ffahad
28-02-2005, 12:02 PM
فهـــــــــــــد بن عـــــــــافت الشـــــــــــــــــــــــــمري
فتنة الحـــفل زيــدي مشيتــك بختره=كل خطــوه بروق وكل لفحه صهـــيل
باقيٍ بين عقــلي والجنــون شعره=إقطعيـــها يا شينــه عاشقٍ مو هبــــــــيـل
خلِّي الأرض تاخذ شكل غير الكـــــره=خلِّي النار تاخذ رمز غير الفتــــيل
من غدى الليل شعرك قلت أنا بسهــــــره=من غدى الصبح وجهك قلت مالي مقــــــــــيـل
إرقصي بين حد الذنب والـــــمغفره=إرحلي في سكونك واسكني في الرحــــــــــيل
إرجفي كنّك الما ء فززته حجَـــــَرهْ=واثبتي كنك الفضه بعين البخــــــيل
وانحني مثل غصنٍ في طرفه ثمــــره=ووقفي مثل فزعات بدويٍّ أصــــــــيل
وانضحي علمينا كيف تقدر َمـــــــــــَرهْ=تزرع الليل صبح وتزرع الصبح لـــــــــيــل
في عيونك سوادٍ يستحــيل آخــــــــــــره=كامنٍ في بياضٍ أوله يستحــــــــــيل
واحدٍ تخزرين وما يجيك خبره=أشهد إنه عزيزٍ واشهد إنه ذليـــــل
إتركي العقد بين الجد والغشمـــــــره=يخبر الناس وش معنى جميــل بجميـــــــل
كن بالصدر ظبي عيوننا تذعــــــــــــره=ينتفض ينفض اللي ذاعرينه قبيــــــــــل
ومفرق الصدر حبات العرق تجهـــــــــــــــره=كن لك عقد در وعقد من سلسبيـــــــــــل
بينهم حسد ربي ما بعد صـــــــــــــوّره=عقد ودُّهْ يجف وعقد ودّه يســــــــــــــــيل
آه وليا لمحته مقبله مدبـــــــــــره=شفت مثلي نحـــــيلٍ زم حملٍ ثقيــــــــل
دام ذا عجز وش للناس بالمـــــــــــــقدره=دام ذا خصر وشْ لي بالخواتم بديــــــــــــــل
وسط توبٍ خيوطه صمت في ثرثــــــــــــــــــــره=به قليلٍ كثير وبه كثيرٍ قلـــــــــــــيل
كل شيٍّ بجسمك يفضحه يســــــــــــــتره=فيه فتنة قصير وفيه حشمــــــــة طويـــــــــــــل
كنه المخطي اللي يطلب المغـــــــــفره=وكنه الدامح الزلّه عن اللي يعــــــــــــــيل
في ردونه نقوشٍ لا ســـــــــــــــــــنـابل ذره=الله أعلم لو إن الريح هبت تمــــــــــــيل
كل شي ونقيضه فيك بالمســـــــــــــطره=أقرب من النفس وابعد من المســــــــــــــتحيل
كنك الكذب لكن ما حدٍ يـــــــــــــــــنكره=كنك الصدق لكن ما بيدينا دلــــــــــــــــيل
باشة الغيد زيدي مشيتك بخـــــــــــــــــــتره=لا جل أطاول بحرفي شامخات النخـــــــــــيل
شاعرٍ تلمس إيدينك على دفـــــــــــــــتره=تغرق با بسط أوزانه بحور الخلــــــــــــــيل
فتنة الحـــفل زيــدي مشيتــك بختره=كل خطــوه بروق وكل لفحه صهـــيل
باقيٍ بين عقــلي والجنــون شعره=إقطعيـــها يا شينــه عاشقٍ مو هبــــــــيـل
خلِّي الأرض تاخذ شكل غير الكـــــره=خلِّي النار تاخذ رمز غير الفتــــيل
من غدى الليل شعرك قلت أنا بسهــــــره=من غدى الصبح وجهك قلت مالي مقــــــــــيـل
إرقصي بين حد الذنب والـــــمغفره=إرحلي في سكونك واسكني في الرحــــــــــيل
إرجفي كنّك الما ء فززته حجَـــــَرهْ=واثبتي كنك الفضه بعين البخــــــيل
وانحني مثل غصنٍ في طرفه ثمــــره=ووقفي مثل فزعات بدويٍّ أصــــــــيل
وانضحي علمينا كيف تقدر َمـــــــــــَرهْ=تزرع الليل صبح وتزرع الصبح لـــــــــيــل
في عيونك سوادٍ يستحــيل آخــــــــــــره=كامنٍ في بياضٍ أوله يستحــــــــــيل
واحدٍ تخزرين وما يجيك خبره=أشهد إنه عزيزٍ واشهد إنه ذليـــــل
إتركي العقد بين الجد والغشمـــــــره=يخبر الناس وش معنى جميــل بجميـــــــل
كن بالصدر ظبي عيوننا تذعــــــــــــره=ينتفض ينفض اللي ذاعرينه قبيــــــــــل
ومفرق الصدر حبات العرق تجهـــــــــــــــره=كن لك عقد در وعقد من سلسبيـــــــــــل
بينهم حسد ربي ما بعد صـــــــــــــوّره=عقد ودُّهْ يجف وعقد ودّه يســــــــــــــــيل
آه وليا لمحته مقبله مدبـــــــــــره=شفت مثلي نحـــــيلٍ زم حملٍ ثقيــــــــل
دام ذا عجز وش للناس بالمـــــــــــــقدره=دام ذا خصر وشْ لي بالخواتم بديــــــــــــــل
وسط توبٍ خيوطه صمت في ثرثــــــــــــــــــــره=به قليلٍ كثير وبه كثيرٍ قلـــــــــــــيل
كل شيٍّ بجسمك يفضحه يســــــــــــــتره=فيه فتنة قصير وفيه حشمــــــــة طويـــــــــــــل
كنه المخطي اللي يطلب المغـــــــــفره=وكنه الدامح الزلّه عن اللي يعــــــــــــــيل
في ردونه نقوشٍ لا ســـــــــــــــــــنـابل ذره=الله أعلم لو إن الريح هبت تمــــــــــــيل
كل شي ونقيضه فيك بالمســـــــــــــطره=أقرب من النفس وابعد من المســــــــــــــتحيل
كنك الكذب لكن ما حدٍ يـــــــــــــــــنكره=كنك الصدق لكن ما بيدينا دلــــــــــــــــيل
باشة الغيد زيدي مشيتك بخـــــــــــــــــــتره=لا جل أطاول بحرفي شامخات النخـــــــــــيل
شاعرٍ تلمس إيدينك على دفـــــــــــــــتره=تغرق با بسط أوزانه بحور الخلــــــــــــــيل