من يعرف هذه القصيدة جزاه الله خير

[النشمي01]

تحيه عطره اخواني الشعراء

من يعرف قصيدة الشاعر المشهور راشد بن جعيثن في المثاوير, يعطينا اياها جزاه الله خير للاهمية

[هند]

ياهلا بالأخ النشمي

إن شاءالله يستطيع الأخوة إفادتك

يمكن لو عطيتنا ولوبيت واحد نقدر نبحث لك عنها :)


أطيب الأمنيات
السؤدد

[ابو غالب]

النشمي

يا هلا و مرحبا بك

يا طويل العمر قصيدة المثاوير المشهوره للشاعر دواس بن رمضان الزعبي قالها في مدح المسارير من قبيلة بني هاجر

وهذي هي القصيده


ياراكبا حرا دله بالمخاضير= عليه من ني الوسامـي حويلـي

تسعين ليل من حساب المعاشير= لين استوى زين المعذر جليلي

مادارت الرفلاء عليه البواصير=من صنع ليلى زينو له رحيلي

ملفاه بيضان الوجيه المسارير= يستاهلون اللي ذراهـم ظليلـي

يا جعل يفداهم ردي المثاوير=ثارو وحابوا كل قبـا اصيلـي

جن يتبارن ما عليهن مخاسير =ما كن شد ارسانهن كل حيلـي

[النشمي01]

اخي ابو ميار
سلامة عمرك ماهذي بالقصيدة المقصوده
اعرف بعض سالفتها لكن القصيدة تأكد بعض الاحداث,,وهي يوم اخذوا عتيبه ركايب عجمان حجاج في عالية نجد ومعهم خوي عتيبي,,ويومن ما ثاروا عتيبه في ركايب دخلاهم راحوا الدخلا للشاعر راشد بن جعيثن وطلبوا فزعته وقال قصيدة عصما كلها عن الرجال الي ثاروا لوجيههم, ومنهم الدويش يوم ذبح ابن عمه بن شقير يوم اخذ ذود جده ابن حثلين,وفعلا يوم سمعوا عتيه القصيدة, ثاروا على بني عمهم وردوا ركايب دخلاهم,ارجوا ان يكون هذا التوضيح كافي لمن يعرف القصيدة من الاخوان يذكرها لنا,,وتقبلوا تحياتي