اول مشــاركة وياليت تعجبكم

[السنـــــافية]

فى لحظة فيها جفيت وتغليت

شفت الحبيبة يوم قفى ضعنها

ماتت وهى مزعلتنى وياليت

ماكنت أنا ياناس زعلان منها

جتنى تقول اخطيت واخطيت واخطيت

جتنى كما المهرة وترخى رسنها

جت تعتذر لى عن خطاها وعييت

كنت أحسب انى بالغلا ممتحنها

واثر العمر لحظات لحظات ماوحييت

غلطت عمر منى وبادفع ثمنها

ندمان اى واللة ندمت وتمنيت

مامرنى يوم وانا بعيد عنها

ياليتنى ياليتنى قبلها ميت

ولاالزمن فينى وقف مع زمنها

ياليتنى فى هالغلا ماتماديت

ولاشفت يوم فية ذايق حزنها

ولاشفت اخوها اللى تحبة وصديت

يبكى ودمع العين غرق كفنها

أبكيتنى ياغالى عندها ابكيت

عين تراعيها وعين وطنها

ياقبرها ياليتنى ماتعنيت

صوبك وشفتك حفرة ترتهنها

ولاشفت أبوها بمنظر منة عانيت

ماشفت ابوها يوم قام ودفنها

ياقبرها وسط الثرى انت واريت

أجمل بنات الكون لاتمتهنها

أرفق بها تكفى طلبتك وناديت

أنا رجيتك ياقبر لاتغبنها

ماتت وانا عن قبرها ماتعديت

باقى عليها دام قلبى سكنها

تسألنى الذكرى عسى ماتناسيت

وشلون بنساها وانا محتظنها





منقـــــول......

[راكان اليامي]

أنـا رجيـتـك ياقـبـر لاتغبنـهـا

ماتت وانـا عـن قبرهـا ماتعديـت
ياوجدي وجداه


صح لسان قايلها وتسلم يمينش

تحياتي

[admin]

بالبدايه ارحب فيك أختي السنافيه معنا في هالمنتدى
وفعلا قصيده لها تأثير وتعبير ماهو طبيعي تسلمين علي نقلها لنا وصح لسان من قالها




ولك تحياتي

[عادل الشمري]

اللـه يسامحج يالسنافـية...

عورتي قلوبـنا بهالقصــــــيدة ....

الرائعـة ...

تسلم يمـناج لاعدمـناج ،،،

[cool]

السلااام عليكم ورحمة الله وبركاااته

ماتت وانـا عـن قبرهـا ماتعديـت
باقـى عليهـا دام قلـبـى سكنـهـا

صح لسااااانش السناااافيه وصح لسااان الشااااعر .

تسلمين ولا هنتي على الاختيااار الاكثر من راااائع.

ان شاء الله نشووف منش قصاااائد ااكثر .

كـووول

[السنـــــافية]

راكـــان اليامى


اللة يسلمــــــك واشكر مرورك

[السنـــــافية]

ابـــــو فيصل

تسلم على مرورك ومشكور على الترحيب

[السنـــــافية]

عـــادل شدعووووى عاد سلامة قلبك

ومشكور على مرورك


كوول صح بدنك

وانشاءاللة بتشوف بعد مشاركات

[بخـــــــــــوت]

باقـى عليهـا دام قلـبـى سكنـهـا

تسألنى الذكـرى عسـى ماتناسيـت

وشلـون بنساهـا وانـا محتظنـهـا



يعطيش العافيه السناافيه وحياااااش بمنتدى العجمان

[اليامي]

السنافيه

مشكوره قصيده رائعه

وفي انتظار جديدك

[السنـــــافية]

بخــــــوت

اللة يحييج ويبقيج

ومشكوورة على مرورج

[عزوف]

يعطيج العافيه يا السنافيه قصيده رائعه بس تعـــــــــــــور القلب

عاد اختج عزوف على طريف دمعتها بطرف رمشها :(

[السنـــــافية]

اللة يعافيج عزوف


لاعاد لى هالدرجة دمعتج على طريف

شكلج مالج قلبى عزى لحالج

[الرازي]

السنافية
.
.
.
اولا وسهلا بكم بالمنتدى
.
.
. مشاركة اكثر من رائعة

.
.
.
ننتظر المشاركة القادمة
.
.
. تحيااااتي
ابو عيد

[ابن مكتوم]

صح لسانش يا السنافيه ولسان قايل القصيده

[السنـــــافية]

ابو عـــــــــــــيد


هلا فيك اكثر ومشكور على مرورك

[السنـــــافية]

ابــــن مكتوم

صح بدنك

وماقصرت على مرورك