المساعد الشخصي الرقمي

مشاهدة النسخة كاملة : ...=.... يعني على رأي المثل ( أعمى يقوده إمـّعه

ffahad
21-02-2005, 11:15 AM
مايتبع هروج السفيه .. بذمتي غير السفيه ...=.... يعني على رأي المثل ( أعمى يقوده إمـّعه )

تبت يدين الإمعه .. واللي معه .. تبت يديه ..=... بوق الدجل ، شيخ الجدل ، والسربه اللي تتبعه

فقيه علم البلبله ، بهلولهم ، سعـْد الفقيه ....=.... اللي يريد إصلاحنا ، أصل الفساد ، ومنبعه

تحشم سمو المملكه عن ما يقول ويدعيه .....=... من يسمع علومه ، خبل لو عاد فكر ، يسمعه

والله ولا 100 سعد ، يهزنا ، بدري عليه ....=... مازعزعوا حب الوطن .. زمرة فساد مجمّعه

حنا تحت أمر النزيه ابن النزيه ابن النزيه ....=.. اللي بذكره يحتمي بيت ، القصيد ، ومطلعه

لا قال ابو فيصل كذا .. قلنا : كذا من غير ليه ..=.... حنا الزناد اللي رفع صدره لضمة .. إصبعه

ناقف مثل صف الفشق بالمحزم اللي يرتديه ..=..... من لا ارتدع عن دارنا .. أدنى حدينا ، يردعه

الدار نخلة دونها .. سيفين ياحضرة فقيه ..=.. ( الشرع ) ثم ( آل السعود ) .. وغيرهم مانتبعه

مايتبع هروج السفيه .. بذمتي غير السفيه =. وانتم .. مثِل قول المثل .. ( أعمى يقوده إمعه )
مـحمـد
21-02-2005, 09:37 PM
اخوى فهد قصيده اكثر من رائعه حقيقة
اختيار موفق ولاهنت طال عمرك
بس ماعلمتنا من الشاعر:)
فيصل بن حجرف
22-02-2005, 02:36 AM
صح لساانك يافهد ولسان شاعرها
وكان ودنا نشوف مشاركاتك في ديوان صدى المشاعر بعد:)
ffahad
22-02-2005, 06:54 AM
اسف لعدم ذكر الشاعر ماعرفة

ومشكورين
سالم الصقور
22-02-2005, 08:09 AM
اخوى فهد قصيده اكثر من رائعه حقيقة
اختيار موفق ولاهنت طال عمرك
بس ماعلمتنا من الشاعر:)

صح لسانك ولسان الشاعر


تحياتي
عـزام
22-02-2005, 09:00 AM
يا سلالالالالالالالالام

ابيات جززززززززززله وشاعرها جززززززززل ما فيه حكى


واختيارك يا فهد دايم جزززززززززل


لا هنت يالقرم وتسلم يمناك