما النقطه الثانيه انك تقول فى حياته محد خالفه بهذى انا اقولك انت غلطان كثير من العجمان اختلفو مع الدامر وغيرهم فى مواضيع كثيره وهذا شى طبيعى الانسان منا اين كان معرض للخطا لنسيان لكن حنى وصلنا الى مرحله تكون الضروف فيها افضل لنا من شيبانا يعنى شيبانا الله يرحمهم جميعا ويسكنهم فسيح جناته من العجمان كافه الى عليهم سووه عطونا بعض العلوم التى حصلت ولاكن لم يكونو اهل كتابه وتاريخ وغيره والباقى علينا حنى ناخذ ما قالوه من علوم ونرجع للكتب والتواريخ حتى منها نحدد ونربط بينها حتى تتضح لنا الامور وسلامتك وارجو ان يكون دائما النقاش للمعرفه فقط ودمتم

[جيــر]

الأخ ماتركس بكل سهوله وبدون تعقيد وبدون اي حسابات عبدالله الدامر الله يرحمه بنفسه يقول انه حضر العيينه وانا بنفسي سامعه منه والشي هذا معروف فأرجو منك انك ان تترك العناد اللي مايجيب نتيجه وتراك الله يهديك من دخلت المنتدى وانت تكذب كلام الشيبان ومتمسك برأيك وفي اعتقادك انك انت الصح والباقي غلط وصدقني يا اخي العزيز كل هالكلام مايودي ولا يجيب فأرجو منك انك تركد شوي وتغير طريقتك

[الساحق الماحق]

مرحبا والله بالعزيز ماتركس ومن قال مايهون

الاخ جير حياك الله في منتداك اولا ياعزيزي المعلومات هذي جبتها من جمل بن سالم وهو من اللي حضرو العيينه ومثل ما قال ماتركس فرق بين انك تسمع من واحد حضر السالفه وبين واحد سمعها وحافظها من غيره وفيه تفاصيل واجد انا ماكنت ابي احطها وهو الواحد في الميه اللي قاله ماتركس اللي انا ماكتبته علشان مايزعلون بعض الناس , وبعدين يااخي اذا قال عبدالله الدامر يعني اكيد انه صح , صحيح ان ابو فهد اللي يرحمه حافظ سوالف واجد قليل ماتلقاها عند بعض الشيبان لكن مهب معناه ان كل اللي يقوله صحيح ميه في الميه في سوالف اكيد تخفى عليه ولابعد سمعها وشكرا لك مره ثانيه.

حياك الله ياابو عبدالله (الحكومه) جعلني ماابكيك صحيح ان هذا منتدى والكل يبدي رايه بس ودك ان العلم يوخذ مظبوط بكل حذافيره وانا متاكد ان فيه ناس واجد تخفى عليهم سالفة العيينه بكل تفاصيلها ولكن حنا جبنا اللي قدرنا عليه من ناس حضرت اليوم ذا وكنهم يشوفونه قدامهم واشكرك ايضا على ردك يا حكومه والسلام

[ماتركس]

الساحق والماحق جعل ولديك الجنه على كل حال والله يسكن العجمان ويام ومن سر فيها وعباد الله الصا لحين الجنه ويرحم ولديك ياجير ويسكنهم الجنه والله انا يا اخى جير لا عانت ولا تمسكت براى ولا غيره انا كلمتك بالحق وانا اخيك ومثل ما قلتلك الدعوه وانا اخيك كلن منا يسولف مع الثانى مثل لخ لخيه ونجمع العلوم ونشوف اتفاق العلوم ونجزم بالصح منها ومثل مقال اخى الساحق وهو صادق ولا ازيد عليه والى مثلكم معليه زود وانا اخيك ولا يلحقنا بربعنا ادنا شك بفعالهم وهذا يا اخى اخى الساحق تقبلها بكل رحابت صدر يوم قلت 1% مذكرته وهو عارف شقصد واكيد ان عنده العلم مثل ماهوب عندى يعنى وانا اخيك كلنا مجتمعنا هنيه الا نذكر علوم شيبانا الله يرحم شيبانك وسع بالك علينا واخذ كلامنا حسبت اخوان انتحدث ولا بد ميحصل بينا خلاف فى لمور بس حنا قلنا قالو الشيبان وهم مهوب واحد واغلب الى ذكرت اسما هم كلن له عوال وحافضين ومسجلين وانت بس كلف على روحك شوى ورح وانشد
وسلامت عمرك والله يجمعنا معكم على خير والنفوس صحاح

[الساحق الماحق]

ومن قال مايهون ياماتركس

والله ان كلامك وسام على صدري وتاج على راسي وجعلني والله ماخلا منك ومن اللي مثلك

انت يوم قلت الواحد في الميه ذا والله ان عندي علمه بس وانا اخيك في بعض العلوم لو قلتها بيزعلون بعض الناس وانت اظنك فهمت قصدي فيها زين

وانا والله اني مستانس ان فيه ناس مثلك في ذا المنتدى والله يكثر من امثالك يالقرم

[ماتركس]

ارحب يالساحق والماحق لبا والله عينك انا الى والله انى افرح يوم اشوف مثلك وشرواك وعارف علوم الشيبان زين وصدرك وسيع على بنى عمك وجعل شيبانك فى الجنه ومن ارثك والله انه اسعدنى كلامن معك والى مثلك نفرح حنا بمعرفته ولا يصغرك والعلوم مثل منت قلت وفيه احداث انت خابرها وجعل ولديك الجنه والله يجمعنا معك على معزه

[أبن جفـــن]

السلام عليكم ورحمة الله :
أخواني الاعزاء ماكان ودي اعلق على الموضوع ولا اجيب له طاري لان بعض الناس عندها حساسيه ومهايط زايد عن اللزوم ناس تبي تبني لها تاريخ على حساب غيرها ولا قلت له السنع كذا قال السنع كذا ولاجبت له دليل قام يحوص منك يمين ويسار ليه مدري هل عنده نقص في نفسه والا مستشك في نفسه والا يشوف العالم الثانيه حوله ولا شي وهو كل شي .
موضوع العيينه قريب ولا هوب بعيد وان كان بعض الاخوه ماخذ الموضوع من طنيقر وسامعه منه ترى طنيقر مهوب بروحه في المعركه واغلب ال معيض والعجمان فيها ورواياتهم معروفه ومشهود لها , والشيخ عبدالله الدامر بشهادة الكل الله يرحمه يعد عارفة العجمان وحافظ سوالفهم كلها من اولها لاخرها عند القريب والبعيد ولاقال شي كلن له سمع ثقه في حكمته وفي حفظه المشهود له ومعاصرته للامور وللرجال الي قبله . الظاهر انه بعض الناس سوى مثل سالفة الشيطان الي يسترق السمع من السما يسمع كلمه وينقلها لغيره وغيره يزودها كلمه لين توصل للي عقبه مزيوده مية كلمه , ومع احترامنا الكبير وتقدرينا الكبير للاخوه من ال حبيش نعرف تاريخنا وماضينا اب عن جد ونعرف كل العلوم اولها من اخرها وعاصرنا يا بشر مهوب واحد حضر العيينه اكثر من ست شيبان واخرهم مامات الا قبل وقت قريب ومنهم أثنين حيين لحد الان ولو تبون اسامي نذكر وقد ذكرناها , واول مره نسمع ان الي ذبح ابن جلوي هو واحد من ال حبيش يمكن الجماعه علشان بيت الشعر الي يقول بين ال حبيش وربعي السفارين قالوا ايه ذبحوه ال سفران وال حبيش ولا يمكن الحبيشي فلان , ونعم بال حبيش , ياناس يا بشر العالم اختلفت في ابن مخيال والصالحي والصفار والي يسولف حياة العقيد عبدالمحسن ابن شافي وغيره من الي حضروا كثير وقالوا الصالحي الي ذبح والي خذا الفرس والفتخه والسيف ابن مخيال وبعضهم قال كان في ابن جلوي روح وكمل عليه , والصالحي شهد كم واحد منهم الرجال الي ذكرت , والبيرق على قولت الاخ عجمان ترى العرب في ليل يعني مهم صوب بيرق ويا بشر جالسين مع ناس حاضرينها قدام عيونهم ولاتنسون العيينه لال جفن وهم عليها ومعهم بعض ال سفران وناس غيرهم الدعوا تحت عيونهم ومشاركين فيها وبعضهم عاده حي , مار عليهم والناس مصرعين ميتين ويعرفون مكان كل قبر من ربعهم ومنهم ضيدان لو تبغون وديتكم لقبره , ويا اخي قلنا لك سالفة طنيقر ونعم به لكن العمر وكبره مهوب مقياس على المعرفه او الحفظ ولو تبغي دليل كانك ماتعرف السوالف انشد وش سالفة طنيقر مع عجمي ابن منيخر يوم طلبة العيينه وش قالوا له العالم انت أبخص من ال راشد بن معيض في نفسهم , وبعدين سالفة الرضيمه منهي عليه على جريس وهو معروف متى مات ومات بسببه وهو الجدري وسالم العبد ترى عقب يعني مع اختلافي في رواية الدامر لكن معروف ان الرضيمه على وقت مانع ابن حثلين والسبب ذبح عامر بن جفن ومعروف من انزل العجمان الوادي واصلح ابن عريعر والقصايد واجد والدليل وش كبره لكن ماتركس مايقتنع بشي ابد ويوم قلنا له قصيدة الخفيف راح ابو الشباب ونسبها في جريس يا بشر حدث العاقل بما يعقل يعني لاتزودون العيار وتهايطون واجد ترى مهوب زين يوجع في البطن , الخفيف مامات الا قريب وتاريخه مهوب معاصر لجريس وقصايد راشد المعيضي وقصيدة الخفيف وغيرها معروفه يعني يا ناس والله عيب, مهيب معقوله من حفظ له كلمه والا كلمتين قام ينسف تاريخ ناس غيره ويعقب على شيبان وشيوخ اكبر منه وهو مايندرى من هو والا وش جده والا وش عده , والاكبر من الشي هذا واحد يقول ابن جمران والثاني يقول ابن فردوس والقائمه طويله , مشكلة العالم تكتب في شي لاعاصرته هي ولا شيبانها يمكن بس على السمع والدبك من فلان وفلان , ولاقلنا للعالم انشدوا فلان وفلان وفلان وناس معروفين وشيوخ ومشهود لهم قام بعضهم يقول انا سامع من فلان والا اول مره اسمع من فلان سؤال يا اخي السالفه صايره على جدك والا على من صايره واحد من اقضى جماعتك والا اقصى العجمان لك , كانها على جدك محد قايل لك شي وبيناقشك بالي يعرف ويجيب دليله لكن انت جاي تخوف في واحد من اقصى العرب لك والا اقصى العجمان لك ليه بس كذا يعني تراني اعرف اسولف واعرف العلوم , المصيبه ان الوقت هذا طلع جيل جديد بس يبحث عن المظاهر وعن الالقاب انا فلان ابن فلان وهو يمكن مايسوى له راس بصل حتى لو جده طيب , ترى كلنا عجمان ومعروفه سوالفنا من قبل وتالي وكلن حصان من عنده ولا احد يشوف نفسه على بني عمه ولا احد يهضم حق بني عمه وترى فيها حقوق كان بعضكم مايعرف السوالف بس يعبر عن شعوره في المنتدى لاحسيب له ولا رقيب , يا اخي بعضهم حط حتى العبيد شيوخ وحط ناس اول مره نسمع فيهم فرسان ودنيا وفيهم وفعليهم وتركيهم , مانبي احد ينقص من قدر احد ولا احد ينسف تاريخ غيره نبي نقاش عملي نقاش عاقل رزين مانبي سوالف بزران , عندك تواريخ وعندك وقائع وعندك معاصرين وعندك شيبان مضبوطين وبعض الشيبان ترى ماينفع بسبع المذاهب وبعضهم قلبه اسود مثل الصاج نبي الي مشهود له بالنزاهه والحفظ والعرف وانا ما اختص بالكلام هذا أحد ولا احد يفسره على كيفه , ترى كلن يحب يمدح ربعه ويحب ايتنومس بعلومهم لكن العاقل خصيم نفسه يعرف الي له والي عليه , والي عمره صغير ترى ماينشره عليه لكن ينشره على الي قال له السوالف لانها مهيب مضبوطه , والمصيبه من الكتب الي اغلبها تكرار لنفسها واخطاء لاتعد ولاتحصى فيها .

الي حبيت اقوله نبتعد عن الكلام الي مهوب واقعي والواحد يقنع بالي ينقال له ولانبي حزازيات وسوالف مالها داعي والي يحس انه متضايق من الكلام او الحقايق الي هي قديمه بس توه يعرفها يروح له منتدى ثاني والا يجيب له دليل قاطع وعقبها يثبت وجهة نظره .
وان شاء الله بحط كل الي اعرفه عن وقائع الرضيمه والعيينه خلال مده بسيطه ,
ودمتم

[الساحق الماحق]

بك البقا والله مدري وش اقول ياماتركس خلاص ماعادبه حكي يقال ذلحين الا لز خشمك عند الشاشه وحبة كبيره عليه ياوالله اللي يستاهل ذا الخشم وابشر بعد فيه علوم عن ال حبيش بجيبها لكم عن حبيشي وسالفته قريب وبتعرفه يالحبيشي ولاهنت

[ماتركس]

جعل ولديك الجنه يالساحق والماحق والى يستاهل حبة الخشم هو انت فديت خشيمك ولا عدمناه وعلومك ومنطقك كله طيب وهذا عرفنا فى الرجال الى فيها خير مثلك وشرواك يالساحق والماحق

[فيصل بن حجرف]

مشكور اخوي ابن جفن على مرورك وتعليقك من بعد الاخوان

وان شاءالله يكون هناك تفهم من الاخوان

[الساحق الماحق]

مرحبا ياابن جفن والله اني صادق
انا مدري انت تقصدني ولا تقصد ماتركس المهم معلينا
اول شي يا ابن جفن لاتجيب اقصاك بسرعه ترى الرجال اقصاها بعيد وانا اخيك
بعدين اسلوبك تراه اسلوب عناد ولاتفطر عينك بيدك ياابن عمي
انت تقول الرجال مايعرف عده وجده ليه الناس صلب عايشين ولا شلون كل يعرف اصله وفصله ياابن عمي
يالسفراني والله ان العلوم كلها اللي تكتب في ذا المنتدى نوماس للجميع مهيب فخر لاحد على احد
الرجال يومه يكتب في ذا الموضوع وغيره يابن عمي لادخل غير العجمي لاهوب يقول حبيشي ولا سفراني يقول عجمي من دون تخصيص وهذي الغايه اللي نبيها ونرجيها
بعدين يومك تقول بعض الشيبان قلوبها مثل الصاح الله اللي يعلم قلوب الصاج منهي عنده وانا اخيك
الرجال يومك تقول يبي يبني تاريخ له في المنتدى وكل السوالف للحبيش وانا اخيك الرجال حبيشي وبيعطيك علوم ربعه مثل ماغيره يكتب علوم ربعه والجميع يعلق ويمدح الاانت يابن عمي مناشبه في كل مواضيعه الدعوه كلها مثل ما انا قلت نوماس للجميع والكل يفخر بها ولا لو ان الدعوه كلن يمدح ربعه وجماعته من دون باقي العجمان كان مليت منتداك ذا بالعلوم
الرجال قالك جايب العلوم من طنيقر وانت تقول نبي علوم من الشيبان والله حاله اذا ذكرلك اسم الشيبان قمت تخي ذا ماينفع في سبع المذاهب ليه العلوم عندك لحالك انت بس ياابن عمي ولا شلون
انا ذكرتلك اسامي شيبان حضرو العيينه وكتبتها لك قدام عينك وش تبي بعد انت تقول نبي علوم مصادرها موثوقه هذا عندك جمل بن سالم مهوب شايب وحاضر العيينه ترى عواله كلهم موجودين نايف وقمدان وحشر وغيره بعد عوال عواله وانشدهم ويعلمونك ولا ابن الاسود ولاغيره هذي اسامي الشيبان قدامك وانت بصرك

مره ثانيه ياابن عمي لاتحقر الرياجيل كلن يعرف قدره ومكانه

وارجو انك تتقبل نقاشي بكل صدر رحب مثل مانا متقبل نقاشك

وهذي حبة خشم كبر لقيح على خشمك يالسفراني

[الموذى]

مسيك بالخير يالساحق والماحق والله ان كلامك كلام الرجال الى شبعان من عقله جعل ربى ميغير عليك ولا يهون اخونا ماتركس

اما انت يا ابن جفن مضيع الجاده الله يهديك ما نقول الا الله يصلحك بس تراك جرحت بشيبان كلهم نعدهم ابان لنا وقمت تطعن فى شيبان العجمان بكلام ميقوله رجال عاقل يا اخى عندك شى قله بس لا تمس بحد وتقوم انت الى تبى تقيم شيبان العجمان منهو الطيب ومنهو الردى انت اصلن من انت هذولا شيبان لا انا ولا انت نجى عندهم شى ولا عند علومهم وعيب عليك الكلام الى تقوم تقول ميسوا راس بصله وغيره ترا الساحق والماحق حطلك اسامى شيبان والاخوان تعجز مجى عندهم شى ولا اهو انت الى يجى يجرح فيهم اعرف شلون تحكى ثمن كلامك

وبنى عمك لعطوك سالفه اما اخذها والا قل الى فى خاطرك بس بالعقل ان قبلوها زين على زين وان مقبلوها كلن بصره بس الدعوه كنك تقول غصب صدقونى لا يخوى كل شى اخذ وعطا والله لا يهينك الساحق والماحق وتحياتى اخى ماتركس

[أبن جفـــن]

اخوي الساحق وماتركس :
اول شي يوم قلت ذكرت شيبان حضروا العيينه وانا قلت لك انا ذكرت بعد شيبان حاضريين العيينه وسامعها من روسهم ماقال لي فلان وفلان ولا نشدت فلان ولو تبغي عديت لك من سمعت منه ومن حضرها وش الطريقه كانت والدعوى ماهيب حقران للغير لكن قلنا الغير لايبني شي على حساب غيره سوالف ماطلعت الا عقب تحرير الكويت واول مره نسمع فيها صعب ياتي شخص ينسف غيره علشان فلان قال لكاتب فلاني السالفه الفلانيه والسالفه الفلانيه يا اخي ليه ماقلتوا شي عن سالفة الرضيمه يوم ابن سحمان قالها في كتابه وهي فيها من الخطا في السالفه كثير وفيه تحفظات عليها , وليه يوم قال بداح ابن راشد السوالف محد قال له مهوب صحيح , وليه يوم قال عبدالله الدامر السالفه محد قال له مهوب صحيح وليه يوم قال عجمي بن منيخر السالفه محد قال له شي, وليه يوم قال ناصر بن سرحان السالفه محد قال شي , وليه يوم قال سلمان بن حثلين راعي النعيريه شي محد قال له شي ولا قال خطا مهوب صحيح وعلى فكره ترى بيننا وبينه صلة قرابه ويذكرها هو الحين ويعرف العلوم كلها من اولها واخرها وليه يوم قال ابن وذين السالفه محد قال شي وليه يوم السبوق حرب الكويت والعالم تسولف بالسوالف وهو من ضمنهم ماقال شي ليه , وليه يوم قابلوا الكاتب ابن خميس وابن ربيعان تغيرت المواضيع وصار فيها لف ودوران وليه ابن سحمان ماقال في كتابه الشيخ جريس هو كف العجمان كلهم والرضيمه عليه وشيخته قبل مانع وسالم والا ابن جفن وليه ابن ربيعان في طبعته الجديده غير اكثر الكلام الي كاتبه ولا قال امير العجمان جريس والشيخه وغيرها , وليه شيباننا الي مشهود لهم بالدين والمرجله والفروسيه ماقالوا الي قلتوا الا حتى عوال عبدالعزيز يسولفون ابها وقلت لماتركس يا اخي سلمان ابن عبدالعزيز يعرف الي تحت الحيود ليه محد ينشده وهو ابن سعود ويعطيك السالفه , يا اخي الناس ضيعت في السوالف وخصوصا سوالف ال جفن من ال سفران لانه مالقوا من يقول السنع هنا يا عرب وحطوا بنت الشيخ عبدالله بن عامر بن جفن هي بنت عامر يعني فهقوها لجدها ولا سالفتها يوم فك تحجيرها غير الي عرفنا , يعني هل هذا كل صحيح وحنا اهل السالفه ونعرفها من شيباننا ومن شيبان العجمان الي فيهم خير كلهم خطا وانتوا الصح علشان طنيقر قال كذا لا يا اخوي محد نازل من السما يا ابن الحلال وبعض الكلام مردود عليه وقلت لك سالفة طنيقر يوم تدخل بين ال راشد بن معيض وش كان رد العالم عليه وش الاسباب وترى يعرفونها الي حضروها ,ولا نقول في ابن عمنا قصور .
ويوم قلنا بعض الشيبان مايسوى راس بصل ترى صادق فيها بعض الشيبان يعني الي مالحق على سوالف ولا شي ولا مغازي مايعرف السوالف ولا يحفظها ولا هي اكبر اهتمامه ولو تنشده يقوم يضيع وياكثر الي شفنا بعضهم راسه ابيض ولا قال لك سالفه قال فلان يقول وفلان مايندرى فلان وش في قلبه والا من وين له سوالفه والامثله على هذا كثير ولاتفسرالمقصود فيها طنيقر ولا غيره من الشيبان الاولين .
وبعض الكلام الي ينقال تجريح فيني ماني براد عليه ولو برد عليه الرد كثير ولو أن الواحد يعرف ان الي معاصر الشي وممارسه وناشد منه من ناس زحازيح ومشهود لها بكل شي ويحسبون كلامهم قبل لايطلع منهم الف مره ومره .
وقلنا لماتركس السالفه وقام الاخ ابو عبدالله وسوى اللقاء مع الاخ خالد الدامر وقلت انا فيه تحفظات بسيطه عليه ومن حقي اتحفظ عليه لكن ما اخالفه في رايه لاني اعلم ان الرضيمه على مانع ابن حثلين وعلى مقتل عامر بن جفن وقام الاخ ماتركس يلف ويدور ويقول شي غير منطقي والدليل جاب كل كلام الكتب الي مدري من وين هي جايه والا مصادرها من وقال كتاب ابن جمران وكتاب ابن فردوس ونقول ونعم بالاثنين والشيبان الي علقوا على الكتابين وحتى الي يحفظون السوالف من الشباب قالوا فيه اختلاف كبير جدا جدا جدا ولو تبي دليل شف كتاب ابن جمران يوم علق على كتاب ديكسون يا اخي الاسماء وهي لناس معروفين ماحطها مثل ماهي يعني هل هي للامانه العلميه يعني المفروض يبين ذلك ويوضحه وهي اسماء لعجمان معروفين مثل ابن زنيفر ابن جويله وابو شقره وغيرهم , وابن فردوس كثير من التحفظات علي التواريخ الي كتب وغيرها والمقياس انه خصوصا اهل الكويت واقصد اهل الكويت فيهم انقطاع كبير عن جذورهم او عن الشيبان الي عاصروا الفتره هذيك وجربوا كل شي ويعرفون بعض لابعد مدى وسوالف بعض وصارت موضه الكل يدور الشيخه ويقول جدي وعدي وسوينا وفعلنا وتركنا لكن لو تقول له يافلان تعال معي والا رح لفلان وانشده واخذ من راسه كانك مستحي اخذ معك شخص اكبر منك ورح له هناك في الوادي وقل يا ابو فلان وش السالفه ذي والا ذي بين لنا يا بني عمك ونرضى بالحق لانه الحق محد يغطه .
القصد من السالفه انه انشاء ببين عن قريب كل السوالف وبجيب اسامي الناس الي قالتها ولا قالها كتاب فلان ولا كتاب علان بعضهم على قولته ابن منديل والله لو يسمعونك الشيبان الاولين ان يصير فيها علم وش كبره , ابن منديل صار مصدر وتاريخ لنا هو والي غيره ياناس وين الحميا وين الشيبان الي شوف عيني لاطري له فلان وفلان وفلان قام يبكي ومنهم واحد من ال حبيش يوم جاء طاري كنزال وجدي حاضره قام يبكي وانا بزر يقول شوف عيني بجدك وهو يعرض ويزقف بندقه في السما ماقال ال جفن فيهم والا الرضيمه مهيب على عامر ولا غيره لكن عد الصحيح. ويوم اقول الي يمدح ربعه يعني يوم مدح ال حبيش يا خوي كلن خيره فيه وكفو ال حبيش ولانقول فيهم شي بس يا خوي خذيت السوالف سوالفك وسوالف غيرك لك واسلوب تعبيري عجيب لاناقشت فيه صار عندك رد فعل وش كبره وفعلن شي يحير ال حثلين يا خوي الي سوالفهم تنومس وال سفران وباقي العجمان ما كتبوا الي انكتب ولاقالوا سوينا وذبحنا وفعلنا وتركنا حتى الجزيه قال جاتنا وفعلنا , يا ابن عمي كانك ماتدري ترى حياة الشيخ سعد بن عامر خذى الجزيه على بني خالد ولا قلنا ترى سوى وفعل وترك وكثير من شيوخ العجمان خذوا الجزيه وخذوا معاشات من الترك رواتب شهريه لهم من الدوله العثمانيه ولا قلنا احد سوى ولا فعل ولا ترك ولا قلنا ترى عند ام العراد ترى كان مضيف كامل للعجمان وللناس كلها لحياة الشيخ سعد ابن عامر ولا قلنا غيره كثير وكثير وكثير ولاندور الزود على بني عمنا هو سندنا وعزنا وحنا عود من عرض حزمه ولاقلنا شي لغيرنا ونسبناه لنفسنا , ما اقول الا الله اكبر عليكم بس وترى فيها حقوق رجال وكانكم تدورون الحق يا اخي تعب نفسك وشغل موترك ورح للاسامي الي قلت ولو تبغي اجيب لك ارقام تيلفوناتهم وتكلمهم في السعوديه واخذ من روسهم وقل فيه خلاف واقع في الموضوع حلوه لنا .
والي ارجوه من ادارة المنتدى ان تكون حرية التعبير مكفوله للجميع ولكن ليس على حساب الغير ولا انقاص من قدرهم ونسب سوالفهم وعلومهم لغيرهم وحتى قصائدهم التي قيلت فيهم او التي قالوها . واتمنى من ادارة المنتدى أن تجري المزيد من المقابلات مع شخصيات من العجمان من الذين ذكرت الان او حتى ذكرت في السابق ونفتك من النقاش العقيم الذي تحول الى تجريح شخصي مايستاهل من يرد عليه .
ودمتم.

[ماتركس]

مساكم الله بالخير جميعا وش علومكم والله يرحم شيبانكم جميعا وشيبان المسلمين جميعا
والمكسب طال عمرك يالساحق والله انى صادق شوف الى مثلك ومثل الموذى ولا يهونون الباقين والا العلوم الباقيه لو يستاجع عجمى فى اقصا الجنوب وحنى فى الشمال استجعنا من وجعته امس ال مره يوم صار الى صار لهم من اهل قطر والله ان الواحد انغم على شانهم واستاجع بس ليت الرياجيل تعرف العلوم ولا تقوم تسولف سوالف مالها من السنع شى والله يرحم شيبانكم

[123كي دي دي]

كانك ماتدري ترى حياة الشيخ سعد بن عامر خذى الجزيه على بني خالد كبــــــــــــــــــــــــــــــــــــــــــــــــ ـــــيـرة !!! على بني خالد !!!!

ماكان ودي أشارك، كنت مطلع بس ، بس في ناس صراحة استفزتني أرد ،ناس تكتب بحماس من غير وعي ،ومصغره العالم حولها ،ولاهي لاقية أحد يردها !!
يعني عشان ماتركس قال فلان الفلاني كان يأخذ الجزية يجي واحد بعصبية وبمنطق أشبه بمنطق الأطفال يرد ويقول حتى انا جدي فلان الفلاني أخذ الجزية و عمل كذا و كذا !!! نظفوا قلوبكم من الغيرة والحسد !

[أبن جفـــن]

كبــــــــــــــــــــــــــــــــــــــــــــــــ ـــــيـرة !!! على بني خالد !!!!

ماكان ودي أشارك، كنت مطلع بس ، بس في ناس صراحة استفزتني أرد ،ناس تكتب بحماس من غير وعي ،ومصغره العالم حولها ،ولاهي لاقية أحد يردها !!
يعني عشان ماتركس قال فلان الفلاني كان يأخذ الجزية يجي واحد بعصبية وبمنطق أشبه بمنطق الأطفال يرد ويقول حتى انا جدي فلان الفلاني أخذ الجزية و عمل كذا و كذا !!! نظفوا قلوبكم من الغيرة والحسد !
اقول لبا قلبك :
مهيب عصبيه ولا شي ولاهيب قويه على قولتك ولاهيب منطق اطفال ولا اعتقد فيه غيره ولا حسد يمكن في قلبك شي ثاني , وبعدين عزيزي اذا ماتدري عندي من الدلايل الي اثبت فيها كلامي مهوب شي واحد ترى ولا اثنين وعيب على الرجال يقول شي ولا يثبته لبا والله قلبك الي منسم .
الشيخ سعد ابن عامر يوم زعل على ال سفران وجلى منهم على السيف في عين دارين وترى توفى هناك لبا قلبك والعجمان ترى مايمر في ديارهم الا عاني والا جار والا شخص ماخوذ عليه الجزيه وكان ياخذ على بني خالد الجزيه . وازيدك من الشعر بيت يوم العجمان كانوا يبغون يكملون على بني خالد في الشرقيه واجتمعوا عليهم من زبنوا عليه كانك ماتدري ومن قالوا في وجهه يا عجمان وكفوا العجمان منهم ترى في وجه صليهم بن الشيخ سعد بن عامر وكفو منهم العجامن لانه قال في وجهي ياعجمان ومعه ال سفران كانك ماتدري كله من العهود القديمه الي بينهم واشياء ثانيه .
يا بشر يعني العالم لاعدت الي لها يعني مستغربين والا يعني كلن يرى الناس بعين طبعه والا يعني حسد والا حقران للناس يعني والا كره لال سفران يعني نحب نفهم هل هو الغاء تاريخ قصدكم والا وش السالفه بالضبط وانا قلت الواحد لو بيقول الي عنده العالم بيصير عندها رد فعل مهوب مره ولا مرتين ولو تبغي لبا قلبك قل لماتركس ينشد ابن منديل والثاني والثاني من ال جفن والا وش في قلوبهم انتم يا هذولا على العجمان لدرجة انهم صاروا مصدر تاريخنا ترى شي عجيب والله يضحك حيل .
يا اخي كي دي دي لاترتج زياده خاف يطلع في زبد والا يبطل مفعولك ولاتخلي في قلبك غيره أنت وبعدين تدري من الي يغار الي ماله تاريخ ولا له صيت وفعل ولا اي شي او من يقول شي مهوب فيه ويهايط بزود يعني هذا الي فيه غيره وحسد لكن الشخص الي مهوب هو الي يتكلم عن نفسه غيره يتكلم عنه عند قاصي وداني وعند حاكم هذا شهادته من غيره وشهادته في نفسه مجروحه في نفسه .
لكن اضطرينا نقول لانه العالم تغيرت لاعاد تقدر ولاعاد تحترم ولاعاد تستحي حتى , الله يرحم شيبان ماتوا لاجبت لهم بعض طاري العلوم والسوالف هلت عيونه وحمياه قبيله ماتجي مثلها واليوم كلن على جال ضوه يقول انا وانا وانا يحسب العجمان والا الناس خبلان مايعرفون .
الله يصلح الي فيه الخير والخبل الله يزته.

[الطوارق]

معليش يا شباب بس كلام ابن جفن واقعي جدا وهو اكثر شي منطقي هنا(ولا يهونون الربع الباقين)
يعني الحين يا ماتركس والساحق وkdd :ما اعرف خذيتوها عناد او شي ثاني بينكم
يا أخواني الرجال تكلم بشي ياخذه العقل ويستسيغه بكل صراحه.....
وأرجوا منكم رجا انكم تتكلمون بمنطق ينفهم<<<<ولا تزعلون مني يا بني عمي ترا والله ما قلت الكلام ذا إلا لمصلحتكم وحبن فيكم


الطوارق

[الساحق الماحق]

مرحبا والله اخي الطوارق
لاوالله السالفه مهيب عناد ولا شي ثاني بس انا علقت في موضوع خالد الدامر وقلت اللي عندي وابن جفن قال نبي مصادر من شيبان معروفين وقلناله اسامي الشيبان ولا رضا بكلامنا يعني وش السواه وانا اخيك
وانت يالطاروق لو تشوف ردودي على ابن جفن كان دريت وشلون انا احترمه وعاده مثل اخي الكبير
مدري وش قصدك بقولتك عناد وتحدي حنا قلنا اللي نعرفه من الشيبان وانتم لكم الحكم يالاعضاء الثانيين بس حنا لاسبينا ابن جفن ولا جرحنا فيه وشف الردود وانت تدري

[أبن جفـــن]

مرحبا والله اخي الطوارق
لاوالله السالفه مهيب عناد ولا شي ثاني بس انا علقت في موضوع خالد الدامر وقلت اللي عندي وابن جفن قال نبي مصادر من شيبان معروفين وقلناله اسامي الشيبان ولا رضا بكلامنا يعني وش السواه وانا اخيك
وانت يالطاروق لو تشوف ردودي على ابن جفن كان دريت وشلون انا احترمه وعاده مثل اخي الكبير
مدري وش قصدك بقولتك عناد وتحدي حنا قلنا اللي نعرفه من الشيبان وانتم لكم الحكم يالاعضاء الثانيين بس حنا لاسبينا ابن جفن ولا جرحنا فيه وشف الردود وانت تدري
السلام عليكم

أخوي الطوارق مشكور على مرورك وتعليقك الي له القدر الكبير عندي ولاهنت.
أخوي الساحق الماحق مشكور على الاحترام ولك مني الاحترام ولكن يا اخي انت جبت لي شخص واحد من شيبان العجمان والي هو طنيقر من ال حبيش فقط وجبت لي كتب ما اعترف بصحتها ولكن اعترف بكتاب واحد الي هو كتاب ابن سحمان واتحفظ عليه بنفس الوقت في السالفه التي ذكرت .
والشي الثاني يا اخي العزيز عديت لك شيبان العجمان من ال سفران وال ناجعه ومن مصرا ومن ال ضاعن وغيرهم كثير حتى من القبايل الثانيه لو تبغي مستعد اجيب لك وكلهم يقولون الي قلت ولا به خلاف وقلت للاخ ماتركس كذا مره لو يبغي ازوده بالارقام او يقابل الاشخاص حاضر ماعندي مانع وبكل حياديه وبكل أخوه وارضى بالحق على نفسي وعلى غيري ولاجبت شي من عندي .
وقلت والاخ الطوارق يشاركني الراي الفيصل بيني وبينكم شيبان العجمان الثقات الي يعدلون بالحق ومنهم حياة عبدالله الدامر الله يغفر له ويسكنه الجنه واموات المسلمين وقال ولده الكلام الي كلكم شفتوا واستشهد بقصيده ماحطوها الاخوان لانها انمسحت قبل وياليت يحطونها واحد الاخوان جاب بعد قصيده واذا ماني بغلطان الشامري جاب له كم بيت في الرضيمه ومن هي عنه الي هو عامر بن جفن وقلنا سالفت راشد المعيضي وقصيدته وقلنا قصيدة فهيد الخفيف المصراني ونسبوها لهم وهذا مايصير بكل المقاييس .
ويا اخي حدث العاقل بما يعقل والعجمان ترى مهم عاد والا ثمود تاريخهم الالف السنين لو تحسبها ماتجي حتى 300 سنه او ادون شوي يعني تواتر قريب ولافيه تضييع من شيبان العجمان .
ياليت الاخوه في المنتدى وأنا اعلم هم أهل للمسؤوليه أن يجروا مقابلات مع من ذكرت او من يعلمون انه يعلم الحقيقه كامله بدون مجامله وكما عودونا من قبل بالتفرد بالاخبار المميزه والواقعيه والحقيقيه كما حصل مع لقاء الشيخ خالد الدامر والذي اتى بعد جدل بيني وبين بعض الاخوه ليثبت كلامي أنه صحيح في اسباب حرب الرضيمه وان شاء الله سوف يظهر الحق عن قريب.
ودمتم

[الساحق الماحق]

مرحبا والله ياابن جفن
الله يرضى عليك وشلون تقول انا جبتلك شايب واحد
انا قلتلك خمسة شيبان والاخ ماتركس زاد عليهم واحد وهو طنيقر وكلهم ياابن الاجواد من اللي مشهود لهم بالحفظ وبعضهم اللي حضر العيينه
وانت بكيفك اذا ذا العلوم ذي مهيب تناسبك انت حر وبصرك وشف اللي انت تحبه حنا حبينا نوضح بعض الحقايق اللي غايبه عن الجميع
واذا وصلت الدعوه الى ذا الحد فانا من الحين اقولك تبون يا الاداره تكنسلون الرد اللي كتبته في البدايه كنسلوه اذا الدعوه صارت تشخيط في الشيبان وتجريح في بعضهم ومثل ماقلت من البدايه الدعوه فخر للجميع وللعجمان كافه والله يلعن ابليس اللي وصلها لكذا مرحله
الاخ ابن جفن ان كانه جاك مني شي فالسموحه طال عمرك والسموحه ياجميع الاعضاء ترا والله ماكتبت الموضوع ابي ابين الحقايق والله العالم ماكان لي قصد من وراه اي شي ثاني
وياجماعه قولو امين
اللهم اجمعنا جميعا على مودتك وعلى محبتك ومحبت رسلك
اللهم احفظ العجمان من كل مكروه اللهم اجمع شملهم وآخي بينهم ولاتجعل في قلوبهم غلا على بعضهم اللهم امين اللهم اجمعنا على طاعتك اللهم لاترنا مكروه في احبائنا وفي ابنائنا وبناتنا يارب العالمين اللهم امين اللهم امين ودمتم

[متعب الوقت]

اللقاء جميل جدأ ورائع ونشكر الاداره على مجهوداتها الطيبه ونشكر ابو محمد الشيخ خالد الدامر على رحابة صدره وصراحته. ولاكن لو الله يفكنا من بعض النقاشات والتعليقات العقيمه والتمجيد الزائد من بعض الاخوان لربعهم وجماعتهم وان كان لابد منه فالله عطاهم المنتدى بكبره يكتبون فيه بس يجنبون اللقاء لايخربونه بكثر الحكي . وترا الماء زاد على الطحين يعني كنها مصخت شوي وقامو بعض الاعضاء الله يهديهم يشككون في رواة مشهود لهم وشيوخ لهم تاريخهم ولا ادري اي اساس ولا من اعطاهم الحق في انهم يقيمونهم . وان كان الواحد مقتنع بكلامه ومتمسكه فيه يذكر اسمه بالكامل ومنهو منه ويثبت العلم عند الرجاجيل الموثوقين علشان يكمل حكيهم ومسئلت التشكيك في كلام الشيخ خالد الدامر حتى لو كان عليه بعض التحفضات فأنه غير جائز من الاخوان الاعضاء مايقومون به ومثل ماقلت الي عنده شي واثق منه يوصل للدامر في جوده وبيته مفتوح للقاصي والداني ويأخذ العلم من راسه ولا يكلمه تلفون كانه بعيد منه. هذا هو اسلوب التعامل مع الكبار والناس الي فيهم خير ولهم حق. اما كل من جاني من بزارين الكويت ولا السعوديه قام يخربط بالحكي ويقيم له ناس اكبر منه سنه وقدر فهذا عيب ومشين في حقنا كاقبيله.وانا اجزم بأن معظم هالاعضاء من صغار السن الذين لايعون مايقولون ولايفقهون التعامل مع مثل هذه المواضيع ولا اعطاء كبار القبيله حقهم من الاحترام والتقدير..فأنا شخصيأ لدي تحفظ على بعض المقطتفات من اللقاء لاكن لا اسمح لنفسي بالرد او النقاش فيها من خلال المنتدى او التشكيك في كلام الشيخ خالد ولاكن سأصله براسي حين تسمح الفرصه ليقنعني او اقنعه واختلاف وجهات النظر لاتفسد للود قضيه والانسان ليس معصوم من الخط وكلنا نخطي...ولاكن من العيب ان تهضم حقوق الرجال ومكانتهم فالحوار له اداب والحديث له اداب والمسلم اما ان يقول خيرأ لو ليصمت ..وأمل من الاداره ان تعيد النظر في تنقيح الردود الموجوده في الموضوع وتزيل بعضها .حتى ان كان اولها ردي هذا فالمهم هو الحفاظ على قيمة شي في محله اللائق به...وشكرأ لكم

[فيصل بن حجرف]

شكرا لك اخي متعب الوقت على الكلام الجميل
وكنت اتمنى ان تكون ردود الاعضاء مثل ردك حتى لو كان لديهم اي تحفضات فيما نقلناه من الشيخ خالد الدامر

[أبن جفـــن]

اللقاء جميل جدأ ورائع ونشكر الاداره على مجهوداتها الطيبه ونشكر ابو محمد الشيخ خالد الدامر على رحابة صدره وصراحته. ولاكن لو الله يفكنا من بعض النقاشات والتعليقات العقيمه والتمجيد الزائد من بعض الاخوان لربعهم وجماعتهم وان كان لابد منه فالله عطاهم المنتدى بكبره يكتبون فيه بس يجنبون اللقاء لايخربونه بكثر الحكي . وترا الماء زاد على الطحين يعني كنها مصخت شوي وقامو بعض الاعضاء الله يهديهم يشككون في رواة مشهود لهم وشيوخ لهم تاريخهم ولا ادري اي اساس ولا من اعطاهم الحق في انهم يقيمونهم . وان كان الواحد مقتنع بكلامه ومتمسكه فيه يذكر اسمه بالكامل ومنهو منه ويثبت العلم عند الرجاجيل الموثوقين علشان يكمل حكيهم ومسئلت التشكيك في كلام الشيخ خالد الدامر حتى لو كان عليه بعض التحفضات فأنه غير جائز من الاخوان الاعضاء مايقومون به ومثل ماقلت الي عنده شي واثق منه يوصل للدامر في جوده وبيته مفتوح للقاصي والداني ويأخذ العلم من راسه ولا يكلمه تلفون كانه بعيد منه. هذا هو اسلوب التعامل مع الكبار والناس الي فيهم خير ولهم حق. اما كل من جاني من بزارين الكويت ولا السعوديه قام يخربط بالحكي ويقيم له ناس اكبر منه سنه وقدر فهذا عيب ومشين في حقنا كاقبيله.وانا اجزم بأن معظم هالاعضاء من صغار السن الذين لايعون مايقولون ولايفقهون التعامل مع مثل هذه المواضيع ولا اعطاء كبار القبيله حقهم من الاحترام والتقدير..فأنا شخصيأ لدي تحفظ على بعض المقطتفات من اللقاء لاكن لا اسمح لنفسي بالرد او النقاش فيها من خلال المنتدى او التشكيك في كلام الشيخ خالد ولاكن سأصله براسي حين تسمح الفرصه ليقنعني او اقنعه واختلاف وجهات النظر لاتفسد للود قضيه والانسان ليس معصوم من الخط وكلنا نخطي...ولاكن من العيب ان تهضم حقوق الرجال ومكانتهم فالحوار له اداب والحديث له اداب والمسلم اما ان يقول خيرأ لو ليصمت ..وأمل من الاداره ان تعيد النظر في تنقيح الردود الموجوده في الموضوع وتزيل بعضها .حتى ان كان اولها ردي هذا فالمهم هو الحفاظ على قيمة شي في محله اللائق به...وشكرأ لكم

أخي متعب الوقت بيض الله وجهك وماقصرت على الكلام المنطقي والمعقول الي يصدر من شخص عاقل ومتنزن وفعلن شي يحز بالخاطر أنه ياتي شخص ينسف كلام شيبان وشيوخ معاصرين للاحداث ومشهود لهم من القاصي والداني بكل شي ويقول هو الصح او الكتاب الفلاني , ومصيبتنا أنه بعض العالم أصبح لا يرى فيه فواصل او فوارق او غيره من الامور سواء بين الصغير والكبير والشيخ وغيره واختلط كل امر بأمر .
لا اطيل عليك مشكور على توضيح ماقلت وصدقني لست الوحيد الذي يشكو من هذه الظاهر الغريبه على العجمان وعلى اخلاقهم فوالله اعرف ناس عمرها في الاربعين الزقاره ماتدخنها قدام ابيها او اخيها الي اكبر منها فما بالك في شخص يشكك في مصداقية رجل مثل عبدالله الدامر أو في ابنه الذي هو أمتداد له الله المستعان بس.

[ماتركس]

مرحبا والله ياابن جفن
الله يرضى عليك وشلون تقول انا جبتلك شايب واحد
انا قلتلك خمسة شيبان والاخ ماتركس زاد عليهم واحد وهو طنيقر وكلهم ياابن الاجواد من اللي مشهود لهم بالحفظ وبعضهم اللي حضر العيينه
وانت بكيفك اذا ذا العلوم ذي مهيب تناسبك انت حر وبصرك وشف اللي انت تحبه حنا حبينا نوضح بعض الحقايق اللي غايبه عن الجميع
واذا وصلت الدعوه الى ذا الحد فانا من الحين اقولك تبون يا الاداره تكنسلون الرد اللي كتبته في البدايه كنسلوه اذا الدعوه صارت تشخيط في الشيبان وتجريح في بعضهم ومثل ماقلت من البدايه الدعوه فخر للجميع وللعجمان كافه والله يلعن ابليس اللي وصلها لكذا مرحله
الاخ ابن جفن ان كانه جاك مني شي فالسموحه طال عمرك والسموحه ياجميع الاعضاء ترا والله ماكتبت الموضوع ابي ابين الحقايق والله العالم ماكان لي قصد من وراه اي شي ثاني
وياجماعه قولو امين
اللهم اجمعنا جميعا على مودتك وعلى محبتك ومحبت رسلك
اللهم احفظ العجمان من كل مكروه اللهم اجمع شملهم وآخي بينهم ولاتجعل في قلوبهم غلا على بعضهم اللهم امين اللهم اجمعنا على طاعتك اللهم لاترنا مكروه في احبائنا وفي ابنائنا وبناتنا يارب العالمين اللهم امين اللهم امين ودمتم


كل الشكر اخى الكريم الساحق والماحق على الجهد الذى بذلته لتوضيح الا مور وكل منذكرت من شيبان نكن لهم كل تقدير واحترام وبيض الله وجهك على معلوماتك القيمه التى اورتها لنا وما يتفق معها الكثير فيما طرحت من كبار سن او من احفاد لهم ما زلو موجودين ويحفضون علوم شيبانهم والله يرحم من توفاه الله منهم ويسكنه فسيح جناته ويطيل فى عمر من بقى منهم وانت والى مثلك وهم كثيرين فاعتقد ان التاريخ بشكله الصحيح محفوض

كما رواه كثير من كبار السن لقبيلة العجمان واتفقو عليه

وجعل والديك فى الجنه ولا هنت

[أبن جفـــن]

الله المستعان :

ماتركس وانا اخوك ترى ما احب الشخص الي يناقض نفسه وانا اخوك ولا احب يكون النقاش عقيم لدرجه ماتتصورها . انت تقول التاريخ عند الشيبان محفوظ وقلت لي حياة طنيقر ورديت عليك والاخ الثاني جاب خمسه على قولته .
وانا عديت لك فوق عشره وعديت لك امور ثانيه وقلت انشد الناس ومنهم حياة عبدالدامر وعقبها قلت لي كتاب ابن جمران وابن فردوس وقمت تقول جب لابن جفن من الكتب يعني الغيت شهادة الشيبان والي من ضمنهم عبدالله الدامر الله يبيحه والحين تقول الشيبان يعرفون يا اخي قل من قال كلامك عن مناخ الرضيمه قل اسمه انا عديت لك من الي توفوا والي حيين وقلت لك رح انشدهم وهات العلم ومسالة العيينه الكل لحق عليها وكثير من الشيبان عاصروها ولا معناها من حضر العيينه خلاص حفظ كل الامور لا يا اخي فيه ناس لاحقين على قولتهم على طبخ العرفج وعارفين الامور كلها ومنهم حياة عبدالله الدامر وال حثلين ماشاء الله كثير منهم وال سفران والامور والسوالف عندهم فلا تلغي العالم كلها هذي وتقول الكتاب الفلاني والا طنيقر بس او يقول الاخ الساحق جمل وغيره من الشيبان الي حضروا العيينه وغيرها وحافظين .
عموما االاخ ماتركس الامور كثيره وان شاء الله مع الوقت تتضح ولكن يا ابن عمي حبيت والله ابين لك انه امور كثيره انت تجهلها ولاتعتقد انه الامر شخصي بيني وبينك او غيره من الامور او عن ال حبيش ونعم بهم ولكن هذا تاريخ ومايحتاج مجامله مني او منك وله شواهد وغيره وصعب ينسف احد تاريخ غيره او يقول انه له ويتجاهل الناس الثانيه .
ودمتم

[شميسان]

السلام عليكم جميع

اول شي نعمٍ بال حبيش وال سفران والعجمان كلبيهم
ثاني شي اشكر اخي ماتركس على المعلومات القيمه وانا اشهد انه يملك الكثير الكثير من التاريخ والمعلومات اللي ما اسمع فيها عند الكثير واشكر اخي الساحق والماحق(الله يكافينا والمسلمين الشر) واشكر اخي بن جفن .
ثالثا اقول ان كل هذا النقاش يثري اي شخص يقراء هذا الموضوع حتى وان بدا فيه اختلاف بين المشاركين لان في الاخير المدح والفعل الطيب للعجمان كافه والتاريخ (واقول التاريخ)فيه الكثير من الاخطاء وفيه الكثير من الروايات المخالفه للواقع وهذا شي معروف من قديم الزمان فلا تعتقدون ان جميع ما يسمع او يؤخذ من الشيبان او الكتب صحيح ولكن اواكد من جديد ان اهم شي العلم الغانم وسمعة العجمان (اهم شي )

اما بالنسبه لتعقيبي على النقاش فاقول ان مسألة شيخة ال حبيش معروفه ومشهوره عند العجمان والقبايل الثانيه ولكن عندي تعقيب بسيط لاخي ماتركس وهو ( سالم بن حمد العبد لم يكن موجود في زمن الرضيمه ) والدليل ان العبد هو الجد الثالث للامير راكان(( راكان بن فلاح بن مانع بن حثلين بن سالم بن حمد بن راشد بن معيض)) وراكان في زمان الرضيمه كان عمره 8 سنوات فلا يعقل ان يكون راكان وجده الثالث عايشين في زمان واحد؟؟؟ والمعتقد عقليا ان مانع بن حثلين هو من كان اميرا على العجمان في الرضيمه (واقول عقليا وليس تاكيدا لكلام اي شخص ثاني ) اما الاحداث الي جرت قبل الرضيمه فاختلاف العجمان والرواه فيها مشهوره (وانا مستغرب ) فالرضيمه ما صارت قبل 500 حتى يكون الاختلاف فيها بالحجم هذا ولكن اقول ان ال حبيش امراء وشيوخ مثل (فهيد بن مسعود وجريس بن جلبان وراعي النحيا جرمان وناصر بن كتمه وغيرهم الكثير) تكفيهم صولاتهم وجولاتهم في نجد العذيه بلا منافس ولا ند وشرف لكل قبيله ان تكون فيهم فخيذه مثل ال حبيش كما ان ال سفران واخص ال جفن وبالاخص (الامير عامر بن جفن) هذا الجبل الشامخ في وسط تاريخ قبيلة العجمان يجب ان نقف له احتراما .

واخر كلمه ارجوا من كل شخص ان يقرأها بتمعن
( هذه الشخصيات التي تذكرونها في حواراتكم وتفتخرون بافعالهم ما كانت للاسلام او لنشر الدين بل كانت للدنيا فقط وقد عاشوا في وقت اجبرهم ان يكونوا كذلك وهم الان في قبورهم (( بيت الدود )) ووالله انهم لمحتاجين منكم

الدعاااااااااء


فلا تنسوهم


ووصاتهم لكم

اعملوا لاخرتكم تكن لكم الدنيا والاخره


والسلام

[فيصل بن حجرف]

جزاك الله خير اخي شميسان على هذه المشاركه القيمه
واللتي مهما كان فيها من معلومات او اختلاف في الاراء الا انها مايجب ان يتبعه الاخوان في نقاشهم مع بعض
واتمنى ان يتوقف هذا النقاش العقيم بين الاخوان والا سنضطر الى ايقافه

[الكاسر]

اها في ذا الوقت جا الخبر بعض العجمان اللي متفرقين في الوادي وشد اللي شد صوب العيينه وقعد اللي قعد ؟؟؟؟؟؟

السؤال منووووووووووو الي قعد ؟؟

[فيصل بن حجرف]

السؤال الفعلي هو الهدف من سؤالك
ثاني شي مادري من وين جبت الجمله اللي حطيتها في مشاركتك
خصوصا ان العيينه صارت في وقت قصير ولا يوجد مجال ان يعلن الخبر في الوادي كله وعلى فخوذ العجمان المتفرقين

وللمعلوميه فهناك الكثير من الفخوذ لم تكن موجوده في العيينه ولكن كان يوجد البعض منهم وبأعداد قليله

[الكاسر]

اولا الجمله جبتها من كلام الاخ ماتركس ؟؟

ثانيا الهدف من سؤالي معرفة الحقيقه ؟؟

[مـحـمـد بـن فـهـد]

الحقيقه في بعض الاحيان تكون مره
وان كنت تحاول ان تقول ان البعض تخلف متعمدا فلن نسمح لك بذلك
وكلام الاخ ماتركس هو من يتحمل مسؤليته وبالاساس كيف تريد ان يتجمع العجمان كلهم خلال دقائق من ذبحة ضيدان؟

[الكاسر]

الحقيقه في بعض الاحيان تكون مره
وان كنت تحاول ان تقول ان البعض تخلف متعمدا فلن نسمح لك بذلك
وكلام الاخ ماتركس هو من يتحمل مسؤليته

اذا تقصدني وربي ما فهمت الي مكتوب اعلاه ؟؟

[star5]

سلام عليكم يا الربع

سؤالي هل آل ضاعن الى يسكنون نجران يعودون في آل ضاعن عجيم
وأذ كانت الأجبه بنعم فهل هناك تواصل.

[لمع السيف]

مساكم الله بالخير:
أشكر الشيخ خالد بن عبدالله الدامر على تفضله بالقاء الاكثر من رائع وما تعلمناه من حقائق غائبه عنا
والشكر طبعا لاداره المنتدى الكرام الذين يهتموا بهذه الانشطه الاثرائيه

والى الامام يا منتدى قبيلتنا


لمع السيف

[الخفاجي]

بسم الله الرحمن الرحيم
في البداية اشكر الإخوان القائمين على هذه الشبكة وبخصوص نزايع العجمان

بعد الطبعة هناك في مدينة الأهواز في إيران من عائلة ال تني من ال سليمان وقد حضروا إلى الكويت في الثمانينات بزيارة إلى أبناء عمومتهم في الجهراء

[البرق]

بسم الله الرحمن الرحيم

يعطيك العافيه

[الهرم]

اشكركم على هذا الاقاء الرايع مع الشيخ خالد الدامر لذي يعد مرجع في تاريخ وانساب القبائل وهذا ليس بغريب على حفيد بعيد المغزى وابن الشيخ عبدالله الدمر لذي عرف عنه كل علم طيب وهو اشهر من انار على العلم في في الجزيره العربيه من من انهار دجله مرورا بنجد الى ريده الصيعر في اقصا الجنوب الشرقي لربع لخالي


لكم خالص تقديري


اخوكم مرعي الهرم الصيعري

[فيصل بن حجرف]

يامرحبا مسهلا يالصيعري
وحياك الله في منتدى العجمان
والله لايهينك على الكلام الطيب
وكل الشكر لمن سبقك من الاخوان وعلق على هذا اللقاء

[البدوي]

يعطيكم العافيه على المجهود الرائع

[فيصل بن حجرف]

الله يعافيك اخوي البدوي
وشكرا لك على المرور

[ابن شـارخ]

اشكر ادارة المنتدى على هذا اللقاء , وياليت لو تتكرر مثل هذه اللقاءات فنحن بحاجة للمزيد من المعلومات والحقائق التاريخية الخاصة بالعجمان خصوصا لجيل الشباب الذين قل من تجد منهم من يعرف ولو القليل عن تاريخ وماضي اجداده .
وشكر خاص للاخ فيصل الحجرف على هذا الجهد .

ابن شارخ

[فيصل بن حجرف]

يامرحبا ومسهلا يابن شارخ
وان شاءالله يكون هناك المزيد من هذه اللقائات عن قريب
وكل الشكر لك على كلماتك الطيبه

[**بنت يـــــــام**]

السلام عليكم ورحمة الله وبركاته
وبعد


كل الشكر لكم إدارة المنتدى على هذا اللقاء الرائع بارك الله بجهودكم

ولى تعليق على هذه الفقرة15


- كان هناك اختلاف بين بين رواية ( عبدالله الدامر ) ورواية ( ابن فردوس ) حول اسباب حرب الرضيمه , فما تعليقك ؟
السبب معروف لدى الجميع وهي قصة مقتل الشيخ ( عامر بن جفن ) كما ذكرها الشيخ ( عبدالله الدامر ) رحمة الله عليه :
في احد الايام جاء احد ابناء ابن عريعر وعقر شاة لواحد من ال هتلان فضربه اهل الشاة وطردوه واخبرو عامر بن جفن بالقصه فذهب عامر خلف ولد ابن عريعر ليرجعه ويعطيه الشاه بدال ضربته ويعوض اهل الشاة بخير منها.
ولكن ولد ابن عريعر لما شاف الخيال لاحقه ظن أنه يريد قتلة فأخذ البندق ورمى عامر بن جفن وقتله.
فقام ابن عريعر بعدها بأرسال رجل ليتجسس له عن أخبار عامر بن جفن, فرجع الرجل وأخبره ان عامر بن جفن قد توفي فرحل ابن عريعر بالليل جهة الشمال وأركب الركايب يستنجد بقبائل بني خالد وابن هذال مغيلث وابن مجلال برجس شيخ الدهامشه ولمسلم ابن مجفل أمير الصمله من سبيع ومن معه, وأدبر شمالا واضع الدهناء والنفود يمينه والعرمه والجبل على يساره حتى وصل الرضيمه وأجتمع الفريقان وتناوخو ,

اما رواية ابن فردوس فلم نسمع بها من قبل.

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اذا هذا هو ردابن دامر ولكن هوقال ان رواية ابن فردوس لم نسمع بهاااا
فهل اجريتم لقاء مع ابن فردوس او مقابله لكى نستوضح الامر ومن معه الصواب فيهم

انا على حسب علمى الذى هوليس بقليل ايضا عن تاريخ العجمان

ان ابن فردوس يعتبر شاعر وأديب له العديد من القصص الروائيه التى ادرجها فىدواوينه الشعريه وايضا هويعتبر مرجع للعجمان وماضيهم وتاريخهم يستشهدبه من قبل العديد من الراغبين فى الكتابه عنه وانتم بارك الله بكم خير دليل عن الوسطيه وحرية الرأئ الصادقه

فلا يحق لنا ان نفند رئى اديب الي بالرجوع اليه

وشكرا لاتساع صدوركم

[مـحمـد]

السلام عليكم ورحمة الله وبركاته
الاخت بنت يام اولا حياش الله بين اخوانش وخواتش في منتدى العجمان

وبالنسبه للموضوع المذكور اعتقد ان ضيفنا الفاضل خالد الدامر اجاب على السؤال بالرجوع الى روايه الشيخ عبدالله الدامر رحمه الله وحول اسباب حرب الرضيمه وقال انه لم يسمع برواية ابن فردوس ولم يقل انه فند روايته ابدا ، وهذا ش طبيعي فالكثير منا لم يسمع ببعض الروايات اللتى قيلت .

وبلا شك ابن فردوس اديب كبير وعنده معلومات تاريخيه كثيره عن تاريخ العجمان وهذا الاقتراح(لقاء مع ابن فردوس) انشاءلله نطرحه على الاخوان في الاداره .

وكل الشكر لمرورك والله يعطيك العافيه .

[فيصل المشوط]

السلام عليكم ورحمة الله وبركاته

يعطيكم العافيه على الجهد المبذول
وعلى هذه المقابله القيمه مع شخصيه

[faisalalsalem]

الله لا يهينكم على الموظوع والقاء مع نسل الاحرار ولد الدامر...والله يكثر من امثالكم والى الامام والله يرعاكم بعينة الي ماتنام... اخوكم الوعيلي فيصل بن علي بن فهد ال سالم...من اشد المعجبين والمتابعين لهذا المنتدى...وجعل عيني ماتبكيكم يا عيال الشايب

[فيصل بن حجرف]

الله يعافيكم اخواني الكرام
ونتشرف اخي فيصل بوجودك معنا في منتداك
وان شاءالله تشوف كل مايسرك في هذا المنتدى

[@منسـ على ددسن ـــم@]

اولا
مشكورين على اللقاء وعلى الجهد الهائل في جمع التاريخ
الذي لا يهمكم يالعجمان فقط بل يهم يااااااااااااااااااااااااااااام كافه

ثانيا

انا والله ماكنت حاب اشارك في الموضوع
ليس لانه لا يهمني ولكن لانني تصفحت للاستفاده ولاطلاع على تاريخ يخفى على منه الكثير

لكن استفزني مشاركة كي دي دي
اللى شكله لاهو عجمي ولا يامي حتي؟؟؟
هل يرضي احد ان ياتي واحد ويستهزي بتاريخ ارجال ما يسوى نعولهم الله يكرم الرجال
واللـــــــــــــــــــــه كبيـــــــــــــــــــــــــــره!!!!!!!!!!!!!!!!!! !!!!!!
هههههههههههههههههههههههههههههههههههههههههههههههههه ههههه
والله الكبيره ان اللى مثله صار له لسان ويعرف يتكلم
[line]
اللى حاب اقوله :-
لست مع احد ضد احد من الاخوان اللذين تناقشوا في الموضوع
ابن جفن ..........والماتركس............ والساحق الماحق؟؟؟؟؟؟؟؟؟؟؟؟؟؟؟
لانني وبكل صراحه لا ادري من منهم على حق
وكلهم على عيني وراسى

اللى انا متاكد منه ان الشيبان مكانتهم وقدرهم اكبر من كذا بكثير

لحظات اسمعوا شوا الله لايهينكم::::::::::::
** ياشباب الله يهديكم انتوا الحين لو عشره منكم تهاوشوا مع احد وجبتهم وسالتكم اكيد كل واحد بيقول اللى شافه
بتتفقون على كل شى حتى تاصل عند الاشتباك وبعدها كل واحد بيقول اللى شافه ولا هوب كل واحد يشوف كل شى الرجال إلى شلته عفاريته والله ماعاد يفكر في شي

صدق كلامي ولا لا

<بفرض انكم قلتوا صدق >
طيب هاذي معركه ماهي مبارات كوره
ولا فيه احد بشمس قارحه يكشف كل اللى يدور في المعركه
وخصوصا انها صارت في الليل فاكيد بيحصل روايات مختلفه في احداث لا تغير الشي الكثير حدثت اثناء المعركه

كاني كثرت الهرج؟؟؟؟؟؟؟؟؟؟؟؟؟


الزبده
تاريخ يرفع الراس
أمجاد لن ينساها التاريخ
وتشرف كل يااااااااااااااامي سوا كان عجمي ولا لا

ومن جاد ابن عمه ماخاب

والقبيله يمكن ما يرفع روسهم الا واحد اجل وشلون وهم واجد
الله يكثر ذريتهم ويغمدهم ارواحهم الجنه

عذرا......... اذا تدخل في مالا يحق لى التدخل فيه
عذرا........ على الاطاله
@@@@@@@@@@@@@@@@
مشاركه بدافع الحميااااااااااااااااااااااااااااا
بدون اي خلفيه تاريخيه تذكر


اخوكم

@منســـــــــــ على ددسن ــــــــــــــــم@

[مـحمـد]

الاخ المنسم حياك الله وشكرا على مرورك
وحقيقة اسعدنى ردك كثيرا لما يحمل من تفكير راقي
والخلافات موجوده حتى بين الاخوان انفسهم فما بالك بغيرهم
واخيرا كما قلت كل الشكر لضيفنا الفاضل والاخوه المشاركين .

[حمد الميع]

السلام عليكم ورحمة الله وبركاته شكراً لك اخي الكريم على هذا المقال

[السبوقي]

أولا أشكر الإدارة على هذا اللقاء الشيق ولكن هناك ملاحظة الذي قتل بن جلوي في العيينة هو سيف آل منيف آل حبيش وليس بن مخيال وشكرا..............!

[مـحمـد]

حياكم الله جميعا وكل الشكر لمروركم وهذا بفضل اعضاء المنتدى الكرام
وبالنسبه للي قتل ابن جلوي هذا الامر لازال يخفى على الجميع
لكون العجمان ارادو اخفاء القاتل لاخفاء الثأر ، والكل له رايه بالروايات .

[المعقب]

19 - كم بيرق للعجمان اثناء الحروب ؟ وهل لكل فخذ بيرق ؟ ومن يقود هذه البيارق عادة ؟
العجمان لهم بيرق واحد وكان مع ( أل سليمان ) وكل فخذ عنده ( مزين ) إحدى عادات الجاهليه وقت الحروب حيث توضع اجمل بنات القبيله على ظهر هودج لتحمس فرسان القبيله للحرب .

لدي سؤال يمكن يكون تصحيح لما سبق او تصحيح لي انا شخصيا
ونعم بالعجمان قاصيها ودانيها
بس الي اعرف ان ال سفران لهم بيرق غير بيرق العجمان

[محمد آل نصار]

حياكم الله اخواني
ومشكورين على المرور ونتمنى ان يحوز هذا اللقاء على اعجاب الجميع


أكرر كلام الاخ فيصل بن حجرف متمنياً ان يحوز هذا اللقاء على اعجاب الجميع .

[فيصل بن حجرف]

مشكور اخوي المعقب على مرورك
ومشكرو اخي القدير محمد على المرور مره اخرى

[* *الــهــاوي* *]

السلاااااااااااااااام عليكم


الـلـــــــــــــــــــــــــــــــــــــــــ لا يهينك ــــــــــــــــــــــــــــــــــــــــــــــــــ ـــــــــــه


يا ناشدن عني تراني من العجمان **** قبيلتي طقت علي روس القبايل

[فيصل بن حجرف]

ولا يهينك يالهاوي
ومشكور على المرور

[(( ال ضاعن ))]

نشكر الاداره الشكر الجزيل على هاذا الحوار ارائع والمفيد عن العجمان
ــــــــــــــــــــــــــــــــــــــــــــــــــ ـــــــــ
ولله يوفقكم لما يحبه ويرضاه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ

[مـحمـد]

الاخ ال ضاعن حياك الله وكل الشكر لمرورك وللاعضاء الكرام على دعمهم للحوارات الرائعه .

[والله ماكان الفراق اختياري]

اتقدم بنيابة عن ربعي ال ناجعه
بالشكر للادارة
وللشيخ/خالد الدامر على تلبيته لهذه الدعوة
ولا هنتوا


اخوكم/ حمد بن ضيدان الناجعي

[الصيعري]

QUTE


7 هل لك أن تذكر لنا قصة غزو الدامر لقبيلة الصيعر ؟
غزى ( فهد بن محمد بن دغمان ) على الصيعر وكانوا تقريبا 200 شخص , ومعهم خيل وغاروا على الأبل وأخذوها ولحقتهم خيل الصيعر وأفتكوا أبلهم , و حصلت معركة عند جيش ( هجن ) العجمان, وافتكوا العجمان جيشهم ( الهجن )

[line]
شكرا للمسئؤلين على منتديات العجمان للسماح لنل في المشاركه من خلال منتدى قبيلة العجمان الكبيره ذات الصيت الذائع والكرم والشجاعه عيال عجيم ونعم والله فيكم وفي يام كلهم
واستضافة الشيخ الدامر لهو دليل على نجاح القائمين على هذا المنتدى ومحاورة شخص بحجم الدامر لهو انجاز كبير

تساؤلي عن غزوة الصيعر

ياليت ان اعرف متى وقعت وايم ومن قادتها لان لدي معلومه عنها ولكن ليست بالكامله امل منكم
الاجابه والحصول على هذة المعلومه

اخوكم -------الصيعري ----الخبر 0000

[صلاح المخايطه]

الله يعطيكم الصحه والعافيه الله يطول بعمر الشيخ خالد
ولكم جزيل الشكر على الافاده

[مـحـمـد بـن فـهـد]

الصيعري حياك الله اخي القدير في منتدى العجمان
ونتمنى ان تمدنا بما عندك من معلومات عن هذه الغزوه


الاخ صلاح شكرا لك على مرورك

[بن عجمـــــــــــــى]

كل الشـــــــــــــــكر والتقديــــــــــــــــر
لادارتنا الموقرة
على هذاا اللقـــــــــــــــــــــاء

ولا هنتــــــــــــــــــــــــوااااا

[حزينه]

شاكره لكم هذا اللقاء

[مـحمـد]

حياكم الله جميعا وكل الشكر لمروركم وانشاءلله انه حاز على اعجابكم .

[ال سليمان]

السلام عليكم ورحمة الله وبركاته


ششششششششششششكرن لكم
واتمنلى عليكم المزيد من القاءات
التي تثلج الصدر وتذكر بعز مانسيناه؟

ربعي هل الطولات صبيان يام.................هل العز والطيب والفخر لي طاب

فيصل بن حجرف انت من اي فخذ من العجمان لاهنة ولا تشره الي مايعرك مايثمنك وانا انت تسوى روحي جعل الرخوم تفداك

السليمان**** والبال**** مرتاح**** ومسرور****

[فيصل بن حجرف]

كل الشكر لك اخي ال سليمان على مرورك وكلامك الطيب
وان شاءالله ان اللقاء حاز على رضاك
وانا من ال سفران طال عمرك

[محمد سعد القحطاني]

الاخ فيصل شكرا على هذا القاء الرائع مع الامير خالد الدامر نسل الاحرار

لا اخفيك استفدت كثير منه وعرفت معلومات جديده عن قبيلتكم وعن هذا الامير الفذ

واتمنى لكم مزيد من التألق ان شاء الله

تحياتي لك ولكل شخص يعمل في هذا الصرح الشامخ ولاعضائه الرائعين

[فيصل بن حجرف]

يامرحبا ومسهلا بالاخ محمد القحطاني ويشرفنا وجودك معنا في هذا المنتدى

وكل الشكر على مرورك وعلى كلامك الطيب

[بسكوته]

ماشالله عليك بن حجرف


مجهوووووود تشكر عليه

[المخيـال]

بذلتم بدافع العطاء ... فلكم من الله خير الجزاء

يعجز اللسان عن شكر صنيعكم ، ولكننا وبلا شك لا ننكر فضلكم . ..

إخيـــكم بالله...أحمد بن عيد المخيال..

[العنــــــــــود العجمـــــي*]

نشكر الاداره على اجراء مثل هذا الحوار الرائع والى الامام

تقبلوا تحياتي،،

[فيصل بن حجرف]

كل الشكر لكم اخواني واخواتي على مروركم
ونتمنى ان يكون اللقاء قد حاز على أعجابكم

[عالي55]

اشكر ادارة الشبكة على لقائتها واجتهاداتها المتميزة غالبا. لكن ومن باب المشورة فقط اقترح في ان تكون لقاءاتكم مع شخصيات قريبة من اصحاب السلطة ان يتم الابتعاد عن الامور التاريخية للقبيلة وذلك لاسباب نعلمها مع احترامنا الشديد للدامر واسرتة الطيبة .

[سـمـ!!!ـو]

كما قال خالد الدامر كان شاعر العجمااان عبلان يقوول :
هواشم ضنا شريف(ن) معرب
ماحن بهافين الجدود ضرايب
كان يقول البيت فخرا ليس انتساابا للاشراف.
وأكد الشاعر مانع بن شلحاط تأكيدا على عدم انتساب عبلان الى الاشراف في بيته المذكور سابقا:
يقوول بن شلحاط في مدح خالد الدامر..

فلو كان عبلان(ن) عرف خالد الوفاء
يقول الهواشم صدق من نسل الاشرافيوهذا تأكيد لعدم انتساب العجماان للاشراف ..



ولكم جزيل الشكر على هذه الجهووود المميزه والتي تحسب لهذا المنتدى بالتقدم المتميز..

[جالس بن مبارك]

السلام عليكم ورحمة الله وبركاته

شكرا لكم اخوانى على متابعتكم المتميزه

و الشكر موصول لضيفنا العزيز

[فرز الوغا]

السلام عليكم ورحمة الله وبركاته
شكرا علي اللقاء المميز و المشوق
نتمني ان تستمر مثل هذي اللقاءات
في المستقبل القريب العاجل .....

[مبارك]

مشكوررررررررررررررررررين

[فيصل بن حجرف]

السلام عليكم ورحمة الله وبركاته

يامرحبا بالجميع

والله لايهينكم على المرور والمشاركه

[مشهور العجمي]

بسم الله الرحمن الرحيم
الدامر شيخ مافيه شكه والخطا مصلح وجل من لا يخطي والمسما بعيد المغزا (محمد ابن فهيد ابن دغمانن)وهو اساس لقب الدامر والذي اخذ الابل في وادي فاطمه هو(فهد ابن فهيد بن دغمان) وليس محمد وهو اخ محمد ومحمد بعيد المغزا وهي ليس ابل الشريف بل ابل (ابن مبيريك من شيوخ حرب وليست ابل الشرف) واول من شاخ في العجمان هو الشيخ(جريس بن جلبان من ال حبيش ويلقب بجريس اليماني) وهو الذي نزل با العجمان من نجران وتوفي في الطريق وليس له اولاد وبعد جريس تزعمها سالم العبد (وقد تنشطت زعامة ال حثلين على مانع بن حثلين )وانجب ثلاث ابناءهم(فلاح....و....حزام....و....وفاران....)وهم شيوخ العجمان ولا شك في ذلك

[مشهور العجمي]

( بسم الله الرحمن الرحيم )
احب اشكر فيصل الحجرف على جهوده وبيض الله وجهه

[عــقــاب]

بسم الله الرحمن الرحيم
الدامر شيخ مافيه شكه والخطا مصلح وجل من لا يخطي والمسما بعيد المغزا (محمد ابن فهيد ابن دغمانن)وهو اساس لقب الدامر والذي اخذ الابل في وادي فاطمه هو(فهد ابن فهيد بن دغمان) وليس محمد وهو اخ محمد ومحمد بعيد المغزا وهي ليس ابل الشريف بل ابل (ابن مبيريك من شيوخ حرب وليست ابل الشرف) واول من شاخ في العجمان هو الشيخ(جريس بن جلبان من ال حبيش ويلقب بجريس اليماني) وهو الذي نزل با العجمان من نجران وتوفي في الطريق وليس له اولاد وبعد جريس تزعمها سالم العبد (وقد تنشطت زعامة ال حثلين على مانع بن حثلين )وانجب ثلاث ابناءهم(فلاح....و....حزام....و....وفاران....)وهم شيوخ العجمان ولا شك في ذلك

أخي مشهور مساك الله بالخير ..
وش لونك ووش لون شيبانك .. عساهم طيبين..

أولاً أخي مشهور ...

من ذا الشخصية اللي انت اخترعتها ....
(محمد بن فهيد بن دغمان)!!!!!!!!!!!!!
يمكنك تقصد محمد بن فهيد بن محمد بن دغمان ..... و هو الملقب بالدامر و لقب
ببعيد المغزا و طويل المغزا.. اللي هو جد الشيخ عبدالله الدامر و عبدالرحمن جدهم الواقف..

و الظاهر منتب أعلم من الشيخ خالد الدامر بتاريخ جدانه..:)

و من ناحية الأبل اللي كسبوها من الشريف أظن القصيدة تكفي و كلام الريجيل يسد و يكفي و يصدّق..


و أنا أحمد الله يوم ربي عطانا=أبل الشريف دقاقها و الجلالي
قصيده ابن مزيه..


و أبل الحربي اللي انت تقول يمكنها غزوة ثانيه لأن آل الدامر غزواتهم بالعجمان واجد..


هذا ما اردت أوضّحه..

و لك جزيل الشكر أخي مشهور..

[مشهور العجمي]

(بسم الله الرحمن الرحيم)
اخ عقاب
جعلك دوم بخير وسالم
وانا ماقلت ان غزوات الدامر شوي هاذي الاوله
الثانيه ماقلت اني اخبر من الدامر
لاكن انا ماخذ المعلومات من شيبان الجماعه مهيب من راسي طال عمرك وانا ماقلت ان الدامر ما غزا على الشريف وخذا ابله
لاكن انا اقول اللي وخذت ابله في وادي فاطمه هو (ابن مبيريك من شيوخ حرب)
وابل الشريف تأكيد ان الدامر خذاها (يقول ابن الذيب)
(يوم غارو من على الهجن الادايب
ابل ابن عون الشريفي حدروبه)
وفعلن اللي انا اقصده الشيخ(محمد ابن فهيد ابن محمد ابن دغمان)
وهاذا حسب معلوماتي وامكن الدامر(اخطأ في المعلومه هاذي وجلا من لا يخطي)
(حتى الرسول صلى الله عليه وسلم صفوة الخلق اخطأ في صلاته ليه الدامر ما يخطي)
وامكن ان معلوماتي خطأ
(وارجع واقول الدامر شيخ من شيوخ العجمان مافيه شك)
ولك (افضل تحياتي طول الله عمرك)

[تركي بن فـهد]

السلام عليكم ورحمة الله وبركاته

حبيت اضيف معلومه بانا جريس حكم العجمان قبل
سالم العبد سالم العبد اخذ الاماره بعد جريس قبل مواجتهم لابن عريعر بعد ما جمع جريس القبايل وهو في الطريق توفا ولا لقوااا غير سالم العبد علشان افلوسه الي عنده والخير الي عنده علشان يقدر يعطي الجيش طعامهم وشرابهم وقال سالم العبد يوم اختارواه ان تكون الشيخه له ووافق قال بس ابشرط ان فشحت على الامارة محد ياخذها غيري وتوارثت الاماره عقب سالم العبد .


تقبلوا مروري

[فيصل بن حجرف]

السلام عليكم ورحمة الله وبركاته

حبيت اضيف معلومه بانا جريس حكم العجمان قبل
سالم العبد سالم العبد اخذ الاماره بعد جريس قبل مواجتهم لابن عريعر بعد ما جمع جريس القبايل وهو في الطريق توفا ولا لقوااا غير سالم العبد علشان افلوسه الي عنده والخير الي عنده علشان يقدر يعطي الجيش طعامهم وشرابهم وقال سالم العبد يوم اختارواه ان تكون الشيخه له ووافق قال بس ابشرط ان فشحت على الامارة محد ياخذها غيري وتوارثت الاماره عقب سالم العبد .


تقبلوا مروري


وعليكم السلام ورحمة الله وبركاته

اخي الكريم اعتقد انك لم توفق في ردك هذا وفي اختيار المفردات المناسبه
البشر لا يحكمهم أحد .. وجريس لم يحكم العجمان لا هو ولا سالم العبد ولا اي شيخ .. وارجوا ان تتريث في اختيار مفرداتك

لو قلت انه شاخ في العجمان لكان افضل .. اما قولتك ان العجمان في مواجهتهم لابن عريعر مات جريس ومالقو الا سالم العبد علشان فلوسه واجد.. فهذا كلام مردود عليه وعار عن الصحه ... اول شي سالم العبد فارس وابن فارس وماهي الفلوس اللي تشيخ الريجيل .. قد اوافقك في هذا الوقت ولكن في ذلك الوقت ماكانو ينضرون للمادة في مثل وقتنا هذا ... اضف ان يوم الرضيمة مع ابن عريعر كان عمر راكان بن فلاح بن مانع بن حثلين بن سالم بن حمد بن راشد بن معيض 8 سنوات فليس من المعقول ان يكون الحفيد والجد الخامس عايشين في نفس الزمن ....

والثابت عند الجميع ان شيخة سالم العبد كانت قبل نزول العجمان من نجران وهو اول شيخ في العجمان.. وهذا كلام الدامر وكلام ابن عجيمه وسلمان بن سلطان ابن حرقان واغلب شيبان العجمان اللي سوينا معهم لقاءات

[الجلمود]

لاهنتوعلى المقابله الاكثرمن رائعه

[ابو عجم]

شكراً لك اخي الكريم على هذا المقال

[الاحرش]

السلام عليكم ورحمة الله وبركاته

لاهنتوعلى المقابله الاكثرمن رائعه

[زبون المراجل]

والله الف الف نعم بالأمير خالد بن عبدالله الدامر

ولاهنتوا يا إدارتنا على اللقاء الأكثر من رائع

وشكراً على جهدكم المبذول في اللقاء

اخوكم زبون

[الاصقه]

مشكورين على الاللقاء
بس لازلنا نطالب بعمل لقا خاص مع الراويه الشيخ بداح بن حثلين

[أبو خالد العجمي]

اشكركم على هذه االلقاء الذي استفدنا منه كثيرا
وفقكم الله وســـــــدد خطـــــــاكم ونفع بـــــــــكم

[كويتي 21]

يا جماعه سالفة العجمان يرجعون للاشراف هذي ما يقدر يحددها لا هو ولا غيره , ويام معروف انها احلاف وش اللي يرجع ليام ؟ فمفروض ما تسالونه هذا السؤال وتحرجونه

[!! عـيـا الـبـخـت]

عسى الله يفرج كربتها بأسرع وقت

وجزاهم الله خير وبيض الله وجيهم