وقـعات للدواســر

[العماني]

هذه قصة من قصص الشجاعة وقد جرت على الشيخ محمد بن حفيظ وقومه الشكره من قبيلة الدواسر.
غزا ابن حفيظ وبعض أخوياه على ست ركايب،وكان من ضمن أخوياه رجل من آل بريك من قبيلة الدواسر ايضا،وطوٌلوا في مغزاهم بحثاً عن الكسب،وعندما أرادوا أن ينكفوا (يعودون) الى أهلهم وجدوا ابل قوم معادين لهم فأخذوها فلحق بهم القوم وكان يفوقونهم بالعدد وهم آل روق من قحطان ، وكان البريكي على ذلول فقصر جهدها عن الآخرين والتقى الطرفان وعقر إبن حفيظ فرس صفرا، واستطاع أبناء الشكره أن يفكوا(حموا)انفسهم وما معهم من الكسب،وقال بهذه المناسبة محمد بن حفيظ قصيدة منها:


أنا هل الست لا والله التعاجيب = كن الركايب بنا رتَع ضواحي
لحقو أهل البل ثلاثين تقاطيب = الاد روق مروية الرماحي
يا بندقي جارك الله من التسابيب= اللي تسوقين مشخول الملاحي
كم واحدِ طاح منها يأكله الذيب = لافظ ولد الردي يبغي المراحي
في الهيج لأول ثمانِ من لصاويب = والهيج لا خر غدو برضِ سماحي
عقرات صفرا محمسة العراقيب = كله لعيناك يازين الصباحي
كله لعين البريكي بالمواجيـب=لا قصرت بكرته ما من مراحي
عاداتنا عند النظا الفطر الشيب = لا قيل يالاد صبيان الفلاحي

والمقصود بكله لعينك يا زين الصباحي هو كله لعين أخت ابن بريك موصية ٍ محمد بن حفيظ على أخوها تقول ذلوله ردية.


وسلامتكم،،،،

[راكان اليامي]

بيض الله وجهك يالعماني على ذكر القصه التي كنت ادورها من قبل سته اشهر

ولا هنت ياذيب


تحياتي

[فيصل بن حجرف]

لاهنت يالعماني وبيض الله وجهك

ولاهي غريبه على ربعنا الدواسر

وفي انتظار جديدك

تحياتي

[العماني]

راكان

ووجهك أبيض ولاهنت على الرد الطيب.

تقبل تحياتي،،

[العماني]

كاتب الرسالة الأصلية Alajman
لاهنت يالعماني وبيض الله وجهك

ولاهي غريبه على ربعنا الدواسر

وفي انتظار جديدك

تحياتي

ومن قال يا ابوعبدالله ووجهك ابيض واسمحلي على الرد المتأخر ،وماعليكم زود.

تقبل تحياتي،،

[الأدوح]

لاهنت يالعماني وبيض الله وجهك

ولاهي غريبه على ربعنا الدواسر وال ابوعلي ربع بن حفيظ

وفي انتظار جديدك

تحياتي الأدوح

[العماني]

ووجهك أبيض يالأدوح وماعليكم زود يالطيبين.

الله لايهينك على الرد اللي اسعدني.

تقبل تحياتي،،

[محمد السبيعي]

ملحمه بطوليه

لاهنت يالعمااني على هالقصه الراائعه

ورحم الله الجميع من من ماات فهم بحق رجال لن نعوضهم مهما كاان

ليت زمان اول يعوود

لاهنت يالقرم

تقبل تحيااتي

[العماني]

ولا انت يا بوجاسم وماعليكم زوود.

تقبل تحياتي،،

[محمد الغريري]

الله لا يهينك يا العماني



والشكرة ونعم فيهم والرجال مخابر





اخوك في الله


محمد الغريري

[العماني]

ومن قال يالغريري وماعليكم زود.

ولاهنت على الرد الطيب.

تقبل تحياتي،،

[محمد آل نصار]

السلام عليكم

العماني ، لاهنت وتسلم على هذه الاضافه والنعم بالشكره وبالجميع .
وبما اننا بذكر الشكره هناك قصيده نسيتها ، فأن توفرت لديكم منها :ـ
اسمه سند ومسنداً كل عايل

لكم الشكر مقدماً .


اخوكم
ابن فادر

[العماني]

كاتب الرسالة الأصلية ابن فادر
السلام عليكم

العماني ، لاهنت وتسلم على هذه الاضافه والنعم بالشكره وبالجميع .
وبما اننا بذكر الشكره هناك قصيده نسيتها ، فأن توفرت لديكم منها :ـ
اسمه سند ومسنداً كل عايل

لكم الشكر مقدماً .

اخوكم
ابن فادر

حياك الله ابن فادر واسمحلي توني اشوف ردك.أما بخصوص القصيدة التي طلبتها:
تنبأ الشيخ محمد بن حفيظ بمستقبل ابنه سند حيث حدث له موقف لافت عند أول غزوة يشارك فيها مع والده،وكان عمره ستة عشر عاماً إذ قتل ثلاثة من الخيل بطلقة واحدة فقال فيه:

إسمه سند وان الله اللي مسميه=إسمه سند ومسنّدٍ كل عايل
مخباط سندٍ يوم ربي مقدّيه=عقر ثلاث مكرماتٍ اصايل
ما قومه الا عوده اللي مربيه=ومعلمه تصويب ضرب الفصايل
ما هو لهدّات الجماعه مضرّيه=يبغاه في يومٍ يشيب الهوايل

[محمد آل نصار]

وبك البقا

لا هنت ، وتشكر على الرد الوافي ، لا هنت يالأصيل .



اخوكم

ابن فادر

[العماني]

ومن قال يا ابن فادر وتسلم على المرور

تقبل تحياتي،،

[ابو محمد]

ونعم في الدواسر

[العماني]

والنعم بحالك يا ابن عجيم ولاهنت على المرور

تقبل تحياتي،،

[سالم الدوسري]

تسلم يمناك على القصة والقصيدة
وبيض الله وجهك يالعماني

[العماني]

كاتب الرسالة الأصلية سالم الدوسري
تسلم يمناك على القصة والقصيدة
وبيض الله وجهك يالعماني

ومن قال يسلم ولا هنت أخ سالم على الرد الطيب

تقبل تحياتي،،

[واثق]

والنعم والله بالشكرة, وبآ لحفيظ, وشكرا يالعماني على هذه المعلومات.

يشهد لشجاعة الشكرة في هذه الغزوة إن قحطان يسمون آل روق (متيهة الشيخان) من فرط شجاعتهم.

[العماني]

كاتب الرسالة الأصلية واثق
والنعم والله بالشكرة, وبآ لحفيظ, وشكرا يالعماني على هذه المعلومات.

يشهد لشجاعة الشكرة في هذه الغزوة إن قحطان يسمون آل روق (متيهة الشيخان) من فرط شجاعتهم.


والنعم بحالك اخوي الواثق ولاهنت على الرد الطيب

تقبل تحياتي،،

[تاريخ العجمان]

قاموا الأتراك بغزو الدواسر وهم في الهضب وهو من منازلهم ويقال له هضب الدواسر واجهم فخذ من الدواسر وهم الخييلات وهزموهم شر هزيمة وقال شاعر المعركة :



جانا جماهيرٍ تشيل المصايـب *** وإنـا بالله وإلـي بالله مـا يخلـيـه

خيالة الشرفا مجريت كل هايـب *** وقـودٍ للحـرب لا شـب صالـيـه

الحمـد لله مانهيـب الحرايـب *** ذبحنـا الباشـه وأدوالـه تبـاريـه

سقنا عليهم البل طفاح الجنايـب *** يشهد لنا الهضب وإلـي نـازلٍ فيـه

حمر الطرابيش غدو بيننا نهايب *** بمـزرجٍ خضبـه بالـدم راعـيـه

يوم على الروم والله العجايـب *** حل المثاري وكلٍ بأجله عنـد واليـه

[العماني]

كفو بخيالة الشرفا

لاهنت يا تاريخ العجمان على ايراد هذه الوقعة وبيض الله وجهك يالقرم.

تقبل تحياتي،،،

[الـزيـر سـالـم]

لا هنت يا تاريخ العجمان على هذه القصه


وهذي ابيات للفارس هجاج بن جريس .. رحمه الله .. يفتخر بافعال ربعه في وقعة الهضب




وحنا هل الشرفا إلي ثـور الدخـان = خيالنـا فـي الـقـا يسـنـد سنـودهـا

مخاريز الرماح لابدى الشان بالشان = حتـى دولـة الـروم ذبحنـا جنـودهـا

سقنا البل نهـار الكـون مـا كـان = حمـر الطرابيـش تنسفهـم بعضـودهـا

ودلـة المولـى والباشـه عثـمـان = لجزيـرة العـرب يرسمـون حـدودهـا

سهجوا البلاديـن وبيـوت البـدوان = إلا صلـب جـدي عيـو علـى حدودهـا

تحياتي ..

[عبالرحمن العجمي]

كفو كفو والله
ماهي غريبه عليهم والله
ولاهنت يا تاريخ العجمان

[واثق]

والنعم والله بالدواسر, وما قصرت يا تاريخ العجمان.

[بورهاورس]

كفووووووووووووووووووو الدواسر ولا هي غريبه عليهم والدواسر كواسر

[سند]

تاريخ العجمان

لاهنت يا الغالي

ولاتحرمنا من جديدك


تحياتي,,,

[الباسل]

لاهنت يا تاريخ العجمان



تقبل تحياتي

[المشعل]

بسم الله الرحمن الرحيم
الله لا يهينك يالشيخ وكفو والله يالخييلات وهذي افعالهم الصغير قبل الكبير يشهد والله لا يهينك هذا الاطرأ

[@الـراسي@]

كفوووووو يا اولاااااد زاااايد مهيب غريبه

[هـــادي]

تسلم يمناك على القصة والقصيدة
وبيض الله وجهك يالعماني

[الطائر]

والله نعم بالدواااسر ,, ولكن :

آآآآ لاد روووووق وثلاثين ضد ستة ..لا والله عجيبة !!

روق تنطح قبايل ولهم شجاعة ناااادرة والله ان المصادر هي الدواء ..
لا السوالف واااجد .. لأن آآل روق لهم قصة اعدى من قصتك يالدوسري لكن الله اعلم بالصواب .. المنتديات التاريخة مثل هذا المنتدى المشهور يحتاج للمصادر ..

الا اذا كان كلا يكتب ما طرا له من السوالف ,, فهذي وجة نظر !!