المساعد الشخصي الرقمي

مشاهدة النسخة كاملة : التتن دامـه فالدكاكيـن بشريـه & بريال والا بالف ماهـو خسـاره

حسايف
13-03-2005, 05:18 PM
التتن دامـه فالدكاكيـن بشريـه & بريال والا بالف ماهـو خسـاره
يا مهبلك يامعذربه عنـد راعيـه & من عذربه عندي بينقص وقـاره
لاجيت باخليه ما أحتلـت أخليـه & مايطرد الهاجوس كـود الزقـاره
لولاه باوسوس وبامرض وباتيـه & وتشوفني في كل شارع وحـاره
مثل الهبيل اللي يضيع البصر فيه & ياكل من الضيقه حبوب الحـراره
أنشهد انه حلـو واللـي محليـه & راعيه ماتطفي مشاهيـب نـاره
وراع الهوى غير التتن وش يسليه & خصآ ليا منعت عليـه الزيـاره
لاجيت جنبته وانا كنت ناصيـه & وحطيت من بيني وبينـه زبـاره
ومصاحبآ جيرانه اللـي حواليـه & حيلة ضعيفآ في طرفها صقـاره
وأحب ضيفة جاره اللـي يواليـه & القلب يمـه والوجـه يـم جـاره
والبر لولا البـدو مانـي مدانيـه & لخضَر مخضرآ بقلبي خضـاره
اليا خلا جال المرير ومضاميـه & بعت البداوه واشتريت الحضـاره
ولي صاحبآ يغليني إغلاي واغليه & مـن يـوم حبيتـه ودليـت داره
مـدام منطوقـه فديتـك ولبيـه & ماني مفكـر فالفقـر والتجـاره
أسمر لعل البيض تفدى مواطيـه & أموت في سكبة عضاه وسمـاره
تنشب عيوني في سنونه وأشافيـه & لبعد عن الوجه المليـح الستـاره
وعرقا على كبدي ولاقلت له ليـه & مانيب أحسد الشاطرين الشطـاره
مابيه يزعل ودي أنضر وراضيه & لو أحذف بنفسي من اطول عماره
من أول أهـذب كلامـي وأنقيـه & واليوم خاشرت الغجر فالغجـار
هاجوس قلبي مفردآ به ومعميـه & عشاي كرز ومرقـدي فالغمـاره

وسلآلآمتكم
العماني
13-03-2005, 05:21 PM
صح الله لسانك يا حسايف على ذي القصيدة الطيبه بس ما خبرتنا بالشاعر ، وانا شكلي برفع عليك قضية دايم تكتب قصايد وتنسى تكتب اسم الشاعر :D
حسايف
13-03-2005, 06:18 PM
ههههههههههه

يامرحبا يالعماني واشكررك علي مرورك

شاعرها طال عمرك مطلق الطايعي
الباشا
13-03-2005, 07:24 PM
الله يساعد كل مدخن على ترك هذا الشر
تشكرين حسايف على النقل
فيصل بن حجرف
13-03-2005, 09:27 PM
لاهنت ياحسايف على القصيده الرائعه
وصح لسانك ولسان شاعرها
سند
18-04-2005, 08:25 PM
حسايف

صح ألسانك ولاهنت


تحياتي,,,