المساعد الشخصي الرقمي

مشاهدة النسخة كاملة : سولف علي !!

سند
19-04-2005, 03:38 PM
السلام عليكم ورحمة اللّه وبركاته

وبعد... القصيده ه ه ...


سولف علي يا نفحة المسك والعود ... سولف وكلمني من الراس للراس

وعطني علووم شفاك وعيوونك السود ... اللي بها فرقك مبيّـن مع الناس

يهزني طاريك لا ذعذع النوود ... هزة غصوونٍ هزها كل نسناس

انا رهين الخد والعنق والعووود ... وانا فدى قلبك من الهم والباااس

اشتاق لك والشوق من زود في زود ... شوقٍ تعداا شوق ابو دباس لدباس

وفكري وقلبي يا بعد قلبي شهوود ... اني بحبك غاديٍ (كتلة احساس)؟

واني قبل عرفك وانا سهووود ومهوود ... القلب متحجّر ... والارياق يبااااس

كم لي وانا ابذخ بذخ .. والدخل محدوود ... والناس تمشي صح .. وانا مع الساس

خفيف دم وضحكتي مالها حدود ... احيي طمووحي وارفعه واذبح الياس

وعفويتي خلتني اعيش محسووود ... في حلة الديمن وفي حلة الهاااس

شاعر واقوول ان قيل لي ماعلي زود ... (ياحمس قلبي حمس بنٍ بمحمااس)؟

واليووم مابه باب موصد ومسدوود ... يا خزنة المرجان والدر والمااااس

من جيت قمت اجوود من منبع الجوود ... حتى غدا للشعر نورٍ ونبراااس

اسلم وسلم لي على عيووونك السوود ... واقبل تحياتي من الراس للراس


وســـــلآلآمتكم...

الشاعر ; ماعرفناه ...:)

ولكم أطيب تحياتي يا أعزائي ,,,
هند
20-04-2005, 11:17 AM
أبيات رائعه أخوي الهاوي

صح لسانك ولسان شاعرها


السؤدد
كويتي
20-04-2005, 11:20 AM
لاهنت يا الغالي وتسلم يميـــنك

كويــتي
عـزام
20-04-2005, 11:44 AM
هههههههههههههههه الهاوى انت وين تعين ذا القصايد كلها مجهوله

عزالله قصيدة رائعه وتستاهل ذكر راعيها

صح الله لسان قايلها وناقلها

وتسلم يمناك لا عدمناك
محمد أبو زيد
20-04-2005, 04:11 PM
لاهنت يالهاوي على النقل ...

والقصيده شاعرها ... ( خالد الحصيّن )

تحياتي
سند
23-04-2005, 04:57 PM
السؤدد

أسعدني مروورش

وصح الله ألسانش ياطيبه


تحياتي,,,
سند
23-04-2005, 04:58 PM
كويتي

الله لايهيينك على المروور الكريم

والله يسلمك

تحياتي,,,
سند
23-04-2005, 05:00 PM
عزام

لاهنت على المروور الطيب

وشنسوي ياولد مايقوولوون الشاعر ..:)

تحياتي,,,
سند
23-04-2005, 05:15 PM
محمد أبو زيد

الله لايهيينك على المروور وعلى أسم الشاعر

تحياتي,,,
هادي الشامري
23-04-2005, 06:36 PM
انا رهين الخد والعنق والعووود ... وانا فدى قلبك من الهم والباااس

الهــــــــاوي صح لسانك ولسان قايلهااااا
سند
24-04-2005, 10:28 PM
صحت أبدانك ياهادي

وأسعدني مروورك يا الغالي

تحياتي,,,